Пачатковая школа

Кніжка па анатоміі для малодшых школьнікаў

Настаўнікам пачатковай школы раім звярнуць увагу на кнігу Генадзя Шэршня «Навошта чалавеку галава». У лёгкай для ўспрымання форме аўтар, доктар па прафесіі, распавядае пра дзейнасць цела чалавека, яго органаў і іх сістэм. Матэрыял дапоўнены цікавымі фактамі з гісторыі біялогіі і медыцыны, выкладзены як асобныя аповеды, аб'яднаныя ў тэматычныя раздзелы. Аўтар падводзіць юнага чытача да думкі пра неабоходнасць беражлівага стаўлення да свайго арганізма, а значыць, і здаровага ладу жыцця.

«Пад сценамі старажытных замкаў"

Урок па курсе «Мая Радзіма – Беларусь» на падставе матэрыялаў Л. В. Базыльчык. Аўтар – Сыско Iрына Генрыхаўна – настаўнiца пачатковых класаў вышэйшай катэгорыi. Удзельнiца семiнараў «Настаўнiк. Школа. Грамадства», стажыровак у навучальных установах Польшчы. Кiруе гуртком «Знаўцы роднай мовы». Аўтар метадычнага дапаможнiка «Шляхi да роднай мовы» (выдавецтва «Садзейнiчанне»). Паспяхова скончыла дыстанцыйныя курсы у ЕГУ «Сучасная беларуская мова» i «Экскурсазнаўства».
Спампаваць матэрыялы (zip, 36 КБ)
Таксама можаце спампаваць прэзентацыю да ўрока (ppt, 3,9 МБ)
На старонцы нашай галерэі можна пабачыць фотаздымкі з адкрытага ўрока (12 лютага 2008 года ў 4 “Г” класе СШ № 10 г. Гродна) і музейных заняткаў.

Распрацоўкі заняткаў па прадмеце «Мая Радзіма – Беларусь»

«Па старонках гісторыі старажытнай Беларусі" (doc, 48 КБ) – гульня-віктарына. Аўтар – выхавальніца ГПД гомельскай школы №67 І. В. Кніга.
«Як помнікі воінскай славы, фарты крапасныя ўстаюць» (doc, 123 КБ) – Завочны ўрок-падарожжа па мемарыяльным комплексе «Брэсцкая крэпасць-герой», распрацаваны настаўніцай 36-й пачатковай школы г. Брэста І. І. Катоўскай
«Якой вышыні Курган Славы?» (doc, 187 КБ)- урок-роздум для вучняу 3 класа, распрацаваны Наталляй Янушэвіч
«Муры старажытных замкаў" (doc, 121 КБ)- урок для 3-га класа, распрацаваны настаўніцай мінскай школы №55 Л. В. Базыльічык.
Паводле часопіса «Пачатковая школа»

«Ветлівымі словамі трэба даражыць»

Распрацоўка ўрока ў II і III класах малакамплектнай школы. Аўтар – дацэнт кафедры псіхолага-педагагічнага забеспячэння сістэмы адукацыі Брэсцкай вобласці З. М. Кавалевіч.
Спампаваць матэрыял (doc, 74 КБ)
Паводле часопіса «Пачатковая школа»

Інтэграваны ўрок па беларускай мове

План інтэграванага ўрока па беларускай мове (4 клас, тэма “Назоўнікі другога скланення. Творным склоне”), распрацавага настаўніцамі глыбоцкай школы №3 Лідзіяй Раманчук і Алай Буцько.
Спампаваць матэрыял (doc, 468 КБ)

Першы ўрок у 2-м класе, прысвечаны беларускай мове

Вучні праз гульню ўваходзяць пасля адпачынку ў навучальны працэс, праяўляюць свае здольнасці і навыкі, адчуваюць сябе ўтульна, бо побач з імі самыя родныя людзі: не толькі аднакласкнікі і настаўнік, але і іх бацькі. І ўсе адчуваюць сябе грамадзянамі Рэспублікі Беларусь. Урок распрацаваны настаўніцай школы в. Бракава (Магілёўскі раён) Верай Сідарэнкай
Спампаваць план урока (doc, 69 КБ)

Урок «Мова – плынь часу»

Як i большасць навучэнцаў рускамоўных школ, мае вучнi сутыкаюцца са значнымi цяжкасцямi пры вывучэннi беларускамоўных навучальных дысцыплiн. Сапраўднае беларускамоўнае асяроддзе для iх звычайна адсутнiчае. Колькасць гадзiн беларускай мовы ў тыдзень мiзэрная, падручнiкi не выклiкаюць захаплення, i ў вынiку – нiзкi ўзровень валодання мовай i, больш за тое, нежаданне яе вывучаць.
Настаўніца пачатковых класаў гарадзенскай школы №10 Ірына Сыско паспрабавала стварыць умовы для пераадолення пciхалагiчнага бар'еру ва ўспрыманнi беларускай мовы вучнямi пачатковых класаў.
Арыгінальную распрацоўку ўрока «Мова – плынь часу» можна спампаваць тут (doc, 84 КБ).

Сцэнар урока пазакласнага чытання «Полацк – Радзіма маёй душы»

Урок пазакласнага чытання ў 3-м класе па творчасці Уладзіміра Арлова. Праграма занятка складзеная дацэнтам кафедры беларускай і рускай моў з методыкай выкладання Брэсцкага дзяржаўнага універсітэта імя А. С. Пушкіна Г. М. Канцавой.
Спампаваць файл (doc, 529 КБ)Паводле часопіса «Пачатковая школа»

Матэматычны фальклор

Складальнік Алесь Лозка
Рэкамендуецца для выкарыстання настаўнікам першых класаў і педагогам-дашкольнікам.
У гэтым выданні ў дапамогу педагогу прапануюцца блізкія і натуральныя ў дзіцячым асяроддзі традыцыйныя сродкі народнай педагогікі, правераныя дзесяцігоддзямі: лічылкі, калыханкі, дражнілкі, песенькі, жарты, казкі, прыказкі, прымаўкі, прыкметы, фраземы, загадкі, загадкі-задачы, гульні, святы…і нават замовы. Як лепшыя здабыткі вуснай народнай творчасці, яны годна паслужаць справе вобразнага мыслення. Здатнейшага настаўніка, чым лічылкі і гульні-забавы ў развіцці колькасных уяўленняў, паспрабуйце знайсці. А мудрэй самых прыказак, загадак, загадак-задач у набыцці пачаткаў лагічнага мыслення, бадай, не бывае. Казка любога зачаруе, прывабіць, песня і гульня развесяляць і ў той жа час нязмушана дадуць патрэбную суму навыкаў і ведаў.
Дапаможнік цалкам

Да выкарыстання беларускіх прыказак і прымавак у пачатковай школе.

Туболец Святлана Рыгораўна,
выкладчык кафедры сацыяльна-педагагічнай работы, ВДУ імя П.М.Машэрава
Нацыянальная адукацыйная сістэма заклікана адрадзіць страчаныя духоўныя каштоўнасці беларускага народа. Беларусы павінны ганарыцца сваёй мовай, звычаямі, традыцыямі, дасягненнямі. Таму мы лічым неабходным звярнуцца да каштоўнасцей, захаваных беларускай народнай педагогікай. Мудрасць народа зафіксавана, у прыватнасці, у прымаўках і прыказках, свайго роду скарбонках жыццёвага вопыту пакаленняў. Яны з даўніх часоў прысутнічаюць ў практыцы перадавых педагогаў, што карысталіся дыяментамі народнага розуму, уключалі іх ў свае кнігі...
Артыкул цалкам