Адукацыйны інтэрнэт-рэсурс «Школьная фізіка ад Саковіча»

Прапануем вам пазнаёміцца з сайтам, распрацаваным настаўнікам Магілёўскага дзяржаўнага абласнога ліцэя № 1 Аляксандрам Саковічам.

На старонках можна знайсці электронныя версіі каталогпў часопіса «Фiзiка: праблемы выкладання», газеты «1 верасня. Фізіка», актуальныя артыкулы, датычныя пазакласнай і даследчай працы, іспытаў нарматыўныя дакументы.
Таксама змешчаны спіс кніг, электронную версію якіх можна знайсці ў Інтэрнэце, звесткі аб камп’ютэрных праграмах на дысках, аўтарскі рознаўзроўневы дыдактычны матэрыял і багата іншага.

На кожнай старонцы сайта ёсць магчымасць пакінуць каментарыі да матэрыялаў.

Адрас сайта – www.alsak.ru


Каментаваць

Раім звярунць увагу

Рыгор Барадулін. “Выпаў грук у грома з рук”. Вершы, загадкі, Лапатушкі, цвялілкі, Бубнілкі, пацешкі. Мінск, “Радыёла-плюс”, 2008. Ідэя, канцэпцыя, укладанне Уладзіміра Сіўчыкава. Мастак Алена Карповіч. Для дашкольнага і малодшага школьнага ўзросту. — 160с. Чытанка адрасуецца дзеткам, іх мамулям і татулям, бабулям і дзядулям, выхавацелькам і настаўніцам.



Каментаваць

Конкурс «Беларускі настаўнік 2009 года»

Таварыства беларускай школы абвяшчае конкурс для беларускамоўных педагогаў усіх тыпаў адукацыйных і выхаваўчых устаноў (ад дашкольных да каледжаў), акрамя ВНУ, са стажам працы не менш за тры гады. На кандыдата конкурса запаўняецца анкета рэкамендуючай арганізацыі, установы, або самім педагогам і дасылаецца да 1 сакавіка 2009 году на адзін з адрасоў: tbskoly@tut.by; 220051 Мінск, вул.Громава, 38–21. Лозку А.Ю. Могуць дадавацца іншыя матэрыялы, што падцвярджаюць высокія вартасці кандыдата. Пры неабходнасці журы ТБШ можа наведаць установу канкурсанта.

Конкурс будзе асвятляцца ў прэсе і на нашым сайце. Даведкі па тэл. 8029–7520821.

Задачы конкурса:

• маральная падтрымка беларускамоўных педагогаў адукацыйных устаноў;

• прыцягненне ўвагі грамадскасці да праблем роднамоўнага выкладання і выхавання ў базавых і сярэдніх школах, дашкольных і пазашкольных установах, ліцэях, гімназіях і каледжах;

• фармаванне грамадскай думкі аб прэстыжнасці навучання па-беларуску;

• аб’яднанне беларускамоўных педагогаў, спрыянне іх супрацоўніцтву, абмену досведам працы, арганізацыі супольных праектаў і інш.

Крытэрыі вызначэння пераможцаў конкурса:

• выкладанне па-беларуску дысцыпліны ці правядзенне выхаваўчай працы на роднай мове;

• прафесіяналізм і наватарства, творчасць і навуковасць;

• аўтарытэт сярод калег, бацькоўскай грамадскасці і навучэнцаў;

• высокая грамадзянская пазіцыя.

Усе дастойныя кандыдаты будуць адзначаныя дыпломамі ТБШ, асобна будуць ганараваны тры пераможцы-лаўрэаты ў красавіку 2009 г.

Нагадваем, летась ТБШ праводзіла конкурс «Беларускі настаўнік 2007 года» для беларускамоўных настаўнікаў Мінска і Мінскай вобласці. Пермаможцамі сталі настаўнікі Міхась Тычына з Мінска, Наталля Ільініч з Талькі, Галіна Дрокіна з Мададзечна; Антаніна Абрамовіч з Мётчаў (Барысаўскі р-н).
Сёлета ўдзельнічаць у конкурсе могуць настаўнікі з усёй Беларусі.


Каментаваць

Агляд адукацыйных навінаў

– Заробкі педагогам не панізілі, а падвысілі. Проста яны гэтага не зразумелі >>>

– Гульні з адукацыяй: адкат у пячорнае стагоддзе >>>

– Электронныя версіі падручнікаў на II паўгоддзе гатовыя >>>

– У праект Кодэкса аб адукацыі занесеныя змены ў сувязі з пераходам на 11-гадовы тэрмін навучання >>>

– Украінскія выпускнікі будуць здаваць тэст на здольнасць атрымліваць вышэйшую адукацыю? >>>

– Беларускім студэнтам і навучэнцам падвышаныя стыпендыі >>>

– Электронныя падручнікі ў школе: афіцыйна і неафіцыйна >>>

– Мінадукацыі стымулюе абітурыентаў на выбар спецыяльнасцяў сельгаспрофілю >>>

– У Беларусі адбудзецца алімпіяда па інтэрнэт-тэхналогіях >>>

– 11 снежня Міністэрства адукацыі Украіны апублікавала распрацаваныя ім папраўкі да Закону аб вышэйшай адукацыі >>>



Каментаваць

Новае на сайце

Метады навучання асновам журналістыкі

Дадзеныя метадычныя рэкамендацыі – вынік аналізу працы гуртка «Асновы агульнай і тэлевізійнай журналістыкі" пры дзіцяча-юнацкай тэлестудыі Мінскага дзяржаўнага палаца дзяцей і моладзі (ДЮТ МДПДіМ) пад кіраўніцтвам Наталлі Валер'еўны Падабед .

У метадычных рэкамендацыях разгледжаныя асноўныя тэарэтычныя пытанні і праблемы, з якімі часцей за ўсё сутыкаюцца кіраўнікі гурткоў і школьных прэс-цэнтраў пры правядзенні заняткаў па асновах журналістыкі, а таксама прадстаўленыя прыклады практычных заняткаў, якія дапамагаюць найболей эфектыўна вырашаць дадзеныя праблемы.

Адрасаваныя кіраўнікам гурткоў журналістыкі, прэс-цэнтраў пазашкольных устаноў і школ.

Спампаваць тут (doc, 115 КБ)

Каментаваць

Культурніцкі абмен для маладых творцаў

1–5 сакавіка 2009 году ў Берліне і Дрэздэне адбудзецца культурніцкі абмен. Нямецкае студэнцкае таварыства «Лагода» запрашае да ўдзелу маладых беларусаў, якія займаюцца мастацтвам у розных праявах.

Візыт уключае ў сябе экскурсіі, наведванне вядомых культурных цэнтраў, артыстычных салонаў, музеяў, галерэяў, сустрэчы з нямецкай творчай моладдзю (напрыклад, знаёмства і сумесны майстар-клас з берлінскай тэатральнай групай).



Чытаць далей/Каментаваць

Агляд адукацыйных навінаў

– Аднаўляецца кніжная серыя «Школьная бібліятэка» >>>

– Гарадзенскі дзяржаўны універсітэт будзе рыхтаваць бармэнаў >>>

– Брытанскія педагогі выступаюць супраць іспытаў >>>

– У школах прапаноўваюць увесці ўрок па наркалогіі >>>



Каментаваць

Краязнаўчы сайт Гомеля і Гомельшчыны

Прануем завітаць на новы і адметны краязнаўчы сайт, створаны гомельскай суполкай «Талака». На старонках можна знайсці багата інфармацыі на разнастайныя тэмы, датычныя гісторыі, культуры, мовы і сучаснага жыцця Гомельскага краю.


Асаблівую ўвагу варта звянуць на адмысловую старонку для настаўніка, дзе размешчаны матэрыялы па гісторыі Гомельшчыны часоў Вялікага Княства Літоўскага і Рэчы Паспалітай, сцэнары краязнаўчых гульняў ды інш.

Адрас сайта – http://nashkraj.info.



Каментаваць

Новы год у Гомелі

Дзед Мароз (Святы Мікалай) і яго сябры павіншуюць Вас і вашых дзетак з Калядамі і Новым годам.

Весела, яскрава, па-беларуску! Песні, скокі, гульні, загадкі.

Тэл. (029)3296196, 6562229, 711784.


Паводле nashkraj.org

Конкурс эсэ для гомельцаў

ГМКГА “Талака” абвяшчае конкурс творчых работ “Чалавек, якім я ганаруся”. Удзельнікам конкурса прапануецца распавесці пра чалавека, які выклікае павагу і захапленне. Героем эсэ можа быць як вядомы, так і невядомы чалавек, які нарадзіўся ці жыў на Гомельшчыне.

Аб’ём творчай працы павінен быць не менш за 1 стандартную старонку друкаванага тэкста. Да разгляду прымаюцца толькі арыгінальныя працы. Да ўдзелу ў конкурсе запрашаюцца ўсе ахвотныя. Усе ўдзельнікі конкурса атрымаюць памятныя сувеніры ды падарункі, а галоўны пераможца – мабільны тэлефон.

Просьба дасылаць работы да 16.01.2009 на адрас talaka08@gmail.com. Гэты e-mail абаронены ад спам-ботаў. Для яго прагляду ў вашым браўзэры павінна быць уключаная падтрымка Java-script.

Усе работы будуць размешчаны на гомельскім краязнаўчым сайце http://nashkraj.info..

Разам з творчай работай неабходна даслаць наступныя звесткі:

• імя і прозвішча (па жаданні – нікнэйм),

• поўная дата нараджэння,

• зваротны электронны адрас,

• пажадана кантактныя тэлефоны

Даведкі па тэлефоне 3416694(velcom), 5660665(MTS) Ларыса Шчыракова


Каментаваць

Летння адукацыйная школа ў Галандыі

Універсітэт у г.Утрэхт абвяшчае набор на штогадовую летнюю школу. Праграма будзе насычаная адукацыйнай часткай па розных профілях: культура, сацыялогія, мовы, навука, права, эканоміка і інш., за выкананне якіх можна атрымаць акадэмічныя крэдыты. Удзеьнікаў чакаюць спартовыя спаборніцтвы, экскурсіі, фестывалі.

Утрэхтская летняя школа будзе праходзіць цягам ад аднаго да шасьці тыдняў.

За падрабязнай інфармацыяй і тэрмінамі сачыце праз сайт www.utrechtsummerschool.nl

Паводле рассылкі belngo.info


Каментаваць

Таварыства беларускай школы ладзіць калядныя рэйды па школах
Урачыстыя віншаванні з Калядамі і Новым годам ад імя Таварыства беларускай школы першымі атрымалі сёння настаўнікі беларускамоўнай сярэдняй школы №60 і гімназіі №14. Павіншаваць настаўнікаў са святамі прыехалі старшыня аганізацыі Алесь Лозка і яго намесніца Тамара Мацкевіч.
Кожная школа атрымала ў падарунак набор метадычнай, мастацкай і гістарычнай літаратуры, дыскі, беларускія сувеніры. Лепшыя настаўнікі былі асабіста ўзнагароджаныя ганаровымі дыпломамі ТБШ за ўнёсак ў развіццё беларускамоўнага навучання і адмысловымі настаўніцкімі кубкамі ад сайта Nastaunik.info. Акрамя таго, яны атрымалі падарункі ад агульнанацыянальнай кампаніі «Будзьма!»
"Ідэя каляднага віншавання ўзнікла некалькі месяцаў таму. Мы хацелі хоць крыху ўзняць настрой нашым настаўнікам, замучаным бясконцымі рэформамі і праверкамі, а таксама нагадаць, што існуюць арганізацыі, якія створаныя не для таго, каб кантраляваць настаўніка, а каб дапамагаць яму," – зазначыла Тамара Мацкевіч. Алесь Лозка дадаў, што ў бліжэйшы час плануецца наведаць усе беларускамоўныя школы і садкі Мінску.
Да фармавання падарункаў школам далучыліся грамадскае аб'яднанне «Цэнтр Супольнасьць», Згуртаванне беларусаў свету «Бацькаўшчына», кампанія “Будзьма” і аб'яднанне бацькоў з Беласточчыны «АБ-БА».
Фотарэпартаж глядзіце тут

Маладзёжны конкурс эсэ «Як уласны бізнес можа змяніць маё жыццё»
Маладзёжнае грамадскае аб'яднанне «Азбука прадпрымальніцтва» і партал «Цэнтр фінансавай адукацыі" аб'явілі конкурс эсэ «Як уласны бізнес можа змяніць маё жыццё». Як паведаміла старшыня МГА «Азбука прадпрымальніцтва» Марына Гаеўская, мэта конкурсу — спрыяць фарміраванню станоўчага іміджу прадпрымальніцтва сярод маладых людзей Беларусі. Удзельнікам ва ўзросце ад 16 да 23 гадоў прапануецца выкласці ў форме эсэ свае погляды і ўяўленні пра ідэю стварэння ўласнага бізнесу, значнасць праекта ў дасягненні мэтаў тысячагоддзя, і пра тое, якім зменам у жыцці грамадства можа садзейнічаць рэалізацыя бізнес-праекта. На конкурс прымаюцца толькі індывідуальныя сачыненні. Эсэ павінны быць накіраваныя на разгляд экспертнай камісіі конкурсу да 20 студзеня 2009 года па электроннай пошце сoncurs@abcenter.by з пазнакай «Конкурс эсэ».
Асноўнымі крытэрыямі ацэнкі работ з'яўляюцца змястоўнасць тэксту, шчырасць, арыгінальнасць рашэння, кругагляд аўтара. Першыя дзесяць удзельнікаў конкурсу атрымаюць дапаможнік «Асновы прадпрымальніцкай дзейнасці для моладзі".
Пераможцамі конкурсу прызнаюцца аўтары трох лепшых работ. Іх узнагародзяць каштоўнымі прызамі ад партнёраў конкурсу. Спецыяльнага прыза таксама будзе ўдастоены аўтар самай арыгінальнай ідэі.
Паводле БелаПАН
Каментаваць

Новыя матэрыялы па беларускай  мове і літаратуры на сайце Нацыянальнага інстытуту адукацыі
На сайце adu.by Настаўнікам беларускай мовы і літаратуры прапануюцца  наступныя творы:
Мрый «Запіскі Самсона Самасуя»;
Я. Баршчэўскі «Плачка», «Сын Буры»;
М. Зарэцкі «Ворагі", «Кветка пажоўклая»;
П. Броўка «Будзем сеяць, беларусы!», «Надзя-Надзейка», «Родныя словы», «Александрына», «Вось і лета сышло», «А ты ідзі..»;
М. Танк «Працягласць дня і ночы»;
А. Макаёнак «Зацюканы апостал»
Спампаваць тут
І яшчэ
Дадатковы матэрыял да ўрокаў беларускай мовы  ў 2 класе агульнаадукацыйных устаноў з рускай мовай навучання
(урокі 33–45)
Спампаваць тут

Беларуская навучэнка перамагла ў «Дэбатах»

Марыяна Мірчук разам са сваёй камандай заняла ІІІ месца на міжнародным турніры па інтэлектуальнай гульні “Дэбаты”, які прайшоў у Чарнагорыі. У турніры ўдзельнічалі нацыянальныя зборныя каманды з 8 краін, а таксама з міжнароднага каледжа, дзе навучаецца Марыяна. А далучылася дзяўчына да “Дэбатаў” у Светлагорску (Гомельская вобласць).

Як распавяла Марыяна, “Дэбаты” – гэта гульня, дзе спаборнічаюць два бакі, якія адстойваюць розныя погляды на адну і тую ж праблему. У многіх краінах “Дэбаты” папулярныя сярод старшакласнікаў і студэнтаў. У кожнай камандзе – па 3 ўдзельнікі. Зараз Марыяна навучаецца ў Каледжы міжнароднай супольнасці ў г. Мостар (Боснія і Герцагавіна). Разам з беларускай у яе камандзе выступілі навучэнцы Клэр Чан-Кэй Ман з Кітаю і Себасцьян Дэбрувэр з Бельгіі.

На турніры ўдзельнікі адстойвалі альбо абвяргалі сцвярджэнні “Рэлігійныя святы не мусяць прызнавацца дзяржавай”, “Глабалізацыя стварае галечу” і “Элітарны турызм прыносіць больш карысці, чым масавы”. Па словах Марыяны, ніхто не чакаў, што яе каманда, якая прыехала на турнір “паглядзець і навучыцца”, пройдзе ў фінал і апярэдзіць многія нацыянальныя зборныя, якія маюць вялікі досвед удзелу ў “Дэбатах”.

“Дэбаты” маюць сваёй мэтай навучаць культуры дыскусіі, што асабліва карысна для грамадска-актыўнай моладзі. У Светлагорску М. Мірчук удзельнічала у маладзёвай суполцы Таварыства беларускай мовы імя Ф. Скарыны. 2 гады таму дзяўчына ўпершыню выступіла ў “Дэбатах”, якія ў светлагорскім цэнтры пазашкольнай працы праводзяць студэнты са Славакіі.



Каментаваць

Агляд адукацыйных навінаў

– Дзяржаўныя i прыватныя эксперты абмеркавалi праблемы адукацыi дарослых
>>>

– Дырэктары баранавіцкіх школаў адкажуць за кароткія перапынкі
>>>

– Брытанскую настаўніцу звольнілі за праўду пра Санта Клаўса >>>

– Будзем сумленнымі: ці ўсё ладна з тэстамі? >>>

– Набор абітурыентаў на медыцынскія спецыяльнасці будзе павялічаны >>>

– Чые школьнікі чытаюць лепш? >>>

– Школу экалагічнага актывіста ў Беларусі будуць ладзіць штогод
>>>



Каментаваць

Новае на сайце

Бюлетэнь «Настаўнік.info» №7

У новым выпуску настаўніцкага бюлетэня вы знойдзеце вяікі артыкул Тамары Мацкевіч, прысвечаны школьным сайтам. Сёння большасць школ маюць свае старонкі, створаныя ці то з уласнай ініцыятывы, ці для атрымання пэўных дывідэнтаў ад начальства за «прасоўванне інфармацыйных тэхналогій». Але ці здольныя стваральнікі школьных сайтаў глянуць далей за напрацаваныя шаблоны і расійскія напрацоўкі?

Аб гэтым і іншым чытайце ў новым нумары тут


Каментаваць

“Вечны вандроўнік” зноў у вандроўку

Перасоўная выстава “Вечны вандроўнік”, арганізаваная сябрамі суполкі “Пагоня” ў гонар 120-годдзя Язэпа Драздовіча, 24 снежня пераедзе з Мінску ў музейны комплекс Напалеона Орды вёскі Варацэвічы, што ў Брэсцкай вобласці. Выстава ладзіцца ў межах кампаніі “Будзьма!”.

На ёй будуць прадстаўленыя ўжо вядомыя мінчукам карціны Аляксея Марачкіна, Ігара Марачкіна, Міколы Купавы, Яўгена Шатохіна, Міколы Аўчыннікава. З новых твораў экспазіцыі гледачы змогуць убачыць карціны Янкі Рамановіча, Уладзіміра Рамейкі, Алеся Фалея.


Урачыстае адкрыццё пачнецца а 15.00.

Выстава будзе доўжыцца цягам месяца, пасля чаго пераедзе ў Ліду.

Паводле budzma.org



Каментаваць

20-я Міжнародная летняя школа па правах чалавека

Хельсінкскі Фонд па Правах Чалавека аб'яўляе набор на 20-ю Міжнародную летнюю школу па правах чалавека, якая будзе праходзіць у Варшаве-Мядзешыне з 20 па 27 чэрвеня 2009 году.

Да ўдзелу ў школе мы запрашаем актывістаў праваабарончых няўрадавых арганізацый, супрацоўнікаў ВНУ, а таксама прадстаўнікоў органаў публічнай улады і ўстаноў, што вядуць дзейнасць, звязаную з правамі чалавека, з краін Цэнтральнай і Усходняй Еўропы і СНД, якія раней не прымалі ўдзел ў летніх і зімовых школах па правах чалавека, арганізаваных Хельсінкскім Фондам па Правах Чалавека. Кандыдаты павінны мець вышэйшую адукацыю або быць на апошнім курсе ў вышэйшай навучальнай установе. У нашу праграму ўключаныя лекцыі і практычныя заняткі па тэмах: гісторыя і філасофія правоў чалавека, унутраныя і міжнародныя сістэмы абароны правоў чалавека, а таксама некаторыя асобныя правы.

Лекцыі будуць праводзіцца вядомымі прафесарамі і экспертамі ў галіне правоў і міжнароднага права.

Чытаць падрабязней



Каментаваць

“Палёт над горадам”. Экскурс па Віцебску.

МГА “Гісторыка” і кампанія “Будзьма” запрашаюць на пешую вандроўку па Віцебску.

Мы наведаем: гістарычны цэнтар гораду, Добравешчанскую царкву, сквер 1812 года, Успенскі сабор, ратушную плошчу...

Экскурсія адбудзецца 21 снежня.

Збіраемся ля ўвахода ў гарадскую ратушу ў 12:00.

Будзем радыя бачыць Вас!


Паводле budzma.org



Каментаваць

БЕЛАРУСКАЯ ЯЛІНКА Ў МІНСКУ
Супольнасць “Нашыя дзеткі”, гурток “Праменьчык” і тэатр “Жывое Слова” запрашаюць дзетак і іх бацькоў на «БЕЛАРУСКУЮ ЯЛІНКУ».
Мерапрыемства адбудзецца 27 снежня (субота) у 13:00 ў Палацы дзяцей і моладзі на Старавіленскім тракце, 41, г. Мінск (корпус Б, 2 паверх, уваход з боку возера), праезд ад ст.м. Плошча Перамогі аўтобусам №142.
Для ўдзелу неабходна папярэдне самазапісацца праз форум www.dzietki.by  альбо паведаміць на E-mail: n.dzietki@yahoo.com  Дарослыя могуць па жаданні падрыхтаваць для дзіцяці падарунак у непразрыстай абгортцы і падпісаць яго вялікімі літарамі.
Дадатковую інфармацыю можна атрымаць ў Крысціны (029) 632 27 43, skype: kryscina, ICQ: 353 181 833 (пажадана ў непрацоўны час) альбо Вольгі (017) 292 31 85, skype: mazurava.
Каментаваць

Рэцэпт кактэйлю творчага росту

Вы калі-небудзь атрымлівалі асалоду ад ад працы ў калектыве аднадумцаў? Ці здаралася Вам адпачываць у намётах на ўлонні прыроды? Вы заўважалі, як калышуцца зоркі, на воднай роўнядзі ракі?
Калі на ўсе пытанні Вы адказалі «НЕ», то можаце не губляць час на чытанне гэтага артыкула. Але калі ўсё ж Вы вырашыцеся яго прачытаць, тады, хутчэй за ўсё, Вам што-небудзь, ды спадабаецца.

Артыкул Аляксандра Плятнёва, размешчаны на сайце www.PARTAinter.net, аб летніку настаўнікаў фізікі «Альхоўка-2008» чытайце тут

Інфармацыйна-адукацыйны сайт “Alma Mater”

Прапануем вам звярнуць увагу на сайт “Alma Mater”. На старонках размешчаныя аўтарскія артыкулы, агляды навінаў адукацыі ў Беларусі і за мяжой, пытанні заканадаўства, адукацыі і бізнэсу, нарошчвання інтэлекту.

Адрас сайта – http://am.zoomby.org/



Каментаваць

Новае на сайце

Прэзентацыі «Даследчая дзейнасць вучняў"

Прапануем вам азнаёміцца з серыяй прэзентацый па фізіцы, прысвечаных арганізацыі даследчай дзейнасці вучняў, а таксама канкрэтным прыкладам правядзення вучэбных даследаванняў у школе. Значная частка прэзентацый, прысвечаная высока ўзнятай праблеме энергазберагання, дапаможа сучасным дзецям зразумець, што эканомія выяўляецца не толькі ў выглядзе надакучлівай сацыяльнай рэкламы, але ў канкрэтных грашовых сумах.

Прэзентацыі былі прадстаўленыя ў сёлетнім летніку «Альхоўка-2008»

Спампаваць тут (zip, 2,32 МБ)



Каментаваць

Cтыпендыі на навучанне ў Чэхіі, Венгрыі, Польшчы і Славакіі

У 2009 годзе Міжнародны Вышэградзкі Фонд рэалізуе спецыяльную праграму для Беларусі. Праграма прапаноўвае беларускім студэнтам і навукоўцам 80 семестраў навучання ў любым дзяржаўным ці прыватным унівэрсытэце краінаў Вышэградзкай Групы. Кожны ахвотны можа падаць заяўку на ўдзел у адукацыйных праграмах Master's ці Post-Master's (аспірантура) тэрмінам ад 1 да 4 семестраў.

Навучанне адбываецца на ангелійскай мове. Адабраныя кандыдаты атрымаюць стыпендыю ў памеры 2.500 еўра ў семестр.

Апошні тэрмін падачы заявак: 31 студзеня 2009 г.

Дадатковую інфармацыю глядзіце на сайце www.visegradfund.org

Паводле belngo.info



Каментаваць

Скаўцкі летнік у Польшчы

Аб’яднанне польскіх скаўтаў прапануе валантэрства ў летніку 10-ці зматываваным асобам. Летнік адбудзецца ў ліпені-жніўні 2009 году на беразе возера ці ў лесе ў цэнтральнай частцы Польшчы і працягнецца 5–6 тыдняў. Валантэры будуць арганізоўваць спартовыя і інтэрактыўныя гульні, артыстычныя майстар-класы і музычныя вечарыны, дні нацыянальных культур, дапамагаць даглядаць за дзецьмі і вучыць іх мове, а таксама навыкам, якімі самі валодаюць.

Падрабязную інфармацыя па-англійску глядзіце ў файле invitation_to_zhp.

Для ўдзелу ў праграме неабходна даслаць жыццярыс і матывацыйны ліст на адрас: semperavanti.evs@gmail.com


Паводле belngo.info



Каментаваць

Выставы ў гонар Язэпа Драздовіча і Вінцэнта Дуніна-Марцінкевіча

Адкрыццё дзвюх мастацкіх выставаў, прысвечаных 200-годдзю з дня нараджэння класіка беларускай літаратуры Вінцэнта Дуніна-Марцінкевіча і 120-годдзю з дня нараджэння мастака, паэта, кампазітара і фалькларыста Язэпа Драздовіча адбылося ўчора ў Палацы мастацтва.

На выставе, прысвечанай Дуніну-Марцінкевічу, прадстаўленыя партрэт пісьменніка, напісаны Аляксеем Марачкіным, літаграфія “Пінская шляхта” Уладзімера Савіча, серыя карцін Міколы Купавы з выяўленнем паўстання 1863 года, Кастуся Каліноўскага і Дуніна-Марцінкевіча і шмат іншых.

Сярод карцінаў, напісаных у гонар Язэпа Драздовіча, – творы Аляксея Марачкіна, Ігара Марачкіна, Яўгена Шатохіна, Міколы Аўчыннікава.

Абедзве выставы прадоўжыцца да 21 снежня.

budzma.org



Каментаваць

Агляд адукацыйных навінаў

– ВНУ гатовыя знізіць кошт навучання, але Мінадукацыі супраць>>>

– Каля 80% беларускіх школ плануецца забяспечыць шырокапалосным высакахуткасным доступ у інтэрнэт >>>

– Мінадукацыі: кожны вучань мусіць мець свой ноўтбук >>>

– Уступныя экзамены сталi лягчэйшымi
>>>

– Акадэміі паслядыпломнай адукацыі прапаноўвае ўвесці сертыфікат па выкарыстанні інфармацыйных тэхналогій для прасоўвання па службе і праходжанні атэстацыі>>>

– Пра БРСМ у школе – або добра, або нічога >>>

– Вясковыя настаўніцы дабіраюцца да школы аўтастопам >>>



Каментаваць

Інтэлектуальнае падарожжа ў Воршу

14 снежня у Воршы ў межах кампаніі “Будзьма!” адбудзецца прэзентацыя Збору твораў Адама Станкевіча «З Богам да Беларусі». У імпрэзе прымуць удзел паэт Андрэй Хадановіч, гісторык Алесь Пашкевіч, рэдактар часопісу “ARCHE” Валер Булгакаў і пісьменніца Наталка Бабіна.

Пачатак а 19.00.

Кантактны тэлефон 717–88–92 (Юры)

budzma.org



Каментаваць

Конкурс творчых работ «Правы чалавека – гэта...»

У дзень правоў чалавека Прадстаўніцтва ААН у Беларусі сумесна з рэстубліканскім праваабарончым грамадскім аб'яднаннем «Беларускі Хельсінскі Камітэт» абвесцілі аб правядзенні конкурсу творчых працаў (малюнкаў, калажаў, фатаздымкаў і да т.п.) «Правы чалавека – гэта....».

Мэты конкурсу – пашырэнне ведаў і разумення палажэнняў Усеагульнай дэкларацыі правоў чалавека, агучаных у ёй каштоўнасцяў ды прынцыпаў павагі, абароны правоў чалавека сярод дзяцей і моладзі, прыцягненне ўвагі да праблемы правоў чалавека ў сучасным свеце.

Удзельнікам конкурсу прапануецца ў мастацкай форме працягнуць фразу «правы чалавека – гэта....» – адлюстраваць сваё разуменне таго, што такое правы чалавека ў цэлым (альбо асобныя свабоды) і што яны значаць у жыцці.




Чытаць далей/Каментаваць

Увага! Выстава ў навукова-педагагічнай бібліятэцы адмененая.

Прэзентацыі выданняў, інфармацыйных і метадычных рэсурсаў, якая была раней запланавана на 12 снежня 2008 г.у 15.00 у Навукова-педагагічнай бібліятэцы не адбудзецца з тэхнічных прычынаў.
Аранізатары  ІV Тыдня Нефармальнай адукацыі  прыносяць свае выбачэнні.

Падведзеныя вынікі фотаконкурсу Беларускага Дому правоў чалавека
 10 снежня былі падведзеныя вынікі конкурсу на найлепшую фатаграфію, якая ілюструе ажыццяўленне якога заўгодна права ці свабоды чалавека ў Беларусі. Конкурс быў арганізаваны Беларускім Домам правоў чалавека і прысвечаны 60-годдзю з дня прыняцця Усеагульнай дэкларацыі правоў чалавека.

У выніку працяглых дыскусій і абмеркаванняў, пераможцамі конкурсу сталі:
1. У намінацыі “Найлепшае прафесійнае фота” – Андрэй Лянкевіч з працай “Жанчыны збіраюць журавіны” (Артыкул 23. 1. Усеагульнай дэкларацыі правоў чалавека: Кожны чалавек мае права на працу, на свабодны выбар працы, на справядлівыя і спрыяльныя ўмовы працы і на абарону ад беспрацоўя.).
2. У намінацыі “Найлепшае аматарскае фота” – Вольга Тарасенка з працай “Дзіцё з мамай” (Артыкул 25.2. Усеагульнай дэкларацыі правоў чалавека: Мацярынства і маленства даюць права на асаблівае апекаванне і дапамогу. Усе дзеці, народжаныя ў шлюбе ці па-за шлюбам, павінны карыстацца аднолькавай сацыяльнай абаронай.)
Больш падрабязна на сайце  Беларускага Дому правоў чалавака

Каментаваць

Выстава гістарычнага партрэту ў Мінску

8 снежня ў новым корпусе Нацыянальнага мастацкага музея Рэспублікі Беларусь адкрылася экспазіцыя «Гістарычны партрэт Беларусі XVI–XIX стагоддзяў», у якой прадстаўленыя 47 партрэтаў з збору музэя. 23 з іх у сталую экспазыцыю ўключаныя ўпершыню.

Сярод іх такія ўнікальныя творы, як Партрэт Лізаветы Сьцюарт, дачкі караля Ангельшчыны Якава I Сьцюарта, напісаны жывапісцам Маркусам Герартам (1561–1635) каля 1618 году; Партрэт Януша Радзівіла (1612–1655), падкаморца Вялікага Княства Літоўскага, напісаны каля 1634 году мастаком Барталамеем Стробелем; Партрэт Уладзіслава Даменіка Заслаўскага Астрожскага, ваяводы кракаўскага, таксама прыналежны пэндзлю Стробеля; партрэты Марыі Казіміры Сабескай, жонкі караля Яна Сабескага, і Кацярыны Сабескай, сястры караля і інш.

Выстава працуе ў новым корпусе Нацыянальнага мастацкага музея па вул. Леніна, 20.

Паводле budzma.org



Каментаваць

Традыцыя Калядаў на гарадзенскіх паштоўках

Больш за 100 калядных паштовак з Гарадзеншчыны з усяго ХХ стагоддзя будуць прэзентаваны на выставе “Насустрач Калядам”, якая адчыніцца 16 снежня ў Гродне ў памяшканні Таварыства Беларускай Школы. Адмыслова да адкрыцця выставы “Насустрач Калядам” будзе выпушчана калядная паштоўка з выявай Каложскай царквы, намаляваная ў 1959 годзе Івонкай Сурвіллай, сённяшнім Прэзідэнтам Рады Беларускай Народнай Рэспублікі.


Традыцыя святкавання Калядаў на Гарадзеншчыне не знікала нават у самыя горшыя часы. Тое ж можна сказаць і пра высыланне з нагоды Калядаў прыгожых, адметных паштовак, знака памяці пра сваіх блізкіх і знаёмых.

Экспазіцыю “Насустрач Калядам” ствараюць паштоўкі, якія ў розныя перыяды ХХ стагоддзя высылаліся гарадзенцамі сваім родным і знаёмым па ўсім свеце, і паштоўкі з каляднымі пажаданнямі, якія атрымлівалі гарадзенцы цягам усяго ХХ стагоддзя. Паштоўкі, якія будуць прэзентаваныя на выставе, сабраныя рупліўцамі беларушчыны ў гарадзенскіх мястэчках і вёсках. Найстарэйшыя з экспанатаў датуюцца пачаткам ХХ стагоддзя. Паштоўкі адлюстроўвалі таксама і ўладу, якая панавала на гарадзенскіх землях. На выставе вы зможаце ўбачыць паштоўкі падпісаныя па-польску, беларуску, руску, нямецку.

Адкрыццё выставы адбудзецца 16 снежня, а 18.30 у Таварыстве Беларускай Школы (Гродна, вул. Будзёнага 48а-44).

Выстава працягнецца да 16 студзеня, пабачыць яе можна будзе штобудні дзень ад 10 да 17 гадзіны.

Паводле budzma.org



Каментаваць

Літаратурныя сустрэчы 9 снеженя

У адзін дзень, у адзін час (17:00) Мінску і Наваполацку адбудуцца літаратурныя сустрэчы. У Мінску музей Максіма Багдановіча і кампанія “Будзьма” запрашаюць аматараў беларускага хараства і паэзіі разам адзначыць 117-ю гадавіну з дня нараджэння Максіма Багдановіча. Збяруцца знаныя беларускія музыкі, пісьменнікі, акторы, каб успомніць самага юнага і рамантычнага паэта, а таксама прачытаць вершы і праспяваць песні ў гонар Максіма. У вечарыне возьмуць удзел: Анатоль Вярцінскі, Сяргей Панізнік, Віктар Шніп, Анатоль Бутэвіч, Зінаіда Феакцістава, Людміла Хейдарава, Алесь Камоцкі, Валярына Кустава, Зміцер Арцюх, Аксана Спрынчан, МАЗ-ансамбль пад кіраўніцтвам Льва Маеўскага, акторы тэатру “Жывое слова” і інш.

Таксама ў праграме імрэзы літаратурная віктарына па творчасці М.Багдановіча. Пераможцаў чакаюць прызы.

Месца дзеяння: вул. М.Багдановіча, 7а.

У Наваполацку ж у бібліятэцы імя Якуба Коласа адбудзецца сустрэча з паэтам Андрэем Хадановічам.

Уваход на мерапрыемствы вольны.

Паводле budzma.org



Каментаваць

Новае на сайце

Праграмы краязнаўчых курсаў

Зборнік праграм па краязнаўчых курсаў розных раёнаў Беларусі дапамогуць маладым настаўнікам-краязнаўцам зрабіць уласныя распрацоўкі, а сталым – мадэрнізаваць назапашаныя.

У архіве змешчаныя праграмы курсаў краязнаўства раёнаў Ліды, Бярэзіны, Вілейкі, Пухавіч і Фаніпаля, складзеныя Ірынай Шпак, Ганнай Кулік, Вольгай Кульчанкай і Яўгеніяй Філіповіч пад кіраўніцтвам Алеся Лозкі.


Спампаваць тут



Каментаваць

Адукацыйныя візіты ў Польшчу для моладзі

ГА «Цэнтр Супрацоўніцтва моладзі" (Гдыня, Польшча) абвяшчае аб пачатку праграмы «Адукацыйныя візіты і стажыроўкі для развіцця ІІ", у межах якой будзе арганізавана некалькі адукацыйных візітаў для моладзі – студэнтаў і прадстаўнікоў грамадскіх арганізацяў зь Беларусі, Украіны і Малдовы ва ўзросце 18–25 год.

Набор удзельнікаў праводзіцца на візіты, якія адбудуцца:

1/ 23.02–04.03–2009

2/ 09.03–18.03–2009

3/ 30.03–08.04–2009

4/ 04.05–13.05–2009

Апошні тэрмін падачы заявак: 14 снежня 2008 году.

Падрабязную інфармацыю і форму заяўкі глядзіце тут.

Паводле рассылкі belngo.info



Каментаваць

Кароткія замежныя граматыкі па-беларуску!

З’явіліся першыя кніжкі серыі «Беларускія ЕўраГраматыкі» сталічнага выдавецтва «Радыёла-плюс», якія без усялякага перабольшаньня можна вызначыць як адметную падзею ў лінгвістыцы, культуры і адукацыі.

Мабыць, нездарма першымі выйшлі ў серыі два томікі кароткіх граматык латышскай і польскай моў. І палякі, і латышы адзначылі ў лістападзе 90-годдзі сваёй незалежнасці — менавіта восенню 1918 года на палітычнай мапе Еўропы з’явіліся дзве новыя дзяржавы, і, трэба думаць, новыя выданні ёсць своеасаблівым падарункам выдаўцоў і аўтараў, а таксама ўсіх беларусаў суседнім народам.



Чытаць далей/Каментаваць

Агляд адукацыйных навінаў

– Ці «цягнуць» школьныя камп'ютэры электронныя падручнікі? >>>

– Чым часцей рэформы — тым горшыя веды >>>

– Новы падвоены нумар мультымэдыя-часопіса «34» прысвечаны атрыманню вышэйшай адукацыі за мяжой >>>

– Полацкі дзяржаўны ўніверсітэт у новым навучальным годзе пачне падрыхтоўку спецыялістаў у галіне камп'ютэрнай бяспекі >>>

– Дэпутат заступiўся за настаўнiкаў. Мiнiстр яго не зразумеў >>>

– Студэнты ФПМІ БДУ выйшлі ў фінал чэмпіянату свету па праграмаванні >>>

– «Дрэнныя» бацькі будуць разбіраць закінутыя ваенныя гарадкі >>>

– У Лепельскую бібліятэку ходзяць не толькі чытаць, але і слухаць кнігі >>>



Каментаваць

Навуковая кавярня для дарослых

10 снежня у 14:00 у Мінскім міжнародным адукацыйным цэнтры ім. Йоханнеса Рау (праспект Газеты «Праўда», 11) адбудзецца паседжанне навуковай кавярні «Адукацыя дарослых».

Тэма гэтай сустрэчы – адукацыя дарослых як прадмет адукацыйнай палітыкі, на парадак дня навуковай кавярні выносяцца два асноўных пытанні:

1. Дадатковая адукацыя дарослых у агульнаеўрапейскім кантэксце. Выступы ўдзельнікаў еўрапейскай падрыхтоўчай канферэнцыі CONFINTEA VI (Будапешт, 3–5 снежня 2008 г.).

2. Праект Кодэкса Рэспублікі Беларусь аб адукацыі: грамадская экспертыза (аналіз раздзела праекту Кодэкса аб адукацыі, прысвечанага дадатковай адукацыі). Панэльная дыскусія з удзелам экспертаў і прадстаўнікоў бізнэс-адукацыі, прававых арганізацый, вучэбных устаноў, грамадскіх аб'яднанняў.

Калі Вы і/або Вашы калегі зацікаўленыя прыняць удзел у дадзенай сустрэчы, вышліце, калі ласка, запоўненую заяўку не пазней за 8 снежня па электроннай пошце giris@ibb.by або па факсе + 375 17 2003182.

Падрабязная праграма сустрэчы будзе дасланая зарэгістраваным удзельнікам не пазней за 8 снежня.


Каментаваць

“Адукацыйныя праграмы па правах чалавека: еўрапейскі і беларускі досвед”

Грамадскае аб`яднанне “Фокус-група” і Гродзенскае абласное грамадскае аб`яднанне маладых навукоўцаў “ВІТ” запрашаюць адукатараў і прадстаўнікоў арганізацый адукацыйнага накірунку на цыкл сустрэч-прэзентацый адукацыйных праграм па правах чалавека.

Мерапрыемствы ладзяцца 6, 9 і 11 снежня 2008 арганізацыямі-удзельнікамі Працоўнай групы па адукацыі дзяцей і моладзі правам чалавека (http://wgcre.net) у межах Тыдня нефармальнай адукацыі і асветы (http://adukatar.net).

Падчас сустрэч арганізатары плануюць прадставіць уласны і еўрапейскі досвед реалізацыі адукацыйных праграм па правах чалавека.

Тэрміны правядзеня і тэмы сустрэч:


6 снежня 2008, 15.00–18.00

• КОМПАС і КАМПАЗІІТА – праграмы і інструменты Рады Еўропы па адукацыі дзяцей і моладзі правам чалавека.

9 снежня 2008, 18.00–21.00

• Праграма “Права на кожны дзень”.

11 снежня 2008, 18.00–21.00

• Працоўная група па адукацыі дзяцей і моладзі правам чалавека

• Інтэрнэт-рэсурсы па адукаці дзяцей і моладзі правам чалавека

• Метадычны дапаможнік «Навучанне правам чалавека ў школе і па-за ёй» (кожны ўдзельнік прэзентацыі атрымае асобнік!)


Месца правядзеня сустрэч: г. Мінск, пр. Партызанскі, 2–4В-529 (офіс Грамадскага аб’яднання “Фокус-група”.

Правілы ўдзелу: Для ўдзелу ў мерапрыемстве неабходна запоўніць анкету-заяўку і даслаць яе па E-mail: andrey.focus@gmail.com

Дадатковая інфармацыя: (+375 17) 298–39–33, (+375 29) 671–41–19. Кантактная асоба: Андрэй Ляўко.



Каментаваць

Ствары мясцовы інтэрнэт-рэсурс
Грамадскае аб’яднанне «Цэнтр «Трэці сектар» (г. Гродна)запрашае ўзяць удзел у трэнінгу па стварэнні мясцовых інфармацыйна-краязнаўчых інтэрнэт-рэсурсаў.
Удзельнікі трэнінга змогуць распрацаваць канцэпцыю будучага рэсурса, атрымаць базавыя ўменні па напісанні інфармацыйных матэрыялаў для яго.
Па сканчэнні трэнінга будзе прадстаўлена кансультацыйная дапамога па тэхнічных і іншых аспектах стварэння і арганізацыі працы такіх рэсурсаў.
Трэнінг адбудзецца 13–14 снежня ў Гродне. Прыярытэтам пры адборы будуць карыстацца матываваныя ўдзельнікі, гатовыя прыехаць камандай у 3–6 чалавек з адной мясцовасці.
Каб заявіцца на ўдзел у трэнінгу, неабходна да 8 снежня даслаць на адрас trecisektar@yahoo.com заяўку ў адвольнай форме з пазначэннем імя і прозвішча патэнцыйных кандыдатаў, іх кантактаў, а таксама апісання сваёй матывацыі. Пра вынікі адбору будзе паведамлена 10 снежня.

Каментаваць

Фотконкурс «ПРА АДУКАЦЫЮ – НЕФАРМАЛЬНА»

На конкурс прымаюцца фотаздымкі, зробленыя падчас розных адукацыйных мерапрыемстваў ці сітуацый, якія прадстаўляюць працэс і/ці яго ўдзельнікаў.

Сярод прадстаўленых фoтаздымкаў спецыяльнае журы будзе адбіраць фотаздымкі па накірунках:

* Асобы (постаці, партрэты людзей – удзельнікаў адукацыйнай падзеі)

* Сітуацыі (сюжэты, якія адлюстроўваць адукацыйны працэс)

* Нестандартны фотаздымак (вясёлыя і арыгінальныя здымкі)

* Выбар журы

Усе адабраныя фотаздымкі будуць надрукаваны і ўвойдуць у склад конкурснай выставы, якая адчыніцца 13 снежня 2008 г.

Аўтары лепшых работ па кожнаму з накірункаў атрымаюць прызы.

Для ўдзелу ў конкурсе патрэбна:

* Знайсці ў сваіх электронных архівах цікавыя фотаздымкі (не старэйшыя за 3 гады)

* Адабраць сярод іх не больш за 10, якія адпавядаюць наступным патрабаванням: памер/ раздзяленне не менш 2500 Х 3500 піксалёў

* Адзначыць імя і прозвішча аўтара фотаздымка, яе/яго кантактныя дадзеныя (e-mail, тэлефон), апісанне здымка (калі і дзе ён быў зроблены, што на ім адлюстравана, які навучальны праект/праграма), па жаданню можна даць і назву фотаздымку.

* Выслаць да 3 снежня фотаздымкі і іх апісанне на адрас tydzen2008@gmail.com з адзнакай “фота”.

Журы пакідае за сабой права не каментаваць вынікі адбору. Аўтары, работы якіх будуць прадстаўлены на выставе, будуць праінфармаваныя пра гэта не пазней за 8 снежня.

Задаць пытанні ці ўдакладніць умовы конкурсу можна па тэл. (029) 388 25 64 – Марына Малініна.

І няхай вас ўсе пабачаць!



Каментаваць

«Нефармальная адукацыя аб Беларусі і для Беларусі"

У рамках ІV Тыдня Нефармальнай адукацыі 2008 «Беларусь Сучасная» 12 снежня 2008 г., у 15.00 у Навукова-педагагічнай бібліятэцы
Установы «Галоўны інфармацыйна-аналітычны цэнтр Міністэрствы адукацыі Рэспублікі Беларусь» (Мінск, вул.Захарава, 59 (каб. 304, чытальная зала) адбудзецца прэзентацыя выданняў, інфармацыйных і метадычных рэсурсаў.

На прэзентацыі будуць прадстаўленыя матэрыялы і рэсурсы, прысвечаныя розным аспектам нефармальнай/ дадатковай адукацыі (тэарэтычныя, метадычныя, даведкавыя і інш. выданні), а таксама работы, звязаныя з тэмай устойлівага развіцця сучаснай Беларусі, яе гісторыяй і сучаснай культурай.

