Навіны

Новае на сайце

Досвед клубу «Прадслава»

Сваім досведам у арганізацыі дзіцячага клуба ЮНЕСКА «Прадслава» падзялілася настаўніца віцебскай школы №45 Ніна Каўпак.

Спампаваць матэрыял (zip, 15 КБ)

Новае на сайце

Школьная канферэнцыя «Гісторыя і грамадства вачыма школьніка»

Распрацоўка настаўніцы мінскай школы №63 Таццяны Шчурко

Спампаваць матэрыял (doc, 45 КБ)

Новае на сайце

Ёсць такі куточак. Вёска Бердаўка

Матэрыялы аб ролі школьнага музея ў патрыятычным выхаванні школьнікаў (zip, 20 КБ), а таксама інфармацыя аб калектыўнай творчай справе «Мой родны кут» і план урока «Ёсць такі куточак. Вёсцы Бердаўка – 480 год» (zip, 104 КБ), дасладныя Анатолем Крупой, настаўнікам гісторыі Бердаўскай сярэдняй школы-садка (Лідскі раён).

Новае на сайце

Праектаванне ў дзейнасці класнага кіраўніка

Дапаможнік «Метад праектавання ў дзейнасці класнага кіраўніка
як адзін з эфектыўнейшых сродкаў развіцця прыродных талентаў кожнага дзіцяці", распрацаваны класанай кіраўніцай Бердаўскай сярэдняй школы-садка (Лідскі раён) Галінай Альшэўскай

Спампаваць дапаможнік (zip, 140 КБ)

Зборнік найлепшых практык па грамадзянскай адукацыі

Бюро па дэмакратычных інстытутах і правах чалавека Арганізацыі па бяспецы і супрацоўніцтву ў Еўропе (АБСЕ/БДІПЧ), Рада Еўропы, Упраўленне Вярхоўнага камісара ААН па правах чалавека (УВКПЧ) і Арганізацыя Аб'яднаных Нацый па пытаннях адукацыі, навукі і культуры (ЮНЭСКА) запрашаюць Вас прадставіць на разгляд прыклады найлепшай практыкі ў сферы асветы ў галіне правоў чалавека, выхаванні грамадзянскасці, узаемнай павагі і паразуменні. Прымаюцца матэрыялы, якія выкарыстоўваюцца ў пачатковай і сярэдняй адукацыі, а таксама пры падрыхтоўцы настаўнікаў.

Чытаць падрабязна

Паводле wgcre.net

Агляд адукацыйных навінаў

– Канал СТВ паведамляе аб магчымасці з'яўлення прадмета «Асновы славянскай культуры», прызначанага тлумачыць беларусам яднанне славянскіх народаў >>>

– У адпаведнасці з прынятымі ў Беларусі заканадаўчымі зменамі працоўны адпачынак для грамадзян будзе складаць 24 каляндарных дні. Цяпер дапрацоўваецца пералік пасад і ўстаноў, якім можа быць прадстаўлены працоўны адпачынак большай працягласцю. Ці абміне гэтая «апека» настаўнікаў? >>>

– Ініцыятыўная моладзь зладзіла навагодні ранішнік на беларускай мове для выхаванцаў Гомельскага раённага сацыяльна-педагагічнага цэнтра >>>

– Скасаванне льготаў не абмінула вясковых школаў, якія могуць пазбавіцца аўтобусаў >>>

– Завяршыўся набор ва Усходнееўрапейскую школу палітычных навук >>>

Новае на сайце

Інфармацыйная гадзіна “Сімвалы і сімволіка РБ”
- яшчэ адзін матэрыял, дасланы на конкурс «Ноўтбук для актыўнага настаўніка».
Аўтар – Гелена Белязюн, настаўніца біялогіі і хіміі Радунскай агульнаадукацыйнай гімназіі. Урок прапануецца для 5–6 класаў, якімі дадзеная тэма ўспрымаецца цікава і легка.
Мэты: 1) абагульніць і пашырыць веды дзяцей пра родны край, пра сімвалы сваёй краіны; 2) развіваць кемлівасць і дапытлівасць, уменне разважаць і аналізаваць; 3) выхоўваць ў дзяцей цікавасць да нацыянальнай гісторыі і культуры, любоў да Радзімы. Цікава, што ў межах падрыхтоўкі да інфармацыйнай гадзіны прапануецца зняць фільм, які можа быць цікавым як сацыялагічнае даследаванне. (Прынамсі, у Радунскай гімназіі фільм, які ўтрымліваў інтэрв'ю з вучнямі і настаўнікамі па тэме інфармацыйнай гадзіны атрымаўсы выдатны).
Спампаваць апісанне урока (doc, 58kb)
Спампаваць дапаможную прэзентацыю (zip, 252kb)
Спампаваць тэст (swf, 321kb)

Шаноўныя калегі!

Nastaunik.info віншуе вас з Калядамі і Новым Годам!

Зычым вам здароўя і натхнення, добрых вучняў і плёну ў працы!

Будзьма разам!

Новае на сайце

Мар'іна Горка – еўрапейскі горад.
Матэрыял даслаў Барыс Ібрагімавіч Mуха, настаўнік гісторыі і грамадазнаўства дзіцячага саду – школы №1 г. Мар’іна Горка Краязнаўчы дыск «Мар'іна Горка – еўрапейскі горад» утрымлівае агучаны слайд-фільм (Power-Point прэзентацыю), які, на жаль, з-за вялікіх памераў змясціць на сайт немагчыма.
Гэты слайд-фільм быў выкарыстаны для правядзення інфармацыйнй гадзіны па тэме: “Мар’іна Горка – еўрапейскі горад”. Урок прапануецца для пачатковай школы, старэйшых класаў і музейнай працы ў школе. Гэты дыск можа быць выкарыстаны як турыстычны даведнік для гасцей горада і як падарунак гасцям школы. Фільм зроблены па-беларуску і па-англійску і дае магчымасць выбару моваў дэманстрацыі. Прэзентацыя створана настаўнікамі разам з дзецьмі, сябрамі школьнага еўрапейскага клуба.
Праглядзець слайды ў PDF- фармаце (3,34 Мб)

Новае на сайце

Урок “Настаўнікі і вучні нашай школы ў Другой сусветнай вайне”
Даслаў Барыс Ібрагімавіч Mуха, які працуе настаўнікам з 1981 г, настаўнік гісторыі і грамадазнаўства дзіцячага саду – школы №1 г. Мар’іна Горка “Грамадзянская адукацыя”
Урок прапануецца для факультатыва па тэме “2-я сусветная вайна” а таксама для выкарыстання падчас урокаў у 10 класах і 12 класах па дванаццацігадовай праграме школы.
Цалкам прэзентацыя мае выгляд агучанага слайд-фільма. Яе можна атрымаць на дыску ( пішыце, каму трэба на info @nastaunik.info).
Праглядзець слайды прэзентацыі ў PDF-фармаце (pdf, 2.1 Mб)