Пасля завяршэння працы выставы сабраная літаратура будзе перададзеная ў фонд Навукова-педагагічнай бібліятэкі, што забяспечыць доступ шырокага круга чытачоў да выданняў, часцяком апублікаваным малым тыражом.
Дадзенае мерапрыемства будзе цікавым выкладчыкам і студэнтам педагагічных спецыяльнасцяў, даследнікам і практыкам сферы нефармальнай адукацыі ў Беларусі.

Удзел у прэзентацыі можа быць у наступных формах:

– вольны ўдзел

– прэзентацыя выдання або інфармацыйнага рэсурсу

Выданні, заяўленыя на прэзентацыю, павінны адказваць наступным патрабаванням:

– адпавядаць заяўленай тэме прэзентацыі

– мець перыяд выдання 2007–2008

– быць перададзеныя ў аргкамітэт не пазней 5 снежня 2008 г.

Пажадана, каб пасля правядзення прэзентацыі ў аўтараў была магчымасць перадаць сваё выданне ў фонд Навукова-педагагічнай бібліятэкі.

Для заявы выдання на прэзентацыю неабходна запоўніць заяўку і выслаць яе на адрас tydzen2008@gmail.com не пазней 3 снежня 2008г.

Удакладніць усе якія цікавяць пытанні, а таксама дамовіцца аб перадачы выданняў можна па тэл (029) 388 25 64 – Марына Малiнiна.

Удзел у прэзентацыі – гэта выдатная магчымасць зрабіць рэкламу вашым выданням і інфармацыйным рэсурсам. Бо яны будуць прадстаўленыя не толькі калегам, але і вашым патэнцыйным чытачам. А таксама пазнаёміцца з іншымі цікавымі працамі і пагутарыць з цікавымі людзьмі.

Заяўкі неабходна адправіць на адрас tydzen2008@gmail.com
не пазней 3 снежня.


Каментаваць

Праграмы ўступных выпрабаванняў па прадметах з'явіліся ў сеціве.
На сайце Нацыянальнага інстытуту адукацыі з'явіліся Праграмы ўступных выпрабаванняў па біялогіі, хіміі, фізіцы, матэматыцы, геаграфіі, грамадазнаўству, рускай і беларускай мове, рускай і беларускай літаратуры.
 Іх можна спампаваць тут.

Каментаваць

Моладзь сама сабе піша падручнікі
Моладзевая ініцыятыва «Вока» стварыла падручнік па пераходзе на родную мову Тым, хто не супраць авалодаць беларускай, яна прапаноўвае пакрокавую інструкцыю і псіхалагічную дапамогу.
Спампаваць падручнік у фармаце PDF (850 KB) можна тут http://vitalbel.at.tut.by/bymova.pdf

Каментаваць

КНІЖНАЯ ВЫСТАВА «ПРАВА НА ДЗЯЦІНСТВА»
З 17 лістапада па 2 снежня ў Нацыянальнай бібліятэцы Беларусі (2 паверх, пакой 207) праходзіць тэматычная кніжная выстава «Права на дзяцінства», прысвечаная Сусветнаму дню дзіцяці.
На выставе прадстаўлена больш за 100 дакументаў міжнародных арганізацыяў (ААН, ЮНЭСКА, Рады Еўропы, Еўрасаюза і інш.) на рускай і англійскай мовах.
Паводле рассылкі belngo.info

Каментаваць

СТЫПЕНДЫЯЛЬНАЯ ПРАГРАМА CHEVENING НА 2008/09 АКАДЭМІЧНЫ ГОД
Брытанскі Савет абвесціў конкурс на атрыманне стыпендыі ад Міністэрства Замежных спраў Злучанага Каралеўства на 2009–2010 гг для паслядыпломнага навучання альбо навуковага даследавання ў Вялікабрытаніі цягам 3–12 месяцаў.
Апошні тэрмін падачы заявак: 20 снежня 2008 г.
Дадатковую інфармацыю чытайце на сайце: http://ukinbelarus.fco.gov.uk/en/newsroom/?view=News&id=2057057 Паводле ngo.by

Каментаваць

Мікалай Фяськоў: Узровень падрыхтоўкі выпускнікоў школ усё ніжэй і ніжэй
Агульны ўзровень падрыхтоўкі выпускнікоў сярэдняй школы ў апошнія гады падае, заявіў дырэктар Рэспубліканскага інстытута кантролю ведаў Мікалай Фяськоў 27 лістапада на калегіі Міністэрства адукацыі ў Мінску, піша БЕЛАПАН.
Паводле яго словаў, заданні цэнтралізаванага тэставання (ЦТ) у апошнія гады прыходзілася спрашчаць. «Па матэматыцы 50% заданняў выконваюць ужо без ручкі", — сказаў ён. Пры гэтым па выніках 2008 года колькасць нявыканаўшых заданні застаецца стабільна высокай. Так, 1,7% абітурыентаў не набралі ні аднаго бала на выпрабаваннях па матэматыцы.
Па словах М.Фяськова, у 2008 годзе быў адзначаны рост вынікаў ЦТ у абітурыентаў, якія «выпусціліся ў 1996 годзе і раней». Гэта супярэчыць агульнай тэндэнцыі, у адпаведнасці з якой у абітурыентаў, якія здаюць ЦТ праз год або некалькі гадоў пасля выпуску, вынікі выпрабаванняў аказваюцца ніжэй, чым у астатніх. На думку дырэктара Рэспубліканскага інстытута кантролю ведаў, такая сітуацыя можа сведчыць аб паніжэнні ўзроўня школьнай падрыхтоўкі за апошняе дзесяцігоддзе. Усяго ў 2008 годзе ў ЦТ прынялі ўдзел 176 тыс. чалавек, якія выканалі 457,3 тыс. тэстаў. Па словах М.Фяськова, заданні ЦТ адрозніваліся «высокім узроўнем уніфікацыі" і «добрай дыферэнцыйнай якасцю». Паводле яго словаў,  цяперашняя дыферэнцыйная якасць заданняў такая, што далейшае спрашчэнне заданняў яе знізіць і створыць праблемы пры паступленні абітурыентаў у ВНУ. «Мы збіраемся і далей удасканальваць працэс цэнтралізаванага тэставання, праўда, без асаблівай спешкі  і без радыкальных прапаноў", — сказаў Фяськоў.
Паводле Naviny.by
Каментаваць

Агляд адукацыйных навінаў
- Старшыня дабрачыннага фонду «Дзецям Чарнобыля» Генадзь Грушавы: Указ № 555 — гэта разбурэнне ўсіх гуманітарных праграм >>>
- Аляксандр Жук адзначыў, што ў апошнія гады ў ВНУ зніжаецца конкурс на бюджэтныя месцы дзённай формы атрымання адукацыі. У 2008 годзе ён склаў 2,1 чалавека на месца. У 2006 годзе гэты паказчык складаў 2,6, у 2005-м – 2,9, у 2004-м – 3 чалавекі на месца >>>
- Падаткавая інспекцыя просіць студэнтаў і школьнікаў «здаваць» у падатковую сваіх рэпетытараў, калі тыя не зарэгістравалі сваю дзейнасць >>>
- У чацьвёрты раз кіраўніцтва БДУ адмовіла ва ўзнаўленні на факультэце журналістыкі адлічанаму ў лютым 2007 года Франаку Вячорку >>>
-  ВНУ падвысілі плату за навучанне. Як паведаміла БелаПАН кіраўніца прэс-службы Беларускага дзяржаўнага ўнівэрсытэтуа Вольга Шчадрына, у сярэднім аплата за навучанне студэнтаў БДУ павдысілася на 22,7% >>>
- Мінадукацыі разглядае пытанне аб выдачы сертыфіката цэнтралізаванага тэставання ўсім абітурыентам са станоўчым балам >>>

Каментаваць
 

Міжнародны адукацыйны семінар «Навучанне дэмакратыі ў штодзённасці»
Запрашаем школьных настаўнікаў і выкладчыкаў сацыяльна-гуманітарных дысцыплін ВНУ прыняць удзел у адукацыйным семінары «Навучанне дэмакратыі ў штодзённасці», які адбудзецца ў Мінску 12–14 снежня 2008 г. Семінар праводзіцца грамадскай арганізацыяй Studieforbundet Vuxenskolan (г. Гетеборг, Швецыя) пры арганізацыйна-метадычнай падтрымцы грамадскага аб'яднання «Адчыненае грамадства» (г. Мінск, Беларусь).
Дэмакратыя ў штодзённасці – гэта прыхільнасць людзей каштоўнасцям свабоды і адказнасці, дыялогу і паразумення, згоды і супрацоўніцтва ў сваім звычайным жыцці (у сям'і, школе, грамадскай арганізацыі, на працы, у адносінах з сябрамі, суседзямі, людзьмі іншай культуры, веры, стылю жыцця, расы і г.д.). Праграма семінара (гл. дадатак) распрацаваная на аснове аўтарскага курсу «Дэмакратыя ў штодзённасці», які ў ліпені 2008 г. быў зацверджаны Міністэрствам адукацыі Рэспублікі Беларусь у якасці Праграмы факультатыўных заняткаў для 11 класа агульнаадукацыйных устаноў з 11-гадовым тэрмінам навучання
Пры фармаванні навучальнай групы прыярытэт будзе аддадзены настаўнікам гісторыі і грамадазнаўства, выкладчыкам паліталогіі і сацыяльным педагогам. Усе выдаткі, звязаныя з правядзеннем семінара, бяруць на сябе яго арганізатары.
Тэрмін падачы заявак (па тэл. або электроннай пошце) да 5 снежня 2008 г. (уключна).
Больш падрабязную інфармацыю аб семінары можна атрымаць у каардынатараў: Віктар Чарноў Тэл: (+375 29) 164 84 89 E-Mail: infocenter@user.unibel.by  Зінаіда Антановіч Тэл: (+375 29) 390 20 11; (+375 33) 609 77 12 E-Mail: zinaida3902011@yandex.ru

Чытаць далей / Каментаваць

Запрашаем на Фестываль навучальных гурткоў
Паважаныя калегі!
Запрашаем Вас на Фестываль навучальных гурткоў, арганізаваны ў межах IV Тыдня нефармальнай адукацыі і асветы (6–14 снежня), які адбудзецца 14 снежня 2008 г. 
На Фестывалі будуць прадстаўлены розныя навучальныя гурткі для дарослых, якія праводзіліся ў розных кутках Беларусі. У Вас будзе ўнікальная магчымасць пазнаёміцца з новым поглядам на навучальныя гурткі для дарослых
Чытаць далей / Каментаваць

Настаўнікі, якія ўратаваліся ад скарачэнняў, будуць шукаць новую працу
Праблемы беларускай 11-гадовай сярэдняй школы “Еўрарадыё” абмеркавала з Уладзімірам Здановічам, дэпутатам Палаты прадстаўнікоў, старшынёй Камісіі па адукацыі, культуры, навуцы і навукова-тэхнічным прагрэсе.
Беларускія школьнікі перажылі першую чвэрць навучальнага года. Менавіта перажылі, бо вяртанне да 11-гадовай сярэдняй школы пасля некалькіх гадоў 12-годкі складана назваць іначай як цяжкім іспытам. Яго здаюць усе: ад першакласнікаў да рэктараў беларускіх ВНУ, якім у ліпені 2009-га давядзецца разбірацца са 107 тысячамі выпускнікоў – “з рыскай” ды “без рыскі”... >>>

Чытаць далей / Каментаваць

Арганізуецца беларускамоўны садок у Сухараве
Маладая мама шукае яшчэ 13 бацькоў, якія жадаюць з восені 2009 г. аддаць сваіх дзяцей 3–4 год у беларускамоўную групу у мікрараене Сухарава г.Мінска. Арганізацыйныя  абавязкі яна бярэ на сябе.
Зьвязвацца: +375 29 395 73 99 Дар'я або праз акаунты скайп і гмэйл – apalonik
Пытанні і абмеркаванне на пляцоўцы http://adelka.livejournal.com/194199.html 
 Каментар «Настаўніка»: беларускія групы ў садочках і беларускія класы ў школах заўсёды збіраюць дзетак неабыякавых людзей. Калі аддаць сваё дзіця ў такі асяродак, бацькі і дзеці атрымаюць сяброў на ўсё жыццё. Ды і ў дзетак не будзе праблемаў з кніжкамі, цацкамі, святамі, экскурсіямі, мовамі і, што найважней, самаідэнтыфікацыяй.

Каментаваць

Гарадзенскія мамы! Гуртуйцеся!
Запрашаем гарадзенак далучыцца да ўдзелу ў адукацыйным гуртку для мам "Ці падманваюць казкі…”.
- Як жабянятка ператвараецца ў царэўну?… – Якую сьцяжынку абраць на раздарожжы?… – Калі сябрам, а калі ворагам становіцца Баба-Яга?… – Як знайсьці тое, не ведаю што?…і шмат іншага з казачнага жыцця прапануем абмеркаваць-пражыць мамам разам з дзеткамі, якіх не пакінулі абыякавымі гэтыя пытанні.
Гурток пачне працу пасля фармавання групы. Заняткі бясплатныя, ладзяцца раз на тыдзень.
За больш падрабязнай інфармацыяй звяртайцеся па тэлефонах: +37529 107–61–92 Ірына, +37529-114–28–23 Вольга.
Паводле Кронікі грамадзкага жыцьця Гарадзеншчыны 

Каментаваць

Міжнародная праграма студэнцкага абмену
Міжнародная праграма студэнцкага абмену Global UGRAD у Эўразіі і Цэнтральнай Азіі UGRAD (праграма Аддзела адукацыйных і культурных праграм Дзярждэпартамэнта ЗША) прадастаўляе магчымасць студэнтам 1, 2 і 3 курсаў навучання дзённых аддзяленняў ВНУ з Беларусі прайсці аднагадовае навучанне без атрымання ступені ва ўніверсітэце ці каледжы ЗША.
Усе ўдзельнікі адбіраюцца на аснове адкрытага конкурсу.
Спецыальнасці: бухгалтарскі ўлік, сельская гаспадарка, антрапалогія, біялогія, бізнэс, хімія, інфармацыйныя тэхналогіі, крымінальнае права, эканоміка, адукацыя, інжынерная справа, геалогія, кіраванне ў сферы сэрвісу і турызма, міжнародныя стасункі, журналістыка, масавыя камунікацыі, юрыспрудэнцыя, фізіка, паліталогія, псіхалогія, сацыялогія, гарадское планаванне, амерыканістыка, могуць разглядацца і іншыя спецыяльнасці.
Студэнты, што на момант падачы заяўкі атрымліваюць адукацыю на першым курсе, будуць вучыцца ў двухгадовых каледжах; на 2 і 3 курсах на момант падачы заяўкі – у чатырохгадовых каледжах ці ўніверсітэтах.
Праграма забяспечвае поўнае фінансаванне і прапаноўвае:
* Падтрымку ў атрыманні амерыканскай візы J-1
* Аплату праезда
* Частковую медычную страхоўку
* Аплату адукацыі
* Аплату пражывання і харчавання
* Стыпендыю
* Сродкі на набыццё навучальнай літаратуры
* Шырокія магчымасці прафесійнага росту.
Апошні тэрмін падачы заявак – 10 снежня. З арганізатарамі можна зьвязацца праз эл. адрас: ugradbelarus@yahoo.com.

Каментаваць

Вандроўка памяці
Паездку ў Катынь ладзіць грамадcкае аб’яднанне “Польска Мацеж Школьна” з Гродна.  Вясной 1940 г. у гэтым мястэчку на Смаленшчыне па рашэнні Палітбюро камуністычнай партыі СССР было расстраляна каля 20 тысячаў салдат і афіцэраў Войска Польскага, захопленых у палон у пачатку Другой сусветнай вайны. Сярод бязвінна забітых былі і беларусы.
Вандроўка адбудзецца 28–30 лістапада.
Кошт – 30 тысяч рублёў.
Паводле www.t-styl.info  

Каментаваць

Агляд адукацыйных навінаў 
-  Сёння адзначаецца Сусветны дзень дзіцяці.
- У Беларусі больш за 32 тысячы дзяцей-сірот і дзяцей, што засталіся без бацькоўскай апекі. Каля 23 тысяч беларускіх сірот жывуць у сем’ях, палова зь якіх – апякунскія. І ўсё ж для 9 тысяч дзяцей родны дом – інтэрнат >>>
- Больш за палову беларускіх сем'яў маюць адно дзіця. Каля 35% сем'яў – дваіх. Для паляпшэньня дэмаграфічнай сытуацыі трэба, каб больш за 50% сем'яў мелі дваіх і больш дзяцей >>>
- Выпускнікі БДУ занялі 8-е и 13-е месцы на спаборніцтвах GoogleCodeJam-2008 у ЗША >>>
- У Беларусі падрыхтаваны праект указу аб павелічэнні дзяржаўных стыпендый на 25% >>>
- Былы студэнт Гомельскага дзяржаўнага ўнівэрсытэта імя Ф.Скарыны, а цяпер салдат транспартных войскаў у Жлобіне Зміцер Жалезнічэнка накіраваў скаргу ў Камітэт ААН па правах чалавека. Ён аспрэчвае выключэнне з трэцяга курсу матэматычнага факультэта Гомельскага дзяржаўнага ўнівэрсытэта >>>
- 60% беларускіх школьнікаў без праблем набываюць цыгарэты >>>
- Уладзімір Колас прывёз прыз з Ля-Рашэля >>>
- Колькасць месцаў у ВНУ павялiчвацца не будзе >>>
- Настаўнікаў прымўшаюць даведвацца пра даходы бацькоў >>>
-  У краіне не хапае  больш за тысячу выхавальніц >>>

Новае на сайце

Метадычны дапаможнік для падрыхтоўкі да выпускнога экзамена па фізіцы за курс сярэдняй школы (падвышаны ўзровень)
Аўтар дапаможніка Аляксандр Плятнёў, выкладчык фізікі ліцэя Беларуска-Расійскага Універсітэта, г. Магілёў
Дапаможнік утрымлівае:
- прыкладныя планы адказаў на пытанні экзаменацыйных білетаў выпускнога экзамена па фізіцы за курс сярэдняй школы, 
-  падборку прыкладаў рашэння задач і задачы для самастойнага рашэння з найбольш распаўсюджаных і даступных для выпускнікоў задачнікаў па фізіцы,
- прыкладныя алгарытмы для выканання эксперыментальнай часткі білетаў,
-  навучальныя блок-схемы, паэтапнае самастойнае запаўненне якіх, дазваляе сістэматызаваць веды па фізіцы.
Рэкамендуецца навучэнцам старэйшых класаў сярэдніх школ, ліцэяў, выпускных курсаў сярэдніх спецыяльных навучальных устаноў для падрыхтоўкі да выпускных іспытаў і цэнтралізаванаму тэставанню.
Рэкамендавана: Метадычнай радай ліцэя ГУ  «Беларуска-Расійскі ўніверсітэт»
Спампаваць дапаможнік (PDF, 766 KB)
З матэрыялаў метадычнага летніка «Альхоўка-2008»
Каментаваць

Ушанаванне памяці Міхаіла Валовіча

22 лістапада ў сярэдняй школе вёскі Дворац Дзятлаўскага раёну адбудзецца лекцыя, прысвечаная легендарнаму беларускаму змагару і паўстанцу 1831 году Міхалу Валовічу. З дакладамі выступаць загадчык аддзелу Нацыянальнага архіву Беларусі Зміцер Яцкевіч і старшыня таварыства аховы помнікаў гісторыі і культуры Антон Астаповіч. Пасля лекцыі адбудзецца ўшанаванне памяці Міхала Валовіча ў яго роднай вёсцы Парэчча. Чакаецца таксама выступ вядомага беларускага барда Аляксея Галіча.

Паводле budzma.org



Каментаваць

Рыхтуемся да беспрацоўя
Масавыя скарачэнні настаўнікаў, звязаныя з сёлетняй рэформай, чакаюцца з наступнага году, але шмат настаўнікаў страцілі працу ўжо сёлета. Як яны жывуць? Чым займаюцца?
Прапануем інтэрв'ю настаўніка вышэйшай катэгорыі Адама Варанца, які апошнія два месяцы працаваў у Польшчы, у невялікім гарадку непадалёку ад Варшавы. Не настаўнікам, вядома, – рознарабочым на будоўлі ў прыватніка. Вось што ён паведаміў пра сваю новую працу Радыё Свабода >>>
Каментаваць

СТЫПЕНДЫЯЛЬНАЯ ПРАГРАМА ДЛЯ НАВУЧАННЯ Ў ГЕРМАНІІ
Нямецкая Служба Акадэмічных абменаў ДААД прызначае стыпендыі для беларусаў на паслядыпломную адукацыю ў гуманітарных, сацыяльных і грамадскіх навуках, абарону дысертацыі і навуковыя стажыроўкі ў нямецкіх ВНУ. Стыпендыі выдзяляюцца максімум на два гады для паслядыпломнай адукацыі і на тры – для напісання і абароны дысертацыі. Усе прэтэндэнты мусяць быць аспірантамі 1-га ці 2-га курса, у асобных выпадках могуць быць дапушчаныя асобы, якія маюць дыплом спецыяліста (па сканчэнні 5-цігадовага навучання). У конкурсе навуковых стажыровак могуць удзельнічаць маладыя кандыдаты навук, якія жадаюць асвойваць новыя кірункі ў навуцы і выкладанні і зацікаўленыя ў падтрымцы пастаянных кантактаў з нямецкімі вучонымі.
Наяўнасць запрашэння з нямецкага боку абавязковая. Падрабязная інфармацыя http://www.daad-ic-minsk.by/rus/5_1_15.php  Апошні тэрмін падачы заяваў – 30 лістапада 2008 г. 
Паводле інфармацыйнага партала adukacyja.info

Каментаваць

Беларускія вучні перамагаюць ў міжнародных алімпіядах
Беларускі ліцэіст з Магілёва, Міхаіл Гушчын перамог на международнай алімпіядзе па фізіцы ў Маскве.
 Міхаiл – вучань выдатнага беларускага педагога Валерыя Барашкава. Міхаіл ужо перамагаў два разы на рэспубліканскіх алімпіядах, а яго настаўнік Валеры Барашакаў падрыхтаваў 9 пераможцаў міжнародных алімпіяд.
У алімпіядзе прымалі ўдзел маладыя людзі з краін Балтыі і СНД. Зараз Міхаіл рыхтуецца да міжнароднай адімпіяды якая пройдзе ў Мексіцы летам 2009 года і ўдзел у ёй возьме 60 краін свету.
А вось на алімпіядзе школьнікаў Расіі і Беларусі пружанская вучаніца Ганна Блізнюк узнагароджана дыпломам ІІ ступені. Тэмай алімпіяды была «Гістарычнае і духоўнае грамадства».
Паводле Радыё Рацыя.
На фотаздымку настаўнікі фізікі Валер Барашкаў (справа) і Іван Кульбеда (злева) падчас метадычнага летніка Альхоўка

Каметнаваць

“Каб выкладаць гісторыю на мове, трэба атрымаць згоду бацькоў і дзетак"

10- і 11-класнікі яшчэ не вывучалі гісторыю Беларусі ў гэтым годзе. З-за скарачэння гадзін і аб'яднання з cусветнай гісторыяй школьнікі будуць вывучаць гісторыю сваёй краіны толькі з трэцяй чвэрці. І, як даведалася Еўрарадыё, гэта яшчэ не ўсе «асаблівасці" вывучэння гісторыі Беларусі пасля рэформы.



Чытаць далей/Каментаваць

“Маладзечна і ваколіцы: гісторыя, стан вывучэння, перспектывы турыстычнага асваення”

Пад такой назвай у межах кампаніі “Будзьма” 16 лістапада у вёсцы Плябань у будынку філіяла Мінскага абласнога краязнаўчага музея адбудуцца гісторыка-краязнаўчыя чытанні.

На мерапрыемстве чакаюцца выступы аўтарытэтных беларускіх гісторыкаў і спецыялістаў у галіне аховы помнікаў нацыянальнай спадчыны Беларусі. У прыватнасці, з лекцыяй на тэму “Маладзечна і ваколіцы ў дакументах НГА Беларусі” выступіць загадчык аддзелу Нацыянальнага гістарычнага архіву Рэспублікі Беларусь Зміцер Яцкевіч.

Студэнтка Вольга Кастрамінава прадставіць спавешчанне “Вывучэнне помнікаў матэрыяльнай культуры ў Плябані і Красным: першыя вынікі і перспектывы”.

З прамовай “Зборы музею ў Плябані” выступіць дырэктар музею Тамара Пінчук.

Старшыня Рэспубліканскай рады Беларускага добраахвотнага таварыства аховы помнікаў гісторыі і культуры Антон Астаповіч агучыць даклад “Гісторыка-культурныя помнікі Маладзечаншчыны: перспектывы турыстычнага асваення”.

Пачатак сустрэчы аб 11.00


Спіс удзельнікаў адкрыты.


Паводле budzma.org



Каментаваць

Канцэрт музыкі эпохі Барока

Беларускі клуб лютністаў запрашае на канцэрт старадаўняй музыкі эпохі Барока.

Ці было у Беларусі Барока? У архітэктуры – так, у жывапісу – так, у літаратуры? у музыцы?- чамусьці спрэчна. Полацкі сшытак – гэта помнік рэнесансу… магчыма.. але я мяркую, што на Беларусі у літаратуры і музыцы быў стыль манерызм – паміж… рэнесансам і Барока. Бо нашае Барока патанула у крыві войн… тым ня менш спроба рэканструкцыі…

Мінскі касцёл Найсвяцейшай Тройцы (святога Роха) пр. Незалежнасці, 44А
29 лістапада, 20:00

Выканаўцы:

Таццяна Бяльковіч (барочная лютня)

Галіна Мацюкова (барочная флейта)

Алена Мальцава (барочная скрыпка)

Дмітры Лыбін (спінет)

Уваход свабодны

Паводле budzma.org



Каментаваць

Кінафестываль «Лістападзік»

14 лістапада ў кінатэатры “Перамога” распачынаецца фестываль дзіцячага кіно “Лістападзік”. Фэст cёлета адзначае юбілей – 10-годдзе. Арганізатары абяцаюць прыемна здзіўляць гледачоў якаснымі і цікавымі стужкамі. У конкурсным паказе прымуць стужкі са шматлікіх куточкаў свету. Увазе гледача прапаноўваюцца фільмы з Беларусі і Расіі, Узбекістана і Эстоніі, Латвіі і Швэцыі, Германіі і Карэі, Ірана, ЗША, Велікабрытаніі і інш. Гэта дазволіць у шырокім спектры ўбачыць, наколькі развітае дзіцячае кіно і мультыплікацыя ў свеце. Аматары казачных гісторый пазнаёмяцца з найбольш папулярнымі стужкамі для дзяцей, зразумеюць, на што робіцца акцэнт у той ці іншай краіне.

Паводле budzma.org



Чытаць далей/Камнентаваць

Агляд адукацыйных навінаў

– Абітурыентаў-2009 будзе амаль ў два разы болей, але кантрольныя лічбы прыёму ў ВНУ «не зведаюць моцных змен» >>>

– Беларускім ВНУ не хапае міжнародных стандартаў. Дзеля гэтага трэба «в сжатые сроки необходимо перейти к совершенствованию и оформлению системы менеджмента качества образования» >>>

– Настаўнікі ратуюцца ад схаванага беспрацоўя >>>

– Навучэнцы беларускіх ВНУ бяруць удзел у фэсце студэнцкіх тэатраў у Маскве >>>



Каментаваць

«Знак бяды» ў кінаклубе «Гісторыкі"

Чарговая сустрэча кінаклуба МГА “Гісторыка” VID’OK пройдзе ў гэтую пятніцу, 14.11.2008 г. у Музеі кіно а 18:45 (Музей кіно знаходзіцца каля Чырвонага касцёла). Уваход – 1 500.
Глядзім “Знак Бяды” паводле аповесці Васіля Быкава (рэж. М.Пташук).

Дадатковая інфармацыя+375 29 5090853 Алена

Паводле budzma.org



Каментаваць

Новае на сайце

Лічбавая лабараторыя па фізіцы «Архімед»

Настаўнік мінскай школы №30 Аляксандр Сядзяка прапануе свой праект лічбавай лабараторыі, якая ўключае камп'ютэр Nova 5000, да якога можна падключыць восем аналагавых датчыкаў фізічных велічынь, а менавіта датчыкі сілы, адлегласці, ціску, тэмпературы, магнітнай індукцыі, напружання, сілы току, асветленасці, а таксама і мікрафон для вымярэння інтэнсіўнасці гуку. На працягу эксперыменту датчыкі выводзяць на кампутар вымяраемую велічыню, а ён у рэжыме рэальнага часу адлюстроўвае на маніторы графік яе залежнасці ад часу. У спалучэнні з мультымедыйным праектарам альбо з інтэрактыўнай дошкай гэта дазваляе вучням адначасова назіраць эксперымент на стале настаўніка і бачыць на экране пабудову графікаў даследуемых фізічных велічынь. Такі наглядны паказ сувязі матэматычнай абстракцыі з рэальнай з’явай ёсць вельмі важным метадычным звяном, бо вядома, што менавіта графічнае апісанне фізічных законаў і выклікае заўсёды немалыя цяжкасці ў большасці вучняў пры вывучэнні фізікі.

Спампаваць (doc, 1,14 МБ)



Каментаваць

Конкурс фатаграфіі аб правах чалавека

Да 60-годдзя Усеагульнай дэкларацыі правоў чалавека Дом правоў чалавека ў Вільні ладзіць конкурс на найлепшую фатаграфію, якая ілюструе ажыццяўленне якога заўгодна права ці свабоды чалавека ў Беларусі.


Паводле вынікаў конкурсу, у кожнай з намінацыяў будзе адабраная найлепшая
фатаграфія, аўтар якой атрымае прыз – паездку ў Вільню на двух чалавек на выходныя альбо грашовую прэмію.

Астатнія фатаграфіі будуць уключаныя ў
экспазіцыю «Правы чалавека праз аб'ектыў фотакамеры», якая будзе праходзіць у Доме правоў чалавека ў Вільні. Фатаграфіі будуць ацэньвацца міжнародным журы, у склад якога ўвойдуць прадстаўнікі Дамоў правоў чалавека ў Осла, Лондане, Маскве,
Сараеве. Пераможцы будуць абвешчаныя 10 снежня 2008 году.

Больш падрабязная інфармацыя і ўмовы ўдзелу ў конкурсе – тут


Каментаваць

Сустрэчы з беларускімі літаратарамі

10–11 лістапада на сядзібе ТБМ (вул. Румянцава, 13) адбудуцца літаратурныя сустрэчы:

10 лістапада, панядзелак «Беларуская літаратура і свет» – сустрэча з пісьменнікам і літаратуразнаўцам Пятром Васючэнкам ды з паэтам Леанідам Дранько-Майсюком;

11 лістапада, аўторак «У слове можна свет змясціць» – сустрэча з паэтамі Сяргеем Законнікавым і Эдуардам Акуліным.

Пачатак у 18.00.

11 лістапада ў мінскай школе №132, што знаходзіцца на вуліцы Пятра Глебкі, 86, адбудзецца таксама творчая сустрэча вучняў з Эдуардам Акуліным і Леанідам Дранько-Майсюком.

Пачатак сустрэчы у 14.30.

Сардэчна запрашаем!

Паводле budzma.org



Каментаваць

Новае на сайце

Падборка беларускіх шрыфтоў

Скарбонка беларускіх шрыфтоў, дасланых нам Віктарам Бунтам з Браслава, дапаможа беларускім настаўнікам вольна аздабляць свае метадычныя распрацоўкі прыгожымі літарамі без клопату аб выяве літар "і" ды "ў". Акрамя ўласна шрыфтоў (якіх у архіве больш за 50) прыкладаецца таксама інструкцыя па іх усталяванні.

Спампаваць тут (rar, 2,4 МБ)




Каментаваць

Дні Святога Губерта ў Гродне

6‑8 лістапада пройдуць альтэрнатыўныя дні Гародні — Дні Святога Губерта.


Святы Губерт — заступнік Гародні. Гісторыя Гародні — гэта гісторыя еўрапейскага горада. Традыцыі, якія нараджаліся ў далёкіх еўрапейскіх краінах, з лёгкасьцю і вельмі натуральна прыжываліся тут і хутка станавіліся сваімі. На дзень Святога Губерта, які адзначаецца 3 лістапада, у мінулым прыпадаў у Гародні Дзень горада. Сцэна са з'яўленьнем Аленя з залатым крыжам паміж рагамі перад Губертам, а менавіта такім ёсць герб горада, была самай чаканай сярод гарадзенцаў у дзень свята.

Праграму святкавання чытайце на сайце budzma.org



Каментаваць

Агляд адукацыйных навінаў

– Мэта школьнай рэформы – на 50% павялічыць прыём у ПТВ >>>

– Ці хапае падручнікаў у беларускіх школах?>>>

– Выпускныя экзамены — праз суд? >>>

– З'явiлiся ў продажы новыя правiлы беларускай арфаграфii >>>

– Беларускія студэнты змогуць навучацца касманаўтыцы ў рамках саюзнай праграмы «Дыстанцыйнае навучанне-СД» >>>



Каментаваць

Школа маладых менедэжраў грамадскага кіравання

Аргкамітэт Школы маладых менеджэраў грамадскага кіравання прапануе прыняць удзел у трохузроўневай праграме падрыхтоўкі спецыялістаў у галіне грамадскага кіравання.


Праграма прадугледжвае тры сесіі ва Украіне, Літве і Швэці цягам 2008 і 2009 гадоў. Паміж сесіямі ў слухачоў Школы будзе магчымасць арганізаваць невялікія круглыя сталы, звязаныя з тэматыкай Школы. Арганізацыйны камітэт падтрымлівае правядзенне гэтых мерапрыемстваў для самых актыўных слухачоў згодна з іх рэйтынгамі і пасля ацэнкі прапанаваных праектаў. Плануемая колькасць удзельнікаў: 30 чалавек.


Працоўныя мовы Школы: англійская, руская, беларуская.


Тэрміны і тэматыка сесій, мэтавая аўдыторыя і іншая інфармацыя пра праграму – у файле shkola_menedzherau.doc.

Заяўкі на ўдзел у Школе прыймаюцца па электроннай адрэсе gr.kiravanne@gmail.com да 14 лістапада. Форму заяўкі глядзіце ў файле 481_Application_form_SYMPA-1.doc.

Паводле рассылкі belngo.info



Каментаваць

Семінар “Навучальны гурток як сродак прафесійнага развіцця”

Запрашаем на семінар “Навучальны гурток як сродак прафесійнага росту”, які адбудзецца 8–9 лістапада 2008 г. 

Навучальны гурток з’яўляецца вельмі эфектыўным сродкам нефармальнай адукацыі дарослых. Ён таксама можа выкарыстоўвацца і як форма павышення кваліфікацыі спецыялістаў, напрыклад, настаўнікаў, бібліятэкараў, дызайнераў і інш. Семінар будзе прысвечаны пытанням арганізацыі і правядення навучальнага гуртка як сродка прафесійнага развіцця. Плануецца, што вынікам гэтага семінара будуць распрацаваныя удзельнікамі праграмы навучальных гурткоў.

Падчас семінара Вы здолееце:

* пазнаёміцца з канцэпцыяй навучальнага гуртка як формы нефармальнай адукацыі дарослых;

* пазнаёміцца з рознымі сродкамі арганізацыі і правядзення сустрэч;

* даведацца пра магчымасці, якія прадстаўляе навучальны гурток як сродак прафесійнага росту;

* распрацаваць праграму ўласнага навучальнага гуртка.

За дадатковай інфармацыяй звяртайцеся да Іны па тэл. + 375 296 69 66 59 ці пішыце па электроннай пошце hurtki.team@yahoo.com


Каментаваць

Амбасада ЗША абвясціла конкурс на ўдзел у праграме моладзевых абменаў 
Амбасада ЗША абвясціла конкурс на ўдзел у праграме моладзевых абменаў (Youth Cultural Opportunity) для беларускіх школьнікаў, піша БЕЛАПАН. Як паведамляе амбасада ЗША у Мінску, Youth Cultural Opportunity — гэта Пяцітыднёвая праграма азнаямлення з культурнымі і нацыянальнымі асаблівасцямі ЗША для старшакласнікаў у перыяд летніх канікул(канец чэрвеня — пачатак жніўня 2009 года). Праграма фінансуецца Дзяржаўным дэпартаментам ЗША.
Кандыдаты на ўдзел у праграме павінны вучыцца ў 9-м або 10-м класе сярэдняй школы, быць народжанымі ў перыяд з 1 студзеня 1993 года да 1 чэрвеня 1994 года, мець добрыя і выдатныя адзнакі, вывучаць англійскую мову і быць грамадзянамі Рэспублікі Беларусь.
Атрымаць больш падрабязную інфармацыю аб праграме можна на сайце http://ycopportunity.org/webForms/index.php?frmno=31 
Апошні тэрмін падачы дакументаў для ўдзелу ў праграме — 28 лістапада 2008 года.
Паводле Naviny.by
Каментаваць

Конкурс адукацыйных матэрыялаў “Ноўтбук для актыўнага настаўніка”

Мэта конкурсу – стварэнне новых адукацыйных і дыдактычных матэрыялаў развіццёвай педагогікі, іх папулярызацыя і стварэнне ўмоў для доступу да іх шырокаму колу педагогаў.


Конкурс «Ноўтбук для актыўнага настаўніка» праводзіцца па пяці намінацыях:

• Методыка выкладання вучэбных прадметаў у школах і нефармальнай адукацыі (Метадычны дапаможнік)


• Сучасны урок (Адукацыйны працэс на школьным уроку: распрацоўка школьных урокаў, факультатыўных заняткаў);


• Грамадзянская адукацыя і нацыянальная школа (адукацыйны праект, даследаванне або майстар-клас, сцэнар семінара, пазакласных заняткаў, іншых мерапрыемстваў);


• Настаўнік – сям’я – грамадства (адукацыйны праект, даследаванне, майстар-клас, аналітычнаы артыкул,і г.д ) .


• Адукацыйны інтэнэт-рэсурс (адукацыйны сайт педагога, школы, школьнага клуба, гуртка …).

Для ўдзелу ў конкурсе неабходна даслаць свае матэрыялы на адрас nastaunik.info@gmail.com, да якіх далучыць ліст з абгрунтаваннем таго, як удзельнік плануе выкарыстоўваць ноўтбук у сваёй дзейнасці. Далей

УВАГА!!! КОНКУРС АДУКАЦЫЙНЫХ ПРАЕКТАЎ

Конкурс накіраваны на падтрымку адукацыйных праектаў і ініцыятываў педагогаў, адукатараў, бацькоў. Працягласьць праектаў – з лістапада 2008 па верасень 2009 года. Праекты могуць быць выкананыя ў розных формах, такіх, як праца моладзевых клубаў, сустрэчы, трэнінгі для навучэнцаў, калегаў, мясцовых жыхароў, арганізацыя даследчых працаў, распрацоўка метадычных матэрыялаў і г.д. Вітаюцца праекты, досвед якіх можа быць распаўсюджаны на рэгіянальным і нацыянальным узроўні, якія накiраваныя на грамадзянскую адукацыю, развіццё крытычнага мыслення дзяцей, моладзі, педагогаў, бацькоў, мясцовага насельніцтва, якія пашыраюць дэмакратычныя каштоўнасці незалежнай беларускай дзяржавы.

Да ўдзелу ў конкурсе запрашаюцца настаўнікі, выкладчыкі вышэйшых і сярэдніх спецыяльных установаў, выхавальнікі, бацькі, асобы і грамадскія арганiзацыі, якія працуюць ў сферы фармальнай і нефармальнай адукацыі.

Апошні тэрмін падання заявак: 17 лістапада 2008 г.

Умовы конкурса і форму анкеты-заяўкі глядзіце ў далучаным файле abviestka_zajauka


Паводле belngo.info



Каментаваць

Новае на сайце

Практыкаванні на ўтрыманне ўвагі: гульнявая прафілактыка галёрачных настрояў

Адвечная праблема – дысцыпліна… Тыя, каму не паступаць у ВНУ, раптам пачынаюць замінаць працэсу навучання тых, каму паступаць. А ўвага настаўніка да адных прыводзіць да страты кантролю над астатнімі. Што рабіць? Заклікаць да сумлення? Прыстрашыць двойкай або бацькамі?..

Свае гульнявыя прыёмы засяроджвання ўвагі занадта ўзбуджанай аўдыторыі прапануюць доктар педагагічных навук Вячаслаў Букатаў і кандыдат педагагічных навук Аляксандра Яршова.

Крыніца: www.cs-network.ru

Cпампаваць тут(doc, 70 КБ)



Каментаваць

Міжнародны конкурс малюнка “На сваёй зямлі”

Грамадская арганізацыя “Беларускі зялёны крыж”, Міністэрства адукацыі, Міністэрства культуры і Міністэрства прыродных рэсурсаў і аховы навакольнага асяроддзя аб'яўляюць Чацвёрты Міжнародны конкурс малюнка “На сваёй зямлі”

Тэмы малюнкаў:

* Жылі-былі...

* Часіны году. Пейзаж.

* Гарадская мелодыя.

* Далёкія падарожжы (па матывах твораў Гамера).

* Дарагі мой чалавек.

Да ўдзелу запрашаюцца дзеці і моладзь ва ўзросце ад 4 да 21 году.


Чытаць далей/Каментаваць

Таямніцы і легенды мінскага цэнтральнага праспекта

Ці ведаеш ты, што мінскі праспект Незалежнасці мяняў сваё найменне 10 разоў?

Ды што там найменне – ён мяняў нават напрамак!

Куды падзеўся самы высокі ў СССР Іосіф Вісарыёнавіч?

Што агульнага ў багіні Дземетры і генерала Навумава?

Агульнабеларуская кампанія “Будзьма!” і МГА “Гісторыка” сардэчна запрашае цябе на цікавае падарожжа па сучаснаму праспекце Незалежнасці і нашай гісторыі!

Збіраемся ў нядзелю, 16 лістапада 2008 г. а 10:00 каля ўваходу ў галоўны корпус БДУ (пр. Незалежнасці, 4).

Экскурсію праводзіць гісторык Іван Сацукевіч.

Паводле budzma.org



Каметнаваць

Здарэнне на з'ездзе БРСМ
Двое моладзевых актывістаў з Партыі БНФ і АГП Франак Вячорка і Міхась Пашкевіч здолелі павітаць калегаў на з'ездзе БРСМ, які адбываецца сёння ў Палацы Рэспублікі. Што было далей, чытайце у «Нашай Ніве»  і на Свабодзе
Каментаваць

Запрашаем на семінар “Культура, гісторыя, традыцыі Беларусі – знаёмства праз навучальныя гурткі”.
Калі вы:
- цікавіцеся гісторыяй свайго горада і краіны, традыцыяй і культурай Беларусі;
- хочаце знайсці сабе аднадумцаў і пазнаёміцца з тымі, каго цікавяць тыя ж пытанні, што і вас;
- імкнецеся спазнаваць штосьці новае і цікавае ў коле сяброў ці дзяліцца з імі сваімі ведамі,
мы запрашаем вас на семінар “Культура, гісторыя, традыцыі Беларусі – знаёмства праз навучальныя гурткі”.
Пад час семінара вы змажаце даведацца:
- пра арганізацыі, ініцыятывы, людзей, дзейнасць якіх звязана з такімі тэмамі, як культура, традыцыі, гісторыя Беларусі;
- што такое нефармальны навучальны гурток для дарослых і як з яго дапамогай можна спазнаваць нешта новае і знаходзіць аднадумцаў;
- як самому арганізаваць і правесці такі гурток, як стаць яго лідэрам.
Семінар адбудзецца 1–2 лістапада 2008 года ў Мінску.
Пасля семінара ў тых, хто зацікавіцца правядзеннем навучальных гурткоў па дадзенай тэме, будзе магчымасць атрымаць падтрымку ў выглядзе навучальных матэрыялаў і метадычных кансультацый ад Рэсурснай праграмы навучальных гурткоў. Для ўдзелу ў семінары просім запоўніць анкету ўдзелу і даслаць нам на адрас hurtki.team@gmail.com  з тэмай “культура і традыцыі”. Кантактны тэлефон (029) 388 25 64.
Заяўкі прымаюцца да 31 кастрычніка.
У заяўцы неабходна пазначыць:
- Імя, прозвішча
- Кантактныя звесткі
- Якую арганізацыю ці ініцыятыву вы прадстаўляеце?
- Ці ёсць у Вас вопыт працы, звязаны з тэмай семінара. Калі ёсць, то які?
- Чаму вы хочаце ўзяць удзел у дадзеным семінары?
Каментаваць

Агляд адукацыйных навінаў
- Зменены ўмовы конкурсу на стварэнне падручнікаў для агульнаадукацыйных устаноў >>>
- У Нацыянальным цэнтры творчасці дзяцей і моладзі, кажуць пра небяспеку закрыцця гуртка саломапляцення. Прычынай называюць камерцыялізацыю дзіцячай установы. У памяшканні, дзе быў гурток, будзе школа для падрыхтоўкі ... да школы. >>>
- Дырэктар НІА Генадзь Пальчык прыняў удзел у канферэнцыі «Алтынсаринские чтения «Развитие национальной образовательной системы в условиях глобализации», якая праходзіла ў г. Амааты. Відаць, цягам бліжэйшых 5 год НІА будзе ствараць нацыянальную сістэму адукацыі ў супрацоўніцтве  з Нацыянальнай акадэміяй адукацыі імя  Ы.Алтынсарына. Ну хоць як! >>>
- Аляксандр Радзькоў не выключае, што Рэспубліканскае грамадскае аб'яднанне «Белая Русь» можа ў будучым стаць палітычнай партыяй >>>
- Намiнальная налiчаная сярэднямесячная заработная плата работнiкаў Беларусi ў вераснi гэтага года склала 943 тысячы рублёў, у Мiнску  – 1 млн 232 тыс. Ва ўстановах адукацыi гэты паказчык быў каля 607 тыс., у тым лiку ў педагагiчных працаўнікоў – 655 тыс., ў настаўнiкаў – 691 тыс. Для параўнання: сярэднi вераснёўскi заробак ўрачоў – 1 млн. 82 тыс., сярэдняга медыцынскага персаналу – амаль 683 тыс., малодшага медыцынскага персаналу – 438 тыс.>>>
-  з 27 па 31 кастрычніка У Беларускім дзяржаўным універсітэце праходзяць Дні Кітая >>>
 – У віцебскіх дзяцей міліцыянты ўзялі адбіткі пальцаў, калі 130 школьнікаў наведалі Першамайскі РАУС Віцебска падчас правядзення Дня адчыненых дзьвярэй >>>
Каментаваць

Фільм «Галерэя Ады» адзначаны прызам Савета Еўропы
Спэцыяльны прыз Савета Еўропы за 2008 год за фільм «Галерэя Ады» атрымаў беларускі рэжысёр і педагог, дырэктар Беларускага гуманітарнага ліцэя Уладзімір Колас. Фільм паказвае жыццё беларускай вёскі Германавічы праз лёс яе жыхароў. Галоўная гераіня – былая настаўніца рускай мовы Ада Райчонак., якая заснавала у сваёй весцы мастацкую галерэю і штогод ладзіць мастацкія пленэры для таленавітай моладзі.
Каментаваць

СЕМІНАР ПА ЭКАЛАГІЧНАЙ АДУКАЦЫІ
Сэмінар “Экалагічная адукацыя і адукацыя для ўстойлівага развіцця. Досвед Даніі, перспектывы Беларусі” адбудзецца 28–30 кастрычніка ў Мінску. Семінар вядзе эксперт у галіне экалагічнай адукацыі дацкага згуртавання экалагічных арганізацый Danish Outdoor Council. Да ўдзелу запрашаюцца ўсе зацікаўленыя прадстаўнікі грамадскіх арганізацый, установаў адукацыі ды сябры групы “Адукацыя для ўстойлівага развіцця” Зялёнай Сеткі. Усе выдаткі ўключаныя.
Дадатковую інфармацыю пра семінар глядзіце далей.
Заяўкі на ўдзел у адвольнай форме з пазначэннем арганізацыі прымаюцца на э-мэйл: yaroslav.bel@gmail.com  
Паводле ngo.by
Чытаць далей / Каментаваць

Свята паэзіі ў гонар Анатоля Сыса

26 кастрычніка ў межах кампаніі “Будзьма” ў вёсцы Гарошкаў, што непадалёк ад Рэчыцы, адбудзецца свята паэзіі ў гонар Анатоля Сыса. У свяце бяруць удзел родныя і землякі Анатоля, ягоныя сябры, а таксама вядомыя беларускія паэты, барды і мастакі, у тым ліку: Сяргей Законнікаў, Васіль Жуковіч, Леанід Дранько-Майсюк, Алесь Пашкевіч, Эдуард Акулін, Алесь Бяляцкі, Сяржук Сыс, Галіна Дубянецкая, Міхась Скобла, Андрэй Хадановіч, Павал Змітрук, Ларыса Раманава, Аксана Данільчык, Андрэй Мельнікаў, Вальжына Цярэшчанка, Кастусь Герашчанка, Алесь Пушкін, Генік Лойка, Вадзім Болбас, Генадзь Лапацін ды інш.