Новае на сайце

Прафілактыка інфекцый, якія перадаюцца палавым шляхам. Лекцыя для падлеткаў

Матэрыял склала Тацяна Нікіфарава, якая выкладае педыятрыю ў Беларускім дзяржаўным медыцынскім каледжы. Лекцыя ўтрымлівае багаты ілюстрацыйны матэрыял, вытрымкі з заканадаўства, практычныя парады спецылістаў. Напісаная ў форме PowerPoint прэзентацыі, складаецца з 53-х слайдаў.
Матэрыял рэкамендуецца ў дапамогу настаўнікам біялогіі, школьным медработнікам, якія найбольш кваліфікавана могуць данесці веды да падлеткаў, а таксама класным кіраўнікам і старшакласнікам.
Спампаваць файл PrafilaktykaIPPS.ppt (2,9 Mb)

Абмяркоўваем матэрыялы конкурсу «Ноўтбук для актыўнага настаўніка»
Конкурс «Ноўтбук для актыўнага настаўніка» праводзіўся па пяці намінацыях. Мы атрымалі больш за 30 аўтарскіх распрацовак. Прапануем пазнаёміцца з матэрыяламі, дасланымі на конкурс, на адмысловай старонцы нашага сайта. Матэрыялы будуць ацэненыя кампетэнтным журы, якое складаецца з экспертаў у галіне адукацыі, грамадскіх дзеячоў, педагогаў. Кожны наведвальнік сайта самастойна можа ацаніць якасць матэрыялаў і выставіць свае адзнакі, а таксама даслаць свае заўвагі і каментары да журы праз e-mail info@nastaunik.info. На форуме створаны адмысловы раздзел для абмеркавання матэрыялаў. Там Вы можаце пакінуць і падзяку аўтарам, якія даслалі свае працы для агульнага карыстання. Запрашаем!

Польская гімназія шукае партнёра з Беларусі.
Польская гімназія, якая месціцца ў Кшэціне, хацела б навязаць кантакт з беларускай школай. Гімназія мае школьны еўрапейскі клуб, выкладчыкі і дзеці могуць весці перапіску на англійскай, польскай ці рускай мовах. Звяртацца да пані Барбары Бесяды barbara_biesiada@vp.pl

Свята для маленькіх беларусаў

Супольнасць «Нашыя дзеткі" (www.dzietki.org) звяртаецца з просьбай дапамагчы ў арганізацыі штогадовай Беларускай Ялінкі:

«Летась Новы год з намі сустракалі больш за 60 дзетак. Сёлета з'явіліся новыя маленькія беларусікі. Кожны з іх марыць пра цуд і сваё свята, кожнаму патрэбныя ўвага і падарунак. Спадзяемся, што супольнымі
намаганнямі мы зможам стварыць казку для сваіх дзетак. Будзем удзячныя за любыя парады і прапановы (памяшканьне, сцэнар, акторы, падарункі, пачастункі, давоз удзельнікаў і інш.).
Расцем беларусамі!»

Кантакты: e-mail: n.dzietki@yahoo.pl,тэлефон у Мінску 292 31 85 (Вольга), (029) 632 27 43 (Крысьціна), (029) 403 15 35 (Натальля), ICQ 353 181 833, Skype: Mazurava.

Новае на сайце

Кантрацэпцыя. Лекцыя для падлеткаў

Матэрыял падрыхтавала Тацяна Нікіфарава – медык і педагог.
Выкладае ў Беларускім дзяржаўным медыцынскім каледжы, г Мінск.
На пазакласных занятках Тацяна навучала будучых медыкаў, як размаўляць з падлеткамі на тэмы цяжарнасці, хваробаў, якія перадаюцца палавым шляхам, кантацэпцыі, наркотыкаў. Аказалася, што самі навучэнцы медыцынскага каледжа... мала адукаваныя ў гэтых пытаннях. Так нарадзіўся гэты матэрыял, які прапануецца найперш настаўнікам біялогіі ды класнымм кіраўнікам. А таксама вучням старэйшых класаў.
Кантрацэпцыя (РРТ, 2,4 Мб)

Новае на сайце

Урок "Фактары, якія ўплываюць на раслінныя супольнасці"

План урока біялогіі (7 клас), распрацаванага настаўніцай Радунскай гімназіі (Воранаўскі раён, Гарадзенская вобл.) Геленай Белязюн.

Спампаваць матэрыял (doc, 113 КБ)

Новае на сайце

Урок па тэме “In the Lesson”

Урок англійскай мовы (2 клас, па падручніку “Цудоўная шкатулка” пад рэдакцыяй Седуновай Н. М.) Распрацаваны настаўніцай слонімскай гімназіі №1 Ірынай Валынец.

Спампаваць матэрыял (doc, 131 КБ)

За што расстралялі Сцяпана Некрашэвіча?

70 гадоў таму назад беларуская навука панесла значную страту. 20 снежня 1937 года ў Мінску быў расстраляны першы кіраўнік Інстытута беларускай культуры, віцэ-прэзідэнт Акадэміі навук БССР, ураджэнец сучаснага Светлагорскага раёна Сцяпан Міхайлавіч Некрашэвіч.

Артыкул Віктара Раманцова аб жыцці і дзейнасці слаўнага беларускага навукоўца чытайце на старонцы Рэгіянальнага партала Светлагорск.

Новае на сайце

Першы ўрок у 2-м класе, прысвечаны беларускай мове

Вучні праз гульню ўваходзяць пасля адпачынку ў навучальны працэс, праяўляюць свае здольнасці і
навыкі, адчуваюць сябе ўтульна, бо побач з імі самыя родныя людзі: не толькі аднакласкнікі і настаўнік, але і іх бацькі. І ўсе адчуваюць сябе
грамадзянамі Рэспублікі Беларусь. Урок распрацаваны настаўніцай школы в. Бракава (Магілёўскі раён) Верай Сідарэнкай

Спампаваць план урока (doc, 69 КБ)

Новае на сайце

Інтэлектуальнае спаборніцтва «Фізіка з беларускага куфэрка»

Унікальная педагагічная распрацоўка, у якой фрагменты твораў беларускай літаратуры разглядаюцца з пункту гледжання фізікі, складзеная настаўнікам Ляхавецкай школы (Маларыцкі раён) Іванам Кульбедам.

Спампаваць матэрыял (doc, 141 КБ)

Новае на сайце

Гульня па творах М.Гарэцкага і Э.М. Рэмарка

Гульня “Разумнікі і разумніцы” па творах Максіма Гарэцкага “На імперыялістычнай вайне” і Эрыха Марыі Рэмарка “На Заходнім фронце без пераменаў”. Распрацаваная настаўніцай Славянскай гімназіі (г. Бабруйск) Вольгай Рудай.