Ласкава запрашаем усіх, каму на справе, а не на словах дарагі несмяротны Дух айчыннай паэзіі, хто любіць і памятае творчасць Анатоля Сыса — аднаго з найвыбітнейшых беларускіх паэтаў ХХ стагоддзя.


Пачатак свята а 12–ай гадзіне на Гарошкаўскіх могілках, дзе адбудзецца адкрыццё надмагільнага помніка паэту. А 13-й – пачнуцца паэтычныя чытанні і бардаўскі канцэрт на падворку роднай хаты Анатоля Сыса.


Для тых, хто жадае далучыцца да імпрэзы, кантактныя тэлефоны: +37529 -7–68–56–14 (у Мінску) і +37533–6–72–24–60 (у Рэчыцы). Мінчукі могуць даехаць да вёскі Гарошкаў аўтобусам да Рэчыцы і далей на аўтобусе да Гарошкава альбо на цягніку да Гомеля і далей на аўтобусе да Гарошкава


Паводле budzma.org



Каментаваць

Конкурс “Сонечны свет-2008”

Выхаванцы дзіцячых установаў запрашаюцца да ўдзелу ў міжнародным фотаконкурсе “Сонечны свет – 2008”.
Апошні тэрмін падачы работ на конкурс – да 15 лістапада.
Кантакты: Юры Дрэмін, e-mail konkurssunny@yandex.ru.


Паводле «Кронікі грамадзскага жыцьця Гарадзеншчыны»



Каментаваць

Ведай свае грошы!

Багата ілюстраваная, на добрай паперы кніга «Калекцыйная спадчына Вялікага Княства» нарадзілася з ініцыятывы супольнасці карыстальнікаў парталу «Ізрой».

Мэта кнігі — паказаць сучаснікам спадчыну Вялікага Княства Літоўскага. Трое з цяперашніх аўтараў (Дз.Гулецкі, А.Грамыка, А.Крываручка) летась ужо выдалі кнігу «Манеты Беларусі да 1707 году».

Першы раздзел кнігі прысвечаны картам і гравюрам, што звязаныя з ВКЛ. Гэта першая спроба сістэматызаваць цікавую, але малавядомую для большасці галіну нашай спадчыны. Прадстаўленыя вядомыя і малавядомыя старажытныя карты ВКЛ і гравюры беларускіх гарадоў. Ёсць табліцы з аўкцыённымі коштамі некаторых выданняў.

Напрыканцы кнігі пададзеныя парады — «Карты ў інтэр’еры» — аб правільным развешваньні, даглядзе і захоўванні старажытных картаў і гравюраў.

Другі раздзел кнігі прысвечаны манэтам, што абарачаліся на землях Беларусі ад часоў Ягайлы да апошняга караля Рэчы Паспалітай Станіслава Панятоўскага. Змешчаны пашыраны каталог з прыблізнымі коштамі на беларускім рынку.

Прадстаўленыя даследаваньні беларускіх нумізматаў па літоўскіх манетах Аляксандра Казіміравіча і Жыгімонта Старога, полацкіх фальшыўках лівонскіх манет, літоўскіх барацінках 1660—1661 гг. і вытворчасці манет за часамі Панятоўскага. Чытача зацікавіць таксама невялікія зацемкі «Цікавыя факты», пададзеныя ці не на кожнай старонцы аб працы мынцаў (манетных двароў), каралеўскія прывілеі і іншыя падзеі, звязныя з вытворчасцю манет на землях ВКЛ.

Трэці раздзел прадстаўляе прыватныя пячаткі ВКЛ. Кніга прапануе шматлікія фота пячатак літоўскай шляхты, заможных месцічаў і габрэйскіх гандляроў, што захоўваюцца ў прыватных калекцыях і публікуюцца ў Беларусі ўпершыню.

Паводле Нашай Нівы


Каментаваць

Працягваецца творчы спабор у межах медыякампаніі «Журналісты за гістарычную спадчыну»

Мэта спабору — адзначыць найлепшыя журналісцкія матэрыялы, прысвечаныя тэме гісторыка-культурнай спадчыны Беларусі.

Спабор ладзіцца ў трох намінацыях:

1. Помнікі паміраюць стоячы

У гэтую намінацыю прымаюцца тэксты, прысвечаныя праблемам захавання помнікаў гісторыі і культуры Беларусі, фактам знішчэньня помнікаў, а таксама парушэнняў заканадаўства аб захаванні спадчыны.

2. Вандроўка па Беларусі

У гэтую намінацыю прымаюцца тэксты, якія ўяўляюць сабой распрацаваныя журналістамі маршруты вандровак па цікавых гістарычных мясцінах Беларусі, альбо якія папулярызуюць ужо існуючыя маршруты.

3. 145-я ўгодкі паўстаньня пад кіраўніцтвам Кастуся Каліноўскага

У гэтую намінацыю прымаюцца тэксты, прысвечаныя гісторыі паўстання Кастуся Каліноўскага 1863–1864 гадоў.

Браць удзел у спаборы маюць права штатныя альбо пазаштатныя аўтары беларускіх СМІ — друкаваных выданняў, радыё- і тэлепраграм, вэб-пляцовак.
На спабор прымаюцца журналісцкія працы, якія былі надрукаваныя ці выйшлі ў эфір у перыяд з 1 студзеня па 31 снежня 2008 года.

Матэрыялы мусяць быць прадстаўленыя ў друкаваным выглядзе з рэдакцыйнай пячаткай і подпісам (для друкаваных выданьняў), а таксама ў электронным выглядзе (абавязкова). Абавязковае таксама ўказанне даты публікацыі (выхаду ў эфір) матэрыялу. Прымаецца не больш за 3 матэрыялы ад аднаго аўтара.

Акрамя таго, кожны аўтар мусіць даслаць наступныя звесткі пра сябе:
-імя, імя па бацьку і прозвішча; узрост;

-выданне, у якім працуе;

-тэлефон (працоўны і мабільны), электронная пошта.

Апошні тэрмін прыёму твораў – 31 снежня.

Працы дасылайце на адрас Грамадзкага аб’яднаньня «Беларуская асацыяцыя журналістаў»: пл. Свабоды, 17, офіс 304, Мінск, 220030 альбо на эл. скрыню melnikava@gmail.com

Паводле «Кронікі грамадзскага жыцьця Гарадзеншчыны»



Каментаваць

Новае на сайце

Адукацыя на прыродзе

Арыгінальная электронная кніга, напісаная Галінай Верамейчык і Вольгай Пчолкінай, вельмі дыхтоўна і паслядоўна распавядае аб сукупнасці метадаў навучання на прыродзе. Лаканічна і ёміста апісаныя гісторыя развіцця гэтай групы методык, яе тэарэтычныя асновы, роля ў грамадзянскім выхаванні вучняў і ўласна самі метады. Кніга напісаная добрым і зразумелым стылем, без нагрувашчвання штампаванай тэрміналогіі, што вельмі вылучае яе на фоне сучаснай метадычнай літаратуры і робіць даступнай і карыснай шырокаму колу педагогаў.

Спампаваць тут (pdf, 505 КБ)


Каментаваць

Два студэнты стварылі электронную энцыклапедыю Беларусі

Студэнт БДУ Аляксей Кульбіцкі ды студэнт Радыётэхнічнага універсітэту Мікалай Дзятлаў сканчаюць працу над унікальнай электроннай энцыклапедыяй па гісторыі ды культуры Беларусі. Не кожная краіна свету можа пахваліцца такім электронным даведнікам. А пачалі працу над праграмай Аляксей ды Мікалай яшчэ два гады таму, калі сканчалі школу.

Інтэрв'ю з маладымі майстрамі чытайце на старонцы Польскага радыё для замежжа


Каментаваць

Усходнееўрапейская школа палітычных даследаванняў аб’яўляе конкурс

Усходнееўрапейская школа палітычных даследаванняў сумесна з Радай Еўропы аб’яўляе набор слухачоў на 2008 – 2009 г.г. для грамадзян Рэспублікі Беларусь. Заняткі будуць праводзіцца ў выглядзе чатырох сесій, першая з якіх адбудзецца ў снежні ва Украіне, а апошняя – летам 2009 г. у Страсбурзе. Кожная сесія будзе доўжыцца тры– чатыры дні. Паміж сесіямі плануецца ўдзел слухачоў у даследчых праграмах і мерапрыемствах па распаўсюджванні атрыманых ведаў. Слухачы, якія паспяхова пройдуць курс навучання, атрымаюць дыплом Рады Еўропы.



Чытаць далей/Каментаваць

Конкурс па правах чалавека для гомельцаў

20 кастрычніка Гомельскае аддзяленне грамадскага аб'яднання «Прававая ініцыятыва» абвясціла конкурс, прысвечаны 60-годдзю Усеагульнай дэкларацыі правоў чалавека.

Творчыя работы на тэму «Усеагульная дэкларацыя правоў чалавека ў маім жыцці" і «Правы чалавека ў Беларусі" аргкамітэту конкурсу могуць накіроўваць навучэнцы і студэнты сярэдніх і вышэйшых вучэбных устаноў Гомеля.



Чытаць далей/Каментаваць

Фотаконкурс “Будзьма беларусамі!” стартуе 20 кастрычніка
Адкрытая грамадская кампанія “Будзьма!” абвяшчае конкурс фотаздымкаў.
Прапанаваныя на конкурс здымкі павінны ўяўляць сабою дакументальнае ці мастацкае ўвасабленне вобразаў, партрэтаў і сітуацый, якія ў аўтараў асацыююцца з Беларуссю ці беларусамі.
Пераможцы конкурсу будуць вызначаны ў наступных намінацыях:
1. “Людзі Беларусі” (асобы і характары нашых суайчыннікаў)
2. “Краіна Беларусь” (краявіды і сітуацыі, якія падкрэсліваюць унікальнасць нашай краіны)
3. “Будзьма еўрапейцамі!” (беларускія асобы, сюжэты і вобразы, якія паказваюць нашу еўрапейскасць)
Усе працы павінны мець наступныя звесткі: імя і прозвішча (па жаданні – нікнэйм), поўная дата нараджэння, зваротны электронны адрас, пажадана кантактныя тэлефоны. 
Прымаюцца фотаздымкі памерам не больш за 1 мегабайт.
Фотаконкурс “Будзьма беларусамі!” будзе доўжыцца ад 20 кастрычніка 2008 г. да 31 сакавіка 2009 г.
Журы конкурсу: Міхал Анемпадыстаў, Андрэй Лянкевіч, Анатоль Кляшчук
Штомесяц будуць падводзіцца вынікі па кожнай з трох намінацый.
Працы-пераможцы за месяц будуць выстаўляцца на інтэрнэт-старонцы www.budzma.org,  а іх аўтары будуць урачыста ўзнагароджаныя прызамі ад кампаніі “Будзьма!”. У сакавіку 2009 г. сярод штомесячных пераможцаў будуць вызначаныя лаўрэаты “Гран-пры” конкурсу ва ўсіх намінацыях. Апрача каштоўнага прызу, кожны з іх атрымае магчымасць займець персанальную старонку ў Інтернэце.
Адрас для дасылкі: razam@budzma.org  Кантактныя тэлефоны: + 375 29 627 35 50, + 375 29 853 55 77
Паводле www.budzma.org
Каментаваць

Новае на сайце

Астранамічная абсерваторыя ў Гародні

Артыкул Леаніда Лаўрэша з газеты «Наша слова», прысвечаны жыццю прафесара Віленскай Акадэміі Францішка Нарвайша, з якога вынікае, што ў Гродне напрыканцы XVIII стагоддзя была абсерваторыя.

Спампаваць артыкул (doc, 32 КБ)

Паводле сайта pawet.net



Каментваць

У Мінску працуе выстава «Зямля і космас Язэпа Драздовіча»

15 кастрычніка ў Менску ў Доме-музеі I з'езду РСДРП адкрылася выстава «Зямля і космас Язэпа Драздовіча», прысвечаная 120-годдзю са дня нараджэння аднаго з заснавальнікаў нацыянальнага гістарычнага жывапісу, майстра дэкаратыўна-прыкладнага мастацтва, скульптара, этнографа, фалькларыста, археолага, педагога і пісьменніка Язэпа Драздовіча.

У экспазіцыі прадстаўлена 177 твораў графікі, жывапісу, разьбярства па дрэве, у тым ліку знакамітыя маляваныя насценныя дываны «З замкам над возерам. Накцюрн» і «Тракайскі замак», творы, прысвечаныя касмічнай тэме, матэрыялы навуковых даследаванняў па астраноміі, а таксама фрагменты яго археалагічных калекцый.


Па словах доктара філалагічных навук Арсена Ліса, адкрыццё Я.Драздовіча як мастака адбылося паўстагоддзя таму. «Гэта быў выбітны графік, які афармляў першыя беларускія перыядычныя выданні, у тым ліку газету «Наша Ніва», першыя выданні беларускага каляндара. Гэта быў выбітны асветнік, які ўдзельнічаў у заснаванні беларускіх школ, дзе сам і выкладаў", — сказаў навуковец.

Паводле naviny.by



Каментваць

Агляд адукацыйных навінаў

– Асновы барацьбы са школьнымі хуліганамі >>>

– Італьянскія школьнікі памяняюць падручнікі на камп'ютары >>>

– ТБМ патрабуе правак у «Закон аб мовах» >>>

– У БДУ пачалася рэгістрацыя на першы этап рэпетыцыйнага тэставання >>>

– У Гомельскім каледжы машынабудавання пачалі навучацца 30 грамадзян Венесуэлы. >>>

– Для будучых студэнтаў з Мінска «мэтазгодна» ўвесці мэтавы прыём у Беларускі дзяржаўны медыцынскі універсітэт. >>>

– Бацькоў, якія не здалі грошы на патрэбы баранавіцкіх навучальных устаноў, палохаюць вывешваннем спісаў дзяцей, бацькі якіх не падтрымалі школы матэрыяльна. >>>



Каментваць

Тэхнічныя праблемы 17-га кастрычніка

Сайт Настаўнік.інфо быў часткова недаступны з-за тэхнічных праблем з 10.30 да 20.00 17-га кастрычніка.
На сённяшні час усе праблемы вырашыны і сайт поўнасцю працуе.
Каментаваць

Настаўнік Мікалай  Бусел думае пра Беларусь
Вядома, настаўніку лягчэй за ўсё зацыкліцца на вырашэнні надзённых праблемаў, якія дзяржава з дапамогай адукацыйнага чынавенства падкідае ўсё больш і больш. Але ёсць яшчэ настаўнікі, якія глядзяць на праблемы шырэй, якія здольныя і прааналізаваць і напісаць, што думаюць... Прапануем прачытаць артыкул Мікалая Бусла са Светлагоршчыны, дасланы ў газету «Наша Ніва»
Чытаць / Каментаваць

Стыпендыі на даследчыя праекты

Беларускі Фонд Публічнай Палітыкі ў супрацоўніцтве з Беларускім
інстытутам Стратэгічных даследаванняў (www.belinstitute.eu) абвяшчае
конкурс стыпендый на даследчыя праекты на 2008–2009 гг. Працягласць
праграмы складае 4–9 месяцаў.

Стыпендыятам прадастаўляецца магчымасць незалежнай працы (з
рэгулярнымі кансультацыямі з запрошанымі экспертамі) над даследчым
праектам, які будзе ўхвалены камісіяй.

Тэмы даследаванняў:

эканамічныя праблемы, сацыяльныя і палітычныя падзеі, міжнародныя
адносіны, значныя для Беларусі.

Да ўдзелу ў конкурсе запрашаюцца грамадзяне Беларусі, якія валодаюць
ведамі ў адпаведнай галіне, падцверджанымі справаздачай аналітычнай працы, акадэмічнага, адміністратыўнага досведу альбо досведу працы са СМІ, з'яўляюцца актывістамі грамадзянскай супольнасці. Прэтэндэнты мусяць падцвердзіць праесійныя здольнасці праз публікацыі,
рэалізаваную навукова-даследчую працу, і г.д.

Апошні тэрмін падачы заявак: 7 лістапада 2008 году.

Падрабязную інфармацыю аб конкурсе глядзіце тут


Паводле рассылкі belngo.info



Каментаваць

Ан-лайн журналістыка для пачаткоўцаў

Інтэрнэт-супольнасць “Moladz.org” абвяшчае набор таленавітых і
творчых маладых людзей для ўдзелу ў семінары па ан-лайн журналістыцы.

Сэмінар адбудзецца 26 кастрычніка 2008 году ў Мінску.

Удзел у семінары бясплатны, арганізатары таксама кампенсуюць выдаткі на праезд.

Анкеты знаходзяцца па спасылцы і прымаюцца да 20-га кастрычніка на адрас vkonkurs@gmail.com


Кантакты арганізатараў:

vkonkurs@gmail.com, 321–48–76 (velcom) – Надзея, 58–81–741 (mts) – Дар'я.

Паводле рассылкі belngo.info



Каментаваць

Конкурс для журналістаў «Праз Берасце ў Еўропу»

Да ўдзелу ў конкурсе запрашаюцца школьнікі і студэнты ўсіх навучальных
установаў горада Брэста.

Журы конкурсу, якое складаецца з вядомых журналістаў і краяведаў,
будзе прымаць работы маладых журналістаў па тэме «Праз Берасце ў
Еўропу».

Гэта могуць быць калектыўныя работы:

– школьныя і студэнцкія сценгазеты;

– розныя самвыданні; (выдадзеныя сёлета)

Акрамя таго, будзе праведзены асобны конкурс па наступных інідывідуальных намінацыях:

– лепшы фотарэпартаж;

– лепшы артыкул па тэме;

– лепшая работа ў мастацка-літаратурным жанры (расповед, казка, карыкатура, верш).

Апошні тэрмін падачы работ: 1 лістапада 2008 году.

Падрабязную інфармацыю аб конкурсе глядзіце тут.


Паводле рассылкі belngo.info



Каментаваць

Праграма грантаў ад OSI

Сецевая праграма «Мастацтва і культура» прадастаўляе гранты асобам і арганізацыям з мэтай падтрымкі праектаў, якія, абапіраючыся на моц мастацкай і выяўленчай культуры, садзейнічаюць ўзнікненню і развіццю адкрытага грамадства. Гранты прадастаўляюцца па праектах, скіраваных на ўмацаванне практыкі сумесных творчых праектаў і развіццё грамадскіх культурніцкіх прастораў.

Заяўкі разглядаюцца прыблізна кожныя два месяцы. Заяўнікам паведамляюць аб прынятым рашэнні на працягу месяцу пасля разгляду заяўкі. Заяўкі неабходна падаваць у электронным выглядзе на англійскай альбо рускай мовах. Бланк заяўкі даступны на сайце. Інструкцыі аб парадку падачы заявак глядзіце ў раздзеле «Як падаць заяўку».

За дадатковай інфармацыяй адносна праграм «Умацаванне практыкі сумесных творчых праектаў" і «Развіцьцё грамадcкіх культурных прастораў" звяртайцеся да Рыты Бакрадзэ па эл. пошце rbakradze@osi.hu, альбо па тэл. +3613273100 дад. 2182.

Апісаньне праграмы і бланк заяўкі глядзіце тут.

Паводле рассылкі belngo.info



Каментаваць

«Культура, гісторыя, традыцыі Беларусі – знаёмства праз навучальныя гурткі".
Рэсурсная праграма навучальных гурткоў запрашае 18–19 кастрычніка 2008 г. на семінар-трэнінг «Культура, гісторыя, традыцыі Беларусі – знаёмства праз навучальныя гурткі".
На семінары вы зможаце:
- даведацца, што такое нефармальныя навучальныя гурткі як форма адукацыі дарослых, пазнаёміцца з іх прынцыпамі і асаблівасцямі.
- набыць вопыт працы ў навучальным гуртку ў якасьці удзельніка ці ў якасці лідэра,
- даведацца, як праз гурткі можна вывучаць і пазнаваць гістрыю, традыцыі сваёй краіны, гораду.
Семінар-трэнінг будзе праводзіцца ў Мінску
Чытаць далей / Каментаваць 

Міжнародны конкурс відэакліпаў
Міжнародны відэаконкурс, накіраваны на падтрымку супрацоўніцтва і дыялогу паміж моладдзю розных краін  Конкурснае заданне – стварэнне кароткага (не больш за 3 хвіліны) відэароліка «Дэмакратыя гэта...». Сем ролікаў-пераможцаў будуць вылучаныя ў чэрвені 2009 гада. Іх аўтарам будзе аплачаны праезд і ўдзел у цырымоніі ўзнагароджання, якая пройдзе ў ЗША у кастрычніку 2009 гада. Паказы ролікаў адбудуцца ў Галівудзе, Нью-Ёрку і Вашынгтоне, іх аўтары сустрэнуцца з прадстаўнікамі дэмакратычных інстытутаў, СМІ, улады.
Жадаючыя прыняць ўдзел у конкурсе павінны змясціць свае кліпы на сайце www.youtube.com/democracychallenge    да 31 студзеня 2009 года.
Падрабязная інфармацыя http://www.videochallenge.america.gov/
Каметнаваць
 
 

Вывучаць беларускую гісторыю ў Вільні...
Абвяшчаецца дадатковы набор у ЕГУ
На 1 курсе бакалаўрскай праграмы “Гісторыя Беларусі і культурная антрапалогія” (дзённае аддзяленне) Еўрапейскага Гуманітарнага універсітэту з’явіліся 2 вакансіі!
 Грунтоўныя веды, выдатныя выкладчыкі і дыплом еўрапейскага ўзору! Экзамен у форме профільнага суразмоўя. Кошт навучання – 1410 еўра ў год. Існуе магчымасць атрымання стыпендыі – 100 еўра (штомесяц).
Звяртацца па адрасу: smalianchuk@ehu.lt
Каментаваць

Новае на сайце

Тэсты па сусветнай геграфіі

Прапануем вам тэсты па геаграфіі Аўстраліі, Акеаніі, Афрыкі, Паўночнай Амерыкі, Егіпту, ПАР, а таксама па тэме ПГС, распрацавныя настаўніцай маладзечанскай гімназіі №1 Галінай Дрокінай

Спампаваць матэрыял (28 КБ)



Каментаваць

Займальна-адукацыйная праграма «Я – герой (1)"

Цэнтр пазашкольнай работы “Ветразь”
Кастрычніцкага раёна г. Мінска і Сучасная бізнес-акадэмія праводзяць у час восеньскіх канікулаў (25 кастрычніка – 2 лістапада) для дзяцей, падлеткаў, юнакоў і дзяўчат з 6-ці да 18-ці гадоў у рамках праекта «Фестываль цудаў 2008» займальна-адукацыйную праграму «Я – герой (1)» (развіццё навыкаў лідэрства, адносін, вырашэння канфліктаў)

Праграма “Я – герой (1)” пройдзе ў дзіцячым аздараўленчым лагеры “Купалінка”, які размешчаны ў 27 км. ад Мінска (Валожынскі р-н, каля вёскі Ракаў) у жывапісным сасновым бары. Размяшчэнне ў 3-х и 4-х мясцовых пакоях, пяціразовае харчаванне.
Час правадзення: 25 кастрычніка – 2 лістапада 2008 г. (“Я – герой (2)” – у час зімовых канікулаў, “Я – герой (3)” – на вясенніх канікулах).

Праграмныя мерапрыемствы праводзяць вопытныя педагогі-псіхолагі.

Удзельнікі праграмы больш поўна раскрыюць сваю індывідуальнасць, праявяць лідэрскія якасці, смеласць, павысяць самаадзнаку і ўпэўненасць у сабе, змогуць развіць свае здольнасці у адносінах, адаптацыі ў новым калектыве аднагодкаў, аддыхнуць с карысцю для фізічнага і душэўнага здароўя і развіцця.


Чытаць далей/Каментаваць

Міжнародная праграма для школ і моладзевых груп «Еўрапейцы за мір»

У рамках праграмы „Europeans for Peace. Looking back and moving forward“ Фонд „Памяць, адказнасць і будучыня“ падтрымлівае міжнародныя сумесныя праекты паміж школамі, моладзевымі групамі ці аб'яднаннямі з Германіі і краінамі Цэнтральнай, Усходняй і Паўднёва-усходняй Еўропы або Ізраілю. Мэтавую групу складае моладзь ад 14 да 21 гадоў.


Агульная тэма праектаў 2009 г. – 1939 – 2009 «Сябар і вораг у СМІ"

У міжнародных праектах маладыя людзі даследуюць прыклады «вобраза ворага і сябра» у СМІ у перыяд з 1939 па 2009 гг. Праекты могуць распрацоўваць гістарычныя або сучасныя тэмы. Яны таксама могуць даследаваць супольнасці і адрозненні паміж мінулым і сучаснасцю.

Праекты павінны распрацоўвацца і ажыццяўляцца сумесна, улічваць пункты гледжання партнёраў. Яны павінны быць цікавымі для моладзі, і ў той жа час нацэльваць на дыялог паміж пакаленнямі – гутаркі з відавочцамі або з прызнанымі дзеячамі, напрыклад у галіне правоў чалавека або антыдыскрымінацыйнай працы, у праектах, прысвечаных сучаснасці.

Для сумеснай (працягласцю да аднаго года) працы над праектамі выдаюцца сродкі на правядзенне сустрэч і набыццё неабходных для рэалізацыі праектаў матэрыялаў. Акрамя таго, на бясплатным міжнародным падрыхтоўчым семінары ўдзельнікі атрымліваюць дапамогу як у пытаннях складання праекта, так і ў пытаннях методыкі працы над праектам і кіраванні атрыманымі фінансавымі сродкамі.

Вынікі працы будуць ацэненыя ў 2010 г., 10 праектаў могуць дадаткова быць адзначаныя прэміямі.

Заяўка падаецца ў форме праекта. Фармуляр для гэтага знаходзіцца па адрасе www.europeans-for-peace.de. Тамсама ёсць і рэкамендацыі для распрацоўкі і планавання праектаў. Канец прыёму планаў праектаў – 15 студзеня 2009 г.. Праекты, выбраныя для падтрымкі, могуць быць рэалізаваныя паміж ліпенем 2009 і чэрвенем 2010 гг.

Падрабязней аб тэматыцы праектаў чытайце тут



Каментаваць

У мінскіх школах пачалі працу падрыхтоўчыя класы
У тым ліку і ў беларускамоўных школах і гімназіях. Запісацца ў такі клас  дзеткам, якія з наступнага года пойдуць у школу, яшчэ не позна. У гімназіі № 23 ужо каторы год дзейнічае падрыхтоўчы клас «Маладзічок». Навучанне тут платнае. Першы занятак зладзілі 1 кастрычніка, але запісацца яшчэ не позна. Як і ў гімназіі № 4 (Кунцаўшчына) – тут таксама паспелі правесці адзін занятак і спіс яшчэ адкрыты. Платныя заняткі ў падрыхтоўчых класах прапануюць гімназіі № 14 у Вяснянцы і № 28 у Серабранцы. Школа № 60 на Лібкнехта пакуль толькі плануе стварыць такія класы.
Адрасы школ з беларускай мовай навучання:
- Гімназія № 4 (вул. Кунцаўшчына, 18).
- Гімназія № 14 (вул. Васьняцова, 10).
- Гімназія № 9 (Сядых, 10).
- Гімназія № 23 (пр. Незалежнасці, 45).
-  Гімназія № 28 на базе сярэдняй школы № 2 (Ракасоўскага, 93).
-  Школа № 60 (Лібкнехта, 82).
Паводле «Нашай Нівы»

Каментаваць

АМЕРЫКАНСКАЯ ПРАГРАМА СТЫПЕНДЫЙ МАСКІ-2009
   Дзярждэпартамент ЗША абвесціў конкурс на ўдзел у праграме стыпендый Эдмунда Маскі на 2009 год. Праграма заснавана ў 1992 годзе Кангрэсам ЗША з мэтай садзеяння развіццю эканомікі і дэмакратыі ў краінах Еўразіі. Усе ўдзельнікі праграмы пройдуць курс вочнага акадэмічнага навучання тэрмінам да двух гадоў, распрацуюць і рэалізуюць праект, звязаны з выбранай спецыяльнасцю і скіраваны на падтрымку мясцовай супольнасці. Іх таксама чакае прафесійная стажыроўка ў летнія месяцы пасля заканчэння першага акадэмічнага года вучобы.
   Сярод спецыяльнасьцяў, якія фінансуюцца ў межах праграмы стыпэндый Э.Маскі, для кандыдатаў з Беларусі ўваходзяць: кіраванне бізнэсам, эканоміка, юрыспрудэнцыя, дзяржаўнае кіраванне і дзяржаўная палітыка, адукацыя, кіраванне прыроднымі рэсурсамі, міжнародныя адносіны, журналістыка і сродкі масавай інфармацыі, бібліятэчная справа і інфармацыйныя тэхналогіі ў бібліятэчнай справе, дзяржаўнае кіраванне, ахова здароўя.
   Апошні тэрмін падачы заявак: 31 кастрычніка 2008 года да 17.00.
Анкеты для ўдзелу, а таксама дадатковую інфармацыю можна знайсці на сайце IREX: http://irex.org/programs/muskie/muskie_info.asp
   Для беларусаў прадугледжана спецыяльная працэдура: падача адбываецца праз эл. адрас muskiebelarus@yahoo.com (па ім жа можна задаць любыя пытанні наконт праграмы) альбо па наступных факсах: +1 301 576 4539; +370 520 51830.
Паводле рассылкі belngo.info

Каментаваць

Другі Фестываль
нефармальнай адукацыі

З 10 па 12 кастрычніка ў Мінскім міжнародным адукацыйным цэнтры імя Йаханэса Рау (ММАЦ, г.Мінск, пр. Газеты “Праўда”, 11) адбудзецца II Фестываль нефармальнай адукацыі.

На працягу трох дзён на адной пляцоўцы адбудуцца сустрэчы, дыскусіі, круглыя сталы паміж прадстаўнікамі шматлікіх беларускіх арганізацый, дзяржаўных і недзяржаўных, камерцыйных і непрыбытковых з мэтай абмеркаваць перспектывы, накірункі развіцця нефармальнай адукацыі ў Беларусі.
Фестываль ініцыяваны шэрагам беларускіх асветніцкіх і адукацыйных арганізацый. Больш за 200 удзельнікаў Фестываля (прадстаўнікі арганізацый, якія прапануюць сваім удзельнікам і кліентам разнастайныя адукацыйныя праграмы: ад развіцця асобы і арганізацыі вольнага часуда атрымання новых прафесійных ведаў і Другі Фестываль нефармальнай адукацыі пачнецца 10 кастрычніка 2008 г. у Мінску кампетэнцый) сустрэнуцца дзеля абмену досведам і прэзентацыі разнастайнасці сферы нефармальнай адукацыі. Акрамя беларускіх арганізацый у Фестывалі прымаюць удзел прадстаўнікі Германіі, Даніі, Швецыі, Польшчы, Расіі і Украіны.

Першы дзень Фестываля прысвечаны правядзенню секцый па пытаннях “Нефармальная адукацыя як прадмет адукацыйнай палітыкі”, “Нефармальная адукацыя як сродак вырашэння актуальных грамадзянскіх задач”,
“Адукатары ў нефармальнай адукацыі”, “Межсектарнае ўзаемадзеянне ў нефармальнай адукацыі”.

Другі дзень Фестываля, 11 кастрычніка, пройдзе ў фармаце Дня адчыненых дзвярэй. Падчас выставы прапаноў у сферы нефармальнай адукацыі госці
Фестывалязмогуцьнаведаць прэзентацыі арганізацый і іх праграм, прыняць удзел у прома-курсах, пазнаёміцца з шырокім спектрам цікавай літаратуры па розных тэмах.

У трэці дзень адбудуцца паседжанні круглых сталоў па тэмах “Прызнанне нефармальнай адукацыі ў Беларусі”, “Развіццё міжнароднага супрацоўніцтва ў нефармальнай адукацыі” і “Да актуальных задач грамадзянскай адукацыі ў Беларусі”

Да ўвагі настаўнікаў! У межах фестывалю адбудзецца прэзентацыя мультымедыйнага выдання «Ноўтбук для актыўнага настаўніка».

Падрабязней аб фестывалі чытайце тут

Каментаваць

Форум “Студэнты без межаў”

ІІІ міжнародны маладзёвы форум “Студэнты без межаў” пройдзе 14–16 лістапада 2008 г. на тэрыторыі базы адпачынку “Сонечна галявіна” (г. Сумы, Украіна). Мэты форуму: аб’яднанне студэнцкай моладзі краін Еўропы, напісанне супольных міжнародных праектаў сацыяльнага, навуковага, асветнага, экалагічнага і культурнага накірункаў, азнаямленне з асветнымі праграмамі краін-удзельніц і інш. Тэматыка секцый: студэнцкія і маладзёвыя СМІ, праблемы экалогіі і аховы навакольнага асяродку, праблемы гендэрнай роўнасці, Еўропа для моладзі.

Кантакты: Аляшчук Марыя, «Студентська республіка» – mashko_@mail.ru, тэл. (+38 066) 479–87–03, адрас: вул. СКД, б. 25А, оф. 17, г. Сумы, 40000, Украіна. Падрабязная абвестка – на http://svetlahorsk.belarda.org/info/abviestki/ Прыём заявак – да 28 кастрычніка 2008 г.
Каментаваць

Сустрэчы-дыскусіі з ініцыятыўнымі групамі ў Беларусі

Міжнароднае грамадскае аб'яднанне «Грамадзянская Беларусь» з 17 па 20 лістапада 2008 гады праводзіць у Беларусі серыю сустрэч-дыскусій чэшскіх грамадскіх актывістаў з беларускімі няўрадавымі арганізацыямі, грамадскімі аб'яднаннямі альбо ініцыятыўнымі групамі.

Мэтай гэтых сустрэч з'яўляецца абмеркаванне з чэшскімі аднадумцамі ў неафіцыйным асяродку праблем, звязаных з працай Вашай арганізацыі (ініцыятыўнай групы), магчымых шляхоў вырашэння асноўных праблем / задач, якія паўстаюць перад ёй, атрыманне прафесійных кансультацый аб найбольш эфектыўнай рэалізацыі грамадскай дзейнасці вашай арганізацыі (групы). Таксама Вам падаецца магчымасць усталяваць кантакт з чэшскімі аднадумцамі і наладзіць далейшае супрацоўніцтва.

Скарыстайце магчымасць пагутарыць з вашымі чэшскімі партнёрамі непасрэдна ў вашым горадзе, падзяліцца сваім досведам грамадскай працы і даведацца аб чэшскім!
Чытаць далей/Каментаваць

Агляд адукацыйных навінаў
- “Ці прэстыжна ў Беларусі быць настаўнікам”? На гэтае пытанне адказваюць жыхары Гомеля. >>>
- Колькасьць бюджэтных месцаў у ВНУ павялічаць «у адпаведнасьці з патрэбамі эканомікі» >>>
- БДУ робіцца ўсё больш камерцыйным унівэрсытэтам >>>
- Замежныя студэнты Гомельскага медуніверсітэта не вышлі на заняткі >>>
- Што ўзгадваюць пра школу і сваіх настаўнікаў вядомыя людзі >>>
- Палескі універсітэт адкрыў уласны банк >>>
Каментаваць

Беластоцкія настаўнікі дапамагаюць беларускім
У Беластоку адбылася прэзентацыя паказнога алфавіту для навучання беларускай мове першакласнікаў. Дапаможны метадычны матэрыял выдала Аб’яднанне бацькоў АБ-БА.
Алфавіт – гэта асобныя карткі, якія паказваюць літары і малюнкі да іх, апрача таго ў камплект ўключаны дапаможныя матэрыялы для вывучэння беларускай граматыкі. Як зазначыла Тамара Мацкевіч, намеснік старшыні Таварыства беларускай школы, кіраўнік адукацыйнага аддзела “Цэнтра Супольнасць”, якая адмыслова прыехала з Мінску ў Беласток, такое выданне вельмі дачасу, бо сённяшнія вучні патрабуюць больш вобразных дапаможных матэрыялаў, уключаючы музычныя і лічбавыя прэзентацыі. " Каб атрымаць складнік, які мы называем веды, абавязкова патрэбныя іншыя методыкі. Не проста перадача інфармацыі, а яшчэ кампутарнае засваенне, навучанне з дапамогай інтэрнтэту, камунікацыйных тэхналогіяў. Калі казаць пра навучанне беларускай мовы, дык мне здаецца, што вельмі важна выкарыстоўваць актыўныя методыкі навучання, бо нашыя дзеці жывуць не ў беларусмоўным асяроддзі".
Алфавіт на патрэбы сваёй працы стварыла настаўніца беларускай мовы Аліна Ваўранюк, якая падзялілася ім з калегамі па прафесіі, а таксама падаравала некалькі асобнікаў Таварыству беларускай школы, якія будуць перададзеныя ў беларускамоўныя школы.
Паводле Радыё Рацыя.
Каментаваць

З днём настаўніка!

Шаноўныя калегі!

Каманда Nastaunik.info віншуе вас з прафесійным святам, зычыць здароўя, маральнай моцы, плёну ў нялёгкай і важнай працы!

Застаемся разам!

Свята песні і танцу Латвіі ў фотаздымках

З 6 па 9 кастрычніка ў Нацыянальнай школе прыгажосці ў Мінску (вул. Мельнікайтэ, 4, ст. м. «Фрунзенская») пад знакам 90-годдзя юбілею Латвійскай дзяржавы будзе праводзіцца фотавыстава «Традыцыя Свята Песні і танца ў Латвіі".

У экспазіцыі 39 фатаграфій розных фатографаў з Латвіі, якія паказваюць фіксаваныя імгненні і эмоцыі ўдзельнікаў нацыянальнага свята Песні і танца Латвіі ў момантах рэпетыцый, паказаў, канцэртаў і вялікага заключнага канцэрта ў эстрадзе “Mezaparks”.

Штогадовае свята песні і танца мае ўпершыню ладзілася больш за 130 гадоў таму і з'яўляецца неад'емнай часткай латвійскай нацыянальнай традыцыі.

Паводле Народнай Волі


Каментаваць

Падаруй кнігу дзіцячаму дому па-беларуску

Бліжэйшым часам інфармацыйная кампанія ў межах акцыі “Беларускую кнігу – дзецям” распачнецца ў 18 гарадах Беларусі і адпаведна ў Брэсцкай, Гомельскай, Гродненскай і Мінскай абласцях.

Арганізатары заяўляюць, што ў некалькіх выдавецтвах выказалі жаданне ахвяраваць беларускамоўныя дзіцячыя кніжкі, былі адасланыя лісты-звароты да некаторых грамадскіх арганізацыяў і яшчэ раз заклікаюць падтрымаць кампанію ўсіх неабыякавых.

Паводле vialejka.org


Каментаваць

Агляд адукацыйных навінаў

– У Мінскіх дзіцячых садках і школах прышчэпкі ад грыпу зробяць бясплатна >>>

– Каля 70 мяхоў бульбы сабралі баранавіцкія школьнікі для састарэлых людзей і інвалідаў, што жывуць у рэгіёне >>>

– У Баранавічах буфет са спіртным размяшчалі ў Доме школьніка. А ў Мінску гарэлку на выбарчых участках прадавалі па заніжаных “школьных” цэнах >>>

– Стартавала кампанія, якая мае на мэце пасеяць у краіне моду на беларускасць. Але ці рэальна гэта? >>>


Чытаць спіс/Каментаваць

Праграма малых грантаў “Be the Change!” для моладзевых праектаў

Peace Child International – адна з самых вялікіх сетак моладзевых арганізацыяў свету, якая мае кансультатыўны статус ПРААН, ажыццяўляе праграму малых грантаў “Be The Change!”. Праграма скіраваная на дапамогу моладзі ва ўсіх кутках свету з тым, каб яна актыўна была заангажаваная ў грамадскія справы, асабліва па пытаннях міру, правоў чалавека і навакольнага асяроддзя. Праграма арыентаваная на аказанне фінансавай падтрымкі моладзевым ініцыятывам, якія працуюць дзеля развіцця мясцовай супольнасці.


Прыняць удзел у спаборы могуць маладыя людзі ва ўзросце да 25 год.

Апошні тэрмін падачы заявак: 31 кастрычніка 2008 году.

Падрабязнасці і форму заяўкі глядзіце па адрасе http://www.peacechild.org/btc

Паводле рассылкі belngo.info

Увага! Конкурс для настаўнікаў

 
Міжнародны конкурс «Сучасны ўрок. Інавацыйныя тэхналогіі навучання і выхавання»
Арганізатарамі конкурсу з'яўляюцца Фонд «Адукацыя для дэмакратыі" (Польшча), Лабараторыя Грамадзянскай Адукацыі «Пошук» (Украіна) і арганізацыі,якія уваходныя ў Міжнародную Сетку “EDITNET”.
Мэта конкурсу: стварэнне новых адукацыйных і дыдактычных матэрыялаў развіццёвай педагогікі і іх папулярызацыя, а таксама стварэнне ўмоў для доступу да іх шырокаму колу педагогаў.
Конкурс «Сучасны ўрок. Інавацыйныя тэхналогіі навучання і выхаванні" праводзіцца па двух кірунках:
-  " Конкурс метадычных распрацовак заняткаў з выкарыстаннем інавацыйных тэхналогій навучання на занятках па школьных прадметах;
- " Конкурс метадычных распрацовак выхаваўчых заняткаў на тэму «Аб'яднаная Еўропа: гісторыя, рэаліі і перспектывы»
Тэрміны правядзення конкурсу: з 1 верасня па 30 лістапада 2008 года.
Метадычныя распрацоўкі могуць быць прадстаўленыя да 30 лістапада і накіраваныя ў электроннай форме на электронную пошту: chabox@yandex.ru.  Прадстаўленыя працы будуць размешчаныя ў Інтэрнэце на старонцы  “EDITNET” www.editnet.org
ПАЛАЖЭННЕ, УМОВЫ, ФОРМА ЗАЯЎКІ

СПАБОР ТВОРЧЫХ ПРАЦАЎ, ПРЫСВЕЧАНЫХ ГАРАДЗЕНШЧЫНЕ
Гарадзенская арганізацыя Таварыства беларускай школы сумесна з Таварыствам беларускай мовы абвяшчае моладзевы спабор творчых працаў і рэфэратаў “Мая малая Радзіма і Еўропа”
На спабор прымаюцца пісьмовыя працы аб’ёмам да 5 старонак камп'ютэрнага, альбо 10 рукапіснага тэксту, пажадана, на беларускай мове. Да ўдзелу запрашаюцца навучэнцы старэйшых класаў, удзельнікі краязнаўчых і гістарычных гурткоў Гродна і Гродзенскай вобласці.
Мэта спабору: – пашырэнне ведаў аб гісторыі сваёй мясцовасці; – знаёмства з гістарычнымі асобамі, якія ў свой час жылі ў гэтай мясцовасці, са знакамітымі мясцінамі, якія прывабліваюць турыстаў (альбо маглі б прывабіць); – выхаванне пачуцця гонару за свой рэгіён; – выхаванне ўмення плянавання сваёй працы і супрацоўніцтва ў групе, здольнасці арыентавацца ў бягучым жыцці “малой Радзімы”; – усведамленьне прыналежнасьці нацыянальнай спадчыны Беларусі да агульнай гісторыі Еўропы.
У склад журы запрошаныя вядомыя гісторыкі, выкладчыкі ВНУ, краязнаўцы. Апошні тэрмін падачы творчых працаў: 25 кастрычніка.
Працы дасылайце на адрасы: 230023 Гродна, вул. Дзяржынскага, 32 “Таварыства беларускай мовы” з пазнакай “Спабор”, 230029 Гродна, вул. Будзёнага, 48А, пакой 44 “Таварыства беларускай школы” з пазнакай “Спабор”, альбо ў электронным выглядзе: konkurs@euro-dom.org
За больш падрабязнай інфармацыяй звяртайцеся па тэлефоне ў Гродна 74–44–28, МТС 780–41–03 (Святлана).
Паводле «Кронікі грамадскага жыцця Гарадзеншчыны»


Каментаваць

Новае на сайце

Спявайце разам!
Тэксты папулярных беларускіх песняў, якія ахвотна выконваюцца моладдзю ў летніках і на вечарынах, дасланыя настаўнікам гісторыі і геаграфіі Кансталінскай базавай школы Браслаўскага раёна Віктарам Бунтам.
Песні сабраныя ў асобнай кнізе, выдадзенай Браслаўскім краязнаўчым таварыствам імя Ота Хедэмана (Браслаў, 2003. – 58 ст.).