Спампаваць матэрыял (doc, 76 КБ)

Новае на сайце

Інтэграваныя ўрокі па інфарматыцы і беларускай мове

Аўтарскі ўрок на тэму «Складаназалежныя сказы» і факультатыўны занятак «Зваротак» (прысвечаны вясне) распрацаваны настаўніцамі глыбоцкай школы №3 Лідзіяй Раманчук і Алай Буцько

Спампаваць матэрыял (zip, 550 КБ)

Новае на сайце

Урок «Мова – плынь часу»

Як i большасць навучэнцаў рускамоўных школ, мае вучнi сутыкаюцца са значнымi цяжкасцямi пры вывучэннi беларускамоўных навучальных дысцыплiн. Сапраўднае беларускамоўнае асяроддзе для iх звычайна адсутнiчае. Колькасць гадзiн беларускай мовы ў тыдзень мiзэрная, падручнiкi не выклiкаюць захаплення, i ў вынiку – нiзкi ўзровень валодання мовай i, больш за тое, нежаданне яе вывучаць.

Настаўніца пачатковых класаў гарадзенскай школы №10 Ірына Сыско паспрабавала стварыць умовы для пераадолення пciхалагiчнага бар'еру ва ўспрыманнi беларускай мовы вучнямi пачатковых класаў.

Арыгінальную распрацоўку ўрока «Мова – плынь часу» можна спампаваць тут (doc, 84 КБ).

Новае на сайце

Урок па гісторыі Беларусі для 10 класа

Распрацоўка ўрока на тэму «Станаўленне Вялікага княства Літоўскага» (курс «Гісторыя Беларусі") падрыхтаваны з выкарыстаннем інфармацыйных тэхналогіяў (праграма прэзентацый). Складзены Таццянай Лабанавай, настаўніцай ліцэя г. Барані (Віцебская вобл.)

Спампаваць план урока і прэзентацыю (zip, 69 КБ)

Новае на сайце

Сшыткі па гісторыі і ЧГД

Навошта патрэбны сшыткі па гісторыі ў наш час, калі па ўсіх курсах і класах створаны друкаваныя рабочыя сшыткі? Якія віды запісаў можна выкарыстоўваць у сшытках па гісторыі? Якія аргументы могуць быць супраць іх? Свае адказы на гэтыя пытанні, а таксама арыгінальныя расапрацоўкі прапануе настаўніца Наталля Іллініч.

Спампаваць матэрыял (zip, 46 КБ)

Новае на сайце

Інтэрактыўны трэнінг “Выкананне асноўных правоў чалавека ў беларускай школе”

Распрацаваны для вучняў 10–12 класаў настаўніцай Славянскай гімназіі (г. Бабруйск) Вольгай Рудой.

Спампаваць сцэнар трэнінгу (doc, 100 КБ)

Новае на сайце

Сцэнары семiнара-практыкума «Чалавек-грамадзянiн»

Распрацоўка настаўніцы мінскай школы №213 Ніны Чумак скіраваная даць уяўленне пра чалавека-грамадзянiна; садзейнiчаць развiццю лiдэрскiх здольнасцяў вучняў.

Спампаваць сцэнар (doc, 71 КБ)

Новае на сайце

Лабараторная на EXCELlent

Кампутары на ўроках фізікі – гэта ўжо даўно не навіна, але, нажаль, яшчэ не правіла. Распрацоўка індывідуальных заданняў, статычныя і дынамічныя дэманстрацыі фізічных працэсаў і з'яў, вучэбныя відэафільмы і мультымедыйныя прэзентацыі сталі неад'емнай часткай вучэбнага працэсу.

Аднак пры правядзенні лабараторных работ кампутар выкарыстоўваецца, яшчэ не так часта. Або, часам, досыць толькі аднаго кампутара, каб з яго дапамогай лабараторную работу за ўрок выканаў цэлы клас.

Настаўнік фізікі з ліцэю пры Беларуска-Расійскім універсітэце (Магілёў) Аляксандр Плятнёў прапануе свае распрацоўку правядзення лабараторнай работы «Вызначэнне паскарэння вольнага падзення» з дапамогай электронных табліц Microsoft Excel.

Такая лабараторная работа адрозніваецца ад звычайнай: яна трохі складаней, але цікавей. З павелічэннем такіх работ, цікавасць пераўзыходзіць складанасць. Бо нездарма слова EXCEL на ангельскай мове азначае пераўзыходзіць, адрознівацца.

Спампаваць матэрыял (zip, 33 КБ)

Новае на сайце

Метадычны дапаможнік для падрыхтоўкі да іспыту па фізіцы (павышаны ўзровень)

Дапаможнік, складзены Аляксандрам Плятнёвым змяшчае прыкладныя планы адказаў на пытанні білетаў выпускнога іспыту па фізіцы за курс сярэдняй школы, падборку прыкладаў рашэння задач і задачы для самастойнага рашэння з найболей распаўсюджаных і даступных для выпускнікоў задачнікаў па фізіцы, прыкладныя алгарытмы для выканання эксперымен-тальнай часткі білетаў, навучалыя блок-схемы, паэтапнае самастойнае запаўненне якіх дазваляе сістэматызаваць веды па фізіцы. Рэкамендуецца навучэнцам старэйшых класаў сярэдніх школ, ліцэяў, выпускных курсаў сярэдніх спецыяльных вучэбных устаноў для падрыхтоўкі да выпускных іспытаў і цэнтралізаванага тэставання.

Спампаваць дапаможнік (zip, 292 КБ).

Новае на сайце

Крытычнае мысленне на ўроках матэматыкі

Школьныя настаўнікі імкнуцца прышчапіць сваім вучням здольнасць думаць крытычней. Мы ведаем, што крытычнае мысленне – гэта нешта загадзя добрае, нейкае ўменне, якое дазволіць нам паспяхова спраўляцца з патрабаваннямі 21 стагоддзя, дапаможа глыбей зразумець тое, што мы вывучаем і робім. Але ўсё-ткі, што такое крытычнае мысленне? Сваё разуменне гэтага пытання, а таксама распрацоўкі ўрокаў матэматыкі падае настаўніца матэматыкі смалявіцкай школы №3 Ліна Генадзьеўна Пугач.

Спампаваць матэрыял (doc, 122 КБ)

Новае на сайце

Выхаваўчыя заняткі для 11-класнікаў

Сцэнары выхаваўчых заняткаў «Мой лёс – мая краіна» і «Усё жывое на Зямлі мае права на жыццё» з выкарыстаннем актыўных метадаў. Распрацаваныя настаўнікамі кобрынскай сярэдняй школы №7 Інай і Андрэем Чахомавымі.