Адзіным файлам (doc, 134 КБ) можна спампаваць наступныя тэксты песень:



Чытаць спіс/Каментаваць

Дзелавыя метады для дзелавога стылю

Вучань школы апавядае пра ўвядзенне «цывільнага» стылю адзення.

«Завуч,дзяжурныя па школе і іх класуха.Глядзяць яны нас нас і як пачынаюць араць. «Вы бачыце як апрануты нашыя дзяжурныя. Так павінны апранацца вы. Дзяжурныя будуць хадзіць і фатаграфаваць тых хто не ходзіць па дзелавому і потым іх фатаздымкі будуць выкладаць у стэнгазеце.Калі будзе 2 публікацыі выклік на Пэдсавет»



Чытаць цалкам/Каментаваць

Адукацыйны візіт у Брусель

З мэтай стварэння больш эфектыўных камунікацыйных каналаў з інстытуцыямі Еўрапейскага саюза, а таксама для лепшага разумення функцыянавання Еўрапейскай камісіі, Рады ЕС і Еўрапейскага парламента прадстаўнікамі беларускай грамадзянскай супольнасці і спецыялістамі ў розных галінах, “Офіс за дэмакратычную Беларусь” (Брусель) і Фонд Развіцця Прававых Тэхналогій (Украіна) арганізуюць шэраг адукацыйных візітаў у Брусель.



Чытаць цалкам/Каментаваць

Новае на сайце

Астраномія ў Віленскім універсітэце

Займальны артыкул Леаніда Лаўрэша аб гісторыі беларускай астранамічнай навукі ў часы Вялікага Княства Літоўскага і Рэчы Паспалітай.


Спампаваць тут (doc, 224 КБ)

Паводле сайта pawet.net


Каментаваць

Выстава «Нашыя дзеці"

Наперадзе іх чакае жыцьцё. Якім яно будзе? Светлым ці цёмным? Лёгкім ці цяжкім? Гэтага ня ведае ніхто.

Яны пакуль толькі пачынаюць свой шлях. І ўжо па-рознаму.

Хто яны? Нашыя дзеці

Валанцёрская ініцыятыва «разам_дзецям» запрашае на фотавыставу «Нашыя дзеці". Зазірніце ў свет дзяцей, што жывуць побач з вамі.

27 верасня – 3 кастрычніка, кінатэатр «Перамога», вул Інтэрнацыянальная, 20.

Прэзентацыя 27 верасня ў 18–00.


Каментаваць

Конкурс школьных падручнікаў

Нацыянальны інстытут адукацыі з 01.10.2008 па 16.01.2009 аб’яўляе конкурс на стварэнне падручнікаў для агульнаадукацыйных устаноў.
Пералік падручнікаў, крытэры ацэнак вучэбнага выдання і ўмовы правядзення конкурсу чытайце на адукацыйным партале adu.by.

Двухмоўная першкрыніца – тут


Каментаваць

Агляд адукацыйных навінаў

– Эксперты сайту «Заўтра тваёй краіны» прааналізавалі статус інстытутаў і універсітэтаў Беларусі. У выніку яны склалі рэйтынг самых дарагіх беларускіх ВНУ і самых запатрабаваных прафесій >>>

– Моладзь у Беларусі жадаюць выхоўваць па расійскай мадэлі >>>

– «З цягам часу» пенсійны ўзрост павысяць >>>

– У прэс-службе Мінгарвыканкама паведамілі, што Мінгарвыканкам прыняў рашэнне аб уключэнні ацяплення ў шэрагу сацыяльных аб'ектаў сталіцы >>>

– Школьная рэформа: што паказалі першыя тры тыдні? >>>


Каментаваць

Задача па матэматыцы для 5-га класа
Задачу склаў настаўнік з Бабруйска Алесь Чыгір. Задача наўпрост звязаная з жыццём, таму будзе цікавая і настаўнікам, і дзецям.
Чытаць умовы і глядзець варыянты рашэння.
Даведка: Алесь Чыгір мае 13-гадовы стаж настаўніцкай працы, удзельнічае у выбарчых кампаніях з 1999 года ў якасці назіральніка, кіраўніка штаба, кандыдата ў дэпутаты. Зараз зарэгістраваны кандыдатам у дэпутаты Палаты прадстаўнікоў па Бабруйскай сельскай выбарчай акрузе №80.

Чытаць далей/ Каментаваць

Нямецкі погляд на гродненскую гісторыю

24 верасня ў Гродне адбудзецца сустрэча з нямецкім гісторыкам Феліксам Акерманам.

Фелікс Акерман – аўтар нядаўна абароненай у Германіі доктарскай працы па дэмаграфічных змяненнях Гродна ў ХХ ст. Нямецкі гісторык вывучае падзеі Другой сусветнай вайны ў Гродне, гісторыю гарадзенскага гета, хрысціянска-іўдзейскія стасункі ў час фашысцкай акупацыі на тэрыторыі Беларусі. Добра валодае беларускай мовай.

Уваход вольны. Пачатак сустрэчы ў 18.30. Месца правядзення: Гродна, вул. Будзёнага 48а-44 (памяшканьне Таварыства беларускай школы).

Паводле рассылкі belngo.info



Каментаваць

Стыпендыі для моладзі з пацярпелых ад Чарнобылю рэгіёнаў Беларусі

Зорка сусветнага тэнісу Марыя Шарапава абвесціла аб адкрыцці праграмы стыпендыяў з памерам фінансавання 210 тысячаў даляраў ЗША для студэнтаў з рэгіёнаў Беларусі, якія пацярпелі ад Чарнобыльскай катастрофы.

Стыпендыі дазволяць 12 таленавітым маладым людзям прайсці поўны курс навучання ў двух вядучых універсітэтах Беларусі. Праграма разлічаная на 4 гады. Штогод будуць абірацца тры новых атрымальнікі стыпэндыі з залічаных на першы курс абітурыентаў. Першыя ўладальнікі стыпендыяў пачнуць навучаньне ў 2009–2010 навучальным годзе.

Дадатковую інфармацыю можна атрымаць у каардынатара інфармацыйнай дзейнасці ПРААН у Беларусі Уладзіслава Хількевіча па тэл. +375 17 227 38 17, эл. пошце vladislav.khilkevich@undp.org.

Паводле рассылкі belngo.info


Каментаваць

З вопыту работы з адоранымi вучнямi

Сваё бачанне асноўных прынцыпаў працы распавядае настаўніца геаграфіі Галіна Дрокіна

«Калi гаварыць аб вопыце маёй работы, а ён сапраўды ўжо ёсць, хочаш-нi-хочаш, за столькi гадоў ён з’явiцца; магу падзялiцца – нiякага сакрэту асаблiвага няма. Больш таго – тое, што я скажу, ведае кожны»



Чытаць цалкам/Каментаваць

Фотавыстава, прысвечаная Адаму Міцкевічу

У Дзяржаўным музеi гiсторыi беларускай лiтаратуры ў Мiнску адкрылася фотавыстава «Сцежкамi Адама Мiцкевiча».

Яна прысвечаная 210-годдзю з дня нараджэння выдатнага беларускага i польскага паэта-рамантыка ХІХ стагоддзя. Фотамайстры Беларусi, Польшчы i Лiтвы некалькi дзён вандравалi па мясцiнах, звязаных з iмем паэта.

Яны пабылi ў фальварку Завоссе, на возеры Свiцязь, у Валеўцы, Райцы, Варончы, наведалi Туганавiцкi парк, Наваградак, Шчорсы ды iншыя куточкi. Вынiкам гэтых вандровак i з’явiлася фотавыстава, якая будзе працаваць з 18 верасня па 18 кастрычнiка.

Паводле Еўрапейскага радыё для Беларусі



Чытаць цалкам/Каментаваць

Анталогія беларускага перакладу “Галасы з-за небакраю”

24 верасня а 18.00 у мінскім Палацы мастацтва адбудзецца прэзентацыя фундаментальнай анталогіі сусветнай паэзіі ў беларускіх перакладах пад назовам “Галасы з-за небакраю”.

Кніга на 900 шырокафарматных старонках выйшла ў свет у выдавецтве “Лімарыюс”, у ёй шэсць з паловай соцень аўтараў, творы якіх цягам усяго ХХ стагоддзя перакладалі на беларускую мову амаль дзвесце перакладнікаў.

Інтэрв'ю з перакладнікамі Лявонам Баршчэўскім і Нінай Мацяш чытайце на старонцы радыё «Свабода»


Каментаваць

Сустрэча з Алесем Разанавым

26 верасня ў бібліятэцы Інстытуту імя Гётэ ў Мінску (вул.Фрунзэ,5) пройдзе літаратурная імпрэза «Культуры сустракаюцца ў слове». У ёй возьмуць удзел паэт Алесь Разанаў і Ільма Ракуза – швейцарская пісьменьніца, прафесар славістыкі Цюрыхкага універсітэту. Пачатак імпрэзы а 19.00. Уваход вольны. Даведкі: (017) 294–04–91, bibl@minsk.goethe.org


Паводле Нашай Нівы



Чытаць цалкам/Каментаваць

Міжнародная студэнцкая школа правоў чалавека

Упершыню ў Беларусі, у межах праекта “Акадэмія Першых” ладзіцца Міжнародная Студэнцкая Школа Правоў Чалавека і Правоў Студэнтаў.



Чытаць цалкам/Каментаваць

Дзіцячы прававы клуб

Метадычны дапаможнік “Дзіцячы прававы клуб: тэхналогія стварэння і развіцця” можна спампаваць на сайце Фонду “Новыя Далягляды”.

Тамака ж размешчана больш 10 выданняў па тэме “Правы дзіцяці”.

Паводле wgcre.net


Чытаць цалкам/Каментаваць

Грамаядзяне якой краіны?

Выданне «Я – грамадзянін Рэспублікі Беларусь», якое сёлета было выдадзенае ў якасці падарунка 16-гадовым атрымальнікам пашпарта, заваявала перамогу ў намінацыі «Лепшае масава-палітычнае выданне» ў конкурсе «Мастацтва кнігі-2008».



Чытаць цалкам/Каментаваць

Выставы твораў Андрэя Лянкевіча і Алеся Марачкіна

У сувязі з тым, што новая школьная рэформа выкінула з вучэбнай праграмы прадмет «Сусветная мастацкая культура», знаёміць вучняў з творамі беларускага і сусветнага мастацтва давядзецца цяпер нефармальным чынам. З гэтай нагоды прапануем вам інфармацыю пра дзве выставы, якія праходзяць гэтым часам у Мінску.



Чытаць цалкам/Каментаваць

Агляд адукацыйных навінаў

– У некаторых школах Мінска і рэгіёнаў узнікаюць пытанні з бракам дапаможнай літаратуры па-беларуску. Часцей за ўсё бацькі самастойна вырашаюць праблему >>>

Разам з гэтым Міністэрства адукацыі павдедамляе аб тым, што школы ў цэлым забяспечаныя падручнікамі і дапаможнікамі >>>

– Журфак БДУ пераўтвораны ў Інстытут журналістыкі >>>

– З пачаткам вучэбнага года неспадзеўкі цяперашняй рэформы сярэдняй адукацыі не скончыліся. Падобна, усё яшчэ толькі пачынаецца. Першай ластаўкай першага жа школьнага тыдня, якая прымусіла хвалявацца розумы і сэрцы бацькоў, стала вестка аб тым, што практычна ўсе факультатыўныя заняткі платныя
>>>

Ліст Міністэрства аб арганізацыі працы факультатываў чытайце тут.

– Міністэрства жыллёва-камунальнай гаспадаркі не плануе бліжэйшым часам уключаць ацяпленне, нават не гледзячы на рэзкае пахаладанне >>>

– X Мінскі міжнародны фэст дзіцячых і юнацкіх фільмаў «Лістападзік» адбудзецца з 14 па 21 лістапада >>>


Чытаць цалкам/Каментаваць

Запрашаем на курсы беларускай народнай вышыўкі
Запрашаем на курсы беларускай народнай вышыўкі
Заняткі з 1 кастрычніка ў памяшканьні БНТУ (ранішняя і вячэрняя групы).
Тэл. 375‑29‑171‑13‑90 (Галіна).
Паводле Нашай Нівы
Чытаць далей/Каментаваць

Конкурс малых грантаў
Прадстаўніцтва карпарацыі “ISAR,Inc”(ЗША) у Рэспубліцы Беларусь аб'яўляе конкурс малых грантаў для беларускіх грамадскіх аб'яднанняў. Пачатак фінансавання – студзень 2009г.
Будуць прадстаўленыя гранты да 13000 долараў ЗША на перыяд да аднаго года.
Праекты прымаюцца да 17.00 1 кастрычніка 2008г.
Дадатковая інфармацыя:
220004, г. Менск, вул. Замкавая д.28 к.16. т./факс. + 375 (17) 203 84 98
эл. пошта: belisar@solo.by сайт: www.isar.by. 
Больш падрабязная абвестка  сайт  UWB.BY

Дыстанцыйныя курсы Еўрапейскага Гуманітарнага Універсітэта

З 8-га да 25 верасня 2008 году ў Еўрепейскім гуманітырным універіытэце (ЕГУ) адчыненая рэгістрацыя на курсы дыстанцыйнага навучання восеньскага семестру 2008 – 09 навучальных гадоў. З гэтага навучальнага года онлайн-навучанне ў ЕГУ адчынена на платнай аснове для ўсіх жадаючых, што маюць доступ да Інтэрнэту, без геаграфічных ці нацыянальных абмежаванняў. Дыстанцыйнае навучанне ў ЭГУ дае ўнікальную магчымасць атрымаць дадатковыя веды і навыкі, вывучыць новыя для сябе дысцыпліны, павысіць уласную кваліфікацыю ў асобных галінах сацыяльных і гуманітарных ведаў.

Для вывучэння ў дыстанцыйным фармаце ў восеньскім семестры адчыненыя 59 курсаў па ўсіх кірунках навучання ва ўніверсітэце: дызайну, мэдыя і камунікацыі, сучаснаму мастацтву, турызму і рэкрэацыі, гісторыі Беларусі, паліталогіі і еўрапейскіх даследаваннях, сацыяльнай і палітычнай філасофіі, міжнароднаму праву, а таксама агульнаўнівэрсітэцкія курсы па філасофіі і метадах навуковага даследавання. Выпускнікі дыстанцыйных курсаў атрымаюць пасведчанні і сертыфікаты ЕГУ, якія могуць быць улічаныя пры паступленні на дзённыя і завочныя бакалаўрскія праграмы ЕГУ ці быць выкарыстаныя для прадстаўлення ў іншыя замежныя ВНУ, а таксама ў якасці пасьведчання аб падвышэнні адукацыі.

Падрабязная інфармацыя аб адукацыйных праграмах ЕГУ знаходзіцца на сайце www.ehu.lt

Паводле рассылкі belngo.info

Набор у Беларускі Калегіюм

Запрашаюцца студэнты старэйшых курсаў альбо асобы з вышэйшай адукацыяй. У выключных выпадках прымаюцца студэнты малодшых курсаў. Навучэнцамі БК могуць быць тыя, хто стала альбо на час навучання пражывае ў Менску. Навучанне ў БК — бясплатнае. Запіс на сумоўе па 29 верасня 2008 году.

Навучальныя праграмы БК арыентаваныя на выкладанне найноўшых фрагментаў сучасных ведаў і не дублююць існуючыя праграмы дзяржаўных і недзяржаўных універсітэтаў. Сертыфікат Калегіюму не замяняе дыплём аб вышэйшай адукацыі.

Абавязковай умовай запрашэння на сумоўе (за выключэннем спецыялізацыі «Найноўшая гісторыя») з'яўляецца падача да пазначанай вышэй даты творчага заданьня (спэцыялізацыя «Журналістыка») і аднаго альбо некалькіх уласных тэкстаў (спецыялізацыі «Журналістыка», «Філасофія/літаратура»).

Таксама апліканты ўсіх спецыялізацыяў мусяць запоўніць уступную анкету, выкладзеную на сайце Беларускага Калегіюму, дзе можна азнаёміцца з праграмамі курсаў і выкладчыкамі. Пачатак заняткаў запланаваны на 6 кастрычніка 2008 года.

Дадатковую інфармацыю можна атрымаць па тэл. +37529 276 27 15 (MTC), +37529 679 26 82 (Velcom) з 14.00 да 18.00 (акрамя суботы і нядзелі) ці праз kalehium@gmail.com.

Паводле рассылкі belngo.info

Пошук шляхоў да роднай мовы з Ірынай Сыско

Настаўніца пачатковых класаў гарадзенскай школы №10 Ірына Сыско паспрабавала падысці да важнай сучаснай праблемай Беларусі – выправіць цяперашні стан адносінаў да беларускай мовы ў малодшых школьнікаў, якія жывуць у рускамоўным асяроддзі. У выдадзенай нядаўна кнізе «Шляхі да роднай мовы» яна прапаноўвае шэраг методык засваення новай лексікі, разглядае спосабы ўжывання актыўных метадаў і інавацыйных тэхалогій у выкладанні беларускай мовы. Кніга адрасаваная спецыялістам рознай кваліфікацыі, занятым практычнай дзейнасцю ў сістэме пачатковага навучання.

Nastaunik.info раіць звярнуць увагу на гэтую кніжку ў кнігарнях!

Ці перашкаджае мова жыццёвым дасягненням?

У нядаўнім нумары вілейскай ”Рэгіянальнай газеты” падымалася праблема адсутнасці ахвотных аддаваць дзяцей у беларускамоўныя класы. Бацькі матывуюць гэта тым, што з рускай мовай прасцей паступіць і лягчэй нечага дасягнуць у жыцці. Пра тое, ці сапраўды гэта так, карэспандэнты запыталіся ў вядомых асоб рэгіёну.

Чытаць поўны артыкул на vialejka.org

Агляд адукацыйных навінаў

– Выкладчык з Баранавіч напісала першы ў Беларусі падручнік для слесараў >>>

– Мінадукацыі рэкамэндавала ў кожнай ВНУ арганізаваць абавязковае вывучэнне курса прафесійнай лексыкі беларускай мовы ў аб'ёме 34 гадзін >>>

– Нажаль, асобныя ўдзельнікі выпрабаванняў апынуліся ў непрыемных сітуацыях не ад лішку хітрасці, а ад няведання элементарных правіл запаўнення бланка >>>

– У магілёўскім дзіцячым садку №81 пасля амаль паўгадавога перапынку аднавіла працу адзіная ў горадзе беларуская група “Вясёлка” >>>

– Гродненская суполка «Таварыства беларускай школы» адкрыла Цэнтр беларускай кнігі >>>

– Амерыканскія псіхолагі з Johns Hopkins University паставілі эксперымент, мэтай якога было высветліць, наколькі матэматычныя здольнасці чалавека залежаць ад яго спадчыннасці >>>

– Бібліятэчныя фонды ў Беларусі будуць даступныя ў электронным выглядзе, паведаміў намеснік міністра культуры Беларусі Віктар Кураш >>>

Менск і Мінск, Гародня і Гродна

Запрашаем вас на восеньскую сустрэчу ў Гродне – чацвер, 11 верасня, 18.30, Будзёнага 48а-44 (памяшканне Таварыства Беларускай Школы).

Гарадская ментальнасць беларусаў: мінулае і сучаснасць – штодзённае жыццё ў беларускіх гарадах 19–20 стст., як працавалі і як бавілі час насельнікі беларускіх гарадоў, чым, урэшце рэшт, адрозніваецца Менск і Мінск, Гародня і Гродна. Нашым госцем будзе Захар Шыбека, доктар гісторыі, прафесар.

Захар Шыбека вядомы ў галіне беларускага горадазнаўства адмысловец, ён аўтар “Нарысаў гісторыі Беларусі. 1795–2002”, “Гарады Беларусi (60-я гады ХIХ–пачатак ХХ стагоддзяў)”, яго кнігі выходзілі на чэшскай і польскай мовах.

Пачатак сустрэчы – чацвер, 11 верасня, 18.30, Будзёнага 48а-44 (памяшканне Таварыства Беларускай Школы).

Паводле «Нашай Нівы»

Выстава-біенале беларускіх мастакоў

4 верасня пачала працу выстава беларускіх мастакоў. Яна праходзіць у Мінску ў Палацы мастацтваў па адрасе вул. Казлова, 3; ст. м. «Пл. Перамогі", тэл.: (017) 288–15–49; (017) 290–60–10

Графік працы выставы:

Аўторак–нядзеля – з 11:00 да 19:00,
выходны – панядзелак.

Кошт квіткоў – 4,000 руб.,
льготны квіток для студэнтаў – 3,000 руб.,
льготны квіток для школьнікаў і пенсіянераў – 2,500 руб.

Выстава працуе да 24 верасня 2008 г.

Даведка: біенале – фестываль, які ладзіцца кожныя два гады і адлюстроўвае дасягненні ў мастацтве, або ў вызначанай сферы культуры, за гэты час.

Паводле рассылкі belngo.info

Выхавацелька для беларускамоўных дзетак

Беларускамоўным дзеткам з мінскага 314-га садка (вул. Багдановіча, 68 А) тэрмінова патрэбныя выхавацелька і няня.

Тэл: 334‑25‑61 (гарадcкі, адміністрацыя), 676‑89‑88 (мабільны, бацькоўскі камітэт).

Паводле «Нашай Нівы»

Новае на сайце

Падручнік па чарчэнні па-беларуску: першы раздзел

Не так даўно на сайце «Нацыянальнага інстытута адукацыі" быў размешчаны першы раздзел падручніка па чарчэнні для 9 класа В. М. Вінаградава. На жаль, нягледзячы на тое, што прызначаны падручнік для школ з беларускай і рускай мовамі навучання, беларускамоўнай версіі на сайце няма. Каманда Nastaunik.info прапануе вам пераклад гэтага раздзела на беларускую мову (малюнкі будуць адаптаваныя для беларускамоўнага навучання ў хуткім часе).

Спампаваць тут (zip, 5 МБ)

Сайт Нацыянальнага інстытута адукацыі пачаў змяшчаць электронныя версіі падручнікаў
У бліжэйшы час на партале пачнецца размяшчэнне ўзораў падручнікаў і навучальных дапаможнікаў па прадметах для розных тыпаў школ з беларускай і рускай мовамі навучання, рэкамендаваных у 2008/2009 навучальным годзе. Матэрыялы будуць знаходзіцца ў раздзеле «Навукова-метадычная дзейнасць», катэгорыя «УМК». 
Ужо сёння можна спампаваць вучэбны дапаможнік Беларуская мова для 10 класа ўстаноў, якія забяспечваюць атрыманне агульнай сярэдняй адукацыі, з беларускай і рускай мовамі навучання з 12-гадовым тэрмінам навучання (базавы і павышаны ўзроўні)
В.У. Протчанка, В.П. Протчанка
Дапушчана Міністэрства адукацыі Рэспублікі Беларусь
Мінск
Нацыянальны інстытут адукацыі 2006 
Спампаваць тут. 
Крыніца інфармацыі: Сайт Нацыянальнага інстытута адукацыі

Беларускія школы актыўна ўкараняюць электронныя дзённікі
Усё больш беларускіх школ пачынаюць выкарыстоўваць электронныя дзённікі ў рамках праекта Dzennik.By. Кіраўнік праекта Dzennik.By у Мінску Арсен Васканян распавёў «Беларускім навінам», што ў гэтым навучальным годзе Dzennik.By будзе працаваць ва ўсіх абласных цэнтрах, а таксама ў некаторых іншых гарадах Беларусі.
Нагадваем, што для гэтага камерцыйнага праекта каманда Nastaunik.by абсалютна добраахвотна распрацала беларускамоўную версію сайта і гатовая да далейшай дапамогі калегам у стварэнні беларускага інтэрфейсу праграмы.

Агляд адукацыйных навінаў
- Валанцёрская ініцыятыв «Разам — дзецям» запрашае прыняць удзел у фотавыставе «Нашыя дзецi».>>>
- У верасні ўсе школьнікі атрымаюць неабходны набор падручнікаў і навучальных дапаможнікаў. Аб гэтым карэспандэнту БЕЛТА паведаміў начальнік упраўлення агульнай сярэдняй адукацыі Міністэрства адукацыі Беларусі Юрый Гладкоў. >>> 
- Вучні 9-х і 11-х класаў у гэтым навучальным годзе для вывучэння матэматыкі, гісторыі і рускай мовы атрымалі па некалькі падручнікаў, выдадзеных у розныя гады. Як расказала ў гутарцы з карэспандэнтам БЕЛТА намеснік начальніка ўпраўлення агульнай сярэдняй адукацыі Міністэрства адукацыі Беларусі Валянціна Маеўская, гэта часовая мера, прынятая толькі на 2008/2009 навучальны год.>>> 
- Падручнікі, якіх не хапае, школы атрымаюць ужо у верасні >>>
- У мінулым навучальным годзе ў Беларусі працавала 29 тыс. 905 аб'яднанняў па інтарэсах 366 устаноў пазашкольнага выхавання і навучання. У іх займалася больш 384 тыс. дзяцей і юнакоў (амаль кожны трэці школьнік). За апошнія за апошнія 5 гадоў колькасць навучэнцаў пазашкольных устаноў павялічылася на 40 тысяч чалавек. >>>
- Дырэктар гомельскай школы скончыў самагубствам на другі дзень навучальнага года >>> 
- Дырэктар спортшколы г. Віцебска аказаўся наркаманам. Да прызначэння на пасаду дырэктара школы ён меў дзьве судзімасці >>> 
- Для сустрэчы з беларускай школьніцай, якая пажадала застацца ў ЗША, у амерыканскі гарадок Пэталума прыбыла здымачная брыгада НТВ. Мяркуецца, што Таня Казыра стане гераіняй аднаго з вераснёўскіх выпускаў расійскай тэлепраграмы «Максимум» >>>
- Маладзёжныя актывiсты распачалi агульнабеларускую штогадовую акцыю па зборы беларускамоўных кнiжак для дзiцячых дамоў «Беларускую кнiгу—дзецям!» i заклiкаюць усiх прыняць у ёй актыўны ўдзел. Тры месяцы актывiсты па ўсёй краiне будуць збiраць кнiжкi. >>>
- Кітайскія студэнты займаюць месцы беларусаў у інтэрнатах? Сёлета ў інтэрнаты некаторых ВНУ патрапіць менш за палову іншагародніх студэнтаў. Астатнім давядзецца здымаць пакой альбо кватэру. І калі за месца ў інтэрнаце трэба аддаць усяго 20 тысяч рублёў, то “койка-месца” на здымнай кватэры каштуе ад 70 да 150 долараў >>>
- Навучэнцы зліквідаванага ў 2003 годзе гуманітарнага ліцэя прэзентавалі новы фільм >>>

Міжнародная праграма студэнцкага абмену Global Ugrad
Праграма аддзела адукацыйных і культурніцкіх праграм дзярждэпартамэнта ЗША прадастаўляе магчымасць студэнтам 1, 2 і 3 курсаў дзённых аддзяленняў вышэйшых навучальных установаў Беларусі, Арменіі, Азербайджана, Грузіі, Казахстана, Кыргызіі, Малдовы, Расіі, Таджыкістана, Туркменістана, Украіны і Ўзбекістана прайсці навучанне цягам 1 акадэмічнага года без атрымання ступені ва ўнівэрсітэце альбо каледжы ЗША.
Удзельнікі адбіраюцца на аснове адкрытага конкурсу. Запрашаюцца студэнты на спецыяльнасці: бухгалтарскі ўлік, сельская гаспадарка, антрапалогія, біялогія, бізнэс, хімія, інфармацыйныя тэхналогіі, крымінальная справа, эканоміка, адукацыя, інжынерная справа, кіраванне прыроднымі рэсурсамі, геалогія, кіраванне ў сферы сэрвіса і турызма, міжнародныя адносіны, журналістыка і сродкі масавай інфармацыі, юрыспрудэнцыя, фізіка, паліталогія, псіхалогія, сацыялогія, гарадское планаванне, амерыканістыка.
Могуць быць разгледжаныя і іншыя спецыяльнасці.
Усе ўдзельнікі праграмы:
- пройдуць адукацыю на дзённым аддзяленні ва ўніверсітэце і каледжы ЗША цягам аднаго акадэмічнага года;
- цягам першага семэстра прысвецяць 20 альбо болей гадзін валанцёрскай працы ў горадзе прыбывання на тэрыторыі ЗША;
- цягам другога семэстра пройдуць прафесыйную стажыроўку. Студэнты, якія на момант падачы заяўкі навучаюцца на 1 курсе, будуць жыць у сем'ях альбо ў інтэрнаце і навучацца ў двухгадзічных каледжах.
Студэнты, якія навучаюцца на 2 і 3 курсах на момант падачы заяўкі, будуць жыць у інтэрнатах і праходзіць навучанне ў чатырохгадзічных каледжах альбо ўніверсітэтах. Праграма прадугледжвае поўнае фінансаванне і прадугледжвае інтэнсіўныя курсы англійскай мовы ў роднай краіне перад пачаткам праграмы.
Дадатковую інфармацыю можна атрымаць у Маскоўскім офісе АЙРЭКС: тэл.: (495) 234–0144, 956–0978, e-mail: ugrad@irex.ru.
Паводле рассылкі belngo.info

“Школа маладога журналіста-12” запрашае
Грамадcкае аб’яднаньне “Цэнтр “Трэці сэктар” запрашае гарадзенцаў у “Школу маладога журналіста-12”.
-Калі ты актыўны і дапытлівы,
-Калі ты цікавішся журналістыкай,
-Калі табе ад 16 да 25,
то праект “Школа маладога журналіста” для цябе!
ШМЖ – гэта
-Унікальная школа ў Беларусі
-Выклады прафесійных журналістаў
-Нефармальная абстаноўка
-Рэальная практыка
Праект “Школа маладога журналіста” існуе з 1997 года ў выглядзе 7-месячных штогадовых навучальных курсаў. За 11 год праз яе прайшлі больш за 200 чалавек, многія з якіх сталі лаўрэатамі нацыянальных і міжнародных узнагарод у галіне журналістыкі.
Мэта праекта: падрыхтоўка карэспандэнтаў для СМІ, няўрадавых арганізацый Гарадзеншчыны, а таксама павышэньне сацыяльнай актыўнасці моладзі. Удзельнікі “Школы” вывучаюць тэарэтычны курс “Асновы журналістыкі”, а таксама праходзяць практыку на інтэрнэт-рэсурсе “Твой Стыль”, у рэдакцыях гарадзенскіх і рэспубліканскіх СМІ, выдаюць навучальныя газэты. Выпускнікі ШМЖ працуюць у газетах “Вечерний Гродно”, “Гродзенская праўда”, “Перспектива”, “Наша Ніва”, “Белорусы и Рынок”, на тэлеканале ОНТ, а таксама ў замежных СМІ. У якасці трэнераў у “Школе” працуюць вядомыя журналісты Вітаўт Руднік, Алена Раўбецкая, Наталля Макушына і іншыя карэспандэнты СМІ не толькі з Гародні, але і з усёй Беларусі.
Заяўкі прымаюцца з 1 да 22 верасня.
Больш падрабязную інфармацыю можна атрымаць па тэлефонах: (0152) 757172, (8029) 7843221, (8029) 1068594 (панядзелак- пятніца 13.00–17.00).
Паводле рассылкі Кроніка грамадскага жыцця Гарадзеншчыны

Агляд адукацыйных навінаў
- Настаўнікаў прывучаць карыстацца інтэрнэтам. Бадай, гэта адзінае добрае, што можна чакаць ад рэформы, якая пачалася 1 верасня. Генадзь Пальчык паведаміў, што адукацыйны партал Нацыянальнага інстытуту адукацыі штодзённа наведвае больш за 5 тысячаў карыстальнікаў. А што рабіць, калі навучальныя праграмы, каляндарна-тэматычныя планы і нават некаторыя падручнікі існуюць толькі ў электронным выглядзе?! Адрас партала НІА http://www.adu.by/
- 1 верасня ў Мінску, каля будынка па вуліцы Кірава, 21, навучэнцы былога Нацыянальнага дзяржаўнага гуманітарнага ліцэя імя Якуба Коласа разам з бацькамі і настаўнікамі правялі лінейку, прысвечаную Дню ведаў.>>>
- Старшыня Таварыства беларускай мовы Алег Трусаў заявіў, што беларускамоўнае навучанне ў школах знаходзіцца ў стадыі стагнацыі. Аднак усе беларускамоўныя класы цалкам запоўнены >>>
- Учынак беларускай школьніцы Тані Казыры паўплываў на арганізацыю паездак за мяжу іншых беларускіх дзяцей. Адмянілі паездкі беларускіх дзяцей у Галандыю і Германію >>>
- Вучні другога класа мінскай школы № 1 не будуць сёлета вывучаць польскую мову. Бацькам патлумачылі, што прыярытэтная мова – рускакя >>>
- Каго выхоўваюць у сёньняшняй беларускай школе? >>>
- Якія змены адбудуцца ў вывучэнні беларускай мовы і літаратуры? >>>
- Што б вы змянілі ў школе? Дыскусія на СВАБОДЗЕ >>>
- У гродзенскім ліцэі дырэктар спусціўся на «першы званок» з даху >>>
- Інтэрнэт-канферэнцыя Міністра Радзькова на сайце «СБ – Беларусь сегодня»   >>>

Новае на сайце

Новая рэформа на старой платформе
Міхась БУЛАВАЦКІ,
настаўнік матэматыкі вышэйшай катэгорыі, журналіст, Магілёў

Чарговая рэформа беларускай школы ізноў прыцягнула ўвагу да праблем адукацыі. Спецыялісты ладзяць канферэнцыі ды нарады, сямейны электарат спрачаецца. Пераважна на кухнях. Над усім гэтым лунае псеўдапытанне: колькі гадоў трэба вучыцца дзіцяці ў школе — адзінаццаць ці дванаццаць? Хаця «наверсе», як звычайна, усё даўно вырашылі.
Аднак дазвольце чалавеку які, пражыў-адпрацаваў у сістэме адукацыі блізу сарака гадоў, уставіць ў гэты розгалас свае «тры грошы».
Чытаць артыкул цалкам

Падручнік «Музыка 3 клас» 1-я чвэрць
Тут вы можаце спампаваць падручнік Музыка 3 клас 1-я чвэрць.
А.Р. Гуляева, М.Б. Гарбунова, І.В. Яшчэмбская-Калёса.
Поўная версія падручніка з'явіцца ў продажы ў бліжэйшы час.
Музыка 3 клас 1-я чвэрць. А.Р. Гуляева, М.Б. Гарбунова, І.В. Яшчэмбская-Калёса.
Пампавацьтут
Крыніца інфармацыі: Сайт adu.by

З ДНЁМ ВЕДАЎ!

Шаноўныя калегі!
Каманда Nastaunik.info віншуе вас з новым навучальным годам!
Спадзяемся, што за лета вы добра адпачылі, набраліся сіл, каб зноў акунуцца ў працоўны вір і адолець усе школьныя новаўвядзенні. Не забывайцеся дасылаць свае метадычныя матэрыялы, заахвочвайце калег у час працы ў Інтэрнэце не толькі спампоўваць новыя міністрэскія распараджэнні і дакументы, але і заходзіць на наш сайт, падпісвацца на рассылку. Калі ж станецца так, што паўстаюць пытанні – запрашаем да абмеркавання на форум http://nastaunik.info/forum/
Ваш Nastaunik.info

Новае на сайце

Крытычнае ацэньванне сайтаў малодшымі і сярэднімі школьнікамі

Раней на nastaunik.info мы ўжо размяшчалі пераклад фрагментаў украінскай кнігі Н. Вукінай, Н. Дэментыеўскай і І. Сушачанкі «Крытычнае мысленне: як яму навучаць», прысвечаны саманавучанню настаўнікаў пры ацэнцы інтэрнэт-рэсурсаў. Зараз прапануем вам распрацоўкі практыкаванняў па навучанні крытычнаму ацэньванню вэб-старонак для вучняў малодшай і сярэдняй школы з гэтай жа кнігі.

Спампаваць пераклад(pdf, 132 КБ)

Новае на сайце

Тэарэма Піфагора – школьнікам і іншапланецянам

Настаўнік матэматыкі Іван Храпавіцкі задаўся пытаннем, што варта было ўлучыць у пасланне, калі б мы выйшлі на кантакт з нейкай незямной цывілізацыяй? Паводле меркавання розных спецыялістаў гонар прэзентаваць культуру планеты Зямля мелі б: 9-я сімфонія Бетховена, формула Эйнштэйна, адзін з твораў Шэкспіра, штосьці з біялогіі і формула Піфагора.

З гэтай нагоды ён распрацаваў у праграме «Жывая геаметрыя» міні-дапаможнік, які ўлучае аніміраваныя ілюстрацыі розных доказаў вялікай тэарэмы, а таксама практыванні па гэтай тэме школьнай праграмы.

Спампаваць дапаможнік (rar, 325 КБ)

Новы навучальны год у лічбах
— Па дадзеных Мінадукацыі, у гэтым навучальным годзе ў школы пайдуць больш 93 тыс. першакласнікаў. Усяго ж у беларускіх школах будзе навучацца каля 1 млн. 100 навучэнцаў
— Паводле інфармацыі Міністэрства адукацыі Беларусі, у першым паўгоддзі 2008 года сярэднемесячная зарплата педагагічных работнікаў (акрамя прафесарска-выкладчыцкага саставу) склала 679,5 тыс. рублёў. Гэта 72,5% ад узроўня зарплаты ў прамысловасці. Зарплата настаўнікаў склала ў сярэднім 718 тыс. руб. (76,6% ад узроўня ў зарплаты ў прамысловасці) і прафесарска-выкладчыцкага свставу –– 1.301 тыс. руб. (139%). Для параўнання сярэдняя заработная плата ў Беларусі ў ліпені 2008 года склала 923 тыс. 277 рублёў
— У новым навучальным годзе у Беларусі будзе на 2 тыс. першакласнікаў больш, чым сёлета, але толькі па г. Мінску  выпускнікоў базавых школаў будзе больш на 22, 1 тысячы чалавек (34,5 тысячы чалавек у параўнанні з 12,4 тыс. чалавек у 2008-м ), а, сярэднюю школу ў наступным годзе скончаць на 3 тысячы вучняў больш, чым сёлета (18 тысяч вучняў, у 2008-м — 15 тыс.)
— У новым навучальным годзе адчынена чатыры новыя школы, рэарганізавана 37 агульнаадукацыйных устаноў. У сельскай мясцовасці зачынена 93 установы адукацыі
— Кошт карыстання камплектам падручнікаў сёлета складзе ад 7 да 22 тысяч рублёў
— У дашкольных установах не хапае больш за 1.000 выхавацелек, 123 медыцынскія сястры, 438 памочнікаў выхавацелек.
—  Паводле інфармацыі Мінадукацыі, у дзяржаўныя ВНУ сёлета паступілі 74,4 тыс. чалавек. На дзённую форму навучання на бюджэтнай аснове залічана 23 тыс. 783 чалавека (уключна месцаў, фундаваных Нацбанкам Беларусі), 21,3 тыс. — на ўмовах аплаты, на завочную форму навучання –– 29,3 тыс. (7,2 тыс. — на бюджэтныя месцы, 22,1 тыс. — на ўмовах аплаты). Такім чынам,толькі 41,6% студэнтаў навучаюцца за кошт бюджэта, а больш за 58% ад усіх студэнтаў дзяржаўных ВНУ – платнікі.
Усе лічбы ўзятыя з сайта http://naviny.by/  

Ці адбудзецца скарачэнне настаўнікаў?
Вось як на гэта пытанне адказалі намеснік міністра адукацыі і намесьнік дырэктара школы.

     Паводле звестак Міністэрства адукцыі, пераход з 12-гадовага на 11-гадовае навучанне ў сярэдняй школе не выклікаў скарачэння педагагічных кадраў. Пра гэта паведаміў 28 жніўня на прэс-канферэнцыі ў Мінску намеснік міністра адукацыі Беларусі Казімір Фарыно. Паводле яго слоў, «апасенні наконт гэтага былі, тым не менш гэтага не здарылася». Намеснік міністра зазначыў, што такой сітуацыі ў многім садзейнічала пераразмеркаванне нагрузак школьных настаўнікаў і новы падыход да факультатываў у школе, сістэма правядзення якіх змянілася. «Правядзенне факультатываў будзе аплачвацца настаўнікам гэтак жа, як і звычайныя гадзіны выкладання прадметаў у школе», –– патлумачыў К.Фарыно. Паводле ацэнкі Мінадукацыі, педагагічная нагрузка ў новым навучальным годзе ў агульнаадукацыйных установах краіны складзе 1,1 стаўкі. К.Фарыно таксама паведаміў, што ў школы накіравана 5,4 тыс. маладых спецыялістаў. паведамляе БелаПАН.
     А вось што паведаміла  Настаўніку.інфо намесніца дырэктара школы аднаго з райцэнтраў Галіна К. – :  «Мы з дырэктарам 2 дні сядзелі і выдумлялі, чым нагрузіць настаўнікаў сёлета, каб захаваць іх на працы. Фактычна, у нас у раёне аказалася каля 200 лішніх педагогаў. Але ў наступным годзе ў нашай школе 9 выпускных класаў, а набраць здолеем толькі 2. Таму скарачэнне наперадзе, і вельмі-вельмі вялікае».

Метадычныя распрацоўкі да Дня ведаў
Набліжаецца пачатак новага 2008/2009 навучальнага года. Міністэрства адукацыі рэкамендуе 1 верасня першы ўрок прысвяціць Дню ведаў, Дню беларускай пісьменнасці, пад агульным назовам «Жыву ў Беларусі і тым ганаруся».
Як заўсёды, дарагія калегі, Нстаўнік.інфо імкнецца дапамагчы вам з матэрыяламі, каб першы ўрок года сапраўды спадабаўся нашым дзецям і дапамог усім нам ганарыцца, што мы беларусы.
Мы спадзяемся, што нашыя матэрыялы дапамогуць выбраць форму і змест, які вам даспадобы, і замест нудотнай лекцыі пра поспехі сельскай гаспадаркі і добрае жыццё ветэранаў правесці цікавую дыскусію, віктарыну, конкурс, гульню, сустрэчу з літаратарам,  музычную гасцёўню, майстар-клас па народных танцах ці спевах і г. д.
Зазірніце, калі ласка,  на старонкі   Грамадзянская адукацыя і Нацыянальная адукацыі і выхаванне – там вы знойдзеце паўсотні ідэяў і сцэнароў школьных мерапрыемстваў.
А каму зусім няма часу шукаць – прапануем план першага ўрока ў 5 класе, прысвечанага Беларусі, які  распрацавала настаўніца Талькаўскай школы Наталля Ільініч Спампаваць матэрыял (zip, 17 КБ)
Спадзяемся атрымаць і вашыя распрацоўкі для размяшчэння на сайце.
Будзем разам!
Шчыра ваш,
Nastaunik.info

Не шукай праграмаў у краме. І падручнікаў таксама.
Крама «Адукацыя» інфармуе пакупнікоў, што ў сувязі з падвышаным попытам у краме па стане на 27.08.2008 адсутнічаюць:
- каляндарна-тэматычнае планаванне па ўсіх навучальных прадметах;
- навучальныя праграмы для 1–4 класа.
Плануецца дадатковы тыраж!!! Пры паступленні дадатковага тыражу ў продаж будзе абвешчана. Сачыце за навінамі партала! Усе праграмы і планы Вы можаце запампаваць з партала Нацыянальнага інстытуту адукацыі і раздрукаваць самастойна!

Алесь Лозка: «Беларускія настаўнікі яшчэ схопяцца за галаву пасьля 1 верасьня!”
Паводле Радыё Свабода
Напярэдадні новага навучальнага года Міхась Скобла гутарыць са старшынём Таварыства беларускай школы, выкладчыкам Беларускага дзяржаўнага педагагічнага ўнівэрсытэта імя Максіма Танка Алесем Лозкам.
Алесь Лозка: “Сітуацыя на сёння такая: у школах з беларускай мовай навучання займаецца 20,9 % ад усіх школьнікаў. У 2004 іх было 24, 8%, у 2005 – 23,8%, у 2006 – 23, 3%, у 2007 – 21,5 %, і сёння, як я ўжо сказаў, толькі 20, 9%. Такім чынам, дынаміка выразная: штогод колькасць беларускіх школаў змяншаецца прыблізна на адзін адсотак. Калі гэткая тэндэнцыя захаваецца, то ўсяго праз дваццаць гадоў у Беларусі не застанецца ніводнай беларускай школы. >>>

Невукі ўсіх школ, яднайцеся!

Апошнія два гады — з моманту, калі ўлады абвесцілі пра будучую змену афіцыйнага правапіснага стандарту (жнівень—верасень 2006 г.), — сярод нацыянальнай інтэлігенцыі чуваць заклікі «аб’яднацца з народам», адмовіўшыся ад класічнага правапісу. Аднак перш як аб’яднацца, варта прааналізаваць не толькі ДЗЕЛЯ ЧАГО, але і ВАКОЛ ЧАГО нас заклікаюць аб’яднацца. Якія ж пісьмёны мы можам прачытаць на сцягу кансалідацыі?

Поўны тэкст артыкула аб новым правапісе чытайце на сайце «Нашай Нівы»

Агляд адукацыйных навінаў

– Штогод у Беларусі зачыняецца каля ста школ – з-за нястачы вучняў >>>

– Выдаткі на адукацыю, паводле словаў міністра, павялічацца на 36% >>>

– Да канца году ўстановы адукацым Беларусі будуць тэхнічна готовыя да выкарыстання лічбавага подпісу ў дакументаабароце >>>

– Беларускія школьнікі будуць вывучаць замежныя мовы толькі з трэцяга класа два разы на тыдзень >>>

Таварыства беларускай школы запрашае гарадзенцаў на прэзэнтацыю ваеннага ARCHE

28 жніўня галоўны рэдактар Валер Булгакаў і журналіст Андрэй Пачобут прэзентуюць у Гародні спецыяльны нумар часопісу ARCHE, прысвечаны Другой сусветнай вайне.

Нумар складаецца з невядомых беларускаму чытачу тэкстаў. Больш за 500 старонак вялікага фармату, больш за 200 ілюстрацый. Сустрэча адбудзецца у сядзібе ТБШ па адрасе: г. Гродна, вул. Будзённага, 48а. Пачатак а 18.30.

Паводле www.nn.by

Таварыства беларускай мовы запрашае на гістарычныя семінары

Таварыства беларускай мовы запрашае на гістарычныя семінары

18 і 25 верасня. Ігар Кузняцоў «Палітычныя рэпрэсіі на Беларусі: гісторыя і сучаснасць», офіс ТБМ (завулак Румянцава, 12), 18.00.


21 верасня. Уладзімір Арлоў «Гістарычныя ваколіцы Менска», Палац мастацтва, 18.00.


27 верасня. Анатоль Грыцкевіч «Гістарычная тапаніміка і тапаграфія Менска. Старажытны Менск», офіс ТБМ, 18.00.

Стыпендыі на навучанне ў Чэхіі, Венгрыі, Славакіі і Польшчы
У 2009 годзе Міжнародны Вышэградскі Фонд рэалізуе спецыяльную праграму для Беларусі. Праграма прапаноўвае беларускім студэнтам і навукоўцам 80 семестраў навучання ў любым дзяржаўным ці прыватным універсітэце краін-удзельнікаў Вышэградскай Групы. Кожны ахвотны можа падаць заяўку на ўдзел у адукацыйных праграмах Master´s ці Post-Master´s (аспірантура) тэрмінам ад 1 да 4 семестраў.
Дадатковая інфармацыя на www.visegradfund.org/scholarships.html, а таксама тут.

Літаратурна-гістарычны конкурс эсэ

Саюз пісьменнікаў Літвы сумесна з Еўрапейскім гуманітарным універсітэтам запрашае студэнтаў да ўдзелу ў літаратурна-гістарычным конкурсе “Лаздзіну Пяледа і Вацлаў Ластоўскі: крыўскія міфы і гістарычныя лёсы”.

Мэтай конкурсу з'яўляецца актуалізацыя-рэканструкцыя досведу мінулага праз зварот да лёсаў персаналіяў, якія прымалі непасрэдны ўдзел у гістарычным працэсе нацыянальна-культурніцкага будаўніцтва, значна паўплывалі на спецыфіку літаратурнага працэсу Беларусі і Літвы ды пакінулі яскравы след у гісторыі двух народаў-суседзяў.

Да ўдзелу ў конкурсе прымаюцца аўтарскія работы ў выглядзе разгорнутага эсэ (нарыса) па вышэйадзначанай тэме аб’ёмам 6–10 друкаваных старонак, набраных 12 кеглем праз 1,5 інтэрвалу ў гарнітуры Times New Roman.

Апошні тэрмін падачы эсэ: 1 верасня 2008 г. Электронны адрас конкурсу: litkon@gmail.com.

Вынікі конкурсу, якія прадугледжваюць тры прызавыя месцы, а таксама дадатковыя намінацыі, будуць падведзеныя да канца верасня 2008 году, пасля чаго пераможцы атрымаюць запрашэнне да ўдзелу ў цырымоніі ўзнагароджання, якая адбудзецца ў кастрычніку 2008 году ў Літве (пра дакладнае месца і час пераможцы будуць папярэджаныя дадаткова). У якасці прызоў прадугледжаныя грашовыя прэміі. Арганізатарамі і куратарамі конкурсу плануецца выданне зборніку, у які, апроч працаў пераможцаў, будуць уключаныя найбольш грунтоўныя эсэ іншых удзельнікаў праекта.

Паводле рассылкі belngo.info

Патрэбныя валантэры для летніка

З 31 жніўня па 9 верасня ў санаторыі на Мінскім моры адбудзецца валантэрскі летнік для людзей «з асаблівасцямі псіхафізічнага развіцця».

Валантэры будуць жыць і працаваць разам з людзьмі з псіханеўралагічных інтэрнатаў Мінску. Патрэбныя моцныя, адкрытыя і творчыя людзі, здольныя падарыць тым, у каго ў жыцці так мала радасці, 10 дзён паўнавартаснага жыцця. Валантэрам забяспечваецца пражыванне і харчаванне.

Звяртайцеся на e-mail: outreacher@gmail.com.

Паводле рассылкі belngo.info

Трэнінг па методыцы навучальных гурткоў
Паважаныя калегі!
Запрашаем да ўдзелу ў трэнінгу для новых лідэраў навучальных гурткоў. Трэнінг адбудзецца ў Магілёве 29–30 жніўня па адрасе: вул.Сурганава, 21. Пачатак у 13.00. Кантактны тэлефон: (029) – 730 – 53- 88
Паводле рассылкі АГА

З'езд Партыі БНФ прыняў заяву  пра рэформу сярэдняй адукацыі 
Заява
Прэзыдэнцкім дэкрэтам № 15 ад 17 ліпеня сёлета асьвечаная чарговая рэформа агульнай сярэдняй адукацыі ў Беларусі. Гэтым разам улада нават не імітавала грамадзкага абмеркаваньня акцыі, якая ў той ці іншай меры закране мільёны нашых суграмадзянаў. У сутнасьці, плянаваньне рэформы адбывалася нават без удзелу Міністэрства адукацыі й Нацыянальнага інстытуту адукацыі, а сканцэнтравалася вакол Адміністрацыі прэзыдэнта. У выніку пакінутыя ўбаку або цынічна праігнараваныя шматгадовыя напрацоўкі й ідэі лепшых беларускіх пэдагогаў і арганізатараў адукацыі. Як звычайна, перамагла “рэвалюцыйная неабходнасьць”, якая вынікае з крызыснага стану нерэфармаванай эканомікі краіны, карыкатурнай ідэалягізацыі духоўнай сфэры. >>>
Паводле http://pbnf.org/

Конкурс «Пласты памяці»
Праграма Geschichtswerkstatt Europa  (Гісторыя Еўропы) запрашае студэнтаў, выпускнікоў, пачаткоўцаў-навукоўцаў,   а таксама аматараў гістарычнай навукі  прыняць удзел у праекце «Пласты памяці». Кандыдаты мусяць быць ва ўзросце ад 18 да 35 год. Вынікам працы мусіць быць стварэнне тэксту, фотарэпартажу ці фільма. Фінансуюцца выдаткі на праезд, пражываньне, набыцьцё неабходных сродкаў для выканання праекта і транспарт.   Праект пачнецца  з сустрэчы ўдзельнікаў у Франкфурце над Одрай увесну 2009 г. з мэтай ажыццяўлення змястоўнай і метадалагічнай падрыхтоўкі праектаў.
Дадатковая інфармацыя тут
Эскізы праектаў на двух старонках трэба дасылаць на адрас : europa@instytut.net 
 Апошні тэрмін падачы заявак - 27 кастрычніка 2008 г.

Агляд адукацыйных навінаў
-- Конкурс у ВНУ Беларусі сёлета склаў 2.1 чалавека на адно бюджэтнае месца >>>
-- Для мінских школьнікаў аб'яўлены літаратурны конкурс >>>
-- Чаму 16-гадовая Таня Казыра засталася ў ЗША?  >>>
-- Поўная экіпіроўка школьніка абыдзецца бацькам у 275–858 тыс. рублёў >>> 
-- Летнік для непаўнаспраўных дзяцей шукае валантэраў >>>
-- У Вільні будуць выкладаць музычныя традыцыі Беларусі >>>
-- У Брэсцкай вобласці выкладчыкі бралі хабар за здачу экзаменаў >>>
-- Адораным дзецям будзе выдзяляцца грашовая падтрымка >>>
-- Hовыя правілы беларускай мовы пачнуць дзейнічаць з 1 верасня 2010 года >>>
-- На дзённае аддзяленне бакалаўрскіх праграм ЕГУ сёлета было залічана 242 чалавекі >>>

ТРЭНІНГ САВЕТА ЕЎРОПЫ ПА ПРАВАХ ЧАЛАВЕКА
12–19 кастрычніка Савет Еўропы ладзіць трэнінг-курс па адукацыі дзяцей правам чалавека. Трэнінг адбудзецца ў Еўрапейскім моладзевым цэнтры ў горадзе Будапешт (Венгрыя). Мэтай навучальнага курсу з'яўляецца падвышэньне кваліфікацыі супрацоўнікаў бюро амбудсменаў і адвакацкіх службаў у еўрапэйскіх краінах у галіне навучання дзяцей правам чалавека з ухілам на выкарыстанне Компасіто (COMPASITO) – навучальнага дапаможніка, які прысвечаны ў асноўным адукацыі дзяцей правам чалавека.
Для ўдзелу ў трэнінг-курсе неабходна запоўніць заяўку ў рэжыме он-лайн на сайце: http://coe.opencontent.it   Апошні тэрмін падачы заявак: 21 жніўня 2008 года.
Паводле n-europe.eu

“Паўночны Вецер – 2008”
Шаноўнае спадарства!
Шчыра запрашаем Вас да ўдзелу ў намётавым музычна-гістарычным летніку “Паўночны Вецер – 2008”.
Што такое “Паўночны Вецер – 2008”? Гэта людзі, якія выязджаюць па-за межы вялікага горада. Гэта намётавы гарадок на поўначы Беларусі, ў Браслаўскім раене. Гэта прыгожы бераг возера Укля. Гэта цішыня і пектнасць прыроды паўночнае Беларусі. Гэта майстар-класы па рамёствах і забаўляльнай культуры. Гэта гутаркі і семінары па сацыялагічных і філасофскіх пытаннях. Гэта вышкалы кожны ранак для жадаючых, з коўчынгамі па барацьбе, выжыванню, шыхтавой падрыхтоўцы, бойцы на кіях ды інш. Гэта музычныя ды танцавальныя вечарыны каля вогнішча...
Каб прыняць удзел ў летніку, трэба патэлефанаваць арганізатарам і заявіцца.
Летнік адбудзецца з 9 па 17 жніўня 2008 года (ужо вельмі хутка).
Кантактныя асобы: Аляксей “Бекар” Бурнасенка, +37529 5076263 Ганна Несцерава, +37529 6850374
Умовы правядзеньня летніка: Арганізацыйны ўзнос – 10 у.е. Афіцыйная мова летніка – беларуская. Аргкамітэт забяспечвае дастаўку да да месца правядзення летніка першых 20 зарэгістраваных асобаў. Забяспечваецца бяскоштнае харчаванне (каша з тушанінай, сціпла, без мудраванняў) ды інвент-напаўненне. Ў межах летніка дазваляецца паліць ў адлегласці мінімум 5 км ад цэнтральнага вогнішча. Ў межах летніка дазваляецца ўжываць алкаголь – толькі індывідуальна, ў зачыненым намёце, і абавязкова так, каб пра гэта не даведаліся арганізатары альбо вартавыя. Настойліва раім мець пры сабе: спальнік,  намёт, 2 камплекты адзення (адзін для летніка, другі – для цывільных мерапрыемстваў), плаўкі, КЛМН: Кубак, Лыжку, Міску, Нож, лекі, ліхтарык. НЕнастойліва раім мець пры сабе: Музычны інструмент, забяспечнікі, капу, грошы на пачастункі, танцавальны абутак, спартовае альбо адзенне.
Летнік арганізаваны пры падтрымцы: Сярэдневечнага вулічнага тэатру “DiGrease’s Buffoon Theatre”, Танцавальнага гурта “Гістрыён”, “Мінскай Школы Танцаў Народаў Свету”.
Паодле http://bekarr.livejournal.com/58222.html

Вынікі конкурсу «Нашчадкі Скарыны»
Рэспубліканскае грамадскае аб’яднанне “Таварыства беларускай школы” падвяло вынікі конкурсу “Нашчадкі Скарыны” на лепшую роднамоўную групу дашкольнай установы Мінскай вобласці.
Пераможцамі яго сталі групы ў дашкольных установах:
- вёскі Наваселле Мінскага раёна (заг. Кацярына Мазуркевіч, муз. кіраўнік Таццяна Глебік, вых. Таццяна Гоман);
- №38 г.Салігорска (заг. Тамара Карпук, нам. Святлана Краўчэня);
- вёскі Палічын Любанскага раёна (заг. Яніна Богуш);
- вёскі Морач Клецкага раёна (заг. Соф’я Лаган).

Адукацыйная праграма ў Кракаве
Польская арганізацыя «Агенцыя міжнародных ініцыятываў" запрашае прыняць удзел у штогадовай адукацыйнай праграме «Лідэры для дэмакратыі" і «Гендэрныя праблемы постсавецкай прасторы» (толькі для жанчын), якая адбудзецца ў Кракаве (Польшча).
Разглядаюцца заяўкі ад прадстаўнікоў НДА, партыяў, моладзі, якая падтрымлівае дэмакратычныя каштоўнасьці. Узрост удзельнікаў ад 18 да 35 год.
Стажыроўка пройдзе ў чатыры этапы:
з 17 па 26 верасня 2008 г.,
з 15 па 24 кастрычніка 2008 г. (толькі жаночы пол),
з 12 па 21 лістапада 2008 г.,
з 3 па 12 снежня 2008 г. (толькі жаночы пол).

Можна абраць зручны для стажыроўкі час удзелу і паведаміць аб гэтым у анкеце. Аформіць заяўку можна толькі на адну з пералічаных вышэй стажыровак.
Арганізатары праграмы забяспечваюць:
- афармленне дакументаў для вырабу візы,
- страхавое забеспячэнне знаходжання ў Польшчы,
- аплату праезду ў абодва бакі (максімум – купэйны вагон цягніка, аўтобус),
- культурную праграму,
- харчаванне, пражыванне ўдзельнікаў.
Для ўдзелу ў стажыроўцы і афармлення запрашэння для візы неабходна запоўніць і даслаць анкету, якая знаходзіцца тут, на адрас biuro.program@gmail.com. Усе кандыдаты, якія прайшлі адбор, атрымаюць паведамленне і дадатковую інфармацыю.
Тэрміны падачы анкетаў:
на верасень – да 15 жніўня 2008 году,
на кастрычнік – да 1 верасня 2008 году,
на лістапад – да 25 верасня 2008 году,
на снежань – да 1 лістапада 2008 году.

Паводле рассылкі belngo.info

СТУДЭНЦКІ ЛЕТНІК ПАД ГЛЫБОКІМ
11–15 жніўня каля горада Глыбокае пройдзе трэнінг на тэму «Крэатыўнасць і журналістыка». Акрамя карысных ведаў, уменняў і навыкаў, удзельнікаў чакае рамантыка пражывання ў сапраўднай вясковай хатцы каля возера ды начныя пасядзелкі ля вогнішча. Да ўдзелу запрашаюцца студэнты.
Арганізатары аплочваюць дарогу і забяспечваюць харчаваннем ды месцам для пражывання.
Для ўдзелу трэба запоўніць анкету  і даслаць на мэйл letnik2008@gmail.com .
Паводле рассылкі belngo.info 

Справа намесніка старшыні ТБШ Аляксандра Сядзякі будзе жыць?
1 верасня ў Мінску адкрыецца новая беларускамоўная гімназія. Пра гэта 5 жніўня на прэс-канферэнцыі паведаміў намеснік міністра адукацыі Казімір Фарыно.
Гімназія  будзе дзейнічаць на базе сярэдняй школы № 2. К.Фарыно праінфармаваў, што ў школах і класах з беларускай мовай навучання вучацца прыблізна 27 % дзяцей (па дадзеных ТБШ –  21 %). «Гэта тыя вучні, якія атрымліваюць адукацыю па ўсіх прадметах на беларускай мове. Матэматыка, фізіка і далей», — удакладніў ён. Намеснік міністра адукацыі не лічыць, што ў школах нейкім чынам ушчамляецца беларуская мова. Для пацвярджэння гэтага ён прадэманстраваў тыпавы вучэбны план міністэрства, абавязковы для выканання ўсімі навучальнымі ўстановамі краіны.
«Тут вы можаце бачыць, што на навучанне рускай і беларускай моў і літаратуры адводзіцца роўная колькасць часу», — сказаў К. Фарыно. Паводле меркавання загадчыка кафедры стылістыкі і літаратурнага рэдагавання Інстытута журналістыкі Белдзяржуніверсітэта Віктара Іўчанкава, беларуская мова набывае сярод выпускнікоў сярэдніх школ ўсё большую папулярнасць. «Гэта мы бачым па выніках цэнтралізаванага тэставання. Усё больш абітурыентаў праходзяць тэставанне па беларускай мове і літаратуры», — паведаміў В. Іўчанкаў.
Паводле «Нашай Нівы»
Даведка:
СШ №2  знаходзілася пад кіраўніцтвам намесніка старшыні ТБШ Аляксандра Сядзякі, пакуль той не выставіў свю кандыдатуру ў якасці кандыдата на мінулых выбарах. СШ №2 з'яўляецца школай з паглыбленым вывучэннем французскай мовы, мела статус беларускамоўнай, пакуль дырэктарам быў Алесь Сядзяка.
Віктар Іўчанкаў замешаны ў справе выключэння студэнта Франака Вячоркі з факультэта журналістыкі БДУ. 
Казімір Фарыно знакаміты тым, што ў 2003 годзе паставіў асабісты подпіс у працоўныя кніжкі ўсіх зволеных настаўнікаў Беларускага Гуманітарнага ліцэя імя Я. Коласа, асабіста падпісаўшы ім «воўчы білет».

Рыхтуецца зборнік матэрыялаў па нефармальнай адукацыі

Партнёрская сетка Арганізацый грамадзянскай адукацыі рыхтуе да выдання зборнік “Нефармальная адукацыя ў Беларусі”.
Мэта выдання: фармаванне пазітыўнай грамадскай думкі пра дзейнасць арганізацый нефармальнай адукацыі; прасоўванне адукацыйных арганізацый і адукатараў у значным асяроддзі. Нефармальнай адукацыяй мы разумеем любое арганізаванае навучанне, якое адбываецца па-за межамі сістэмы фармальнай адукацыі. У якасці фармальнай адукацыі мы разумеем сістэму агульнай, вышэйшай і прафесійнай адукацыі, што ажыццяўляецца на аснове дзяржаўных стандартаў, і па атрыманні якой выдаецца пасведчанне дзяржаўнага ўзору.
Мова выдання: мова рэдакцыі выдання – беларуская, кароткая анатацыя на ангельскай і расійскай мовах.
Мову матэрыялаў абіраюць аўтары.
Калі Ваша арганізацыя і/ці Вы асабіста маеце дачыненне да сферы нефармальнай адукацыі Беларусі, просім даслаць нам інфармацыю пра сябе і свае адукацыйныя праграмы (узор глядзіце тут).
Інфармацыя прымаецца толькі ў электронным выглядзе на беларускай або рускай мове на e-mail: adukatar.aga@gmail.com
Рэдакцыя пакідае за сабой права на адбор і рэдагаванне дасланых матэрыялаў.
Па ўсіх пытаннях, якія ўзнікнуць, звяртайцеся да тэл. +375 29 7114650; +375 29 6518601 Галіна Мацюшэнка.

Навіны ўступнай кампаніі
-- 4 жніўня ў Беларусі завершылася ўступная кампанія ў ВНУ >>>
-- ВНУ Беларусі недабралі студэнтаў на бюджэтныя месцы >>>
-- Больш за 40 тысяч абітурыентаў будуць залічаны на платныя аддзяленні беларускіх ВНУ >>>
-- Сярэдні бал атэстата абітурыента БДУ сёлета  --- 8,5 бала >>>

Агляд адукацыйных навінаў
- Выйшлі зборнікі з усімі заданнямі сёлетняга цэнтралізаванага тэставання >>>
- У школах рыхтуюцца да скарачэнняў >>>
- Абітурыенты шакаваныя новым ростам цэнаў на адукацыю >>>
- Вышэйшая адукацыя: кошт расце, якасць падае >>>
- На некаторых факультэтах цэны за навучанне падскочылі амаль на мільён >>>
- Германия «охотится за мозгами» >>>
- Дзе вучацца дзеці дыпламатаў? >>>
- Размеркаванне можа стаць яшчэ больш падобным на «прыгоннае права >>>
- Тэрмін прыёму дакументаў у ПТВ працягнуты да 1 верасня >>>

КОНКУРС ГРАНТАЎ ФОНДА READER'S DIGEST
Reader's Digest Foundation (ЗША) абвесціла пра намер ахвяраваць 1 мільён долараў ЗША недзяржаўным арганізацыям у межах сваёй новай ініцыятывы “Make it Matter” («Надай гэтаму важнасць»). Выдача грантаў будзе ажыццяўляцца ў адпаведнасці са значнасцю і важнасцю дасягненняў асобаў, якія дасягаюць поспеху дзеля карысці сваіх супольнасцяў. Кожны месяц фундацыя будзе адбіраць адну гісторыю пра дасягненні аднаго чалавека і будзе ахвяраваць 100 000 долараў ЗША грамадскай арганізацыі гэтага чалавека. Часопіс жа Reader's Digest пасля прысвеціць гэтаму чалавеку асобную калонку.
Прапановы і вылучэнні на разгляд фундацыі прымаюцца напрацягу 2008 года. Удзельнічаць могуць прадстаўнікі з усіх краінаў свету, уключна Беларусі. Далейшая інфрамацыя і форма заяўкі размешчана на сайце: http://www.rd.com/jsp/rdcom/makeItMatterLanding.jsp

ПРАГРАМА МАЛЫХ ПРАЕКТАЎ MATRA/KAР
Matra – праграма Міністэрства Замежных Справаў Нідэрландаў пры Амбасадзе Каралеўства Нідэрляндаў у Варшаве рэгулярна прымае заяўкі на гранты з Беларусі.
Каб адпавядаць умовам Matra/KAP, праект павінен быць скіраваны на сацыяльныя змены ў накірунку шматграннай грамадзянскай супольнасці. Зьмест праекта і ягоныя мэты павінныя цалкам адпавядаць патрабаванням Мatra. Праект павінен якім-небудзь чынам умацоўваць грамадзянскую супольнасць і рабіць яе больш разнастайнай.
Прыкладамі такой актыўнасці могуць быць:
• ініцыятывы па ўмацаванню першынства закона, абароне правоў чалавека, нацыянальных меншасцяў, ахове прыроды, грамадскага ўдзелу ў мясцовым самакіраванні і г.д.;
• ініцыятывы па ўмацаваньні няўрадавых арганізацыяў (НДА);
• ініцыятывы па ўмацаванні ролі незалежных СМІ ў беларускім грамадстве, ўкараненьні наватарскіх ідэяў у адукацыі і мастацтве, якія ў сваю чаргу будуць садзейнічаць працэсам сацыяльнай трансфармацыі і станаўленіню дэмакратыі.
Заяўкі на атрыманне грантаў Matra/KAР з Беларусі павінныя накіроўвацца арганізатарамі праекта па электроннай пошце war-matra@minbuza.nl  ў Амбасаду Нідэрландаў у Варшаве.
Амбасада ўпаўнаважана прадстаўляць гранты максімум да 15,000 Euro. Беларускія суіскальнікі, зацікаўленыя ў грантах Matra/KAP, могуць звяртацца ў Амбасаду Каралеўства Нідэрландаў у Варшаве ў любы час і падаваць заяўкі ў вольнай форме.
Адрас : Embassy of the Kingdom of the Netherlands, Matra/KAP, 10 Kawalerii St., 00–468 Warsaw, Poland, http:// www.nlembassy.pl. Кантактная асоба: Mr. Lukasz Byrski (war-matra@minbuza.nl).  Інфармацыю па праграме Matra/KAP у РБ можна таксама атрымаць у Консульстве Каралеўства Нідэрландаў у Мінску ў Вінакурава А.Д. па тэлефоне (017) 262 53 23 (nlconsulate@mail.by).

ТРЭЦІ МІЖНАРОДНЫ ФЕСТЫВАЛЬ ПАЭЗІІ «ПАРАДАК СЛОВАЎ"
Фэстываль паэзіі «Парадак словаў" пройдзе з 31 ліпеня па 3 жніўня 2008 года ў Мінску. Месца правядзення – музей Максіма Багдановіча (вул. Багдановіча, 7А), музей гісторыі беларускай літаратуры (вул. Багдановіча, 13), фальварак «Добрыя мыслі" (вул. Магілёўская, 12). Госці фэсту: літаратурныя фестывалі бліжэйшага замежжа: «Кіеўскія Лаўры», «Літэратэрра» (Ніжні Ноўгарад», «Валошынскі фэст» (Крым, Кактэбель), Ташкенцкі паэтычны фэст (Узбекістан). Ганаровае адкрыццё Фустывалю і першыя паэтычныя чытанні адбудуцца 31 ліпеня 2008 года ў чацвер у 18:00 у музеі Максіма Багдановіча (вул. М.Багдановіча, 7А, Траецкае прадмесце). З праграмай фэсту можна азенаёміцца на сайце: www.litafisha.ru .

ВАНДРОЎКА ПА ЗАХОДНЯЙ БЕЛАРУСІ
Магілёўская суполка ТБМ імя Францішка Скарыны з 8 па 10 жніўня ладзіць чарговую вандроўку па Заходняй Беларусі – Берасьцейскаму Палессю.
Маршрут падарожжа, якое пройдзе па тэрыторыі сучасных Баранавіцкага, Івацэвіцкага, Пружанскага, Камянецкага, Берасцейскага, Кобрынскага, Драгічынскага, Іванаўскага, Пінскага і Лунінецкага раёнаў: Магілёў – Мiнск – Завоссе – Сталовічы – Івацэвічы – Косава – Ружаны – Пружаны (першы дзень) – Камянец – Высокае – Воўчын – Вістычы – Чарнаўчыцы – Берасце – Кобрын – Валовель – Закозель – Драгічын – Іванава (другі дзень) – Моталь – Моладава – Дастоева- Парэчча – Пінск – Парахонск – Лунінец – Мікашэвічы – Слуцк – Мінск – Магілёў.
Напрацягу вандроўкі можна пабачыць мноства выдатных помнікаў архітэктуры, сярод якіх палац Пуслоўскіх у Косаве, палац Сапегаў у Ружанах, Камянецкая вежа, Траецкі касцёл у Чарнаўчыцах, Берасцейская крэпасць, жамчужына Палесся – Пінск… Удзельнікі наведаюць шэраг мясцінаў, звязаных з жыццём і дзейнасцю вядомых асобаў, чый лёс звязаны з Берасцейшчынай: Адам Міцкевіч, Тадэвуш Касцюшка, Станіслаў Аўгуст Панятоўскі, Апанас Філіповіч, Казімір Лышчынскі, Юльян Урсын Нямцэвіч, Яўгенія Янішчыц, Якуб Колас, Аляксандр Блок, Фёдар Дастаеўскі, Эліза Ажэшка, Напалеон Орда, Андрэй Баболя… Напрацягу падарожжа заплянаваныя экскурсіі ў музеі ў Завоссі, Мерачоўшчыне, Камянцы, Берасці, Моталі, Парэччы, Пінску, Парахонску. Маршрут распрацавалі: Юрась Каласоўскі і Алег Дзьячкоў.
Даведкі па тэлефонах: (033) 627–19–52 (Юрась); (029) 388–35–61, (029) 245–64–52 (Алег).

Тыпавыя вучэбныя планы на 2008/2009 навучальны год для ўсіх тыпаў агульнаадукацыйных устаноў
На нашым сайце размешчаная інфармацыя з тыпавымі вучэбнымі планамі на 2008/2009 навучальны год для ўсіх тыпаў агульнаадукацыйных устаноў, якія зацверджаны Пастановай Міністэрства адукацыі Рэспублікі Беларусь:
--  АДЗІНЫ ТЫПАВЫ ВУЧЭБНЫ ПЛАН агульнадукацыйных школ, школ-інтэрнатаў
-- АДЗІНЫ ТЫПАВЫ ВУЧЭБНЫ ПЛАН гімназіі
-- АДЗІНЫ ТЫПАВЫ ВУЧЭБНЫ ПЛАН ліцэя
-- ПЕРАХОДНЫ ТЫПАВЫ ВУЧЭБНЫ ПЛАН на 2008/2009 навучальны год 
-- АДЗІНЫ ТЫПАВЫ ВУЧЭБНЫ ПЛАН вячэрняй школы
-- АДЗІНЫ ТЫПАВЫ ВУЧЭБНЫ ПЛАН санаторнай школы-інтэрната
-- АДЗІНЫ ТЫПАВЫ ВУЧЭБНЫ ПЛАН спецыяльнай школы закрытага тыпу
-- ТЛУМАЧАЛЬНАЯ ЗАПІСКА па арганізацыі адукацыйнага працэсу ў адпаведнасці з Тыпавымі вучэбнымі планамі на 2008/2009 навучальны год для ўсіх тыпаў агульнаадукацыйных устаноў
-- Дадатак да Тлумачальнай запіскі з РАЗМЕРКАВАННЕМ ВУЧЭБНЫХ ГАДЗІН па вучэбных прадметах ”Родная мова і літаратура нацыянальнай меншасці“, ”Беларуская мова і літаратура“, ”Руская мова і літаратура“у класах з навучаннем на мове нацыянальнай меншасці ў агульнаадукацыйных установах
Спампаваць тут 

ЛЕТНЯЯ ШКОЛА «ЕЎРОПА РЭГІЁНАЎ"
Інстытут нямецкіх даследванняў пры Цэнтры міжнародных даследванняў (CfIS, www.cfis.by) у Мінску, Моладзевы адукацыйны клуб “NEWLINE” (www.newlineclub.net) і Мінскі міжнародны адукацыйны цэнтр імя Йоханэса Раў (www.ibb.by) запрашае прыняць удзел у Летняй школе 2008, прысвечанай тэме «Еўропа Рэгіёнаў". Школа адбудзецца ў Мінску/Брэсце 12–16 жніўня 2008 года. Удзельнікамі Школы могуць стаць студэнты і школьнікі старэйшых класаў, маладыя педагогі, прадстаўнікі моладзевых арганізацыяў. Апошні тэрмін падачы заявак: 6 жніўня 2008 года.
Больш падрабязную інфармацыю чытайце тут.
Паводле http://n-europe.eu, і рассылкі http://belngo.info

Міжнародная летняя школа «Нацыянальныя меншасці: сёння і заўтра»
15–26 верасня ў трох еўрапэйскіх гарадах (Аполе, Бeрлін, Страсбург) адбудзецца міжнародная летняя школа, прысвчаная праблематыцы нацыянальных меншасцяў. Удзельнікамі могуць быць студэнты, выпускнікі ВНУ і маладыя спeцыялісты, якія зацікаўлены тэмай сустрэчы.
Працоўная мова – нямецкая.
Дадатковая інфармацыя і праграма школы тут
Паводле adukacyja.info

СТЫПЕНДЫЯЛЬНАЯ ПРАГРАМА ІМЯ ГУГО ШТАЙНГАЎЗА ВА ЎРОЦЛАВЕ
Аб'яўлены прыём заявак на стыпендыяльную праграму на 2008/2009 навучальны год па наступных спецыяльнасцях: інфарматыка, матэматыка, будаўніцтва, хімія, фізіка, электроніка, інжынерная экалогія, інжынерыя ў біямедыцыне, аўтаматыка, робататэхніка, а таксама падобныя галіны тэхнічнага характару.
Кандыдаты на доктарскую стыпендыю з Беларусі, Украіны, Казахстана і Малдовы мусяць ведаць польскую ці ангельскую мову, мець вышэйшую адукацыю і не быць старэйшымі за 35 год.
Праграма прадугледжвае аплату навучання, стыпендыю на 9 месяцаў, пакрыццё коштаў медычнай страхоўкі, візы, дарогі ў два бакі, выдзяленне сродкаў на пакупку навуковай літаратуры, а таксама камп'ютэр і друкарку, якія пасля выканання ўмоваў праграмы становяцца ўласнасцю стыпендыята.
Апошні тэрмін падачы заявак: 31 ліпеня 2008 года.
Дадатковую інфармацыю глядзіце на сайце: http://www.kew.org.pl/index.php?option=com_content&task=view&id=315&Itemid=376
Паводле adukacyja.info

Куды вядзе рэформа?
Ліпеньскага зацішша ў адукацыі сёлета нe выпала – прэзідэнт падпісаў дэкрэт № 15 і праз паўтара месяца школа павінна пачаць працу  ў адрэфармаваным выглядзе. 
Афіцыйныя крыніцы інфармацыі і сам прэзідэнт няспынна паведамляюць пра посьпехі, як быццам яны ўжо адбыліся. Дастаткова пачытаць загалоўкі афіцыйных СМІ : "А.Лукашенко: переход на 11-летнее обучение в школе пройдет безболезненно",  "Сокращения учителей в Беларуси не будет",   «Двойного конкурса в вузы в 2009 году не будет»  
Праўда, калі уважліва прачытаць гэтыя артыкулы, заўважны мякка кажучы неадпаведнасці.  З аднаго боку, «Аляксандр Лукашенка  адзначыў, што  12-гадовае школьнае навучанне  штогод патрабавала б дадатковыз  Br150 млрд.," (гл. БЕЛТА ), з іншага боку, тамсама  паведамляецца «Ніхто не забярэ сродкі ў Міністэрства адукацыі, наадварот тое, што прадугледжана на 12-й клас, будзе накіраванае на падвышэнне зарплат настаўнікаў", – паабяцаў першы намеснік аддзела адміністрацыі прэзідэнта". Спачатку сцвярджаецца  пра "безболезненный  переход"  а потым, што падручнікі той жа самы прэзідэнт загадаў падрыхтаваць толькі праз год! 
З іншага боку, незалежныя аналітыкі сцвярджаюць, што беларускую школу вяртаюць у Савецкі Саюз. Тут прыводзяцца аргументы больш лагічныя і грунтоўныя. Напрыкагцы артыкула робіцца выснова:  дзяржава ідзе насуперак з дэклараваным прынцыпамі пабудовы высокаадукаванага, інтэлектуальнага грамадства, перабудовы эканамічнай мадэлі на дамінаванне разумовай працы над ручной. І ідзе насуперак відавочна наўмысна, выдатна ўсведамляючы, што кіраваць розумамі рабочых і сялян значна прасцей, чым будаваць шэрагі з  вальнадумцаў. Сучасную Беларусь нездарма называюць  запаведнікам сацыялізму. Тут захаваліся не толькі сапраўды добрыя рысы той сістэмы, але і з зайздроснай зацятасцю аднаўляюцца анахранізмы, незразумелыя і непрыдатныя для сучаснага светапогляду.
З пункту гледжання Настаўніка.інфо, школа не вяртаецца ў часы СССР, калі яе мэтай было абслугоўванне ВПК. (Ну няма ў нас ні моцнага ВПК, ні абяцанай «сіліконавай даліны»!).   Таму рэформа не  толькі руйнуе гуманітарную адукацыю, але і зніжае агульны ўзровень ведаў  па ўсіх прадметах. Праблемы адукацыі (залішняя акадэмічнасць школьных ведаў і слабая арыентаванасць на практыку)  трэба вырашаць іншымі метадамі.  Сучасны рынак працы патрабуе вузкіх заглыбленых спецыялістаў. Таму выйсцем было б перавесці школу  на  мультыпрофільнае навучанне, каб кожны вучань  з улікам здольнасцяў і рынку  працы мог сам выбіраць які прадмет яі на якім   узроўні яму вучыць. Ды і ровар тут вынаходзіць не трэба – так працуюць школы Еўропы і Амерыкі.  Цяперашняя рэформа нагадвае барацьбу дрэннага з горшым: прадугледжвае паніжэнне узроўня акадэмічных ведаў, але не дае альтэрнатывы вузкапрофільнай перадпрафесійнай практыкаарыентаванай падрыхтоўкі.

Цуда не адбылося – указ пра рэформу сярэдняй адукацыі падпісаны.
17 ліпеня прэзідэнт Беларусі Аляксандр Лукашэнка падпісаў дэкрэт № 15 «Аб асобных пытаннях агульнай сярэдняй адукацыі»
Дэкрэт устанаўлівае 11‑гадовы тэрмін атрымання агульнай сярэдняй адукацыі і шасцідзённы школьны тыдзень, у якім пяць дзён з’яўляюцца вучэбнымі, а шосты прызначаецца для арганізацыі фізкультурна‑аздараўленчай і спартыўна‑масавай работы, працоўнага навучання і выхаваўчых мерапрыемстваў.
Пераход на 11‑гадовы тэрмін атрымання агульнай сярэдняй адукацыі будзе ажыццёўлены з 1 верасня 2008 года.
Дэкрэт прадугледжвае, што вывучэнне вучэбных прадметаў ва ўсіх агульнаадукацыйных установах будзе ажыццяўляцца на базавым узроўні па адзіных праграмах. Для вучняў, якія праявяць асаблівую цікавасць да асобных дысцыплін, прадугледжана магчымасць іх вывучэння на павышаным узроўні ў рамках факультатыўных заняткаў па выбары саміх школьнікаў і іх бацькоў.
Прадугледжваецца захаванне ліцэяў і гімназій, парадак арганізацыі і дзейнасці якіх вызначаецца Міністэрствам адукацыі з улікам патрабаванняў заканадаўства.
Дэкрэт таксама прадугледжвае меры сацыяльнай падтрымкі настаўнікаў. Так, з 1 студзеня 2009 года падвышаюцца тарыфныя стаўкі (аклады) педагагічных работнікаў агульнаадукацыйных устаноў, спецыяльных устаноў адукацыі (акрамя спецыяльных дашкольных устаноў адукацыі), устаноў, якія забяспечваюць атрыманне прафесійна‑тэхнічнай і сярэдняй спецыяльнай адукацыі, што фінансуюцца з бюджэту. Маладым спецыялістам з ліку педагагічных работнікаў гэтых устаноў установяць штомесячныя даплаты. Кіраўнікам такіх устаноў і іх намеснікам па асноўнай дзейнасці будуць выплачвацца надбаўкі за кваліфікацыйныя катэгорыі.
«Прыняцце дэкрэта дазволіць стварыць роўныя ўмовы для атрымання ўсімі школьнікамі якаснай 11‑гадовай сярэдняй адукацыі, якая адпавядае патрэбам беларускай эканомікі і пажаданням большасці грамадзян», — гаворыцца ў паведамленні прэс‑службы прэзідэнта.
Праводле Naviny.by
Тэкст дэкрэта можна прачытаць тут

«Фэст цудаў 2008»
Цэнтр пазашкольнай работы «Ветразь» Кастрычніцкага раёна г. Мінска ПП «Сучасная бізнэс-акадэмія» прапаноўваюць для школьнікаў у дні летніх вакацыяў праграму адпачынку і развіцця «Фэст цудаў 2008» пад дэвізам: Змяняючы сябе, мы робім свет дабрэйшым!
29 ліпеня – 7 жніўня  – дзелавая бізнэс-гульня «Мільянер» для школьнікаў з 6-ці да 18-ці гадоў. 
Мэта гульні: развіццё навыкаў зносін, кааперацыі і супрацоўніцтва, лідэрскіх якасцяў, творчых здольнасцяў на аснове стварэння для ўдзельнікаў інтэрактыўнага, гульнявога бізнэс-асяроддзя. 
7–16 жніўня – адукацыйная праграма «Акадэмія талентаў" для школьнікаў з 6-ці да 18-ці гадоў. Мэта праграмы: знаёмства ўдзельнікаў з рознымі відамі мастацкага, спартовага, народнага і іншых відаў творчасці, развіццё іх здольнасцяў і талентаў, навыкаў узаемадзеяння ў калектыве і зносін з аднагодкамі; выяўленне на базе гэтага досведу першапачатковых прафесійных інтарэсаў і памкненняў школьнікаў.
Бацькоўскі збор для ўдзельнікаў праграм «Мільянер» і «Акадэмія талентаў" 28 ліпеня ў 19.00 па адрасе вул. Чкалава 1, кор.4, ЦВР «Ветразь», а таксама па выніках праграм – 17 жніўня.
23 – 31 жніўня – гульня-падарожжа ў свет прыгодаў «Выспа герояў" для школьнікаў 9–18 год. Праграма пройдзе ў намётавым лагеры дзіцячага рэабілітацыйна-аздараўленчага цэнтра «Надзея 21 стагоддзе».
Мэты і задачы праграмы: развіць пачуццё ўпэўненасці ва ўласных сілах і падвысіць самаацэнку; раскрыць свае здольнасці і ўбачыць сябе па-новаму; пераадолець бар'еры ў зносінах.
Праграмныя мерапрыемствы праводзяць дасведчаныя педагогі, кіраўнікі творчых майстэрняў ЦВР «Ветразь». Кіраўнік праекту «Фэст Цудаў" – Тоўсцік Анатоль Пятровіч – рэгіянальны дырэктар Міжнароднага Інстытута Трэнінгу, бізнэс-трэнер, псіхолаг. Тэлефоны для даведак і ўзгадненні спісаў: гор: 224–62–70, 6417609 – Vel. 7689039,- МТС.
www. cba. by
Больш падрабязна чытайце тут

У Беларусі пашыраны пералік грамадзян, якія маюць права на адтэрміноўку ад прызыву для завяршэння адукацыі.
Аб гэтым сёння на брыфінгу ў Завадскім райваенкамаце Мінска паведаміў намеснік начальніка аддзела прызыву галоўнага арганізацыйна-мабілізацыйнага ўпраўлення Генеральнага штаба Ўзброеных Сіл Беларусі Сяргей Купрык. Гэтыя змены былі ўнесеныя ў закон «Аб воінскім абавязку і воінскай службе» ад 20 ліпеня 2007 г. і сёння ўпершыню рэалізуюцца на практыцы. "Гэта галоўная асаблівасць цяперашняга прызыву",-  адзначыў намеснік начальніка аддзела. У адпаведнасці з папраўкамі адтэрміноўка ад прызыву ўпершыню будзе прадстаўленая выпускнікам устаноў, якія забяспечваюць атрыманне агульнай сярэдняй, прафесійна-тэхнічнай і сярэдняй спецыяльнай адукацыі, – да 1 верасня года сканчэння  адукацыі. Такое права атрымаюць грамадзяне, якія навучаюцца ў магістратуры, і аспіранты (дактаранты) – на перыяд навучання незалежна ад формы навучання. Раней адтэрміноўка давалася магістрантам і аспірантам (дактарантам) толькі вочнай формы навучання.
Паводле БЕЛТА

Грунвальдскі фэст
15 ліпеня. 17.30 клуб Рэактар. Выступ лепшых беларускіх рок-гуртоў:
 ZNICH
UNIA (з новым альбомам Dolam)
SONCAVAROT
LITVINTROLL
ЗМІЦЕР САСНОЎСКІ T
ESTAMENTUM TERRAE
РОКАШ
Вядучы канцэрту Зміцер Сасноўскі. Даведкі: 6490888, 7662425 Кошт квіткоў: 12 000 – першыя 50 15 000 – астатнія 18 000 – у дзень канцэрта 25 000 – месца за столікам + кампакт-дыск у падарунак!
Кропкі продажу: Клуб Рэактар Талбухіна, 4 ГЦ “Купалаўскі” 19 і 26 кропка

Летнік на Мядзельшчыне
З 30 ліпеня па 18 жніўня пры падтрымцы Фонда Стэфана Баторыя у межах праграмы па захаванню еўрапейскай гісторыка-культурнай спадчыны пройдзе летнік, арганізаваны Беларускім добраахвотным таварыствам аховы помнікаў. Як паведаміў прыхільнік Руху “За Свабоду”, старшыня таварыства Антон Астаповіч, у праграме запланавана прывядзенне ў парадак падмуркаў сядзібнага дома Скірмунтаў у Шэметава, добраўпарадкаванне нямецкіх вайсковых могілак Першай сусветнай вайны ў Карабанах, усталяванне ў памяць пра разбураныя помнікі 2-х крыжоў і іх асвячэнне. Акрамя гэтага прадугледжана правядзенне цыклу лекцый па ахове гісторыка-культурнай спадчыны, фотавыстава, канцэрты, конкурсы, рэгіянальныя семінар і круглы стол. Арганізатары паклапаціліся пра побыт: пражывання ў інтэрнаце і 3-х разовае гарачае харчаванне. Вольныя месцы пакуль засталіся. Жадаючыя прыняць удзел у летніку могуць патэлефанаваць арганізатарм на нумар: (+37529)1117332, альбо даслаць ліст на мэйл astant@tut.by
Паводле сайта milinkevich.org

Сёння пачынаецца прыём дакументаў у асноўныя ВНУ Беларусі
Прыём дакументаў у асноўныя вышэйшыя навучальныя ўстановы Беларусі пачынаецца з сённяшняга дня. Да 23 ліпеня ўключна абітурыенты могуць падаць заявы ў 53 ВНУ. Як паведамляе Міністэрства адукацыі, з 12 ліпеня дакументы прымаюцца ў абітурыентаў, якія жадаюць паступаць на ўсе формы навучання. Сёлета ў 43 дзяржаўных ВНУ плануецца прыняць больш за 81 тысячу чалавек. Яшчэ каля 9 тысяч чалавек прымуць дзесяць прыватных вышэйшых навучальных установаў. >>>

Агляд адукацыйных навінаў
- У міжнародных алімпіядах па матэматыцы, фізіцы, біялогіі і хіміі прымуць удзел беларускія школьнікі >>>
-  Да спісу новых спецыяльнасцяў БДУ у 2008 годзе дадалася «web-журналістыка», навучацца новай спецыяльнасці будуць 25 чалавек >>>
- Тарыфы на навучанне кіроўцаў катэгорыі «В» у аўташколах знаходзяцца ў межах ад 700 тысяч да 1,6 млн. рублёў без уліку кошту паліва. >>>
- З універсітэта адлічылі пераможцу нацыянальнай алімпіяды >>>

Падведзены вынікі цэнтралізаванага тэставання
 Абсалютны вынік — 100 балаў — атрымалі 77 удзельнікаў тэставання са 179 тысяч. Летась такіх было ўсяго 18. Гэта сведчыць пра рэалістычнасць патрабаванняў да ведаў абітурыентаў і пра істотнае спрашчэнне тэстаў у параўнанні з мінулым годам, кажа Мікалай Фяськоў.
Галоўнай адметнасьцю сёлетняга тэставання было тое, што літаральна па ўсіх прадметах пасля іспыту быў зніжаны парог, пачынаючы з якога адзнака па прадмеце лічыцца станоўчай. Міністэрства адукацыі ў разгар тэставання знізіла гэты парог па матэматыцы і фізыцы да 8 балаў, па беларускай і рускай мовах — да 13, па хіміі, замежных мовах, прадмеце “Чалавек. Грамадзтва. Дзяржава” — да 16. Бальшыня абітурыентаў не набрала нават паловы з магчымых балаў.Акрамя таго,  ЦТ-2008 паказала агульнае зніжэнне ўзроўня начытанасці абітурыентаў. >>>
Яшчэ па тэме:
Централизованное тестирование по 14 предметам сдавали 173 тыс. 45 абитуриентов

Метадычны летнік настаўнікаў фізікі «Альхоўка-2008»
Педагагічная эліта з усёй краіны цэлы тыдзень навучалася ў летніку на беразе Cтрачы. Настаўнікі фізікі і не толькі сабралася  тут у 19 раз.  Бяззменны прэзідэнт Альхоўскага летніка  Мікалай Іванавіч Запрудскі на гэты раз праводзіў курсы па тэме  «Педагагічныя асновы і арганізацыя даследчай дзейнасці вучняў па праблеме энергазберажэння» .
Традыцыйна ўсе ўдзельнікі летніка прывезлі з сабой ўласныя метадычныя напрацоўкі, якія перадалі і для нашага сайта. Яны хутка з'явяцца на нашых старонках. А пакуль глядзіце фотарэпартаж з Альхоўкі-2008.