Новае на сайце

Распрацоўка праекта «Жывая трыганаметрыя»

Настаўнік матэматыкі Міхась Булавацкі паспрабаваў распрацаваць сцэнарый падачы трыганаметрычных звестак так, як мне гэта бачыццца. Магчыма нехта з тых людзей, якія валодаюць праграмай GSP (даступнай на нашым сайце), змогуць гэта пераўтварыць у “Жывую трыганаметрыю”. Мяркуецца, што на аснове гэтай працы вучні змогуць самастойна засвойваць гэты (адзін з самых праблемных!) раздзел школьнага курса матэматыкі (з магчымай дапамогай настаўніка, які дарэчы можа быць у гэты час вельмі далёка ад вучня і «размаўляць» з вучнем праз сеціва). Такім чынам, будзе зроб-
лены новы крок для стварэння сеткі дыстанцыйнага навучання матэматыцы, пры дапамозе якой знікне праблема кепскага настаўніка, бо вучань зможа выбіраць сабе настаўніка(ў).

Спампаваць фрагмент сцэнара праекту (pdf, 177 КБ)

Новае на сайце

Школа правоў дзіцяці

Матэрыял прадстаўляе сабой кароткі артыкул аб тым, па якіх блоках можна арганізаваць у пачатковай школе (але не толькі) сістэму выкладання правоў дзіцяці, з удзелам бацькоў. Матэрыял прапануецца настаўнікам-лідарам, а таксама кіраўніцтву ўстаноў адукацыі, якія зацікаўленыя ў стварэнні гнуткай сувязі ўсіх удзельнікаў адукацыйнага працэсу, а таксама ў выхаванні граматнай у прававым плане асобы. Аўтар – настаўніца-дэфектолаг смаргонскай школы-садка Аленай Чыкінай

Спампаваць матэрыял (doc, 52 КБ)

Конкурс малых грантаў для настаўнікаў і моладзі

БРГА «Аб'яднаны шлях» атрымала ад беларускай грамадскай арганізацыі «Разуменне» інфармацыю аб конкурсе маленькіх грантаў для настаўнікаў і моладзі па арганізацыі сервіснай дапамогі (роўнае навучанне, сэрвісы ў
супольнасцях, маладыя – пажылым і г.д.).

Старшыня кіраўніцтва МГА «Разуменне» Андрэй Маханько паведаміў аб тым, што зацікаўленыя ў маленькім стартавым фінансаванні могуць звярнуцца з заяўкай да віцэ-прэзідэнта “Youth Service America” Сільвіі Блітцэр (ЗША).

Апошні дзень падачы заявак – 21 студзеня 2008г.

Калі Вы не з'яўляецеся юрыдычнай асобай, распрацаваную Вамі заяўку на гэты конкурс можна падаць ад асобы МГА «Разуменне».

За дадатковай інфармацыяй звяртайцеся:

1. Silvia Blitzer Golombek, Ph.D.

Sr. Vice President

Youth Service America

1101 15th St., NW. suite 200

Washington, DC 20005

Ph. 202–296–2992, ext.116

Fax 202–296–4030

E-mail mailto:sgolombek@ysa.org

www.ysa.org; www.servenet.org;
www.gysd.org

CFC# 11577

2. Андрэй Маханько, МГА «Разуменне»
Тэл.: +375–17–259 4883,
Маб.: +375–29–761 1201
e-mail: amakhanko@ponimanie.org

www.ponimanie.org,
www.saltychildhood.org

Сустрэча з Алесем Разанавым у Мінску

Клуб каталіцкай інтэлігенцыі імя святога Кірылы Тураўскага 20 снежня ладзіць сустрэчу з паэтам Алесем Разанавым.

Сустрэча адбудзецца ў доме айца Андрэя Абламейкі (вул. Арджанікідзэ, 6). Ехаць да станцыі мэтро «Аўтазаводзкая», ісьці ў той бок вул. Цэнтральнай, дзе насупраць адно аднаго знаходзяцца аддзяленьне сувязі і аптэка.

Пачатак сустрэчы — 18:30.

Паводле Нашай Нівы

Новае на сайце

Гульня-конкурс «Залатыя хіты восені"

Сцэнар гульні-конкурсу, праведзенага Сяргеем Сівым у Чэхаўшчынскай дапаможнай школе–інтэрнаце (для дзяцей з асаблівасцямі псіхафізічнага развіцця).

Мерапрыемства з’яўляецца агульнашкольным, у ім задзейнічаны вучні з 1-га па 9-ты класаў.

Пажадана каб у ролі вядучага быў настаўнік музыкі, музычны кіраўнік ці іншы педагог з музычнай адукацыяй.
Гэта мерапрыемства магчыма правесці і ў звычайнай агульнаадукацыйнай школе, толькі заданні патрэбна змяніць на больш складаныя.

Спампаваць сцэнар (doc, 66 КБ)

Да сцэнара прыкаладаюцца mp3-файлы, якія можна спампаваць тут.

Свята ў школьным клубе ЮНЭСКА

Шаноўныя калегі!

Запрашаем вас 20 снежня на святкаванне 5-годдзя надання клубу пры СШ№45 пачэснага звання ЮНЭСКА. Пачатак у 11 гадзін у метадычным кабінеце школы (вул. Чкалава, 47А). Вас чакае сяброўская сустрэча, канцэрт, абмеркаванне планаў.

Зацікаўленыя – тэлефануйце куратару клуба Ніне Каўпак па e-mail Nina-valoshki@tut.by або па маб. тэл. 5969068.

Стыпендыі фонду “Ротары” па магістарскіх праграмах

Фонд “Ротары” прымае заяўкі на атрыманне стыпендый на 2009 – 11 гг. па накірунках магістарскіх праграм: міжнародныя адносіны, рацыянальнае
развіццё, мір і вырашэнне канфліктаў – у адным з цэнтраў Фонду ва Універсітэце Каліфорніі, Універсітэце Берклі, Універсітэце Дзюка,
Універсітэце Паўночнай Караліны, Універсітэце Брадфорда, Міжнародным
хрысціянскім універсітэце, Універсітэце Квісланду, Універсітэце Дэль Сальвадор. Падрабязную абвестку можаце прачытаць тут.

«Што трэба школьнікам ведаць пра ЕС?»

ГА «Адукацыйны цэнтр «ПОСТ» запрашае Вас на круглы стол «Што трэба шляхта школьнікам Беларусі аб Еўрапейскім Саюзе?», на якім будуць абмяркоўвацца вынікі рэалізацыі праграмы «ЕС і Беларусь: ад спазнання да разумення, ад разумення да супрацоўніцтва» (жнівень-снежань 2007 г.), а таксама перспектыўныя кірункі навучальных дзеянняў у кантэксце Еўрапейскага Саюза.