Летнік для дзяўчат
Грамадcкая арганізацыя «Правінцыя» запрашае дзяўчат 17–20 год у інтэграцыйны летнік, які адбудзецца 20–30 жніўня 2008 г. на беразе Вілейскага водасховішча.
Апошні тэрмін падачы заяўкі – да 5 жніўня.
Больш падрабязную інфармацыю можна атрымацьпа: эл.пошце lytkin@tut.by, borprovincia@yandex.ru, факс 8–177–796–153.

Каралева законаў або што такое Канстытуцыя?

На сайце «Талька і наваколлі" размешчаны матэрыял конкурсу-гульні да дня Канстытуцыі Рэспублікі Беларусь для вучняў 9–11 класа.

Што лепш – ведаць ці не ведаць Канстытуцыю сваёй краіны? Якія законы былі на Беларусі ў сярэднія вякі і ў новы час? Канстытуцыя Беларусі 1994 года двойчы была зменена. У чым сутнасць зменаў? Гэтыя і іншыя пытанні прапануюцца да абмеркавання тут.

Праграма малых грантаў карпарацыі ІСАР

Прадстаўніцтва некамерцыйных карпарацыяў “ISAR,Inc”(США) у Беларусі ў межах праграмы малых грантаў «Умацаванне патэнцыялу НДА і грамадскасці Беларусі ў галіне прымяненьня «адвокасі" тэхналогіяў пры вырашэнні экалагічных праблемаў" абвяшчае конкурс праектаў на атрыманне малых грантаў для грамадскіх аб'яднанняў Беларусі.

Да ўдзелу ў конкурсе праектаў запрашаюцца зарэгістраваныя беларускія грамадскія аб'яднанні.

Перыяд рэалізацыі праектаў: 3–7 месяцаў.

Апошні тэрмін падачы заявак: 11 жніўня 2008 году да 17.00.

Кансультацыю па праграме малых грантаў можна атрымаць па электроннай пошце belisar@solo.by альбо па тэлефоне прадстаўніцтва ў Мінску 2038498 з 11.00 да 16.00 (аўторак-чацвер).

З дзейнасцю прадстаўніцтва ў Беларусі можна азнаёміцца на сайце www.isar.by.

Падрабязную інфармацыю і форму заяўкі глядзіце на сайце www.ngo.by.

Паводле рассылкі belngo.info

Агляд адукацыйных навінаў

– У пагоні за пераходам да 11-годкі міністэрскія чыноўнікі імкнуцца як мага хутчэй дабегчы да светлага фінішу. Як заявіў намеснік міністра Казімір Фарына, да вяртання ў 11-гадовае рэчышча беларуская школа будзе цалкам гатовая 1 верасня гэтага году. Ці будуць гатовыя да гэтага настаўнікі, вядома ж, не надта турбуе. Самае галоўнае, што "ў жніўні адбудзецца 100%-ная перападрыхтоўка кадраў". Тым жа настаўнікам, якіх давядзецца звольніць у выніку скарачэння вучэбных гадзін, не будзе, бадай, гарантавана нічога, акрамя «пільнай увагі з боку аддзелаў адукацыі". Такім чынам, жнівень для настаўнікаў стане найгарачэйшым летнім месяцам >>>

– Уступная кампанія толькі пачалася, але ўжо зразумела, што жадаючых стаць студэнтамі беларусаў значна больш, чым бюджэтных месцаў у ВНУ. Тых, хто па выніках тэставання не зможа прабіцца на «бюджэт» чакае платная форма навучання. Колькі ж каштуе сёета вышэйшая адукацыя? >>>

– Сёлета шмат абітурыентаў правалілі цэнтралізаванае тэставанне. Мінадукацыі вымушана было тэрмінова перагледзець шкалу балаў. У чым прычына: кепскія веды ці складаныя тэсты? >>>

– 1 ліпеня, у амерыканскім штаце Каліфорнія для падлеткаў у веку ад 16 да 17 гадоў пачынае дзейнічаць забарона на гутаркі па сотавых тэлефонах і карыстанне паслугай sms падчас язды, прычым нават з выкарыстаннем прыладаў hands-free >>>

Міністэрства адукацыі пралічылася.
Паводле Naviny.by
Невядома, колькі чалавек будуць мець права паступаць у ВНУ ў сувязі з паніжэннем мінімальнага неабходнага бала. Аднак, відавочна, што не панізіўшы планку для абітурыентаў, вучыць у ВНУ было б некага. Як паведамлялася раней, на навучанне ў дзяржаўныя ВНУ сёлета планавалася прыняць 81,2 тысячы чалавек, 31,2 тысячы з іх — за кошт сродкаў рэспубліканскага бюджэту. У прыватныя ВНУ будзе прынята каля 9 тысяч чалавек. Калі вярнуцца да тэставання па рускай мове і палічыць, што яго прайшлі каля 62 тысяч чалавек, становіцца зразумела, што пры такім жа «паспяховым» тэставанні па матэматыцы, конкурс у ВНУ быў бы мінімальным або адсутнічаў наогул.
Чытаць увесь артыкул

Да ўвагі абітурыентаў!
Пастановай Міністэрствы адукацыі Рэспублікі Беларусь ад 27 чэрвеня 2008 года № 51 усталявана наступнае значэнне тэставага бала, пачынаючы з якога адзнака ўступнага выпрабавання па прадмеце лічыцца дадатнай:
- беларуская мова – 13 балаў;
- руская мова –13 балаў;
- матэматыка –8 балаў
- гісторыя Беларусі – 16 балаў
Паводле PIКВ
Артыкулы па тэме:
-- Абітурыенты ведалі задачы тэсту па матэматыцы да тэставання? >>>
-- Менш за 50 балаў па беларускай мове набралі 80%. А па рускай – аж 85,5% удзельнікаў.>>>
-- 28 тыс. 479 чалавек здавала гісторыю Беларусі. Звыш 22 тыс. абітурыентаў адказалі на пытанні тэставання на беларускай мове, астатнія – на рускай. Чацвёра набралі 100 балаў.>>>
-- ЦТ па матэматыцы на 100 балаў напісалі 55 чалавек >>>
-- 37 працэнтаў абітурыентаў не змаглі набраць 20 балаў па рускай мове...>>>
-- Больш за 1,5 тысяч чалавек  (каля 10 працэнтаў) не прыйшлі на тэставанне па хіміі >>>
- «Сёлета ў ЦТ прынялі ўдзел каля 172 тыс. чалавек. ЦТ прайшло вельмі арганізавана і спакойна», – паведаміў сакратар дзяржкамісіі па кантролю У.Аўсяннікаў. Паводле яго словаў, «скаргаў з боку яго ўдзельнікаў і іх бацькоў практычна не паступала, не было нават скаргаў на складанасць тэстаў". >>>
-- З пошты КП: Прапаную: міністра адукацыі звольніць з працы з «воўчым білетам», а праз 3 тыдні абвясціць яму, што мы перагледзелі яго «білет» і ён зможа працаваць дворнікам. Выканае хоць-бы план апатэк па рэалізацыі заспакойвальных сродкаў, як зараз гэта робяць ашуканыя абітурыенты і іх бацькі.>>>
-- Аляксандр Лукашэнка: Дзяржава прадставіла беларускай моладзі добрыя магчымасці і перспектывы>>>

Сёння апошні дзень рэгістрацыі абітурыентаў.
Сёння сканчаецца прыём заяваў для ўдзелу ў тэставанні ў рэзервовы дзень. Гэта зроблена для таго, каб абітурыенты, якія даведаліся  аб сваіх нізкіх балах і па гэтай прычыне прапусцілі тэставанне па біялогіі, замежным мовам або хіміі, мелі магчымасць здаць гэтыя тэсты 2 ліпеня. Нагадваем, шанец працягнуць барацьбу за студэнцкі білет з'явіўся ў абітурыентаў, якія набралі меней 20 балаў. Тым часам, Рэспубліканскі інстытут кантролю ведаў падвёў вынікі  тэстаў па гісторыі Беларусі. Вынікі выпрабавання па гэтым прадмеце сёлета значна лепш, чым летась. 4 абітурыенты атрымалі па 100 балаў. Яшчэ 90 чалавек здалі на 90 і вышэй балаў. Працягнуць удзел ва ўступнай кампаніі змогуць абітурыенты, якія здалі гісторыю Беларусі не ніжэй чым на 16 балаў.
Паводле навінаў tvr.by

Дні Васіля Быкава

На мінулы тыдзень прыпала дзве даты, 19 і 22 чэрвеня, звязаныя з імём аднаго вялікага беларуса – дзень нараджэння і смерці Васіля Быкава.


Уладзімір Арлоў у інтэрв'ю «Еўрапейскаму радыё для Беларусі" кажа, што вуснамі Быкава прамаўляў беларускі Космас. Украінскі пісьменнік Аляксандр Ірванец, які пераклаў на ўкраінскую мову кнігу «Пахаджане», лічыць, што яна — сумная гісторыя не толькі беларускага, але і ўкраінскага народа.


Радыё Свабода піша аб падрыхтоўцы да друку вялікага дакументальнага даследавання, прысвечанага жыццю і творчасці Быкава. Яго аўтар — журналіст Сяргей Шапран. Ужо два гады кніга фрагментарна друкуецца ў часопісе «Дзеяслоў".


У праграмах, зацьверджаных Міністэрствам адукацыі, ёсць пералік твораў Васіля Быкава, якія павінны вывучаць студэнты гуманітарных факультэтаў. На практыцы абмежаванне тычыцца некалькіх твораў пазнейшага перыяду. У школах вывучаюць тры творы народнага пісьменніка. Прафэсар Міхась Тычына паведаміў “Свабодзе”, што быў адным з аўтараў праграмы па беларускай літаратуры для студэнтаў гуманітарных факультэтаў універсытэтаў. Ён асабіста рыхтаваў раздзел, у якім пералічваюцца абавязковыя для вывучэння творы Васіля Быкава. Міхась Тычына лічыць, што ніхто не застрахаваны ад нейкіх вусных інструкцый наконт абмежавання вывучэння таго ці іншага твору. Але ён перакананы, што ўсё залежыць ад сумлення выкладчыка.

Найлепшым помнікам любому пісьменьніку ёсьць даступнасць яго твораў чытачам. Творчы архіў Васіля Быкава працягвае адкрываць схаваныя ў сотнях тэчкаў і дыскетаў невядомыя раней творы. Калі чакаць выхаду поўнага збору твораў Васіля Быкава, хто і як яго рыхтуе да выдання? На гэтыя ды іншыя пытанні адказваюць удзельнікі праграмы «Дом літаратара».

Новае на сайце

«Гуляем у эканоміку»

Сучасныя дзеці гадуюцца не на фільмах пра Чапаева і казках пра Мальчыша-кібальчыша, а на тэлеперадачах і рэкламе. Часта даводзіцца чуць досыць абгрунтаваныя меркаванні, што тэлевізар разбэшчвае, аддаляе ад рэчаіснасці, як і паўсюдная (асабліва ў вялікіх гарадах) яркая рэклама. Але ж і гэты, здавалася б, непрыемны аспект, можа скіраваць у карыснае рэчышча. Напрыклад, пазнаёміць дзяцей з тым, навошта робіцца рэклама, каму яна патрэбная, адкуль бяруцца грошы і куды яны скіроўваюцца. Гэта паспрабавала зрабіць Т. М. Грашчанкава, выкладчыца кафедры эканамічнай тэорыі Віцебскага дзяржаўнага універсітэта імя П.М. Машэрава. Прапануем вам яе распрацоўку эканамічных практыкаванняў, гульняў і крыжаванак пад агульнай назвай
«Гуляем у эканоміку» (doc, 269 КБ). Спадзяемся, што гэты матэрыял будзе карысны для настаўнікаў розных прадметаў і пры правядзенні пазашкольных мерапрыемстваў.

Паводле сайта «З рога ўсяго многа»

Міжнародны добраахвотніцкі летнік «Слядамі памяці" ва Украіне

Улетку 2008 году ў сяле Падкамень будзе праводзіцца міжнародны добраахвотніцкі летнік «Слядамі памяці». Да ўдзелу ў летніку запрошаныя маладыя валанцёры з Германіі, Польшчы, Беларусі і Украіны. Праект рэалізуе дабрачынная арганізацыя «Цэнтр адукацыйных ініцыятыў".

Кляштар у сяле Падкамень і гістарычныя аб'екты ў горадзе Броды з'яўляюцца аднымі з найбольш значных у Заходняй Украіне і прыналежаць да гістарычнай спадчыны шматлікіх народаў, якія пражывалі ў гэтым рэгіёне на працягу шматлікіх стагоддзяў.

Галоўнай ідэяй летніка з'яўляецца дэманстрацыя людзям з суседніх краін агульнасці іх гістарычнай і культурнай спадчыны, а таксама далягляды агульнай геапалітычнай і культурнай будучыні.

Чытаць далей

Праграма “Лідэрства 2008–2009”

Абвяшчаецца набор удзельнікаў у праграме “Лідэрства 2008–2009”, накіраванай на развіццё лідэрскіх якасцей, арганізатарскіх здольнасцей і трэніроўку метадаў пабудовы партнёрскіх сетак.

Праграмай «Лідэрства» прадугледжваецца адбор кандыдатаў сярод тых, хто імкнецца да стварэння дынамічнага і ўстойлівага грамадзянскага грамадства. Яны будуць уяўляць як ужо дзейсныя, так і новыя арганізацыі, што займаюцца сацыяльнай, эканамічнай, культурнай, прыродаахоўнай, адукацыйнай і іншай дзейнасцю.

На конкурснай аснове будуць адабраныя ўдзельнікі праграмы, здольныя генераваць новыя ідэі, усведамляючыя перавагі супрацоўніцтва з арганізацыямі, што маюць падобныя інтарэсы. Ім будзе прадстаўленая падтрымка ў пабудове ўстойлівай інфраструктуры грамадзянскага грамадства. Па заканчэнні праграмы ўдзельнікі атрымаюць сертыфікаты.


Больш падрабязна пра праграму можна даведацца тут, а спампаваць заяўку – тут. Апошні тэрмін падачы заявак – 31 жніўня 2008 г.

Паводле by.democraticbelarus.eu

Навучальная праграма ў Германіі

Абвешчаны прыём заявак на навучальную праграму «Даследванні Усходняй Еўропы» у Мюнхене і Рэгенсбургу. Для студэнтаў з усходняй Еўропы ёсць магчымасць атрымання стыпэндыі. Праграма распачынаецца ў зімовым паўгоддзі.

Кандыдаты мусяць добра валодаць нямецкай мовай. Для ўдасканалення сваіх ведаў нямецкай мовы можна ўдзельнічаць у добраахвотным курсе, рэгістрацыя на які працягваецца да канца жніўня.

Апошні тэрмін падачы заявак 15 ліпеня 2008 г.

Дадатковая інфармацыя і пералік патрэбных дакументаў на ўдзел ў праграме глядзіце на сайце: www.osteuropastudien.lmu.de

Паводле adukacyja.info

Фестываль нефармальнай адукацыі

10–12 кастрычніка 2008 году ў Мінскім міжнародным адукацыйным цэнтры імя Йаханэса Рау адбудзецца Другі Фестываль нефармальнай адукацыі.

Да ўдзелу ў Фестывалі запрашаюцца прадстаўнікі арганізацый, якія працуюць у сфэры нефармальнай адукацыі ў Рэспубліцы Беларусь і іншых еўрапейскіх краінах.

Удзел у Фестывалі можа быць заяўлены ў наступных формах:

•аўтар паведамлення на секцыі, круглым стале;

•арганізатар майстар-класа, «дэманстрацыйнага курса», трэнінгу;

•прэзентацыя кнігі альбо іншага выдання і ўдзел у конкурсе выданняў;

•прэзентацыя арганізацыі (падрыхтоўка стэнду і ўдзел у конкурсе на лепшы стэнд);

•публікацыя ў часопісе «Адукатар»

•вольны ўдзел.

Апошні тэрмін падачы заявак: 10 верасня 2008 году.

Падрабязную інфармацыю аб фестывалі, праграму і форму заяўкі глядзіце ў файлах FEST2008-infoletter-bel.doc, FEST2008-program-bel.doc і FEST2008-application-bel.doc.

Паводле рассылкі belngo.info

«Хачу працаваць на сябе, а не на атлусцелага чыноўніка...»

У рэдакцыю радыё «Свабода» прыходзіць шмат лістоў на тэму чарговай школьнай рэформы, якую распачала ўлада ў Беларусі. У беларускіх дзяцей і падлеткаў ня толькі адабралі адзін год навучання ў сярэдняй школе. Значныя карэктывы будуць унесеныя ў адукацыйныя праграмы — асабліва тыя, што датычаць гуманітарных навук.
Дык ці выхоўвае беларуская школа ў юных грамадзянах нацыянальную сьвядомасьць і патрыятызм?

Чытаць далей

Агляд адукацыйных навінаў

– 6 тысяч абітурыентаў здавалі ЦТ па матэматыцы на беларускай мове >>>

– У Беларусі ў 2009 годзе плануецца павялічыць набор у вышэйшыя навучальныя ўстановы на бюджэтныя месцы >>>

– Ленінскі аддзел адукацыі Магілёва абвесткамі ў пасажырскім транспарце пачаў інфармаваць жыхароў гораду пра набор беларускамоўнай групы ў дзіцячым садку № 81. Для ахвотных аддаць сваіх дзяцей у гэтую групу на абвестках пазначаныя тэлефоны аддзелу адукацыі і садка. Група фармуецца з дзяцей ад трох да пяці год.>>>

ЛЕТНІК НА БРАСЛАЎСКІХ АЗЁРАХ
ГА «Адукацыйны цэнтр «ПОСТ» запрашае моладзь ва ўзросце ад 18 да 25 год да ўдзелу ў адукацыйнай праграме «Распрацоўка і рэалізацыя праектаў у грамадcкіх арганізацыях». Праграма арганізуецца ў фармаце летніка 24–31 ліпеня 2008 г. на турбазе «Браслаўскія азёры». Мэтай праграмы з'яўляецца знаёмства маладых лідэраў з асновамі праектнай дзейнасці, навучанне кіраваннем праектамі, распрацоўка асабістых міні-праектаў для рэалізацыі ў грамадcкіх арганізацыях альбо ў межах моладзевых ініцыятываў, якія працуюць на карысць беларускага грамадcтва. Усе выдаткі, звязаныя з праездам, харчаваннем і пражываннем удзельнікаў, пакрываюцца арганізатарамі. Апошні тэрмін падачы заявак: 1 ліпеня.
Заяўку дасылайце па адрасе: center_post@tut.by. Па форму заяўкі і дадатковую інфармацыю звяртайцеся ў ГА «Адукацыйны цэнтар «ПОСТ» : тэл/факс +375 17 269–90–34 альбо да каардынатара праграмы Вольгі Саевец (029) 850–98–99, электронная пошта: center_post@tut.by.

Новае на сайце

Прэзентацыя да ўрока Ірыны Сыско

Раней ў «Педагагічнай майстэрні" мы размяшчалі распрацоўку ўрока «Пад сценамі старажытных замкаў" («Мая радзіма – Беларусь») настаўніцы гарадзенскай школы №10 Ірыны Генрыхаўны Сыско на падставе матэрыялаў Л. В. Базыльчык. Цяпер можаце ў дадатак да тэкставага матэрыялу спампаваць таксама і прэзентацыю да гэтага ўрока (ppt, 2,9 МБ).

Працягваецца конкурс на ўдзел у летніх школах па правах чалавека для моладзі і выкладчыкаў
Беларуская праваабарончая школа, арганізаваная міжнароднай супольнасцю праваабарончых арганізацый, працягвае конкурс на ўдзел у Летніх школах па правах чалавека на 2008 год.
У межах праграмы Школы ўдзельнікі знаёмяцца з гісторыяй і філасофіяй правоў чалавека, а таксама сродкамі іх абароны на нацыянальным і міжнародным узроўнях.
Выкладчыкамі Школы з’яўляюцца прадстаўнікі вядучых праваабарончых арганізацый Беларусі і іншых краін, вядомыя і аўтарытэтныя спецыялісты ў галіне правоў чалавека і права.
Месца правядзення: Літва (Вільня). Працоўныя мовы: беларуская і руская.
Тэрміны правядзення Школ па правах чалавека для моладзі
Школа 1
29 чэрвеня – 6 ліпеня (заяўкі прымаюцца да 3 чэрвеня)
Школа 2
12 – 19 ліпеня (заяўкі прымаюцца да 15 чэрвеня)
Школа 3
21 – 28 ліпеня (заяўкі прымаюцца да 25 чэрвеня)
Запрашаецца беларуская моладзь, зацікаўленая ў набыцці ведаў у галіне правоў чалавека (узрост: ад 18 да 25 гадоў). 
Тэрміны правядзення Школы па правах чалавека для выкладчыкаў
2 – 10 жніўня (заяўкі прымаюцца да 8 ліпеня)
Да ўдзелу запрашаюцца выкладчыкі прадметаў гуманітарнага цыклу, правоў чалавека ў школах і сярэдніх спецыяльных навучальных установах (група — 20 чалавек).
Дадатковая інфармацыя тут

Агляд адукацыйных навінаў
- Цэнтралізаванае тэставанне па гісторыі Беларусі напісалі 28 тыс. 479 чалавек. Больш за 22 тысячы з іх абралі беларускі варыянт адказаў >>>
- На ЦТ не з'яўляецца 1–2 працэнты зарэгістраваных абітурыентаў >>>
- У агульнаадукацыйных школах Ўкраіны з новага навучальнага года ўводзіцца курс асноў спажывецкіх ведаў >>>
- Выпускнікі Белдзяржуніверсітэта ўпершыню дадуць клятву вернасці роднай ВНУ >>>
- Сярод выпускнікоў беларускіх школ стала больш медалістаў >>>

У сеціве з'явіўся новы сайт для бацькоў і дашкольных педагогаў. 
Нашыя суайчыннікі, якія пакінулі Радзіму ў пошуках лепшай долі, стварылі сайт “Дзяцінства”, які назвалі віртуальнай беларускай школкай. Сайт утрымлівае беларускія дзіцячыя  песні, кніжкі і дыяфільмы. Сайтам і нядзельнай школкай для беларускіх дзетак займаецца ў асноўным сям'я Галіны і Андруся Падлескіх.
Нагадваем, што расціць беларусаў дапамогуць  і наступныя інтэрнэт рэсурсы.: партал Нашыя дзеткі, Казачнік,  «З рога ўсяго многа«.

On Vox: Школа ў Штатах — навеяна апошняй рэформай адукацыі 
Аліна Стэфановіч
Паводле alinka.vox.com
Я год правучылася ў Штатах, у самай звычайнай прывінцыйнай школе. Мне іх сыстэма вельмі спадабалася, аднак я не агітую за тэрміновы перанос яе на Беларусь — бо ў нас усё робяць праз адно месца. Але, калі -небудзь, калі ня будзе крывавага рэжыма...
Вось як там выглядае старэйшая школа (8–12 клясы).
Вучань на кожны семестр (іх было два, здаецца) выбірае сабе прадметы. Ёсьць прадметы умоўна-абавязковыя, а ёсьць — па выбары. Што значыць умоўна-абавязковыя? Ну, напрыклад, матэматыка. Кожны гадавы курс матэматыкі «важыць» 2 балы (альбо credits). Напрыканцы чатырох гадоў навучаньня трэба набраць па матэматыцы мінімум 6 балаў.
Чытаць далей

Да ўвагі школьных і студэнцкіх рок-гуртоў
Беларуская Музычная Альтэрнатыва (БМАgroup) абвясціла пра збор заявак ад гуртоў для ўдзелу ў “Рок-школе”. Праект скіраваны на дапамогу маладым гуртам, якія толькі пачынаюць свой творчы шлях. Апошні тэрмін падачы заявак: 1 жніўня 2008 г. Заяўкі дасылайце па адрасе: rokshkola@gmail.com. У заяўку неабходна ўключыць інфармацыю пра гурт, зваротную сувязь, дэма запіс.
З дасланых запісаў будзе адабрана 5 гуртоў. У межах праекту будзе зладжаны канцэрт і выдадзены кампакт-дыск. Вядучыя зоркі беларускага року праслухаюць, дадуць парады, зладзяць майстар-клясы. Тэкставікі беларускіх гуртоў дадуць свае рэцэнзіі. БМАgroup раскажа пра свой вопыт у арганізацыі канцэртаў. Музычныя крытыкі распавядуць пра тое, як падаць сябе каб цябе заўважылі ў СМІ. Тузін Гітоў будзе сачыць за працай “Рок-школы”.
Сувязь з арганізатарамі па тэл. 029–6490888.

КОНКУРС ГРАНТАЎ ДЛЯ НДА
Грамадскае аб'яднанне «Грамадзянская Беларусь» (Прага, Чэхія) абвяшчае конкурс малых грантаў для грамадскіх арганізацыяў, якія ўваходзяць у склад Асамблеі НДА Беларусі. Прыярытэт будзе нададзены падтрымцы інавацыйных ідэяў, скіраваных на прыцягненне новых людзей да грамадскай дзейнасці ці ўвагі да значных мясцовых і нацыянальных праблемаў, у тым ліку, падчас грамадска-палітычных кампаніяў.
Апошні тэрмін падачы заявак: 15 ліпеня 2008 г. 
Падрабязную інфармацыю глядзіце ў файле: “abviestka.doc”.
Паводле рассылкі belngo.info

Яшчэ раз пра рэформу.
Артыкул Сяргея Ваганава ў газеце «Народная воля»
«Я не ведаю, што мы з такой навязанай зверху ліхаманкавай энергічнасцю абмяркоўвалі ледзь не ўсю вясну. Рэформу школы? Але такую школу нельга рэфармаваць. Такую школу трэба толькі зачыніць. Па прычыне незваротнай  шкоды, якую наносіць грамадству такая школа, з года ў год — што адзінаццаць, што дванаццаць гадоў — прадукуючы ілгуноў і прыстасаванцаў, распаўсюджваючы заразу канфармізму, страху і крывадушнасці. Або, калі сям'я заклала ў нашчадка супраціўляльнасць хлусні, гвалту і дыктату, школа рыхтуе яму долю белай вароны, «пудзілы», зламанай кар'еры і жыцця.»
Чытаць увесь артыкул

Амаль 40 працэнтаў выпускнікоў выбралі беларускую мову на ЦТ.
Учора прайшло цэнтралізаванае тэставанне па беларускай мове. Зарэгістравалася на яго 69 тыс. 366 чалавек, прыйшлі ў аўдыторыі 68 тыс. 22 чалавекі. Сёлета зарэгістравалася на беларускую мову 39,2% абітурыентаў.Сёння пройдзе тэставаньне па рускай мове. На яго запісаліся 107 тыс. абітурыентаў.
Для параўнання, у 2007 годзе запісалася на тэставанне па беларускай мове каля 87 тысяч чалавек, прайшло тэставанне 82 242 чалавекі. Рускую мову летась здавалі 113 290 чалавек.
Паводле дадзеных Рэстубліканскага Інстытуту кантролю ведаў  у 2007 годзе беларускую мову  на ЦТ здавалі больш за 42 %абітурыентаў.

Настаўнік.info №5

Інфармацыйна-метадычны бюлетэнь для настаўнікаў №5 – май 2008

Кароткі змест бюлетэня:

– Школа вяртаецца да 11годкі і не толькі – развагі аб афіцыйных і неафіцыйных рэформах школы

– Асоба ў адукацыі. ВОЛЬГА СЯНЬКОВА: «Працаваць у адукацыі сёння немагчыма. У мяне адбілі ўсялякую ахвоту працаваць у адукацыі"

– Амерыканская школа вачыма беларускага настаўніка

– Навіны адукацыі, конкурсы, праграмы, праекты

Бюлетэнь цалкам можна спампаваць тут (PDF, 370 kB)

Стыпендыі для навучання ў Нарвегіі

У межах праграмы беларускія і украінскія студэнты могуць падаваць заяўкі на атрыманне стыпэндыі, якая прадугледжвае атрыманне універсітэцкай ступені ў межах навуковых накірункаў і прадметаў у 47 нарвежскіх універсітэтах і каледжах.


Мэта праграмы – даць студэнтам мэтазгодную адукацыю, якая б прыносіла карысць іх родным краінам пасля заканчэння навучання і вяртання дадому.


Штогадовая праграма спансіруе 300 студэнтаў з Цэнтральнай і Усходняй Эўропы, а таксама 800 студэнтаў з краінаў, якія развіваюцца. Студэнты атрымаюць такую суму грошаў, якая б у сярэднім была патрэбная нарвэжскаму студэнту пад час аналагічнай адукацыйнай праграмы. У выпадку, калі выпускнік застаецца пасля навучання ў Нарвегіі, ён мусіць выплаціць усю суму, выдаткаваную на яго адукацыю ва універсітэце.


Праграма прадугледжвае курс для атрымання ступені Master and PhD, а таксама атрымання пэўных прафесійных ступеняў.


Мова навучання і выкладання – нарвэжская альбо англійская.


Праграма даступная для асобаў, старэйшых за 18 год з Беларусі і Украіны. Усе кандыдаты мусяць мець сэртыфікат аб заканчэнні сярэдняй школы, двух гадоў навучання ў вышэйшай навучальнай установе сваёй краіны (выключэнні ёсць толькі для некаторых прафесійна зарыентаваных накірункаў).


Аплікацыйную форму неабходна даслаць у вышэйшую навучальную ўстанову, якая бярэ ўдзел у праграме. Форму можна атрымаць на вэб-старонках універсітэраў ці каледжаў.


Апошні тэрмін падачы заявак: 1 снежня кожнага году, некаторыя курсы і адукацыйныя праграмы могуць мець іншыя канчатковыя даты.


Адна з галоўных умоваў праграмы – вяртанне студэнтаў дадому пасля заканчэння навучання.


Больш падрабязную інфармацыю глядзіце на сайце http://www.siu.no/

Паводле рассылкі belngo.info

Трэнінгавы курс па канфліктных сітуацыях

Турэцкае нацыянальнае агенства Міжнароднай праграмы «Моладзь у дзеянні» (Youth in Action, YiA) у супрацоўніцтве з партнёрскімі арганізацыямі праводзіць 13 – 20 верасня 2008 г. трэнінгавы курс «Будаванне дачыненняў у канфліктных сітуацыях». Курс праводзіцца для дасведчаных маладзёвых лідэраў, якія працуюць з рознымі канфліктнымі сітуацыямі: сацыяльнымі, культурнымі, этнічнымі, тэрытарыяльнымі і г. д. Удзельнікамі праграмы стануць прадстаўнікі маладзёвых арганізацый краін-удзельніц праграмы, а таксама краін Усходняй Еўропы і Каўказа і Паўднёва-Усходняй Еўропы.

Курс будзе праводзіца ў Турцыі.

Крытэрыі адбору: актыўны ўдзел у маладзёвай дзейнасці; досвед у сферы працы з канфліктамі у супольнасцях; накіраванасць на актыўны ўдзел у поўнай праграме курсе; здольнасць кантактаваць па тэме курса на англійскай мове. Тэрмін падачы заявак: да 13 ліпеня 2008 г.

Удзельнікі, якія будуць адабраныя на курс, атрымаюць паведамленні да 28
ліпеня.

Падрабязная абвестка – на  http://svetlahorsk.belarda.org/info/abviestki

Пачынаецца ЦТ
Нагадаем, што цэнтралізаванае тэставанне ў Беларусі пачнецца заўтра, 12 чэрвеня.
На цэнтралізаванае тэставанне катэгарычна забаронена праносіць тэлефоны любой мадыфікацыі. Гэтую заяву Валерыя Аўсянікава, адказнага сакратара Дзяржаўнай камісіі па кантролі за хадой падрыхтоўкі і правядзення ўступных выпрабаванняў у 2008 годзе ва ўстановах, якія забяспечваюць атрыманне вышэйшай і сярэдняй спецыяльнай адукацыі, перадае БЕЛТА.
Сёлета забаронена трымаць любыя сродкі сувязі ў аўдыторыі, дзе праводзяцца выпрабаванні, нават у выключаным стане.
Па словах Аўсянікава, спецыялісты пойдуць насустрач абітурыентам, асабліва тым, хто прыехаў здалёку, і абсталююць для іх адмысловыя месцы захоўвання тэлефонаў, сумак і іншых неабходных асабістых рэчаў. Пры ўваходзе ў аўдыторыю ў абітурыента павінны быць у руках толькі зарэгістраваны пропуск, дакумент, які сведчыць асобу (пашпарт, від на жыхарства, пасведчанне ўцекача), ручка гелевая (або капілярная) з чарніламі чорнага колеру, калькулятар (толькі на цэнтралізаванае тэставанне па фізіцы і хіміі).

ТБМ вырашыла прыняць удзел у школьнай рэформе
Таварыства беларускай мовы вырашыла таксама прыняць удзел у школьнай рэформе. З гэтай нагоды сакратарыят ТБМ прыняў заяву пра пашырэнне выкарыстання беларускай мовы ў айчынных школах. Пра гэта заявіў у інтэрвію Еўрарадыё кіраўнік арганізацыі Алег Трусаў.
Трусаў: Калі рэформа — то мы прапаноўваем тут свае змены. Калі ўлада пачынае рэформу, мы прапановы ўносім. Як і ўсе грамадзяне, маем права. А справа ўлады — слухаць нас ці не. ТБМ прапанавала дадаць у дэкрэт прэзідэнта, прысвечаны зменам у сярэдняй адукацыі краіны, некалькі пунктаў. Па-першае, навучальныя прадметы «Гісторыя» і «Геаграфія» павінны выкладацца ва ўсіх школах, незалежна ад мовы навучання, толькі па-беларуску. Па-другое, колькасць гадзін на вывучэнне беларускай мовы і літаратуры ў 9—11 класах школ з рускай мовай навучання павінна павялічыцца на 30%. Па-трэцяе, у 11-м класе павінен праводзіцца дзяржаўны іспыт па беларускай мове і літаратуры.
Нагадаем, што Мінадукацыі Беларусі перавяло на рускую мову выкладанне «Гісторыі Беларусі" і «Геаграфіі Беларусі" ва ўсіх рускамоўных школах краіны, зменшыла колькасць гадзін на выкладанне беларускай мовы і літаратуры ў старэйшых класах школ з рускай мовай навучання, а таксама зняло дзяржаўны іспыт па беларускай літаратуры.
Паводле Eўрапейскага радыё для Беларусі

Метадычныя матэрыялы па ўстойліваму развіццю
На Беларускім зялёным партале  www.greenbelarus.info  размешчаныя новыя матэрыялы ў бібліятэцы з новымі магчымасцямі – пошукам дакументаў па ключавых словах. Партал мае метадычныя дапаможнікі, прэзентацыі і іншую літаратуру для настаўнікаў, якую  можна вольна пампаваць. Шэраг матэрыялаў знаходзіцца ў працэсе апрацоўкі і будзе змешчаны пазней. Адміністрацыя Беларускага зялёнага партала заклікае ахвочых дасылаць сваю літаратуру па экалагічнай тэматыцы.

Стыпендыі для навучання ў Германіі
Нямецкая служба акадэмічных абменаў DAAD працягвае конкурс на атрыманне стыпэндыяў для навучання ў Германіі па шэрагу спецыяльнасцяў. Праграма ахоплівае стыпендыі для студэнтаў розных спецыяльнасцей, маладых навукоўцаў, аспірантаў, журналістаў, а таксама прапануе азнаямляльныя кароткатэрміновыя вандроўкі для студэнтаў. Стыпендыі могуць пакрываць ад 12 да 24 месяцаў навучання і ўлічваць як частковыя, так і поўныя выдаткі на навучанне. Падрабязнасці глядзіце на сайце: http://www.daad-ic-minsk.by/rus/5_1.php

Стартавала сацыяльная рэкламная кампанія “Матэрыялізацыя ідэй!”
Яе арганізатары – індывідуальны прадпрымальнік Ягор Мароз і грамадcкае аб’яднанне “Фокус-група”. Ідэя кампаніі: Выкажы сваю грамадзянскую пазіцыю ў словах і візуальных вобразах, і мы, з дапамогай сучасных тэхналогій, перанясем яе на вопратку альбо на дыванок для мышкі і бясплатна перададзім аўтару. Самых крэатыўных аўтараў чакаюць прызы.
Ягор Мароз распавёў “Твайму стылю”: “У нас заўжды прапануюць гатовыя варыянты сацыяльнай рэкламы. Нехта вырашае за людзей, якая ідэя мусіць быць сацыяльна значнай. Мы хочам, каб людзі самі яе вызначылі, самі сфармулявалі – узялі на сябе адказнасць. Гэтая ідэя з’явілася ў нас больш за тры гады таму, і толькі зараз з’явіліся магчымасці яе рэалізаваць”.
Падрабязна азнаёміцца з умовамі кампаніі і падаць заяўку на ўдзел можна на вэб-пляцоўцы http://infuzor.com  .

Стыпендыі на навучанне ў Швeйцарыі
Федэральная камісія Швeйцарыі па стыпендыях для замежных студэнтаў выдзяляе стыпендыі на 2009/2010 навучальныя гады на атрыманне адукацыі альбо правядзенне дасьледаванняў ў любым універсітэце альбо тэхнічным інстытуце Швейцарыі.
Апошні тэрмін падачы заявак – да 19 кастрычніка.
Формы заяваў можна атрымаць праз Міждзяржаўную асацыяцыю паслядыпломнай адукацыі ў Расіі (тэл. 495 434–24–38), якая дапаможа звязацца са швейцарскімі ВНУ.
Паводле рассылкі «Кроніка грамадзкага жыцьця Гарадзеншчыны»

Моладзевы спабор “Мая малая радзіма і Еўропа”
Гродзенская суполка РГА «Таварыства Беларускай Школы» і праект “Энкаўнтэр” запрашаюць моладзь 16–22 гадоў з Гродзенскай вобласці і Гродна да ўдзелу ў моладзевым спаборы “Мая малая радзіма і Еўропа”.
Мэта спабору: пашырэнне ведаў аб гісторыі сваёй мясцовасці, выхаванне пачуцця прыналежнасці і гонару за свой рэгіён.
Спабор складаецца з двух частак:
1. спабор пісьмовых работ (аб’ём да 5 старонак камп'ютэрнага, альбо 10 рукапіснага тэксту).
2. інтэрактыўная камандная гульня ў Гродна.
Пераможцаў чакаюць цікавыя прызы, магчымасць удзелу ў летніку! Апошні тэрмін здачы пісьмовых работ –  30 чэрвеня. Больш падрабязная інфармацыя – 230023 Гродна, вул. Будзёнага 48А, п. 44 “Таварыства Беларускай Школы”, тэл. VELCOM 125–28–44 (Андрэй), МТС 780–41–03 (Святлана), эл. пошта: konkurs@euro.-dom.org, amialeshka@gmail.com .
Паводле http://t-styl.info

Абітурыенты змогуць даведацца пра хаду ўступной кампаніі праз Інтэрнэт
Міністэрства адукацыі плануе інфармаваць абітурыентаў аб колькасці заяў, што паступаюць у прыёмныя камісіі, плане набору і свабодных месцах праз Інтэрнэт. Аб гэтым расказала сёння на прэс‑канферэнцыі кансультант аддзела вышэйшай адукацыі Міністэрства адукацыі Беларусі Марыя Карпенка. Яна адзначыла, што з гэтай мэтай супрацоўнікі ведамства сумесна з Рэспубліканскім інстытутам вышэйшай школы стварылі рэсурс http://abiturient.by, праз які можна будзе атрымаць падрабязную інфармацыю аб ходзе ўступнай кампаніі ў любой з ВНУ краіны. Плануецца, што інфармацыя аб ходзе ўступнай кампаніі будзе абнаўляцца адзін раз у дзень. «Мы спадзяёмся, што ВНУ падтрымаюць ініцыятыву ведамства і збояў у атрыманні неабходных звестак не будзе», — адзначыла Марыя Карпенка.
Паводле Нашай Нівы

Беларуская школа вяртаецца да 11-годкі
У Беларусі прынята канчатковае рашэнне аб пераходзе на 11-гадовую школу. Такія вынікі нарады ў прэзідэнта краіны Аляксандра Лукашэнка па пытаннях развіцця агульнай сярэдняй адукацыі.
Аб гэтым паведаміў журналістам першы намеснік раздзела Адміністрацыі прэзідэнта Беларусі Анатоль Рубінаў. «У нас будзе 11-гадовая школа, а не 12-гадовая, як гэта меркавалася раней. Пераход да 11-годкі добра распланаваны і пройдзе без узрушэнняў», — адзначыў Рубінаў.
Настаўнік.інфо з беларускім аптымізмам (памятаеце, пра згарэлую хату і мышэй?) віншуе калегаў. Ну калі ж не ўдалося па-сапраўднаму рэфармаваць школу, дык няхай нашыя дзеці хоць на год менш мучаюцца!
Атыкулы па тэме:
У пытанні рэформы сярэдняй школы паставілі тлустую кропку
Лукашэнка лічыць, што падвышэнне школьнай нагрузкі не паляпшае якасць адукацыі
Супраць іншадумства — школьная рэформа
“Гуманітарныя веды сёньняшняй уладзе непатрэбныя”
Да 30 тысяч настаўнікаў могуць страціць працу
Настаўнікі — у трывозе і чаканьні
Ліцэйскія і гімназічныя класы ліквідуюць

Ці ператвораць школу ў рэпрэсіўны орган?
Тэндэнцыя апошніх гадоў сведчыць, што школа ўсё менш і менш выконвае адукацыйныя функцыі i ўсё больш нагадвае ўстанову абмежавання волі. Прычым воля абмяжоўваецца як настаўнікам, так і вучням.
Зніжэнне агульнага ўзроўню адукацыйных паслугаў школы прывяло да таго, што без рэпетытарскай дапамогі амаль немагчыма здаць тэсты, паступіць ў ВНУ. Але і гэтага паказалася мала. Зараз рыхтуецца новая рэформа адукацыі, якая, паводле словаў дэпутата Уладзіміра Здановіча з'яўляецца «сапраўднай дыверсіяй».
Старшыня камісіі па адукацыі, культуры, навуцы і навукова-тэхнічнаму прагрэсу Палаты прадстаўнікоў Уладзімір Здановіч у інтэрв'ю БЕЛАПАН заявіў, што «становіцца відавочным, што зварот да 11-гадовага тэрміну навучання азначае пачатак новай рэформы, прычым рэформы, вядучай у пячорны век». Ён паведаміў, што ва ўсіх краінах у школе вучацца 12—13 гадоў, у асобных — 14. «У Кітаі, Польшчы, Іспаніі, Германіі колькасць навучальных тыдняў — 40, аб'ём нагрузкі на вучня — ад 1.100 да 1.600 заняткаў у год пры 12—13-гадовым тэрміне навучання. А у Беларусі — 800 заняткаў за год, ды яшчэ плануюць іх колькасць паменшыць. Пры далейшым паніжэнні гэтых паказчыкаў наступства для дзяржавы будуць незваротнымі", — лічыць дэпутат. >>>

Дырэктарка салігорскай школы №4: Працаваць у адукацыі ўжо немагчыма
паводле Еўрапейскага радыё для Беларусі

З салігорскай школы №4 напярэдадні апошняга выпускнога іспыту выключылі актывіста «Маладога Фронту» Івана Шылу. На гэтае рашэнне паўплываў прыезд камісіі з Мінску. На знак пратэсту са школы звольнілася дырэктарка Вольга Сянькова.