Круглы стол адбудзецца 26 снежня 2007 году ў Мінскам міжнародным адукацыйным цэнтры імя Й. Рау (г. Мінск, пр. Газеты «Праўда», 11).

Падрабязную інфармацыю глядзіце тут (doc, 103 КБ).

Заявіць сваё жаданне прыняць удзел у дадзеным мерапрыемстве можна да 20.12.2007 па e-mail nastaunik@gmail.com, тэл/факс: (+375017) 298 16 59

Агляд адукацыйных навінаў

– 3 27 снежня па 10 студзеня Беларускі Дзяржаўны Універсітэт ладзіць Дні адчыненых дзвярэй >>>

– Шэраг заканадаўчых зменаў рыхтуе нам адукацыйнае чынавенства. Камісія па адукацыі, культуры, навуцы і навукова-тэхнічным прагрэсе Палаты прадстаўнікоў рыхтуе да разгляду ў першым чытанні праект Кодэксу аб адукацыі.

Кодэкс закліканы стабілізаваць сістэму адукацыі на ўсіх узроўнях. У ім будуць раздзелы, прысвечаныя дашкольнай, школьнай, сярэдне-спецыяльнай, прафесіянальна-тэхнічнай, вышэйшай адукацыі, павышэнню кваліфікацыі, у якіх больш дэталёва, чым у законах, будзе прапісана ўсё, што звязана з адукацыяй.

Таксама плануецца разгледзіць пытанні, датычныя структуры сярэдняй адукацыі.

– Перамога беларуса Аляксея Жыгалковіча на Міжнародным дзіцячым конкурсе «Еўрабачанне-2007» стане для яго стымулам для дасягнення новых творчых поспехаў. Ці стане такім жа стымулам урачыстая лінейка, якую яму рыхтуюць у роднай школе? >>>

– Услед за беларускімі класамі і групамі ў садках і школах Магілёва і Гродна тамсама плануецца адчыніць міліцэйскія ліцэі пры Акадэміі МУС. Дзе беларуская мова – там і нагляд адмысловы. А на базе школаў‑інтэрнатаў у Гомелі, Мінску, а таксама ў Барысаве — на базе сярэдніх школаў – будуць утвораныя казацкія кадэцкія класы. Асаблівая ўвага будзе надавацца асновам праваслаўнай культуры, конна‑спартыўнай, фізычнай, страявой і агнявой падрыхтоўцы. Спектр прадметаў камусьці нагадае «слаўных кадэтаў-маладцоў бацюшкі цара», а камусьці – рэлігійных фундаменталістаў са зброяй.

Конкурс адукацыйных публікацыяў

2008 год нясе нам новыя спадзяванні на змены да лепшага. Якія новыя педагагічныя метады і прыёмы будуць засвоеныя і ўжытыя? Якія прававыя механізмы абароны дзяцінства і падтрымкі моладзі будуць распрацаваныя? Аднак ён нясе і новыя трывогі. Якім чынам адаб'юцца нядаўнія змены ў сістэме льготаў на здольнасці дзяцей і маладых людзей рэалізаваць сябе? Што прынясуць змены ў правілах цэнтралізаванага тэставання і паступлення ў ВНУ?

Прапаноўваем усім зацікаўленым спецыялістам выказацца на тыя тэмы, якія здаюцца ім актуальнымі, на старонках сайта Рабочай групы «Адукацыя і асвета ў галіне правоў дзяцей і моладзі"

У рамках штогадовага Тыдня нефармальнай адукацыі (www.adukatar.net), Рабочая група аб'яўляе конкурс публікацыяў для сайта.

Чытаць далей

Зрабі свой унёсак у “адкрыццё” Новага Свету!

Гарадзенскае абласное грамадскае аб’яднанне маладых навукоўцаў «ВІТ» абвяшчае спабор «Лепшая праца пра «Новы Свет».

Новы Свет – гістарычная назва часткі горада ў раёне сучасных вуліц Ціміразева – 17 верасьня – 1 мая – Багдановіча – Астроўскага – Горкага, а таксама на правым беразе рэчкі Гараднічанкі (раён вуліц Лермантава, Мядовая, Цагляная, Завершчызна, Чкалава і інш.). Новы Свет – гэта выдатныя помнікі архітэктуры мадэрну, канструктывізму і неабарока. Тут жылі выдатныя гарадзенцы: лекар Беклемішаў, стваральнік гарадзенскага заапарка Ян Каханоўскі, беларускі гісторык Вацлаў Папуцэвіч, прайшлі дзіцячыя гады Максіма Багдановіча.

Чытаць далей

«Старыя інструменты Беларусі» ў пятніцу ва Універсітэце культуры

У пятніцу, 7.12.07, адбудзецца прэзентацыя фільму «Старыя інструменты Беларусі», а таксама сустрэча з рэжысёрам Змітром Сасноўскім.

Дзе: Універсітэт культуры, каб.114.

Калі: 13.30.

Уваход вольны

Паводле «Нашай Нівы»

У Мінску адкрылася выстава Міколы Купавы

Выстава жывапісу і графікі Міколы Купавы, прысвечаная 125-годдзю з дня нараджэння народных паэтаў Беларусі Янкі Купалы і Якуба Коласа, адкрылася 4 снежня ў мінскай галерэі «Артблік» па вуліцы Някрасава.

У экспазіцыі прадстаўлена 35 работ мастака, у якіх захаваныя выявы класікаў беларускай літаратуры і памятныя месцы, звязаныя з іх жыццём і дзейнасцю ў Беларусі і Літве, а таксама выбітныя дзяржаўныя дзеячы Вялікага княства Літоўскага і важныя гістарычныя падзеі, у тым ліку пераможная Аршанская бітва войскаў ВКЛ з войскам Маскоўскай дзяржавы 8 верасня 1514 году.

М.Купава паведаміў, што выстава экспануецца пяты раз на працягу цяперашняга года. Па ягоных словах, упершыню яна дэманстравалася ў вёсцы Баравая Дзяржынскага раёна Мінскай вобласці, а потым у шэрагу гарадоў Беларусі і ў Нью-Йоркскім (ЗША) саборы Кірылы Тураўскага >>>

Новае на сайце

Нацыянальная свядомасць і грамадзянская адукацыя

Прапануем Вашай увазе матэрыялы круглага стала “Месца беларускай нацыянальнай свядомасці ў фармаванні сацыяльна актыўнага беларускага грамадзяніна”, у т. л. даклады «Нацыянальная свядомасць і дэмакратыя» (Алесь Астроўскі), «Вобраз сучаснага беларуса» (Аляксандр Краўцэвіч), «Зацемкі да акрэслення нашай пазіцыі" (Ігар Кузьмініч).

Спампаваць файл (pdf, 208 КБ)

Новы бюлетэнь для настаўнікаў

Шаноўныя калегі!

Прапануем вашай увазе бюлетэнь «Куток настаўніка», выдадзены ГА «Адукацыйны цэнтр ПОСТ». Спадзяемся, што ён стане вашым добрым спадарожнікам поруч з нашым «Настаўнікам»!

Спампаваць pdf-файл (343 КБ) можна тут.

Генадзь Бураўкін аб «правінцыйнасці» беларускай літаратуры:

«Ну які Мінск правінцыйны горад? Возьмем нават савецкі час. Той жа Аркадзь Куляшоў быў бясспрэчным першарадным савецкім паэтам. Я ўжо не кажу пра таго ж Васіля Быкава, які сусветна вядомы празаік. Якая можа быць правінцыя? А вось у тым, што Аўруціна ў літаратурным свеце не ведаюць, што Чаргінец не надта вядомы, Мінск не вінаваты. Вінаваты ўзровень іх творчасці. І тут ёсьць яшчэ адна подлая хітрасць. Гэта яшчэ звязваецца з мовай. Маўляў, беларуская мова – правінцыйная, а руская – вялікая. І вось у Беларусі ёсць рускамоўныя пісьменнікі, якіх беларускамоўныя заўсёды прыніжалі для таго, каб самім трошкі ўзвысіцца.

Нядаўна выйшла кніжка Аўруціна, прадмову да якое напісаў не абы хто, а доктар навук, прафесар. Вось што ён піша пра Аўруціна: «Бьющее в глаза олимпийское мастерство... ко многим ли стихам современных и не только современных (бачыце, які замах!) поэтов можно подойти с такой безжалостной убийственной культурной меркой...» А цяпер працытую адзін верш Аўруціна, каб мы бачылі, пра што гаворка:
«Было утро, не больше, чем утро. / Было стыло, не больше, чем стыло. / Белой пудрой, не больше, чем пудрой, / Сыпал снег, и немного знобило. / Брызнут слёзы, не больше, чем слёзы. / Брызнет кровь, но не больше, чем брызнет. / На снегу отпечаток мимозы / Стоит жизни, не больше, чем жизни».

Чытаеш – нібыта ўсё складна-ладна, а ўчытаешся і бачыш – прымітыўнае версіфікатарства, абсалютнае «словаблуддзе», як любяць пісаць расійскія крытыкі»

Паводле Радыё Свабода.

У марах аб дэмакратычнай школе

Уявіце, што ў школе, у якой прадвызначана і прадпісана ўсё — і як сядзець на ўроку, і колькі старонак «адсюль — дасюль» прачытаць на заўтра, і якую прычоску мець, — прыходзіць настаўнік на ўрок і абвяшчае: «Я сёння задам вам хатняе заданне і больш у гэтым годзе задаваць не буду». У класе ажыўленне і радасныя воклічы. «Але ў гэтым заданні чатырыста задачаў». — «Уууу!..» — «І вы можаце развязваць іх, як захочаце: або ўсе за месяц і далей адпачываць, або па дзьве—тры ў дзень, а можна і ўвогуле не развязваць, бо на тройку я вас навучу і на ўроках».

Артыкул, прысвечаны 80-годдзю вядомаму Віктару Шаталаву, напісаны Міхасем Булавацкім, чытайце на старонцы Нашай Нівы

Нацыянальны музей гісторыі і культуры праводзіць дабрачынную акцыю

З 3 па 16 снежня Нацыянальны музей гісторыі і культуры праводзіць дабрачынную акцыю «У музей усёй сям'ёй». Па словах загадчыцы навукова-асветніцкім аддзелам Юліі Ксяневіч, акцыя прымеркаваная да калядных і навагодніх святаў, а таксама праводзіцца ў сувязі з тым, што цяперашні год па ініцыятыве ЮНЭСКА абвешчаны Міжнародным годам сям'і.
Кожная сям'я атрымае права на бясплатнае наведванне ўсёй пастаяннай экспазіцыі ўстановы, якая размяшчаецца па вуліцы Карла Маркса, 12, у Мінску. Яна ўключае раздзелы «Старажытная Беларусь», «Узбраенне, вайсковая амуніцыя і час» і «Мастацтва ў гарадской культуры Беларусі канца XIX — пачатка XX стагоддзяў", а таксама часовыя выставы «Гістарычны гарнітур XVI — XIX стагоддзяў" і «Лялькі Польшчы. Лялькі міру». Прычым штодня (акрамя асяроддзя) з 11.00 да 17.00 кожная гадзіна з сямейных наведвальнікаў будуць фармавацца групы колькасцю не больш 25 чалавек з экскурсійным абслугоўваннем.

Паводле БелаПАН

Агляд адукацыйных навінаў

– Паводле вынікаў адукацыйнага тэставання PISA, эстонскія школьнікі занялі пятае месца па ўзроўні пісьменнасці й ведання прыродазнаўчых навук, значна апярэдзіўшы Расію, Швецыю і Латвію >>>

– У дзіцячым садку Магілёва пасля пятнаццацігадовага перапынку аднавілася беларускамоўная група. Магчыма, што ў хуткім часе групы з беларускай мовай навучання і выхавання з'явяцца і ў Гродне

– Каманда студэнтаў факультэта прыкладнай матэматыкі і інфарматыкі Беларускага дзяржаўнага універсітэта ў складзе Мікіты Леснікова, Паўла Іржаўскага і Уладзіміра Керуса – адзіная з беларускіх каманд – выйшла ў фінал чэмпіянату свету па праграмаванні >>>

– У Беларусі прымуць праграму развіцця вышэйшай інавацыйнай адукацыі, якая «прадугледжвае ўкараненне лепшых узораў сусветнай адукацыі ў айчынную адукацыйную сістэму», у тым ліку паглыбленне міждысцыплінарных сувязяў, павелічэнне самастойнай працы студэнтаў, умацаванне матэрыяльна-тэхнічнай базы ВНУ, будаўніцтва, рэканструкцыю і рамонт студэнцкіх інтэрнатаў. Па папярэдніх падліках, на рэалізацыю праграмы запатрабуецца больш 2 трлн. рублёў >>>

Новае на сайце

Сцэнары да свята Новага году

Хутка надыходзіць час навагодніх святаў і школьных ранішнікаў. Таму сцэнары, дасланыя Сяргеем Сівым, будуць, як ніколі, дарэчы.

Сцэнар «Раз, два, тры – елачка, гары!», распрацаваны настаўнікам Вайнілаўскай базавай школы Чэрвеньскага раёна Г. П. Аўласенкам.

Сцэнар «Новы Год спяшаецца ў госці", прысвечаны традыцыям і гісторыі свята, складзены настаўніцай Лахвенскай СШ Брэсцкай вобласці М. П. Канапацкай.