Еўрарадыё пагаварыла з Вольгай Сяньковай, калі яна здавала справы і забірала свае рэчы з былога кабінета. Яна пацвердзіла, што сыход са школы звязаны з выключэннем Івана Шылы:
В.Сянькова: Я ўжо не дырэктар, я ўжо тут наводжу парадак. Я сыходжу. У мяне ёсць выслуга, і я сыходжу на пенсію па выслузе гадоў. Працаваць у адукацыі сёння немагчыма. У мяне адбілі ўсялякую ахвоту працаваць у адукацыі.
Вольга Сянькова працавала дырэктаркай школы з 1995 года. Яна трымала школу ў тройцы найлепшых у Салігорску. Апошняя педагагічная праверка ў школе адбылася ў лютым 2008 г.: тады узровень школы быз прызнаны роўным найлепшай гарадской гімназіі.
На фота — Вольга Сянькова (з сайту Салігорскай сярэдняй школы №4)
Матэрыялы па тэме:
Івана Шылу выкінулі са школы
 І.Шыла: “У школе была міліцыя”
 А.Макарэвіч: «Мяне не дапусьцілі да іспыту па беларускай мове»

Што кажуць:
- Настаўнікаў выкарыстоўваюць для збірання грошай  для школаў, а зараз плануюць навязаць ім новы абавязак – барацьбу з неплацельшчыкамі камунальных паслугаў. Вось як рэагуюць на гэта настаўнікі. >>>
-  Калі я ішоў у школу ў сем год, я ведаў толькі пару літараў. Цяпер ад шасцігодак патрабуюць, каб яны ўжо чыталі, лічылі, разбіралі словы па складах і адрознівалі зычныя і галосныя. >>>
- У Полацкім універсітэце пачнуць рыхтаваць «спецыялістаў па гасціннасці». Дагэтуль конкурс на спецыяльнасці ў галіне турызму ў Віцебскай вобласці складаў 6 чалавек на месца. >>>

Прадстаўніцтва карпарацыі “American Center for Education and Research, Inc.” у Рэспубліцы Беларусь спыняе дзейнасць
Прадстаўніцтва Амерыканскага адукацыйна-даследчага цэнтру («American Center for Education and Research, Inc."") у Беларусі пацвердзіла пра закрыццё праграмы тэстаў. Падрыхтавацца па тэстах TOEFL, GRE і SAT, папулярных у Беларусі, можна і ў нашай краіне. А вось здаваць іх можна толькі за межамі нашай краіны.  На сайце цэнтра http://www.amcenter.by/ зьявілася кароткая абвестка, што з 28 мая цэнтр прыпыняе сваю работу.
Прадстаўніца ACER: “Я не ўпаўнаважаная даваць інтэрвію. Цяпер палітычная афарбоўка такая, што не дае нам нават шанцу адрадзіцца” .
Адукацыйны цэнтр доўгія гады аказвў беларускім школьнікам, студэнтам, аспірантам і адмыслоўцам дапамогу ў атрыманні адукацыі і стажыроўках у Еўропе і ЗША. У мінскім і рэгіянальных офісах прадстаўніцтва можна было бясплатна скарыстацца багатай бібліятэкай матэрыялаў для паступлення ў замежныя навучальныя ўстановы і падрыхтоўкі да міжнародных тэстаў.. >>>

Навіны ЦТ
- 1 чэрвеня скончылася рэгістрацыя на цэнтралізаванае тэставанне, якое пройдзе ў Беларусі з 12 па 28 чэрвеня. Лідэры цяперашняга года — матэматыка, якую выявілі жаданне здаваць 110 тыс. чалавек, і руская мова — 107 тыс. чалавек. >>>
- На сённяшнi дзень колькасць тых, хто запiсаўся на агульнаадукацыйнае тэставанне, складае 473 127 чалавек.
У гэтым годзе колькасць абiтурыентаў значна скарацiлася: у мiнулым годзе стаць студэнтамi пажадалi 558 000 маладзёнаў. У Рэспублiканскiм iнстытуце кантролю ведаў паведамiлi, што першыя тэставаннi пачнуцца ўжо 12 чэрвеня >>>
- На сайце Рэспубліканскага Інстытута Кантролю Ведаў можна задаць пытанне наконт правілаў правядзення цэнтралізаванага тэставання. Там жа можна паглядзець адказы на ўжо зададзеныя пытанні >>>
- Алeг Трусаў: Лідэрства рускай мовы на ЦТ— гэта псеўда-інфармацыя >>>

Выдавецтва «Вышэйшая школа» будзе выпускаць да 20 тысяч электронных кніг штомесяц 
Naviny.by паведамляюць, што плануецца выпускаць электронныя дадаткі гукавых дапаможнікаў, навучальных і метадычных матэрыялаў па замежных мовах (англійскай, нямецкай, французскай, іспанскаму, кітайскай і інш.), самастойныя мультымедыйныя выданні, а таксама электронныя дадаткі да друкаваных навучальных і навучальна-метадычных выданняў для сістэмы прафесійнай адукацыі.
Ці будуць сярод іх аўтарскія электронныя падручнікі, пакуль невядома. 
Ад рэдакцыі Nastaunik.info: Не сакрэт, што ў нас ужо даўно лепшыя настаўнікі маюць уласныя электронныя падручнікі. А ў вышэйшай школе, дзе бібліятэчных падручнікаў не хапала на ўсіх студэнтаў ніколі, ды і тыя састарэлі маральна, кніжкі даўно раздаюцца на «флэшках».  Зручна, танна і сучасна. На нашым сайце можна знайсці некалькі электронных выданняў, перададзеных аўтарамі для агульнага карыстання.

ДАІ хоча, каб у школах здавалі іспыт па ПДР
У школах Беларусі мэтазгодна ўвесьці іспыт па правілах дарожнага руху. Такое меркаванне выказаў на прэсавай канфeрэнцыі начальнік навукова‑метадычнага і прававога аддзела ўпраўленьня Дзяржаўтаніспекцыі МУС Анатоль Сушко.
Ён адзначыў, што культуру паводзінаў на дарозе трэба прышчапляць з дзяцінства. Бяспека залежыць ад падрыхтоўкі юных грамадзян да ўдзелу ў дарожным руху. «Набытыя ў школе веды маюць вялікую ролю ў прафілактыцы дзіцячага дарожна‑транспартнага траўматызму», — падкрэсьліў Анатоль Сушко.
Паводле газеты Наша Ніва

Летнік па правах чалавека ў Германіі
23 ліпеня – 4 жніўня ў нямецкім горадзе Бад Лібэнцэль адбудзецца сустрэча, мэтай якой з'яўляецца набыцьцё удзельнікамі ведаў у сфеы міжнароднага рэгулявання і меанізмаў абароны правоў чалавека. Праграма разлічана на студэнтаў і магістрантаў, якія атрымліваюць юрыдычную адукацыю. Выдаткі за пражыванне, харчаванне ўдзельнікаў падчас правядзення летніка, транпартныя выдаткі па тэрыторыі Германіі, звязаныя з адукацыйнай праграмай, а таксама квіток Мінск-Берлін пакрываюць арганізатары праекта. Складка ўдзельніка летніка – 50 еўра. Дадатковую інфармацыю можна атрымаць на старонцы http://www.internationalesforum.de  , а таксама скантактавацца з арганізатарамі па электроннай пошце summerhrcamp2008@gmail.com  
Апошні тэрмін падачы заявак – 15 чэрвеня 2008 г.
Паводле сайта adukacyja.info

Study Tours to Poland – набор удзельнікаў на праграму!
Польска-амерыканская фундацыя Свабоды ззапрашае актыўных студэнтаў з Беларусі на адукацыйныя 10-дзённыя візіты ў Польшчу. Арганізатары пакрываюць усе расходы, звязаныя з пражываннем, праездам і візамі для ўдзельнікаў. Апошні тэрмін падачы заяваў- 23 чэрвеня 2008г. >>>
Паводле сайта adukacyja.info

Амерыканская школа вачыма беларускага настаўніка.

Тамара Мацкевіч
Гэты артыкул не прэтэндуе на грунтоўнасць і аналітычнасць. Тут сабраныя ўражанні ад наведвання амерыканскіх школаў, размоваў з калегамі, дзецьмі і бацькамі пра праблемы адукацыі.
Большасць беларусаў глядзіць на свет праз расійскае тэлебачанне, таму мы маем стэрэатыпныя ўяўленні пра Амерыку і амерыканцаў. Відаць, дзякуючы гумарысту Задорнаву, я чакала, што адукацыя ў амерыканскай школе будзе нізкага ўзроўню. Дык вось, мяркуйце самі: у 8 класе 5 абавязковых прадметаў: англійская мова, літаратура, матэматыка, сацыяльныя навукі і навука і навыкі для жыцця (асновы хіміі, фізікі, біялогіі, геаграфіі). Яшчэ дзённік прадугледжвае 3 пустыя клетачкі, куды можна ўзяць 3 прадметы паводле выбару. Гэта можа быць  тэхналогія, тэатральнае мастацтва, кіраванне аўтамабілем і шмат чаго іншага.  А наогул, цэнтралізаванай сістэмы адукацыі ў Амерыцы няма. Чаму і ў якім аб’ёме вучыць дзяцей, вырашаецца на мясцовым узроўні праз школьную Раду. Ні міністэрства адукацыі, ні адміністрацыя штата на гэты працэс не маюць уплыву.
У Williston Middle School праграма 8 класа па матэматыцы нічым не адрозніваецца ад праграмы нашай школы.  Праўда, задачнік зусім іншы. Ён больш падобны на часопіс “Разгадайка”, які нашыя вучні скупляюць у кіёсках і рашаюць задачкі без прымусу. У амерыканскім задачніку больш заданняў на логіку, кемлівасць і практычнае прымяненне тэорыі. Затое, узяўшы кантрольную па грамадазнаўству, я змагла адказаць толькі на адно пытанне з пятнаццаці. Маіх практычных ведаў пра сацыяльнае ўладкаванне сучаснага свету нават пасля ўніверсітэцкага курсу грамадазнаўчых навук не хапіла на сярэдні ўзровень амерыканскага васьмікласніка.
Чытаць артыкул
Глядзець фотарэпартаж

Агляд адукацыйных навінаў

– Выпускнікам у Беларусі дазволілі сустракаць світанак >>>

– На цэнтралізаванае тэставанне зарэгістравалася больш за 422 тыс. абітурыентаў >>>

– З праблемай недахопу дзіцячых кніг сутыкаюцца наведвальнікі баранавіцкай дзіцячай бібліятэкі №3, якая месціцца ў Палацы дзіцячай творчасці. Больш за ўсё праблемаў маюць самыя маленькія наведвальнікі >>>

– Інвалідам стала крыху прасцей паступаць у ВНУ на завочную форму навучання. Раней на бюджэтную завочную форму навучання маглі паступаць толькі працуючыя інваліды, альбо з сярэдняй спэцыяльнай адукацыяй >>>

З гісторыі беларускага настаўніцтва

«Са званнем настаўніка спалучаюцца вялікія абавязкі, для паспяховага выканання якіх патрабуецца шмат ведаў, талентаў, майстэрства і вопыту. Ад настаўніка залежыць, якое развіццё атрымаюць закладзеныя ў вучня прыродныя здольнасці. Калі настаўнік дрэнна ведае сваю справу, дык хоча ён гэтага ці не, але можа адбіць у вучня жаданьне вучыцца. Настаўнік павінен удумліва і глыбока пранікаць у складаны ўнутраны сьвет вучня, убачыць закладзеныя у ім здольнасці і схільнасці, якія, магчыма, з прычыны асаблівага псыхічнага складу характару не адразу выяўляюцца, і даць ім патрэбны напрамак.»

Цікавае інтэрв'ю з гісторыкам Таццянай Процькай аб жыцці беларускага настаўніка ХІХ стагоддзя чытайце на старонцы «Радыё Свабода»

Грамадзянскі ўдзел:
адстойванне і прасоўванне інтарэсаў грамадскасці

Бюро АБСЕ па дэмакратычных інстытутах і правах чалавека (БДІПЧ) і Еўрапейская Камісія запрашаюць вас узяць удзел у праекце, скіраваным на павышэнне патэнцыялу беларускай грамадзянскай супольнасці.

У межах праекту вы зможаце ўзяць удзел у некалькіх трэнінгах па адстойванні і прасоўванні інтарэсаў грамадскасці, даведацца пра досвед арганізацыі грамадскіх кампаній у суседніх краінах, распрацаваць і рэалізаваць свае праекты, скіраваныя на адстойванне і прасоўванне інтарэсаў грамадскасці, падзяліцца досведам рэалізацыі гэтых праектаў са сваімі калегамі з іншых гарадоў і мястэчак краіны.

Першае мерапрыемства ў межах праекта – трэнінг “Грамадзянскі ўдзел: адстойванне і прасоўванне інтарэсаў грамадскасці”, адбудзецца 13–18 ліпеня 2008 г. у Польшчы. Удзельнікі трэнінга атрымаюць веды пра тое, што такое грамадзянскі ўдзел, кампаніі па адстойванні і прасоўванні інтарэсаў грамадскасці, з якіх этапаў складаюцца гэтыя кампаніі, як прааналізаваць і стымуляваць да актыўнай дзейнасці тыя альбо іншыя групы грамадскасці, навучацца планаваць кампаніі па адстойванні і прасоўванні інтарэсаў грамадскасці і г.д.

Да ўдзелу ў трэнінгу запрашаюцца актывісты грамадскіх арганізацый і ініцыятыў, настаўнікі, выкладнікі, студэнты, якія працуюць з рознымі мэтавымі групамі (людзі з абмежаванымі фізічнымі магчымасцямі, студэнты, сталыя асобы, ахвяры гвалту і г.д.) і іншыя грамадзяне, якія жадаюць больш актыўна ўдзельнічаць у грамадскім жыцці краіны.

Арганізатары забяспечваюць харчаванне, пражыванне, кампенсуюць выдаткі, звязаныя з атрыманнем візы і праездам удзельнікаў трэнінга.

Колькасць месцаў для ўдзелу ў трэнінгу абмежаваная. У сувязі з гэтым удзельнікі будуць адбірацца на конкурснай аснове паводле пададзеных анкетаў-заявак . Вітаецца ўдзел некалькіх прадстаўнікоў з адной мясцовасці.

Анкету-заяўку неабходна даслаць на адрас электроннай пошты: hrefcivicparticipation@odihr.pl да 18.00 5 чэрвеня 2008 года. Пра вынікі конкурсу будзе аб’яўлена да 10 чэрвеня 2008 г. 

Дадатковую інфармацыю аб праекце і першым трэнінгу можна атрымаць па адрасе электроннай пошты: civicparticipation@odihr.pl

ЗАЯВА асамблеі “Беларускамоўнае навучанне і выхаванне: нацыянальная бяспека і незалежнасць краіны”
23 мая ў Мінску прайшла асамблея “Беларускамоўнае навучанне і выхаванне: нацыянальная бяспека і незалежнасць краіны” прадстаўнікоў дзвюх грамадскіх аб’яднанняў “Таварыства беларускай школы” і “Таварыства беларускай мовы імя Францыска Скарыны”. З аднайменным дакладам выступіў старшыня РГА “ТБШ” Алесь Лозка. У абмеркаванні яго прынялі ўдзел Алег Трусаў (ТБМ), Тамара Мацкевіч (ТБШ), Алесь Сядзяка (настаўнік, Мінск), Язэп Стэфановіч (прафесар, НАН), Таццяна Канопкіна (ТБШ, Гродна), Уладзімір Колас (педагог, рэжысёр), Віцук Вячорка (БНФ), Алена Анісім (Інстытут мовазнаўства НАН) і інш. Удзельнікі прынялі наступную заяву (падаецца далей). Затым адбылася VII справаздачна-выбарная асамблея Таварыства беларускай школы. Кіраўніком яго зноў абраны педагог і фалькларыст Алесь Лозка, намеснікамі – Алесь Сядзяка (настаўнік), Максім Чарняўскі (кандыдат гістарычных навук, археолаг НАН), Тамара Мацкевіч (ТБШ).
Тэкст заявы

Што чакае беларускую школу?
Каментары, заявы, экспертныя ацэнкі.
- У сувязі з падрыхтоўкай чарговай рэформы адукацыі партыя БНФ прыняла заяву, дзе патрабуе спыніць адміністрацыйнае ўмяшанне ўлады ў адукацыю; да шырокага абмеркавання з удзелам спецыялістаў, педагагічнай і бацькоўскай грамадскасці спыніць псеўдарэформу; захаваць гуманітарныя нацыянальна значныя прадметы ў сярэдняй школе. У заяве канстатуецца: «Для ўратаваньня краіны ад эканамічнага крызісу неабходна не скарачаць сацыяльныя праграмы,а неадкладна праводзіць дэмакратычныя рэформы і далучацца да агульнаеўрапейскай прасторы свабоды і дабрабыту.»>>>
- Былая намесніца міністра адукацыі Таццяна Галко і і кандыдат пэдагагічных навук Святлана Мацкевіч разважаюць, чаму адмовіліся ад 12-гадовай адукацыі.
Галко: “Наступствы гэтага рашэння будуць цяжкімі і для вучняў, і для настаўнікаў. Але адмоўныя наступствы закранаюць не толькі адукацыю, але і краіну, грамадства ўвогуле. Бо гэта падрывае інтэлект — галоўнае багацце краіны. >>>
- Палітыкі і педагогі Анатоль Лябедзька, Вінцук Вячорка, Уладзімір Колас, Анатоль Паўлаў робяць свае прагнозы.
Вячорка Адбудзецца скарачэнне гадзінаў, асабліва па гуманітарных прадметах, аптымізацыя сеткі школаў, мы страцім частку гімназіяў і ліцэяў, настаўнікаў чакаюць паніжэнні заробкаў і масавыя скарачэнні. Рэжыму больш патрэбныя не адукаваныя людзі з высокім інтэлектуальным узроўнем і прафесійнымі амбіцыямі, а тупыя выканаўцы дзяржаўных патрабаванняў. >>>
- Паводле еўрапейскіх стандартаў, агульная сярэдняя адукацыя разлічаная на тэрмін не меншы за 12 гадоў. Гэтаму прынцыпу адпавядае структура сярэдняй адукацыі ва ўсіх краінах Еўрасаюзу.>>>

Прэзентацыя аудыёкнігі «Адкуль наш род»

Нядаўна пабачыла свет пятае выданне папулярнай кнігі — гэтым разам у фармаце аўдыёкнігі. Яе прэзентацыя пройдзе ў аўторак 27 мая на сядзібе ТБМ (Мінск, вул. Румянцава, 13).

Сярод герояў Арлова — князі Усяслаў Чарадзей і Вітаўт Вялікі, першадрукар Францішак Скарына і канцлер Леў Сапега, ваяводы Канстанцін Астрожскі і Ян Кароль Хадкевіч, правадыры паўстанцаў Тадэвуш Касцюшка і Кастусь Каліноўскі, паэты Мікола Гусоўскі і Максім Багдановіч, «бацькі» Беларускай Народнай Рэспублікі Іван і Антон Луцкевічы…

Падкрэсліваючы выключную ролю, якую у нашай гісторыі з першых яе стагоддзяў адыгрываюць жанчыны, Уладзімер Арлоў апавядае пра княгіню Рагнеду, асветніцу Еўфрасінню, удзельніцу вызвольнага паўстання 1831 года Эмілію Плятэр, паэтэсу Цётку...


Храналагічныя межы 30 раздзелаў кнігі — ад з'яўлення на сучаснай тэрыторыі Беларусі першых людзей да абвяшчэння незалежнасці БНР.


Паводле «Нашай Нівы».

«Чарнобыльскія ўрокі"

Пад такой назвай выйшаў у свет дапаможнік для настаўнікаў.

«Дапаможнік будзе распаўсюджвацца па сярэдніх школах Беларусі. Спадзяемся, ён паспрыяе падвышэнню экалагічнай пісьменнасці беларускіх дзяцей, – кажа Юрась Губарэвіч.

Чытаць далей

Асамблея ТБШ: «Роднамоўнае навучанне і выхаванне: нацыянальная бяспека і суверэнітэт краіны» Тэзісы даклада Алеся Лозкі.
- Стан беларускамоўнага навучання ў адукацыйных установах даўно выклікае трывогу шырокай грамадскасці. Калі ў 1993–94 навучальным годзе бацькі без праблем прыводзілі сваіх дзяцей у першыя класы з беларускай мовай навучання (76% ад усіх першакласнікаў, а ў сталічнай вобласці 92,6%), то цяпер створаны такія ўмовы, што гэтая планка стала ніжэй 18% (нават гэтую статыстыку і сапраўдную сутнасць міністэрства хавае ад народа). На сайце Міністэрства адукацыі (www.minebu.unibel.by) вы толькі знойдзеце статыстыку трохгадовай даўніны (за 2005/2006 нав. год). Усяго на беларускай мове сёлета навучалася 20,9% ад агульнай колькасці. Не цяжка падлічыць, што з такой хуткасцю (прыблізна 1% ў год) поўнае знішчэнне беларускай адукацыі адбудзецца праз дваццаць гадоў. >>>

Асамблея ТБШ: прыдзецца ствараць сістэму адукацыі грамадскімі сіламі.
Сёння, 23 мая 2008 года, адбылася чарговая Асамблея Рэспубліканскага грамадскага аб'яднання «Таварыства беларускай школы». На Асамблею з'ехаліся дэлегаты з усіх рэгіенаў Беларусі, былі запрошаныя спецыялісты ў галіне адукацыі з вядучых ВНУ, школаў, акадэмічных асяродкаў.
Старшынём РГА «Таварыства беларускай школы» пераабраны дацэнт БДПУ Алесь Лозка.
На асамблеі абмяркоўваліся пытанні стану беларускай адукацыі, чарговае рэфармаванне школы, якое адбываецца зараз. >>>

Беларускія настаўнікі СМК звяртаюцца з заклікам захаваць прадмет у школах
Настаўнікі сусветнай мастацкай культуры з больш за 20 гарадоў Беларусі выступілі з адкрытым лістом з нагоды запланаванага скарачэння навучальнай нагрузкі ў школе за кошт гуманітарных дысцыплін. Тэкст звароту БЕЛАПАН перадала кіраўнік мазырскага раённага метадычнага аб'яднання настаўнікаў айчыннай і сусветнай мастацкай культуры, аўтар шматлікіх прац па сваёй спецыяльнасці Святлана Філімонава. Пад лістом стаяць прозвішчы педагогаў з Гомеля, Гародні, Магілёва, Мінска, Віцебска, раённых цэнтраў.
Паводле Naviny.by

Семінар па журналістыцы ад IBB

Мінскі міжнародны адукацыйны цэнтр імя Ёханэса Раў ад імя Амбасады ФРГ у Беларусі 26 мая ладзіць семінар па on-line журналістыцы.

Кіраўнік сэмінару – медыяэксперт Паўлюк Быкоўскі. Падчас семінара будуць разгледжаныя тэарэтычныя і практычныя пытанні камунікацыі ў сетцы Інтэрнэт:

– Сучасныя тэхналогіі стварэння вэб-пляцовак,

– Сістэмы кіравання вэб-пляцоўкамі,

– Імпарт кантэнту (навінавыя стужкі, блогі і інш),

– Асноўныя правілы вэб-дызайну,

– Аналіз адрозненьняў паміж анлайн-СМІ, друкаванымі выданнямі, тэлебачаннем і радыёжурналістыкай,

– Майстар-клас па напісанні журналісцкіх матэрыялаў для Інтэрнэту,

– Асаблівасці ўспрамання тэксту ў Інтэрнэце.

Ахвотныя да ўдзелу мусяць запоўніць рэгістрыцыйны фармуляр на вэб-пляцоўцы www.baj.by і даслаць яго па эл. адрасе becker@ibb.by альбо факсе ў Мінску 270–39–95.

Апошні тэрмін – да 24 мая.

Колькасць удзельнікаў абмежаваная.
Іншагароднія ўдзельнікі забяспечваюцца бясплатным пражываннем.

За больш падрабязнай інфармацыяй звяртайцеся на тэл. 207–49–72, 8–029–609–54–47.

Паводле «Кронікі грамадзкага жыцьця Гарадзеншчыны»

Зборнік “Нефармальная адукацыя ў Беларусі”

Партнёрская сетка Арганізацый грамадзянскай адукацыі рыхтуе да выдання зборнік “Нефармальная адукацыя ў Беларусі”.

Мэта выдання: фармаванне пазітыўнай грамадскай думкі пра дзейнасць
арганізацый нефармальнай адукацыі; прасоўванне адукацыйных арганізацый і
адукатараў у значным асяроддзі.
Нефармальнай адукацыяй мы разумеем любое арганізаванае навучанне, якое
адбываецца па-за межамі сістэмы фармальнай адукацыі. У якасці фармальнай адукацыі мы разумеем сістэму агульнай, вышэйшай і прафесійнай адукацыі, што ажыццяўляецца на аснове дзяржаўных стандартаў, і па атрыманні якой выдаецца пасведчанне дзяржаўнага ўзору.

Структура выдання:

1. Уступны раздзел пра сферу нефармальнай адукацыі Беларусі.

2. Прыклады лепшых практык.

3. Інфармацыя пра арганізацыі, якія рэгулярна рэалізуюць адукацыйныя
праграмы.

4. Інфармацыя пра адукатараў.

5. Слоўнік тэрмінаў.

Мова выдання: мова рэдакцыі выдання – беларуская, кароткая анатацыя на ангельскай і рускай мовах. Мову матэрыялаў абіраюць аўтары.

Калі Ваша арганізацыя і/ці Вы асабіста маеце дачыненне да сферы
нефармальнай адукацыі Беларусі, просім даслаць нам інфармацыю пра сябе і свае адукацыйныя праграмы згодна прапанаванага ўзору.

Просім даслаць інфармацыю не пазней за 31 мая 2008 года на e-mail adukatar.aga@gmail.com.

Інфармацыя прымаецца толькі ў электронным выглядзе на беларускай або рускай мове.

Рэдакцыя пакідае за сабой права на адбор і рэдагаванне дасланых матэрыялаў.

Гэта інфармацыя і анкета распаўсюджваецца свабодна.

Будзем удзячныя, калі Вы перашлеце іх Вашым знаёмым адукатарам.

Па ўсіх пытаннях, якія ўзнікнуць,
звяртайцеся да тэл. +375 29 7114650; +375 29 6518601, Галіна Мацюшэнка
gmatushenko@gmail.com.

Агляд адукацыйных навінаў

– Ці палепшыць пераход да 11-гадовага навучання ў школе ўзровень адукацыі? >>>

– Як рэагуюць педагогі на вяртанне да 11-годкі? >>>

– 21 мая этнашкола пры вілейскай гімназіі №2 прадставіла чарговы модуль, гэтым разам на тэму беларускага народнага вяселля >>>

– Распрацаваны праект пераходнага вучэбнага плану, але ён яшчэ на ўзгадненні >>>

– Міністэрства адукацыі рэкамендавала ў новым навучальным годзе ва ўсіх ВНУ краіны арганізаваць выкладанне абавязковага курсу прафесійнай лексыкі беларускай мовы >>>

– Сакратарыят грамадскага аб'яднання «Таварыства беларускай мовы імя Францішка Скарыны» заклікаў выпускнікоў школ і абітурыентаў ВНУ праходзіць цэнтралізаванае тэставанне па беларускай мове>>>

Запрашаем на выставу
У цэнтры дзіцячай творчасці Фрунзенскага раёна адбудзецца выстава малюнкаў выхаванцаў дзіцячых дамоў г.Мінска. Выстава будзе праходзіць ў межах акцыі «Маляванка», што праводзілася цягам некалькіх месяцаў сярод дзіцячых дамоў сталіцы. Прыходзьце! З 22 мая па 3 чэрвеня 10.00 – 19.00 Адрас: Г.Мінск, вул. Адзінцова 10. Цэнтр мастацкай творчасці Фрунзенскага раена. Адкрыццё у суботу (24 мая) у 11: 00.

«Гісторыя Беларусі" знікне са школьнай праграмы ўжо з наступнага года

Гэта чарговы лагічны крок пасля таго, як прадмет пачалі выкладаць па-руску.

Курс “Гісторыі Беларусі” ў нашых школах выкладацца больш не будзе. У праекце вучэбнага плана на наступны год напісана проста – “гісторыя”. Для новага прадмета рыхтуецца і адмысловы падручнік.


Такую інфармацыю пацвердзіла Еўрарадыё намесніца начальніка упраўлення агульнай сярэдняй адукацыі Мінадукацыі Валянціна Маеўская. Па словах чыноўніцы, цяпер працуе міжведамасная камісія, якая абмяркоўвае пытанне пра аб’яднанне двух прадметаў з новага навучальнага года:


“Адно з пытанняў – гэта зацвярджэнне вучэбнага плана, у якім гэты прадмет будзе называцца “Гісторыя”. Ну, ён будзе складацца з двух частак. І выдзяляецца дзве гадзіны. Адна гадзіна на гісторыю Беларусі, другая – на сусветную гісторыю. І так, як было, так і застаецца. Проста ў вучэбным плане ён будзе называцца “Гісторыя”.


Новы вучэбны план стане дадаткам да дэкрэту аб пераходзе на 11-гадовы тэрмін навучання ў школах. Пра гэта Еўрарадыё расказаў старшыня камісіі па адукацыі, культуры, навуцы і навукова-тэхнічным прагрэсе Палаты прадстаўнікоў Уладзімір Здановіч. План “задавальняе усіх”. А колькі дакладна гадзінаў будзе адведзена на гісторыю Беларусі ў агульным курсе гісторыі, Здановіч не ведае:


“Я не ведаю, тут проста напісана “гісторыя”, таму тут я не магу растлумачыць ці то будзе гісторыя сярэдніх вякоў... і колькі гадзінаў на гісторыю Беларусі. Проста напісана слова “гісторыя”. У прынцыпе, калі мы ўчора абмяркоўвалі план, то ён задаволіў усіх”.


Чытаце матэрыялы Еўрапейскага радыё і Радыё Свабода

Агляд адукацыйных навінаў

– Беларускія навучэнцы сталі прызёрамі 42-й Міжнароднай Менделеевской алімпіяды школьнікаў па хіміі, якая праходзіла 28 красавіка — 4 траўня ў Ташкенце (Узбекістан) >>>

– 16‑гадовы вучань адной з сельскіх школ Хоцімскага раёну Міхаіл Цярэшчанкаў прапанаваў незвычайную мадэль ветрарухавіка >>>

– У беларускія школы патрапіць ліцэнзійная прадукцыя кампаніі “Microsoft” >>>

– «У рамках ініцыятывы беларускіх школ магчыма пашырэнне партнёрства паміж краінамі ў будучыні" — такое меркаванне выказаў каардынатар Цэнтральнага кіраўніцтва па справах школьнай адукацыі за мяжой (ZfA) ФРГ Рольф Хоффманн 13 мая ў Мінску на ўручэнні дыпламоў вышэйшай ступені па нямецкай мове беларускім школьнікам >>>

– Спяшаючыся выканаць заўвагу прэзідэнта і скараціць тэрміны навучання ў школе, чыноўнікі створанай спецыяльна з гэтай нагоды камісіі могуць увесці 11-годку ўжо сёлета. Як стала вядома Еўрарадыё, гэта прывядзе да неабходнасці скарачэння настаўнікаў у школах, а ўрокаў у беларускіх дзяцей будзе ў 2 разы менш, чым у кітайскіх школьнікаў >>>

– Міністэрства адукацыі змясціла на сваім сайце палажэнне аб школьным аддзенні. Не надта абцяжарваючы сабе аргументамі гэтага вырашэння, чыноўнікі ў звыклым загадным стылі сцвярджаюць, што «Школьная одежда должна стать популярной среди учащихся и отражать специфику общеобразовательного учреждения.». На дапамогу ім ужо кінулася бабруйскае прадпрыемства «Славянка», распачаўшы выраб строяў з адмысловай тканіны, што ахоўвае ад выпрамянення мабільнага тэлефона.

Новы выпуск «Кутка настаўніка»

У новым нумары бюлетэне можна знайсці інфармацыю пра адукацыю для дарослых (андрагогіку), педагагічныя абмены, матэрыялы для заняткаў па гісторыі і СМК на тэму Другой сусветнай вайны, класнай гадзіне па канстытуцыйных правах і іншыя цікавыя артыкулы.


Спампаваць бюлетэнь (pdf, 878 КБ)


Усе папярэднія нумары размешчаныя на сайце www.centerpost.org.

Праект «Моладзь за здаровы лад жыцця і спорт без допінгу і гвалту»
Міжнароднае грамадскае аб'яднанне «Адукацыя без межаў" пры падтрымцы французскай моладзевай асацыяцыі “Leo Langrange” запрашае прыняць удзел у французска-нямецка-беларускім праекце. Праект складаецца з дзвюх частак: 1. Спартовы лагер у Францыі. Рэгіён Ірсан (Hirson), Францыя. Час правядзення: 21–31 ліпеня 2008 г.
2. Майстар-клас у Беларусі. Мінск, Беларусь. Час правядзення: верасень-кастрычнік 2008 г.
Умовы ўдзелу:
– цікавасць да тэмы здаровага ладу жыцця, непрафесійны спорт і фізкультура,
– узрост ад 18 да 25 гадоў,
– тэрмін дзеяння вашага пашпарта павінны быць як мінімум да лістапада 2008 г.
– гатовасць аплаціць унёсак удзельніка ў памеры 160–180 € (канчатковая сума будзе залежыць ад кошту транспартных выдаткаў, бо ўклад удзельнікаў накіраваны на пакрыццё 2/3 транспартных выдаткаў, а таксама кошт страхоўкі. Усе выдаткі, звязаныя з знаходжаннем удзельнікаў на тэрыторыі Францыі пакрывае якая прымае арганізацыя).
Для ўдзелу ў праекце неабходна запоўніць форму ўдзельніка і выслаць яе на адрас edwb@tut.by з пазнакай sport не пазней за 21 мая 2008 году.
Больш падрабязную інфармацыю аб месцы правядзення спартовага лагера, а таксама форму заяўкі можна знайсці тут.
З пытаннямі можна звярнуцца па электроннай пошце edwb@tut.by і па тэлефоне (029) 388 25 64 (Марына).
Паводле рассылкі  ГА «Адукацыя без межаў"

Летні намётавы лагер-семінар «Круглае возера-2008»
Беларускае моладзевае грамадскае аб'яднанне «Розныя-Роўныя» запрашае прыняць удзел у летнім намётавым лагеры-семінары «Круглае возера-2008». Лагер пройдзе на беразе Плешчаніцкага водасховішча з 12 па 22 ліпеня.
Ягонымі ўдзельнікамі стануць маладыя людзі ва ўзросце ад 18 да 27 год. Цягам дзесяці дзён маладыя людзі з абмежаванымі фізічнымі магчымасцямі, а таксама іх здаровыя аднагодкі змогуць прыняць удзел у мерапрыемствах, а таксама весела адпачыць.
Правілы ўдзелу і дадатковая інфармацыя па тэл. (8–017) 2873817, (8–029) 5556838. Звяртайцеся да Вадзіма Калошкіна, Паліны Галавусавай.  different@nsys.by.

Паводле belngo.info

Валантарыят ва Уроцлаве

Асацыяцыя для дзяцей і моладзі, хворых на цэрэбральны параліч «OSTOJA» запрашае прыняць ўдзел у доўгатэрміновым праекце (верасень 2008 – чэрвень 2009).

Падчас праекту валянтэры навучацца, як працаваць зь людзямі з абмежаванымі магчымасцямі, а таксама розным методыкам працы ў групах і з групай. Уся дзейнасць будзе рэалізоўвацца пад кіраўніцтвам дасведчаных прафесіяналаў.


Для ўдзелу ў праекце неабходна выслаць матывацыйны ліст і CV на адрас каардынатаркі Ганны Гачкоўскай: semperavanti.anna@gmail.com


Паводле adukacyja..info

Рэгіянальная праграма па правах чалавека

Шведскае агенцтва па развіцці супрацоўніцтва (SIDA) запрашае прыняць удзел у рэгіянальнай праграме па правах чалавека. Праграма мае адбыцца ў 2 сэсіі: 1-ая — з 6 па 31 кастычніка 2008 году, 2-ая — з 4 па 8 мая 2009 году ў Швецыі.


Праграма арыентаваная на атрыманне ўдзельнікамі глыбінных ведаў па міжнароднай і рэгіянальнай сістэмах прасоўвання і абароны правоў чалавека; рэгіянальнага і міжнароднага мэханізму маніторынгу і ажыццяўлення на нацыянальным узроўні працэдураў з галіны правоў чалавека. Да ўдзелу ў праграме будуць адабраныя 25 удзельнікаў. Перавага аддаецца чыноўнікам сярэдняга і высокага ўзроўняў, гэтаксама як і прадстаўнікам акадэмічных установаў і НДА, што звязаныя з тэмай правоў чалавека.


Навучанне будзе адбывацца на англійскай мове.


Апошні трэмін падачы заявак: 4 ліпеня 2008 году.

Апісанне праграмы, умоваў, працэдуры падачы заявак, іншых дэталяў глядзіце тут.

Паводле рассылкі belngo.info

Са скрынкі info@nastaunik.info

На пошту nastaunik.info прыйшоў ліст вучня 10 класа, падпісаны як Doctor. Прапануем вашай увазе жывое меркаванне вучня, якому даводзіцца вучыцца ў звычайнай сучаснай школе, што "ўвабірае ўсе лепшую спадчыну савецкай школы".

Чытаць далей

Конкурс на лепшую публікацыю па СНІД

Конкурс на лепшую публікацыю ў перыядычным друку па праблемах ВІЧ/СНІД, наркаманіі і венерычных захворванняў ладзіцца з мэтай прыцягнення ўвагі грамадства да гэтых праблем, прапаганды сямейных каштоўнасцяў, фармавання здаровага ладу жыцця і стэрэатыпаў бяспечных паводзінаў.

Конкурс ладзіцца ў межах рэалізацыі дзяржаўнай праграмы прафілактыкі ВІЧ-інфекцыі на 2006–2010 гады і праекта міжнароднай тэхнічнай дапамогі “Прафілактыка і лячэнне ВІЧ/СНІДу ў Рэспубліцы Беларусь”.

Да ўдзелу прымаюцца карэспандэнцыі, інтэрв'ю, рэпартажы, артыкулы, нарысы, падборкі матэрыялаў па асвятленні азначаных тэмаў, размешчаныя ў перыядычным друку з 20 красавіка па 1 снежня 2008 года.

Удзельнікамі могуць стаць рэдакцыі газет і часопісаў, прафесійныя журналісты, пазаштатныя аўтары.
Апошні тэрмін падачы матэрыялаў – да 1 снежня.

Матэрыялы прымаюцца па адрасе: 220030, г.Мінск, вул. Ульлянаўская, 3.

За падрабязнай інфармацыяй звяртайцеся па тэлефонах: 227 42 16, 227 18 24.

Паводле «Кронікі грамадзкага жыцьця Гарадзеншчыны»

Школы зялёнага актывіста – 2008

Грамадскае аб’яднанне “Экадом” запрашае моладзь, зацікаўленую ў экалгічнай тэматыцы, да ўдзелу ў трэнінгах Школы зялёнага актывіста, якія ладзяцца 24–25 мая, 31 мая -1 чэрвеня, 7–8 чэрвеня.

Апошні тэрмін падачы заявак – да 15 мая.

Больш падрабязную інфармацыю можна атрымаць па эл. пошце ecodomik@gmail.com альбо на вэб-пляцоўцы па адрасе: http://www.greenbelarus.info

Паводле «Кронікі грамадзкага жыцьця Гарадзеншчыны»

Міжнародны конкурс для дзяцей з праблемамі слыху

Абвешчаны Міжнародны конкурс выяўленчага мастацтва для дзяцей з праблемамі слыху.

Арганізатары – Фонд садзейнічаньня рэабілітацыі і інтэграцыі асобаў з абмежаванымі магчымасцямі здароўя па слыху “Краіна глухіх” (http://www.deafworld.ru/) і Усеўкраінская арганізацыя жанчын-банкіраў “За гарманічнае развіццё грамадства” http://ladybanker.org.ua/.

Да ўдзелу запрашаюцца дзеці ва ўзросце да 14 год.

На спабор прымаюцца малюнкі і вырабы з любога матэрыяла (вышыўка, арыгамі, пластылін і г.д.), дасланыя па пошце. Па электроннай пошце прымаюцца фотаздымкі вырабаў альбо адсканаваныя малюнкі.

Апошні тэрмін падачы матэрыялаў на спабор – да 15 жніўня.

Вырабы прымаюцца на адрас: 141190, Маскоўская вобл., г.Фразіна, вул.Цэнтральная, д. 27, Фонд “Краіна глухіх” альбо на e-mail: deafkonkurs@inbox.ru
.
Больш падрабязная інфармацыя на вэб-пляцоўцы http://www.deafworld.ru/index.php/article/archive/2747/

Паводле «Кронікі грамадзкага жыцьця Гарадзеншчыны»

Лёс школьнай рэформы і далейшыя шляхі развіцця агульнай сярэдняй адукацыі
Ці застануцца профільныя класы? Ці перагледзяць нагрузку настаўнікам? Што будзе з гімназіямі і ліцэямі?
Адказы на гэтыя і іншыя пытанні чытайце ў артыкулах «Школа: возможны варианты» (Народная газета) і «Белорусских школьников хотят причесать под одну гребенку» (Naviny.by)
Нагадваем, што наступная нарада па рэфармаванні адукацыі прызначана на 14 мая. Але хто адкажа на наступнае пытанне: Чаму не ўлічваецца меркаванне грамадства: бацькоў, вучняў, лепшых педагогаў-прафесіяналаў? У рэшце рэшт, чыноўнікі, як і школа цалкам, ўтрымліваюцца за нашыя падаткі.

Кніжка па анатоміі для малодшых школьнікаў

Настаўнікам пачатковай школы раім звярнуць увагу на кнігу Генадзя Шэршня «Навошта чалавеку галава». У лёгкай для ўспрымання форме аўтар, доктар па прафесіі, распавядае пра дзейнасць цела чалавека, яго органаў і іх сістэм. Матэрыял дапоўнены цікавымі фактамі з гісторыі біялогіі і медыцыны, выкладзены як асобныя аповеды, аб'яднаныя ў тэматычныя раздзелы. Аўтар падводзіць юнага чытача да думкі пра неабоходнасць беражлівага стаўлення да свайго арганізма, а значыць, і здаровага ладу жыцця.

Агляд адукацыйных навінаў

– Міністр адукацыі Аляксандр Радзькоў заявіў журналістам, што школьнікі скончаць навучальны год без якіх-небудзь зменаў, у тым ліку ў вучэбных праграмах і тэрмінах здачы >>>


– На настаўніцкай нарадзе з удзелам першага намесніка аддзела Адміністрацыі Прэзідэнта Анатоля Рубінава абмеркавалі распрацаваную
Міністэрствам адукацыі канцэпцыю аптымізацыі агульнай сярэдняй
адукацыі >>>


– У Віцебску адбылася прэм’ера фільму пра настаўніцу і грамадскую
актывістку Аду Райчонак, пра якую мы пісалі раней у раздзеле «Асоба беларускай адукацыі". Каб паглядзець дакументальны фільм “Галерэя Ады”, у Віцебск з'ехаліся некалькі дзесяткаў гледачоў з усёй вобласці. Героямі фільма сталіся жыхары мястэчка Германавічы, а таксама вядомыя
беларускія мастакі, якія штогод зьязджаюцца на арганізаваныя
спадарыняй Райчонак пленэры.
Землякі Ады Райчонак у фільме жывуць сваім звычыйным жыцьцём, якое
потым увасабляецца ў мастацкіх працах удзельнікаў пленэраў >>>

Набор удзельнікаў у летняй школе ў галіне адукацыйнай палітыкі


Cетка цэнтраў адукацыйнай палітыкі (NEPC) абвяшчае набор узельнікаў
на NEPC Summer School: Даследаванні ў галіне адукацыі, палітыка і практыка (Linking education research, policy and practice). Летняя школа адбудзецца 21–25 ліпеня 2008 году ў Славеніі. У праграме мерапрыемства запланаваныя лекцыі, дыскусіі, трэнінгі і іншыя формы працы.


Да ўдзелу запрашаюцца амбіцыйныя і энэргічныя людзі, якія цікавяцца і займаюцца ажыццяўленнем палітыкі ў галіне адукацыі на любым узроўні.


Падрабязнасці глядзіце на сайце: http://ceps.pef.uni-lj.si/nepcsummerschool2008/.

Паводле рассылкі belngo.info

Міжнародныя трэнінгавая праграма «Правы чалавека і фукцынальныя абмежаванні"


Шведскае Агенцтва па міжнародным супрацоўніцтве і развіццю (Sida) разам са Шведскай няўрадавай арганізацыяй «Асацыяцыя міжнароднай дапамогі інвалідам» (Shia) запрашае да ўдзелу ў міжнароднай трэнінгавай праграме, якая адбудзецца з 20 па 31 кастрычніка 2008 году ў Стакгольме.


Мэтавая група – спецыялісты па правах чалавека і функцыянальным абмежаванням, прадстаўнікі мясцовых альбо нацыянальных арганізацыяў, якія працуюць зь людзьмі з фунцыянальнымі абмежаваннямі, дзяржаўныя ўстановы, службовыя асобы, грамадскія арганізацыі.


Праграма будзе выкладацца на ангелійскай мове, таму ўдзельнікі павінныя мець пэўны ўзровень валодання ёй, што дазволіць ім абмяркоўваць тэхнічныя і прафесійныя пытанні.

Чытаць далей

Паводле рассылкі belngo.info

Новае на сайце

Сцэнары літаратурных вечарын

Прапануем вашай увазе сцэнары вечарын, прысвечаных творчасці Максіма Багдановіча, складзеныя бібліятэкарам Друскай бібліятэкі (Браслаўскі раён) Я. Шпакам і настаўнікам Мінскага прафесійна-тэхнічнага каледжа будаўнікоў В. Герасімовічам.

Спампаваць сцэнар «Нязгаснаю зоркай ты ў небе Радзімы навекі" (doc, 87 КБ)

Спампаваць сцэнар «Незабыўны Максім Багдановіч» (doc, 96 КБ)

Нагадваем, што тэксты сцэнароў школьных мерапрыемстваў, а таксама шмат іншай карыснай інфармацыі Вы можаце знайсці на сайце «З рога ўсяго многа»!

Моладзевая праграма «Першы сярод роўных»

ГА «Адукацыйны цэнтар «ПОСТ» запрашае грамадскія аб'яднанні Беларусі да супрацоўніцтва ў межах лідэрскай моладзевай праграмы 2008 году «Першы сярод роўных».

Праграма накіраваная на падрыхтоўку новых кваліфікаваных кадраў для сектару грамадскіх арганізацыяў – маладых лідэраў, здольных папоўніць шэрагі актывістаў і супрацоўнікаў НДА.


Апошні тэрмін падачы заявак на ўдзел: 15 траўня 2008 году.


Больш падрабязную інфармацыю і форму заяўкі глядзіце ў файлах infoletter.doc і anketa.doc.

Паводле рассылкі belngo.info

Таварыства беларускай мовы звярнулася з просьбай дапамагчы

У сваім звароце сакратарыят ТБМ паведамляе, што «паводле новага Указа Прэзідэнта Рэспублікі Беларусь, з 24 красавіка гэтага года кошт арэнды за сядзібу ТБМ павышаецца ў 10 (!) разоў і дасягне 846,5 еўра ў месяц.»


Нягледзячы на шматлікія звароты грамадзян Беларусі ў Адміністрацыю і Кіраўніцтва справамі Прэзідэнта з просьбай пакінуць для ТБМ ранейшы кошт арэнды, 16 красавіка быў атрыманы адмоўны адказ.


«Для таго каб утрымаць сядзібу арганізацыі ў Мінску ў гэтых умовах, нам неабходна штомесяц збіраць 5 мільёнаў беларускіх рублёў у выглядзе ахвяраванняў і складак сяброў і прыхільнікаў ТБМ. Калі пяць тысяч прыхільнікаў роднай мовы ахвяруюць штомесяц усяго адну тысячу рублёў, наша арганізацыя не загіне і ў каторы раз прадэманструе сённяшняй уладзе сваю годнасць. Імёны асобаў, якія ахвяруюць пасільныя сродкі на выратаванне ТБМ, будуць надрукаваны ў газеце «Наша слова».


Рахунак ГА «ТБМ
імя Францішка Скарыны» №3015212330014
у Гардырэкцыі ААТ «Белінвестбанк», код 764.