Паводле часопіса «Пачатковая школа»

Метадычныя матэрыялы для сацыяльных педагогаў і класных кіраўнікоў

На сайце www.belinternat.org з'явіліся метадычныя матэрыялы па прафілактыцы ВІЧ/СНІД у дапамогу сацыяльным педагогам, класным кіраўнікам і іншым асобам, якія добраахвотна ці па службовых абавязках праводзяць заняткі па СНІД, выдадзены грамадскім аб'яднаннем «Фокус-група»

Метадычны дапаможнік «Рызыка ці норма (pdf, 470 КБ)

Старонка з малюнкамі, якія можна выкарыстоўваць на занятках.

Метадычны дапаможнік «Выберы жыццё» (pdf, 8 МБ)

Абвярджэнне

Раней на сайце мы паведамлялі аб сустрэчы ў Светлагорску па тэме сайту http://www.uff-by.org/ На жаль, з арганізацыйных прычынаў гэтае мерапрыемства пераносіцца.

Прыносім прабачэнні за недакладную інфармацыю.

Праграма школьных і моладзевых міжнарожных абменаў.
Нямецкі фонд «Памяць, адказнасць і будучыня», які раней займаўся выплатамі грашовай дапамогі ахвярам фашызму, распачынае новую праграму “Europeans for Pease” для падтрымкі школ і моладзевых груп з Беларусі.
1 снежня ў Мінску адбыўся арганізацыйны семінар для беларускіх настаўнікаў, які праводзілі прадстаўнікі Фонду Гюнтэр Заатгоф, Забіна Кругер, Ціна Дзюр, Юліана Томан.
Настаўнікі разам з нямецкімі калегамі шукалі адказы на пытанні: як выбраць тэму для сумесных праектаў паміж школамі, як знайсці нямецкага партнэра для свайго праекта. Падчас дыскусіі абмеркавалі магчымыя перашкоды, якія могуць паўстаць пры здзяйсненні праектаў(адміністрацыйныя, фінансавыя, моўныя іг.д.), сфармавалі рэкамендацыі Фонду і настаўнікам, каб іх зменшыць ці ліквідаваць.
Беларускія і нямецкія школы раней ўжо здзейснілі 12 сумесных праектаў.
Апошні тэрмін падачы праектных ідэяў на конкурс 2008 г. «Паходжанне і разнастайнасць» 31 сакавіка 2008 г (форма для заяўкі знаходзіцца на старонцы праграмы). Гэта значыць, у ахвотных ёсць яшчэ час знайсці нямецкага партнэра, напісаць праект і атрымаць падтрымку на яго выкананне.
Тыя школы ці моладзевыя групы, ідэі якіх перамогуць у конкурсе, будуць запрошаныя разам з партнэрамі ў Берлін на семінар па напісанні праектаў, які плануецца на другую палову чэрвеня 2008 г. Потым ім будзе прадстаўлены час з 01.09.2008 да 31.07.2009 для выканання праекта.
Фонд фінансіруе 2 паездкі для сустрэчы моладзі разам з настаўнікамі ў краінах-удзельніцах.
Калі ў Вас ёсць ідэя, але пакуль няма замежнага партнэра, вы можаце яго знайсці на сайтах:
www.kmk-pad.org – педагагічная служба абменаў
www.joe-list.de – маладыя еўрапейцы
Таксама магчыма даслаць апісанне сваёй ідэі беспасярэдне да кіраўніцтва праграмы «Еўрапейцы за мір» на адрас
info@europeans-for-peace.de
Больш пра праграму можна даведацца тут.

Міжнародны спабор дзіцячых малюнкаў

Праграма ААН па праблемах наваколля (ЮНЭП) ладзіць 17-ы спабор дзіцячых малюнкаў на тэму захавання прыроднага наваколля – „Змены клімату: нашыя дзеянні, накіраваныя на змяншэньне негатыўных уплываў”.

Працы мусяць быць дасланыя ў рэгіянальны офіс ЮНЭП у Жэневе.
Тэрмін атрымання працаў – да 15 студзеня 2008.

Падрабязная інфармацыя размешчаная тут.

Спабор для валантэраў

Гомельскае абласное грамадcкае аб'яднанне «Сацыяльныя праекты» і валантэрская служба «Convivere» абвяшчаюць спабор «Валянтэр года».
Мэта спабору – стымуляванне актыўнасці грамадзян па вырашэнні праблем супольнасці, развіццё валантэрскага руху ў Беларусі, падзяка людзям, якія вырашаюць сацыяльныя праблемы на добраахвотных пачатках.

Намінацыі:

– «Валантэр году»;

– «Валантэрства ў экалогіі";

– «Валантэрства ў сацыяльнай сферы».
Да ўдзелу запрашаюцца добраахвотнікі, якія ўдзельнічаюць у вырашэнні сацыяльных праблем асобных катэгорый насельніцтва (інваліды, пенсіянеры, дзеці з асаблівасцямі развіцця, бежанцы і г.д.);

– «Валантэрства ў асвеце і адукацыі". Да ўдзелу запрашаюцца валантэры, якія
працуюць у сферы прафілактыкі наркаманіі, венерычных захворванняў і ВІЧ-інфекцыі.

Да заяўкі на ўдзел неабходна дадаць партфоліо, эсэ «Гісторыя майго поспеху».

Форму заяўкі на ўдзел можна атрымаць у Гомельскай валантэрскай службе «Сonvivere», альбо на старонцы www.volunteergomel.org.
Апошні тэрмін прыняцця дакументаў – да 12 мая 2008 г.

Больш падрабязную інфармацыю можна атрымаць у Гомельскай валантэрскай службе: Гомель, пр. Леніна, 34а, тэл.: (232) 70–07–14, convivere@mail.ru.

Паводле рассылкі БАСР

Заалагічная канферэнцыя навучэнцаў у Гродне

Грамадзкая арганізацыя “Ахова птушак Бацькаўшчыны” запрашае юных заолагаў – вучняў старэйшых клясаў і студэнтаў першых курсаў, а таксама іх навуковых кіраўнікоў на IV Гарадзенскую абласную адкрытую заалагічную канферэнцыю навучэнцаў.

Канферэнцыя “Стан і перспектывы аховы жывёльнага свету Гарадзенскай вобласці і сумежных тэрыторый” прысвечаная 125-годдзю Тадэвуша Іваноўскага.

Заяўкі на ўдзел прымаюцца да 15 студзеня 2008 года.

Больш падрабязная інфармацыя знаходзіцца
тут.

Каляды святкуйма разам!

26 сьнежня ў Гародні ладзіцца супольнае грамадcкае святкаванне Калядаў.

Калі Вам цікавыя беларускія калядныя звычаі, калі Вы хочаце жыць актыўна – далучайцеся! У праграме – святкаванне для дзяцей і дарослых, калядаванне.
Усіх ахвотных да ўдзелу просім звяртацца да Ігара Кузьмініча па тэлефонах: 629 92 13 альбо 868 98 82.