Паводле «Народнай волі"

Фотаконкурс “Культурнае жыццё”

«Мінскі блог» запрашае усіх актыўных удзельнікаў культурнага жыцця ЎСІХ гарадоў Беларусі прыняць удзел у фотаконкурсе ”Культурнае жыццё”. Кожны
чалавек выбірае асабіста для сябе, куды пайсці ўвечар і як праводзіць вольны час наогул, з якіх падзей павінна складацца яго культурнае жыццё і ў якіх падзеях ён можа сам актыўна прымаць удзел. Прапануецца распавесці аб тым, як Вы праводзіце свой вольны час, што для Вас азначае словазлучэнне «культурнае жыццё», і можа быць, спадзяючыся на тое, што менавіта Вы зможаце даць дасканалую новую, арыгінальную трактоўку паняццю «культурнага жыцця» і «культурным людзям», пакажыце абсалютна новыя бакі гэтага жыцця, а гэтак жа проста распавядзеце аб тым, што і як адбываецца ў Вашым горадзе ўвесну.

Прыём работ – на адрас culture@n-europe.eu да 7 мая 2008 г. Прыз – 760 старонак з лепшымі фатаграфіямі ХХ стагоддзя ад выдавецтва “Tashen” (на нямецкай мове).

Падрабязна – на http://svetlahorsk.belarda.org/info/abviestki/

Новы грамадскі партал „Сivicportal.org”

У лютым 2008 г. распачаў працу тэматычны грамадскі інтэрнет-партал
www.civicportal.org. Ён створаны з ініцыятывы Польска-амерыканскага Фонду
Свабоды ў рамках праграмы „Трансфармацыя ў рэгіёне – RITA”.

Адміністратарам парталу з’яўляецца Фонд “Асвета для дэмакратыі”, які ў гэтым праекце супрацоўнічае з шэрагам партнёраў у рэгіёне.


Асноўныя мэты парталу – палегчыць супрацоўніцтва паміж арганізацыямі з Польшчы і з-за мяжы, дапамагчы эфектыўна знаходзіць верагодных партнёраў, назапашваць базу дадзеных пра арганізацыі і праекты, абменьвацца досьведам у рэалізацыі праектаў як у Польшчы, так і за мяжой. Асаблівая роля ў дзейнасці парталу надаецца карыстальнікам, якія адначасова супольна ствараюць яго праз размяшчэнне інфармацыі пра сваю дзейнасць.

Больш падрабязная абвестка – на http://svetlahorsk.belarda.org/info/abviestki/

Агляд адукацыйных навінаў

– Шэраг апошніх заяваў чыноўнікаў Міністэрства адукацыі можна аб'яднаць дэвізам «Назад у светлую будучыню». Хоця на адной з нарадаў была дадзеная прапанова-загад на вяртанне да 11-гадовай сістэмы навучання, міністр адукацыі лічыць мэтазгодным завяршыць цыкл 12-гадовай адукацыі. Разам з гэтым разглядаецца пытанне пераходу на 5-бальную сістэму. Варта адзначыць, што вынікі 12-гадовай падрыхтоўкі пакуль што наўрад ці маглі выявіць сабе, бо фактычна гэты «эксперымент» не завершаны. Але ж грозная веліч часоў палётаў у космас застаецца галоўным прыярытэтам у вызначэнні характару адукацыйных рэформаў. Надзвычай адметна тое, што памяншаць тэрмін навучання плануецца за кошт скарачэння летніх вакацыяў на радасць вучням і настаўнікам. Пры гэтым усім міністр адукацыі Аляксандр Радзькоў працягвае ўпарта змагацца за падаўжэнне адпачынку супрацоўнікам адукацыі. У што выльецца такая дыялектычная барацьба супрацьлегласцяў – застаецца толькі здагадвацца


– Школам Полацку даведзены план па аказанні платных паслуг насельніцтву >>>

– Сезон прафесійна-псіхалагічных сумоўяў падыходзіць да заканчэння >>>

«ВІЧ/СНІД: арганізацыя прафілактычнай працы з моладдзю»


Круглы стол, арганізаваны грамадскім аб'яднаннем «Фокус-група» для супрацоўнікаў дзяржаўных устаноў і грамадскіх аб'яднанняў г. Мінска і Мінскай вобласці, адбудзецца 12 мая 2008 году ў клубным пакоі Мінскага міжнароднага адукацыйнага цэнтра імя Ёханнэса Рау (прасп. Газеты «Правда» 11, Мінск).

Час правядзення мерапрыемства: з 10:00 да 12:30. Рэгістрацыя ўдзельнікаў з 9:45.

Чытаць далей

Школа правоў чалавека для выкладчыкаў і моладзі
У межах праграмы Школы ўдзельнікі знаёмяцца з гісторыяй і філасофіяй правоў чалавека, а таксама сродкамі іх абароны на нацыянальным і міжнародным узроўнях.
Выкладчыкамі Школы з’яўляюцца прадстаўнікі вядучых праваабарончых арганізацый Беларусі і іншых краін, вядомыя і аўтарытэтныя спецыялісты ў галіне правоў чалавека і права. Месца правядзення: Літва (Вільня).
Працоўныя мовы: беларуская і руская.
Тэрміны правядзення Школ па правах чалавека для моладзі
Школа 1
29 чэрвеня – 6 ліпеня (заяўкі прымаюцца да 3 чэрвеня)
Школа 2
12 – 19 ліпеня (заяўкі прымаюцца да 15 чэрвеня)
Школа 3
21 – 28 ліпеня (заяўкі прымаюцца да 25 чэрвеня)
Запрашаецца беларуская моладзь, зацікаўленая ў набыцці ведаў у галіне правоў чалавека (узрост: ад 18 да 25 гадоў). Кожная група будзе сфармавана з 18–22 удзельнікаў.
Тэрмін правядзення Школы па правах чалавека для выкладчыкаў :
2 – 10 жніўня (заяўкі прымаюцца да 8 ліпеня) 
Да ўдзелу запрашаюцца выкладчыкі прадметаў гуманітарнага цыклу, правоў чалавека ў школах і сярэдніх спецыяльных навучальных установах (група — 20 чалавек).
Падача заявак на ўдзел
Для ўдзелу ў Школе прэтэндэнт павінен запоўніць рэгістрацыйную форму (для моладзі — moladz ці для выкладчыкаў — vykladchyk) і даслаць не пазней за вызначаны тэрмін (заяўкі, дасланыя пазней за ўказаныя даты, разглядацца не будуць) на адрас: belschool@gmail.com.
Пажадана прадставіць таксама рэкамендацыйны ліст (ад праваабарончай ці іншай грамадзкай арганізацыі, з якой супрацоўнічае прэтэндэнт, з месца працы ці вучобы). Перавага будзе аддавацца ўдзельнікам, якія арыентуюцца ў грамадскай праблематыцы, зацікаўленыя ў атрыманні ведаў у галіне правоў чалавека, якія жадаюць і гатовыя дзейнічаць на карысць іх абароны.
УВАГА:
Не будуць разглядацца заяўкі прэтэндэнтаў, тэрмін дзеяння пашпартоў якіх заканчваецца за ТРЫ МЕСЯЦЫ да даты правядзення адпаведнай Школы.
Удзельнікі будуць выбраныя сярод заяўленых прэтэндэнтаў у выніку конкурсу, які правядзе спецыяльная кваліфікацыйная камісія. Пра вынікі конкурсу на працягу трох дзён пасля завяршэння адбору будуць апавешчаныя ўсе прэтэндэнты. Ад удзельнікаў патрабуецца прысутнасць на ўсіх занятках. Арганізатары пакідаюць за сабой права выключыць удзельніка ў выпадку невыканання ўмоваў удзелу ў Школе.
Удзел у занятках і навучальныя матэрыялы бясплатныя. Арганізатары Школы бяруць на сябе расходы на аплату віз і страхавых полісаў, транспартных выдаткаў (кошт праезду да месца правядзення Школы і назад), пражывання і харчавання ўдзельнікаў. Транспартныя выдаткі, звязаныя з афармленнем віз, кампенсаваныя не будуць.
У выпадку, калі Вы маеце дадатковыя пытанні, звяртайцеся на адрас: belschool@gmail.com
Кантактная асоба: Таццяна Рэвяка

Новае на сайце

Развіццё крытычнага мыслення пры карыстанні інтэрнэт-рэсурсамі

Як навучыць вучняў працаваць з інтэрнэт-старонкамі, крытычна ацэньваючы іх змест? Чаму нам трэба навучыцца адрозніваць «добрыя» сайты ад «дрэнных»? Як планаваць навучанне? Якія ёсць тэхнікі і індыкатары ацэньвання?

Адказы на гэтыя пытанне можна знайсці на старонках кнігі ўкраінскіх аўтараў Н. Вукінай, Н. Дэментыеўскай і І. Сушачанкі «Крытычнае мысленне: як яму навучаць».

Прапануем вашай увазе пераклад фрагментаў гэтай кнігі, прысвечаных першаму этапу фармавання крытычнага мыслення – саманавучанні настаўнікаў крытычнай ацэнцы інтэрнэт-старонак.

Спампаваць пераклад (pdf, 160 КБ)

Праграма навучальных гурткоў для дарослых

Рэсурсная праграма навучальных гурткоў прымае заяўкі на рэалізацыю міні-праектаў.

Праект мусіць складацца як мінімум з трох гурткоў для дарослых, аб’яднаных агульнай ідэяй. Лідэры гурткоў мусяць прайсці адмысловае навучанне (альбо плануюць яго прайсці).

Заяўкі будуць ацэньвацца па наступных крытэрах:

Працяг праекта – ад 3 да 6 месяцаў.

Праект мусіць скончыцца да канца 2008 года.

Асноўным механізмам працы і дасягненьня мэтаў міні-праектаў з’яўляецца метад навучальнага гуртка.

Форму заяўкі можна знайсці на вэб-пляцоўцы па адрасе http://www.hurtki.info

За падрабязнай інфармацыяй звяртайцеся да каардынатара праграмы па Гродненскай і Брэсцкай абласцях: тэл. 029 288 28 22 (Ігар), эл.пошта prysak2000@mail.ru

Паводле «Кронікі грамадзкага жыцьця Гарадзеншчыны»

Беларуска-нямецкі праект

Гродненскае грамадскае аб'яднанне «Цэнтр «Трэці сектар» у партнерстве з Евангелічнай акадэміяй федэральнай зямлі Мэкленбург-Пярэдняя Памяранія (г. Ростак) і Евангелічнай акадэміяй федэральнай зямлі Саксонія-Анхальт (г. Вітэнберг) распачынаюць праект “Беларусь – адкрыццё штодзённасці”.

Да ўдзелу з беларускага боку запрашаюцца хлопцы і дзяўчаты ва ўзросце ад 18 да 25 гадоў з дастатковым узроўнем валодання англійскай альбо нямецкай мовай, цікаўнасцю да журналістыкі.

Праект закліканы спрыяць пашырэнню беларуска-нямецкіх стасункаў, змагацца са стэрэатыпамі, дапамагаць стварэнню аб’ектыўнай карціны Беларусі ў Германіі і рэалістычнага бачання Германіі ў Беларусі.

У межах праекта адбудуцца сустрэчы з цікавымі людзьмі розных прафесій, майстар-класы па журналістыцы, фатаграфіі, відэаздымцы.

Этапы рэалізацыі праекта:

– Гродна – 20–28 ліпеня.

– Германія – лета 2009 году.

Па выніках праекта будзе створана перасоўная фотавыстава і фільм пра людзей Беларусі і Германіі, якія будуць прэзентавацца грамадскасці абедзвюх краінаў.

Апошні тэрмін падачы заявак – да 25 мая.

За больш падрабязнай інфармацыяй звяртайцеся да каардынатаркі праекта Інгі Сакуты: тэл. 029 587 43 90, эл. пошта milovita@gmail.com

Паводле «Кронікі грамадзкага жыцьця Гарадзеншчыны»

«На Вялікдзень – свята дзецям!»

Гродненскія грамадскія арганізацыі і інтэрнэт-грамадства Гродна ладзяць акцыю дапамогі вучням Парэчанскай школы-інтэрната для дзяцей-сірот і дзяцей без бацькоўскай апекі.

У школе жывуць і навучаюцца 129 дзетак ва ўзросце ад 3 да 18 гадоў з асаблівасцямі разумовага развіцьця. Ім найбольш патрэбныя:

– Памперсы дзіцячыя розных памераў

– Пракладкі гігіенічныя

– Сродкі для мыцця бялізны айчыннай вытворчасці

– Папера для прыбіральні

– Шампунь, мыла, зубная паста айчыннай вытворчасці

– Сшыткі звычайныя, альбомы для малявання, асадкі звычайныя

– Абутак розны ў добрым стане розных памераў па 44-ы ўключна, сланцы, хатні абутак.

– Курткі розныя (цёплыя, вятроўкі, джуты) розных памераў для дзетак ад 10 год і старэйшых

– Дыскі DVD з дзіцячымі фільмамі, настольныя гульні, канструктары, мячы, фітболы.

– Клей ПВА ў малой расфасоўцы

– Камплекты аднаразовага посуду, камплекты пасцельнай бялізны

Усе, хто пажадае далучыцца да акцыі, звяртайцеся па тэл. 74–44–28, Таварыства Беларускай школы, альбо прыходзьце: Будзёнага 48а-44.

Паводле «Кронікі грамадзкага жыцьця Гарадзеншчыны»

Агляд адукацыйных навінаў

– Цэнтралізаванае тэставанне будзе каштаваць 10 тысяч рублёў за кожны прадмет. Савет Мiнiстраў зацвердзіў парадак спагнання платы за прыём i афармленне дакументаў для ўдзелу абiтурыентаў у цэнтралiзаваным тэставанні >>>

– У шэрагу школаў Беларусі малодшых школьнікаў прымалі ў акцябраты
>>>

– Пунктамі правядзення цэнтралізаванага тэставання ў Беларусі вызначаныя 73 вучэбных установы, як паведаміў дырэктар Рэспубліканскага інстытута кантролю ведаў >>>

– У Вялікабрытаніі бастуюць настаўнікі, незадаволеныя сваімі заробкамі: 68 тысяч даляраў у год >>>

– Свой погляд «знутры» на прафесійна-псіхалагічнае сумоўе прапануюць журналісты «Белорусских новостей» >>>

Школьная рэформа і паранены салдат

Нарады ў прэзідэнта па школьнай 12-годцы чакалі з пачатку года. Было зразумела, што менавіта на ім і вырашыцца лёс школьнай рэформы, пачатай 10 гадоў назад. Супернікі 12-гадовага навучання ў школе размясціліся бліжэй да прэзідэнта, у яго адміністрацыі. Усе гэтыя месяцы адстойваць гэткі доўгі, па меркаванні шматлікіх высокапастаўленых службоўцаў, тэрмін вучобы спрабавала толькі Міністэрства адукацыі.


Чытаце поўны рэпартаж тут.


Між іншым, заслугоўвае асаблівай увагі дыскусія наконт сучаснай праграмы і тлумачэння правіл рускай мовы паміж беларускім прэзідэнтам і старшынёй Брэсцкага аблвыканкаму Канстанціна Сумара. Тыя, хто мае даволі «хуткі інтэрнэт», могуць паглядзець відэа, а са сценаграмай дыялогу можна пазнаёміцца тут.

Сваё меркаванне наконт школьнай рэформы выказалі незалежным СМІ Лявон Баршчэўскі і Алесь Лозка.

Тры лісты пра ідэалогію
Паводле «Нашай Нівы»
«Дарагія мае паплечнікі на фронце ідэалягічнае барацьбы, калі ласка, не абражайце Галіну Іванаўну (Юрцэвіч Галіне Іванаўна – дырэктар СШ №185). Я хацеў бы падыскутаваць зь ёю наконт ідэалягічных праблемаў, але яна ўхіляецца. Мо хтосьці з адэптаў дзяржаўнае ідэалёгіі яе падменіць?
Настаўнік скульптуры Лойка Генадзь Станіслававіч Гэнік Лойка
Чытаць далей

Новая кніга аб Светлагоршчыне

Упершыню ў Беларусі рыхтуецца да выдання краязнаўчая кніга ў жанры пытанняў і адказаў – аб Светлагорскім раёне (Гомельская вобласць). Ці былі на тэрыторыі раёна гарады з магдэбургскім правам? Дзе ў раёне знайшлі першую нафту? Ці ўсталёўвалі мясцовыя спартоўцы сусветныя рэкорды? У кнізе «Светлагоршчына ў пытаньнях і адказах» будуць змешчаныя неверагодныя факты, аповяды аб славутых земляках і шмат іншых матэрыялаў. Выданне будзе карыснае ўсім, хто цікавіцца фактамі з мінулага і сучаснага жыцьця Беларусі. Кнігу можна скарыстаць як дапаможнік для вывучэньня рэгіёна, арганізацыі інтэлектуальных гульняў і г. д. Аўтар – журналіст, краязнаўца Віктар Раманцоў, які збіраў для яе матэрыял на працягу 20 гадоў. Кніга будзе выдадзеная ў 2009 – 10 гг. і прысвячаецца 450-годдзю Шацілак (з 1961 г. – Светлагорск).


Зрабіць папярэдні заказ на кнігу можна па эл. адрасе: svetlahorsk100@mail.ru; падрабязная абвестка – на http://svetlahorsk.belarda.org/info/abviestki/

Паводле рассылкі belngo.info

Міжнародная канферэнцыя «Сацыяльныя тэхналогіі для ўстойлівага развіцця мясцовых супольнасцяў"

Канферэнцыя адбудзецца 22–23 мая 2008 году ў Мінскім міжнародным адукацыйным цэнтры імя Й. Раў, па адрасе: вул. Газеты «Праўды», 11.


На канферэнцыі будуць прадстаўленыя вынікі двух праектаў ГА «Беларуская асацыяцыя сацыяльных работнікаў", рэалізаваных у 2006–2008 гадах сумесна з калегамі з Германіі на базе сямі ТЦСОН Мінскай вобласці.


Апошні тэрмін падачы заявак: 11 мая 2008 году.


Падрабязную інфармацыю аб канферэнцыі, праграму і форму заяўкі глядзіце ў файлах: InformPismo.doc, Program_22–23may.doc і ZayavkaUchastnika.doc.

Паводле рассылкі belngo.info

Навучанне ў вышэйшай школе права ў Рызе

Рыжская Вышэйшая Школа Права абвяшчае набор на 2008–2009 гг. на спецыяльнасць «Міжнароднае публічнае права». Праграма прадугледжвае атрыманне стыпендыі на навучанне, вандроўкі і непрадбачаныя выдаткі на адукацыю. Заняткі пачынаюцца з 15 верасня. Перавага будзе аддавацца кандыдатам, якія па сканчэнні праграмы жадалі б працаваць у галіне правоў чалавека і публічнага права.


Апошні тэрмін падачы заявак: 9 чэрвеня 2008 году.


Дадатковую інфармацыю па-англійску глядзіце тут.

Паводле рассылкі belngo.info

Конкурс грантаў «Падтрымка грамадскіх ініцыятываў у Мінску і Мінскай вобласці”

Мэта конкурсу: cтымуляванне грамадскай актыўнасці на лакальным ўзроўні.

Да ўдзелу запрашаюцца арганiзацыi і iнiцыятывы Мінску і Мінскай вобласцi.

Апошні тэрмін падачы заявак: 25 мая 2008 году.


Падрабязная інфармацыя аб конкурсе знаходзіцца тут.

Паводле рассылкі belngo.info

Агляд адукацыйных навінаў


– Пераход да 12‑гадовага школьнага навучання — адно з самых вострых пытанняў развіцця адукацыйнай сыстэмы, лічыць Аляксандр Лукашэнка >>>

– Сёлета ў беларускія ВНУ плануецца прыняць 81,5 тыс. чалавек>>>

– Школьнікі Полацка і Наваполацка за выдатныя адзнакі могуць атрымаць камп'ютэр >>>

– На сайце «Белорусские новости» размешчаны фотарэпартаж з дэманстрацыі адзення для школьнікаў у рамках XXII міжнароднай выставы-кірмашу па аптовым продажы тавараў лёгкай і тэкстыльнай прамысловасці >>>

– Механіка-матэматычны факультэт Белдзяржуніверсітэта з 15 красавіка па 15 мая ўпершыню ў Беларусі праводзіць дыстанцыйную алімпіяду па Web-праграмаванні і канферэнцыю WEBPROG-08. >>>

«Куток настаўніка» №9

У новым выпуску бюлетэня можна знайсці інфармацыю пра адукацыйныя праграмы для жанчын, лідэрскую праграму «Першы сярод роўных», ГА «Чазенія», інтэрв'ю з настаўніцай нямецкай мовы і псіхалогіі Гамбургскай гімназіі Ізабэлай Шурман і іншыя цікавыя матэрыялы

Спампаваць бюлетэнь (pdf, 875 КБ)

Усе папярэднія нумары размешчаныя на сайце www.centerpost.org.

Конкурс дзіцячых малюнкаў на тэму гендэрнай роўнасці

Еўрапейская Камісія надае значную ўвагу падтрымцы захадаў, накіраваных на ўзмацненне гендэрнай роўнасці (у тым ліку ў паводзінах хлопцаў і дзяўчын) і фармаванню негатыўных адносін да гвалту супраць дзяўчын і жанчын. Летась у якасці працягу праграмы інфармавання моладзі пра гендэрныя пытанні і з нагоды мінулагодняга Міжнароднага жаночага дня ды пяцідзесяцігоддзя Рымскіх дамоваў, Еўрапейская Камісія заснавала конкурс малюнкаў па бачанню дзецьмі – будучымі дарослымі – роўнасці паміж мужчынамі і жанчынамі. Зважаючы на поспех папярэдняга конкурсу і вялікую зацікаўленасць школьнікаў у гэтым мерапрыемстве, а таксама з нагоды сёлетняга Дня жанчын, Еўракамісія прыняла рашэнне аб правядзенні ў 2008 годзе новага творчага спаборніцтва на тэму роўнасці абодвух палоў. Удзел дзяцей у дадзеным мерапрыемстве стане сведчаннем таленту, энтузіязму ды замацавання панятку “гендэр” у свядомасці дзяцей ва ўзросце ад 8 да 10 гадоў.

Чытаць далей

Семінар у Германіі для прадстаўнікоў беларускіх школ

Нямецкая служба педагагічных абменаў сумесна з Фондам “Сустрэчы Усход-Захад” прапануе беларуска-германскія і украінска-германскія школьныя партнёрскія сувязі ды рыхтуе візіты для прадстаўнікоў беларускіх устаноў адукацыі.

Прадстаўнікі зацікаўленых беларускіх школ запрашаюцца да ўдзелу ў кантактным семінары ў Берліне 8–15 лістапада 2008 года.

Візіт будзе складацца з двух частак:
9–11 лістапада – семінары-сустрэчы для беларускіх і ўкраінскіх удзельнікаў,
12–14 лістапада – сустрэчы беларускіх груп (вучняў і настаўнікаў) з магчымымі партнёрамі з ФРГ (прадстаўнікамі германскіх школ), абмеркаванне супольных праектаў.
Усе выдаткі – за кошт арганізатараў.
Апошні тэрмін падачы заявак на ўдзел – да 10 мая.

Падрабязная інфармацыя аб крытэрах адбору ўдзельнікаў, форма заяўкі і апісанне праграмы – на web-пляцоўках: www.kmk.org/pad/home.htm, www.stiftung-woeb.de.

З пытаннямі, калі ласка, звяртайцеся да каардынатаркі Галіны Верамейчык.

Тэлефон/факс: + 375 17 200 31 82,

тэлефоны: +375 29 408 07 17, +375 29 151 9397
Электронная пошта: weremejtschik@ibb.by.

Паводле gender.do.am

Сайт «Школьная фізіка для настаўнікаў і вучняў"

Сайт створаны настаўнікам Магілёўскага абласнога ліцэя №1 А. Саковічам.

Асноўныя напрамкі матэрыялаў сайту:

* тэорыя, задачы, развязванні;

* рознаўзроўневы дыдактычны матэрыял 9–11 класа;

* методыка, тэхналогіі навучання, дыдактычныя сістэмы;

* электронныя бібліятэкі;

* даведкавы матэрыял, вышэйшыя вучэбныя ўстановы;

* артыкулы часопіса «Фiзiка: праблемы выкладання» (ФПВ);

* спасылкі на сайты па фізіцы, педагогіцы, псіхалогіі;

Таксама на сайце рэгулярна размяшчаюцца адукацыйныя навіны.

Адрас сайта – http://www.alsak.ru/

Конкурс на самы цікавы слоган для сайта ADUKACYJA.INFO


Сайт adukacyja.info чакае прапановы cлогана для змяшчэння яго на стартавую старонку адноўленай вэрсіі adukacyja.info.


Дасылайце свае ідэі на скрынку adukacyja@gmail.com да 25 красавіка.

Пераможцу дастанецца курс Longman для падрыхтоўцы да TOEFL альбо любая іншая цікавая яму кніжка з сярод 50 іншых, а ягоны слоган-пераможца з’явіцца на стартавай старонцы adukacyja.info. Аўтары яшчэ трох цікавых ідэяў атрымаюць зніжкавыя cупэр карткі для моладзі Euro<26.

Паводле рассылкі belngo.info

Летнік «Давер нараджае адказнасць-2008»


У ліпені Міжнароднае грамадскае аб’яднанне “Разуменне” ладзіць 15-дзённы летнік “Давер нараджае адказнасць”.


Прыярытэт пры вызначэнні ўдзельнікаў аддаецца падлеткам-трэнерам і валанцёрам, якія найбольш актыўна праявілі сябе ў мінулым годзе. Найбольш пажаданымі ўдзельнікамі стануць таксама дзеці з любых форм прыёмных сем’яў разам з роднымі дзецьмі прыёмных бацькоў.


За больш падрабязнай інфармацыяй звяртайцеся да дырэктаркі МГА “Разуменне” Ірыны Мікалаеўны Дзятко па телефоне (017) 2594883 (з 14 да 17 гадзін у працоўныя дні), а таксама па мабільным тэлефоне +375–29–2528960.

Паводле «Кронікі грамадзкага жыцьця Гарадзеншчыны»

Круглы стол па канцэпцыі грамадзянскай адукацыі

Грамадскае аб’яднаньне “Цэнтр сацыяльных інавацый” і праектная група Агенства гуманітарных тэхналогій запрашаюць да ўдзелу ў круглым стале “Канцэпцыя грамадзянскай адукацыі. Беларусь, пачатак XXI стагоддзя” 29 красавіка.


Прапануецца дыскусія ў наступных накірунках:


– Соцыякультурны кантэкст развіцьця грамадзянскай адукацыі ў Беларусі;


– Канцэпцыя грамадзянскай адукацыі ў Беларусі: навуковыя, педагагічныя і дыдактычныя асьпекты трансляцыі і рэалізацыі.


– Суб’екты грамадзянскай адукацыі: канкурэнцыя альбо супрацоўніцтва.


Магчымыя формы ўдзелу:


* выступ з дакладам 5–7 хвілін;

* удзел у дыскусіі.

Круглы стол ладзіцца па адрасе: пас. Калодзішчы, вул. Мінская, 5 (Інкубатар малога прадпрымальніцтва). Пачатак а 10-ай гадзіне.


Апошні тэрмін рэгістрацыі – 25 красавіка.

Для рэгістрацыі неабходна запоўніць заяўку ўдзельніка на вэб-старонцы www.methodology.by і даслаць ў аргкамітэт. За больш падрабязнай інфармацыяй звяртайцеся на е-mail: civileducation1@gmail.com, факс +375 17 2840709, тэл +375 29 7422040.

Паводле «Кронікі грамадзкага жыцьця Гарадзеншчыны»

Дыскусія на тэму незалежнай культуры ў Беларусі

Дыскусія “Незалежная культура ў сучаснай Беларусі” ладзіцца ў Міжнародным адукацыйным цэнтры (Мінск) 13 красавіка.


Ці можа незалежная культура быць камерцыйнай і наколькі? Ці прыносіць
незалежная творчасьць акрамя “духоўнай ежы” яшчэ і матэрыяльную? Наколькі спрыяюць гэтаму беларускія эканамічныя і сацыяльныя ўмовы? А як выглядае сітуацыя ў іншых краінах? На гэтыя і іншыя пытанні адкажуць прадстаўнікі незалежнай беларускай культуры Артур Клінаў, Святлана Бень (“Серебряная свадьба”), Улад Бубен, Лёня Паўленак (Нагуаль) а таксама нямецкі музычны мэнэджэр Mirko Sennewald.


Мерапрыемства распачнецца ў 14 гадзін у Міжнародным адукацыйным цэнтры (IBB): праспект газеты “Праўда”, 11.


Для ўдзелу ў мерапрыемстве неабходна запоўніць заяўку ўдзельніка і даслаць яе па адрасе: liberalclub2008@gmail.com


Заяўка на ўдзел у дыскусіі:


1.Імя, прозвішча

2.Месца навучаньня/працы

3.Тэлефон, е-mail:

За дадатковай інфармацыяй зьвяртайцеся па тэлефонах: 7228771(МТС) – Ульляна, 2552362.


Паводле «Кронікі грамадзкага жыцьця Гарадзеншчыны»

Аудыёкнігі на беларускай мове

Прэзентацыю серыі аудыёкніг на беларускай мове таварыства “БелТонМедыя” ладзіць ў Гродне 13 красавіка.


Гарадзенцам будуць прадстаўленыя наступныя кнігі: Дж.Оруэл: “1984”, “Ферма”; У.Арлоў: “Адкуль наш род”, “Час чумы”, “150 пытанняў і адказаў з гісторыі Беларусі”; І.Мележ “Людзі на балоце”; Г.Х.Андэрсэн “Дзікія лебедзі”.


Удзел у прэзентацыі возьме рэжысэр Валер Мазынскі.


Мерапрыемства адбудзецца ў памяшканні Таварыства Беларускай школы.


Пачатак – у 14 гадзін.


Паводле «Кронікі грамадзскага жыцьця Гарадзеншчыны»

Дабрачынная акцыя дапамогі дзецям-інвалідам

Грамадскі дабрачынны канцэрт-акцыя ладзіцца 20 красавіка ў Гродне ў гарадскім доме культуры.


Акцыя накіраваная на дапамогу дзецям з абмежаванымі магчымасцямі і пройдзе пад лозунгам: “Зрабі падарунак таму, хто найбольш яго чакае…”


Для ўдзелу ў акцыі неабходна:


* патэлефанаваць на кантактныя тэлефоны – даведацца, каму і як зможаш дапамагчы;

* набыць падарунак і прынесці яго на канцэрт 20 красавіка;

* можна асабіста ўручыць падарунак альбо перадаць яго арганізатарам;

* можна зрабіць супольны падарунак: ад фірмы, арганізацыі, разам з сябрамі, разам з суседзямі, ад усяго класа.


Кантакты: pngrodno@gmail.com, тэлефоны 585 87 66 (Алена), 786 81 17 (Юлія).

Паводле «Кронікі грамадзкага жыцьця Гарадзеншчыны»

Трэнінг «Змены мясцовыя – супрацоўніцтва інтэрнацыянальнае»


9–15 чэрвеня ў Польшчы адбудзецца трэнінг для дасведчаных па працы з моладзьдзю спецыялістаў, скіраваны на ўзмацненне міжнароднага моладзевага супрацоўніцтва па Праграме «Моладзь у дзеянні".


Апошні тэрмін падачы заявак: 14 красавіка 2008 году.


Падрабязную інфармацыю глядзіце тут альбо на сайце http://www.salto-youth.net/changing/


Паводле рассылкі belngo.info

Прэзентацыя кнігі і сайта Леаніда Маракова

16 красавіка ў Мінску па адрасе пр. Машэрава, 8 (былая – Варвашэні) — тры падзеі. Святкаваньне 50‑годдзя Леаніда Маракова, прэзентацыя сайту www.marakou.by, а таксама прэзентацыя яго новай кнігі апавяданняў «Сшытак забітага кантрабандыста».

Пачатак у 18.00

Паводле Нашай Нівы

Агляд адукацыйных навінаў

– Рэклама адзінай у Магілёве беларускамоўнай групы дзіцячага садка №81 з'явілася на старонках газеты Магілёўскага гарвыканкаму “Веснік Магілёва”. Нататку пра групу “Дзецям у падарунак матчына мова” журналісты дзяржаўнага выдання размясцілі на апошняй шаснаццатай старонцы ў рубрыцы “Под занавес”. Побач з рэкламнай нататкай прыватныя абвесткі, крыжаванкі, показкі ды гараскоп >>>

– Міністэрства адукацыі і карпарацыя Microsoft плануюць падпісаць мемарандум аб супрацоўніцтве >>>

– Як заявіў намеснік начальніка ўпраўлення вышэйшай і сярэдняй спецыяльнай адукацыі Эдуард Шаўцоў 8 красавіка ў Мінску, у Беларусі сфармаваная сістэма двухступеневай вышэйшай адукацыі >>>

– Выпускныя экзамены за курс агульнаадукацыйнай школы сёлета пройдуць з 26 мая па 6 чэрвеня. Пра гэта паведаміла на прэс-канферэнцыі 9 красавіка начальнік упраўлення адукацыі камітэта па адукацыі Мінгарвыканкаму Зоя Хахлова. Па яе словах, сёлета вучэбны год для навучэнцаў усіх класаў завяршаецца 24 мая >>>

– Аналаг міжнароднай арганізацыі ESRB (Entertainment Software Rating Board), якая накладае ўзроставыя абмежаванні на камп'ютэрныя гульні і пазнавальны софт, з'явіцца ў Беларусі з падачы Міністэрства адукацыі, якое мае намер уважліва сачыць за зместам і якасцю гульнёвага кантэнту >>>

Настаўнік.info №4

Інфармацыйна-метадычны бюлетэнь для настаўнікаў №4 красавік 2008
Кароткі змест бюлетэня:
- Грамадскія арганізацыі дапамагаюць настаўніку
- Асоба ў адукацыі. ЛЯВОН БАРШЧЭЎСКІ: Філолаг я паводле прафесіі, палітык – паводле неабходнасці, а настаўнік – паводле паклікання”
- Рыхтуемся да лета АДПАЧЫНАК З КАРЫСЦЮ ДЛЯ ГРАМАДСТВА
- Навіны адукацыі, конкурсы, праграмы, праекты
Бюлетэнь цалкам можна спампаваць тут (PDF, 370 kB)

Першы дзень сумоўяў: рэпартаж nastaunik.info

У суботу, 5 красавіка, распачалася першая ў гісторыі беларускай адукацыі серыя прафесійна-псіхалагічных сумоўяў, без якіх цяпер немагчыма будзе паступаць на спецыяльнасці «дзяржаўнае кіраванне», «дзяржаўнае кіраванне і права», «дзяржаўнае кіраванне і эканоміка», «міжнародныя адносіны», «міжнароднае права», «правазнаўства», «эканамічнае права», «мытная справа», «журналістыка», «міжнародная журналістыка». У тых гутарках, што былі прызначаныя на 5 красавіка, прыняла ўдзел больш за тысячу чалавек. Па кожнай спецыяльнасці працавала некалькі камісій, кожная з якіх прымала па 20–30 чалавек.


Чытайце далей

Новае на сайце

Гульні для дзетак на ўроках біялогіі і прыродазнаўства

У заархіваваным выглядзе Вы знойдзеце падрабязна распісаныя сцэнары розных гульняў і заданняў, якія можна выкарыстаць пад час адпаведных урокаў, і, асабліва, пасля іх, у гуртках і на факультатыўных занятках. Іх змест звязаны з чатырма відамі птушак – пасланак вясны. Але ідэі гульняў і заняткаў можна выкарыстаць і для іншых школьных і пазашкольных мерапрыемстваў, калі Вы хочаце інтэрактыўнасці – г.з. актыўнага ўдзелу вучняў у праводзімых занятках і гульнях, іх больш глыбокага знаёмства паміж сабой і з прадметам навучання – у нашым выпадку з птушкамі навокал нас.

Спампаваць сцэнары (rar, 525 КБ)

У дадатак да гэтага дапаможніка можна выкарыстоўваць камплект простых малюнкаў для больш паспяховага правядзення гульняў

Спампаваць ілюстрацыі (pdf, 2,8 МБ)

Паводле сайта дзіцячай прыродазнаўчай ініцыятывы «Жывая вясна»

Сайт Леаніда Маракова, прысвечаны бальшавіцкім рэпрэсіям

Пачаў працу ўнікальны інтэрнет‑сайт «Даведнiкi пiсьменнiка, гiсторыка, энцыклапедыста Леанiда Маракова «Рэпрэсаваныя грамадскiя i культурныя дзеячы Беларусi» — marakou.by.


У інтэрв’ю БелаПАН Л.Маракоў адзначыў, што на сайце размешчаны падрыхтаваныя ім «даведнікі з біяграфіямі нашых продкаў — пакутнікаў, расcтраляных або закатаваных у турмах НКВД, і тых нямногіх, што пакалечанымі вырваліся з ленінска‑сталінскіх канцлагераў». Сярод сабраных і прадстаўленых біяграфіяў – 4 тыс. настаўнікаў.

Цяпер настаўнікі маюць магчымасць непасрэдна пазнаёміць вучнямі са многімі біяграфіямі выдатных дзеячоў беларускай адукацыі і культуры, зактаваных бальшавікамі.

Паводле БелаПАН.

Прафесіяналы супраць ідэолагаў.
Беларускія настаўнікі выказалі адкрытую нязгоду з пазіцыяй галоўнага ідэолага Рубінава. 4 красавіка 2008 г. на сайце міністэрства адукацыі з'явіўся ліст настаўнікаў пад назвай «Пачуйце настаўніка», які пачынаецца наступнымі словамі: " Артыкул А.Рубінава “Педагагічны сверб рэфарматарства” (“СБ. Беларусь сегодня", 6 сакавіка 2008 г) выклікаў вялікі рэзананс у настаўніцкім асяроддзі. Адзін толькі загаловак сцебануў сваёй іранічнасцю, безапеляцыйнасцю і акадэмічнай самаўпэўненасцю."
У лісце, у прыватнасці, зазначаецца: «Пераход да 12–гадовай сярэдняй адукацыі адпавядае сусветным падыходам і з'яўляецца лагічна абгрунтаваным этапам развіцця сістэмы адукацыі ў Рэспубліцы Беларусь.»
Бароняць прафесіяналы і профільнае навучанне: «Пераход старэйшай школы на профільнае навучанне, на наш погляд, з'яўляецца прагрэсіўным крокам у развіцці адукацыі краіны. І няслушна, што профільнае навучанне “панізіць узровень сярэдняй адукацыі". Вучні, якія будуць навучацца ў старэйшай школе, атрымаюць поўны аб'ём ведаў па ўсіх базавых прадметах і дадатковыя веды па профільных. І найважнейшае: профільнае навучанне дазваляе ім самавызначыцца ў выбары прафесійнай будучыні. Пры гэтым прадугледжаная магчымасць змены профіля..">>>

Конкурс інфармацыйна – адукацыйных летніх праектаў

Конкурс накіраваны на падтрымку адукацыйнай і інфармацыйнай дзейнасці педагогаў і адукатараў у летні перыяд.


Праекты могуць быць выкананы ў розных формах, такіх, як праца у летніках, сустрэчы, трэнінгі для навучэнцаў, калегаў, мясцовых жыхароў, падрыхтоўка і выпуск актуальных інфармацыйных матэрыялаў для пэўных сацыяльных груп і г.д. Вітаюцца праекты, досвед якіх можа быць распаўсюджаны на рэгіянальным і нацыянальным узроўні, якія накiраваныя на грамадзянскую адукацыю, развіццё крытычнага мыслення дзяцей, моладзі, педагогаў, бацькоў, мясцовага насельніцтва, якія пашыраюць дэмакратычныя каштоўнасці незалежнай беларускай дзяржавы.

Да ўдзелу ў конкурсе запрашаюцца настаўнікі, выкладчыкі вышэйшых і сярэдніх спецыяльных установаў, выхавальнікі, бацькі, асобы і грамадскія арганiзацыі, якія працуюць ў сферы фармальнай і нефармальнай адукацыі.

Умовы конкурса:

– праект можа быць выкананы ад даты абвяшчэння вынікаў конкурса да верасня 2008 года ўключна;

– cправаздача па праекце павінна быць здадзена не пазней за 30 верасня 2008 года;

– максімальны бюджэт праекта 500 $;

– перавага будзе аддавацца малабюджэтным праектам;

– для ўдзелу ў конкурсе патрэбна запоўніць анкету-заяўку (глядзіце ніжэй) і даслаць яе на электронны адрас kupalinka2008@gmail.com да панядзелка 5 мая 2008 года*!

– як правіла, не падтрымліваюцца адміністрацыйныя выдаткі, закупка тэхнікі.

* Пра вынікі конкурсa будзе паведамлена да канца мая.


Заяўку на ўдзел можна спампаваць тут.

Сайт наваградскага клуба «Беларускае кола»
«Мы – сябры Клуба – дарослыя і дзеці. Мы аб’ядналіся, каб вывучаць і адраджаць гістарычнае мінулае Бацькаўшчыны. Мы – частка грамадства і хочам быць актыўнымі грамадзянамі сваёй Радзімы». На сайце клуба, створанага наваградскімі настаўнікамі і вучнямі, можна знайсці шмат цікавай і карыснай інфармацыі аб выдатных асобах Беларусі, гісторыі Беларускай Народнай Рэспублікі і інш. Матэрыял прадстаўлены ў кампактным і вельмі зручным для ўспрымання і прэзентацыі выглядзе.
Адрас сайта – http://belkola-org.na.by/

Паездкі ў Чэхію для прадстаўнікоў грамадскага сектара

Міжнароднае грамадскае аб'яднанне «Грамадзянская Беларусь» у 2008 годзе будзе праводзіць серыю адукацыйных паездак у Чэшскую Рэспубліку.


Аб'яднанне «Грамадзянская Беларусь» было заснавана ў Празе ў 2004 году з мэтай падтрымкі грамадзянскіх ініцыятыў і развіцці грамадзянскай супольнасці ў Беларусі. Дзейнасць аб'яднання будуецца на ўзаемным супрацоўніцтве беларускіх грамадскіх арганізацый з чэшскімі партнёрамі, развіццё кантактаў і сумесных праектаў, а гэтак жа на перадачы чэшскага досведу грамадскай і палітычнай трансфармацыі.


Чытаць далей

Дзень Адчыненых Дзвярэй Амерыканскага Цэнтра ў Гомелі

25 красавіка 2008 году ў 17.00 у Гомелі адбудзецца «Дзень Адчыненых Дзвярэй Амерыканскага Цэнтра: праекты, магчымасці, кірункі дзейнасці" па адрасе: праспект Леніна, 3, комн. 508. Просім падцвердзіць свой удзел па e-mail: gomel@amcenter.by

Паводле Amcenter.by

Конкурс праектаў “Развіццё грамадзянскай супольнасці і ўсведамлення аб правах чалавека ў рэгіёнах Беларусі”

Чэшская няўрадавая арганізацыя “Чалавек у нядолі” праводзіць конкурс праектаў на міні-гранты па праграме “Развіццё грамадзянскай супольнасці і ўсведамлення аб правах чалавека ў рэгіёнах Беларусі”.

Мэтамі праграмы з'яўляюцца: актывізацыя грамадскай дзейнасці ў рэгіёнах, далучэнне новых людзей да грамадскай дзейнасці, пашырэнне праваабарончых каштоўнасцяў. Асаблівая ўвага будзе звяртацца на арыгінальнасць і навізну праектаў. Удзельнічаць у конкурсе могуць няўрадавыя арганізацыі, інцыятыўныя групы і нефармальныя аб’яднанні.

Падрабязная абвестка і форма праекту – знаходзяцца тут

Тэрмін падачы заявак – да 17 красавіка 2008 г.

Агляд адукацыйных навінаў

– У новым навучальным годзе ў беларускіх школах з'явіцца дадатковы ўрок — «Гадзіна футболу» >>>

– У Беларусі створаць рэйтынг школ і ўніверсітэтаў >>>

– Навучэнцы 1—12-х класаў у 2008—2009 вучэбным годзе заплацяць за карыстанне падручнікамі 50% іх кошту >>>

– Палата прадстаўнікоў прыняла дадаткі ў законы аб вышэйшай адукацыі >>>

Летняя школа па культурных вымярэннях

Студэнты і аспіранты рознага профілю навучання запрашаюцца да падачы заявак на ўдзел у Летняй школе па культурных вымярэннях палітыкі ў Еўропе 2008, якая арганізоўваецца Пражскім цэнтрам публічнай палітыкі і мае адбыцца з 2 па 9 ліпеня 2008 году ў Празе, Чэхія. Праграма накіраваная на больш шчыльны разгляд культурных вымярэнняў палітычных інстытуцыяў і палітычнага працэсу ў Эўропе (напр., фармаванне палітычнага курсу, палітычная камунікацыя, міграцыя і грамадзянства ЕС). Мова школы – англійская.


Апошні трэмін падачы заявак: 30 красавіка 2008 году.


Падрабязнасьці праз е-mail: clp@cpvp.cz альбо на сайце: http://www.cdpe.cpvp.cz

Паводле рассылкі belngo.info

Хатняе навучанне, альбо ці варта вадзіць свайго дзіцёнка ў школу

Артыкул Вольгі Куўшынавай паводле http://wgcre.net/
“Калісці непісьменнымі былі тыя, хто не хадзіў у школу – зараз акурат наадварот”.
Французскі навэліст Поль Ґу

Калі я стала маці, я вырашыла, што падару свайму дзіцёнку самае галоўнае – дзяцінства. Іншымі словамі, не буду ламаць ягоную натуру. Не буду прымушаць стаяць, калі хочацца бегаць, не буду ўсаджваць, калі хочацца стаяць, не буду заганяць дахаты, калі хочацца пагуляць на вуліцы. Не буду адмахвацца ад ягонага жадання атрымліваць адказы на свае пытанні. >>>

Навучанне ў Германіі

Фундацыі “Цайт” і “Будучыня і добрасуседства” прапануюць навучанне ў адным з нямецкіх ВНУ падчас зімовага семестру 2008–2009.

Патрабаванні да кандыдатаў:

– добрае валоданне нямецкай мовай,
– зацікаўленасьць сучасным еўрапейскім жыццём,

– цікаўнасць да нямецкай культуры і грамадства.

Штомесячная стыпендыя ў памеры 550 еўра, пражыванне ў атэлі, выкананне персанальных патрабаванняў па харчаванні. Аплочваюцца візавыя паслугі і дарога.

Апошні тэрмін падачы дакументаў – 30 красавіка.

Тэрміны навучання: з 1 кастрычніка 2008 да 28 лютага 2009 года.

Больш падрабязная інфармацыя – на вэб-старонцы: www.gfps.org/belarus альбо па эл. пошце: belarus@gfps.org

Паводле «Кронікі грамадзкага жыцьця Гарадзеншчыны»