Новае на сайце

Сцэнары народных святаў

Новыя сцэнары народных святаў, дасланыя Сяргеем Сівым.

Свята Багач (doc, 170 КБ). Аўтары – С. М. Крыснякова,
намеснік дырэктара па вучэбна-выхаваўчай рабоце, М. С. Барташ, В. А. Герман, В. А. Лазоўская,
настаўнікі Дзямідавіцкай сярэдняй школы Дзяржынскага раёна.

Святы восені (doc, 103 КБ). Аўтар – Т. Ф. Васілеўская, настаўніца Калаціцкай школы-сада Глускага раёна.

Траецкае гулянне — для ўсіх замілаванне (doc, 140 КБ). Аўтар – А. Ярошык, метадыст Цэнтра мастацкай творчасці навучэнцаў г. Маладзечна.

Паводле часопіса «Пачатковая школа»

«Песня пра зубра» у Гродне

30‑га лістапада ў Гродне прэзентуюць унікальнае шматмоўнае выданне «Песня пра зубра» Міколы Гусоўскага.

Пад адной вокладкай сабраныя арыгінальны лацінскі тэкст паэмы, а таксама яе пераклады на беларускую, польскую, літоўскую, рускую і англійскую (фрагменты) мовы.

Аўтары праекту палічылі вартым не толькі перавыдаць паэму, створаную на мяжы 1521‑1522 гг., але і ўзбагаціць выданне літаратурнымі перакладамі твору на мовы народаў краінаў, на тэрыторыі якіх жылі зубры ў часы Міколы Гусоўскага. Фрагменты паэмы па‑англійску змешчаныя для папулярызацыі справы ў англамоўных краінах.

Высокі ўзровень паліграфіі, густоўныя ілюстрацыі, выдатная папера, CD‑версія, далучаная да кожнага асобніка кнігі, а таксама невялікі наклад новага выдання «Песні пра зубра», робяць яго не толькі каштоўным падарункам для аматараў гісторыі і літаратуры, але і аздабленнем любога кнігазбору.

Прэзентацыя адбудзецца а 16‑й па адрасе: вул. Будзённага 48а (пакой 44, ТБШ)

Запрашаюцца ўсе ахвотныя!

Паводле blog.grodno.net

Cемінар па грамадзянскіх кампетэнцыях

Грамадскае аб'яднанне «Адукацыйны цэнтр «ПОСТ» запрашае класных кіраўнікоў старэйшых класаў і настаўнікаў прадмета «Чалавек. Грамадства. Дзяржава» школ г.Мінска, а таксама студэнтаў старэйшых курсаў педагагічных спецыяльнасцяў прыняць удзел у семінары «Кампетэнтнасны падыход у фармаванні грамадзянскасці старшакласнікаў". Падрабязную інфармацыю аб семінары і форму заяўкі глядзіце, калі ласка, у наступных файлах:

Парабязная інфармацыя (doc, 49 КБ)

Заяўка на ўдзел (doc, 33 КБ)

Моладзевая сустрэча ў Светлагорску

2 снежня 2007 году ў Светлагорску адбудзецца моладзевая сустрэча на тэму сайта http://www.uff-by.org/. Пачатак: аб 11 гадзіне, прыкладная працягласць: 4 гадзіны.

Пасьля завяршэння сустрэчы – выступ барда Змітра Бартосіка (Мінск). Вы можаце паведаміць аб гэтым таксама Вашым сябрам.

Калі вы жадаеце ўдзельнічаць у сустрэчы то, калі ласка, паведаміце да 30 лістапада на электронны адрас: TBM-S@tut.by

Выстава Андрэя Бурсава «Першаклад»

З 19 лістапада па 2 снежня 2007 году ў арт-галерэі «Подземка», будзе праходзіць выстава Андрэя Бурсава «Першаклад» (жывапіс, вершы, пазлы).

Арт-галерэя знаходзіцца па адрасе: Мінск, пр. Незалежнасці, 43; ст.м. «Плошча Перамогі", панядзелак-субота 10:00–20:00, нядзеля 11:00–18:00, тэлефон для даведак: (017) 2882036, сайт podzemka.org.

Міжнародны фэст відэаарту «Кіналеўчык»

2–9 студзеня 2008 году ў Львове (Украіна) адбудзецца Міжнародны фестываль відэаарту «Кіналеўчык», які з’яўляецца праектам Міжнароднага фестывалю незалежнага кіно «КінаЛеў". Да ўдзелу ў фестывалі «Кіналеўчык» і конкурсе, што адбудзецца ў яго праграме, можна прапанаваць кампазіцыі працягласцю да 30 хвілінаў. Праграма фэсту складаецца з наступных жанраў відэа: эксперымэнтальны, канцэптуальны, пэрфоманс, музычны, відэапаэзія, анімацыя.

Форма заяўкі знаходзіцца на сайце: http://www.idem.org.ua/files/kinolevchyk-application-2008.zip

Заяўку на ўдзел і прапануемы фільм можна даслаць на DVD-дыску на адрас: вул. Валова, 18А, м. Львів, 79008, Україна. Эл. адрас: kinolev@idem.org.ua

Дадатковая інфармацыя:
Ярына Бурковська, тел. +38 (0) (322) 98 06 83, yarusyk@yahoo.co.ua, www.idem.org.ua

Тэрмін падачы заяваў: да 20 снежня 2007 году.

Паводле электроннага бюлетэня «Гурт», http://www.gurt.org.ua

Конкурс дызайн-канцэпцыі, прысвечаны 15-годдзю ЕГУ

22 лістапада – 5 снежня 2007 г. Еўрапейскі гуманітарны унівэрсітэт праводзіць конкурс дызайн-канцэпцыі пакету рэкламнай прадукцыі, прысвечаны 15-годдзю ЕГУ. Конкурсны пакет уключае наступныя элементы/формы рэалізацыі дызайн-канцэпцыі (далей – намінацыі): лагатып, слоган, плакат, кішэнны каляндар, банэр.

Да ўдзелу ў конкурсе прымаюцца арыгінальныя аўтарскія працы, якія адпавядаюць патрабаванням Закону аб аўтарскім праве Літоўскай Рэспублікі. Працы могуць прапаноўвацца як індывідуальнымі ўдзельнікамі, так і камандамі. Можна падаць на конкурс няпоўны конкурсны пакет (г. зн., адзін або некалькі элементаў дызайн-канцэпцыі). Конкурсная камісія мае права падзяліць пададзены на конкурс пакет і ўзнагародзіць удзельніка конкурсу толькі па адной альбо некалькіх намінацыях.

Поўную інфармацыю аб конкурсе можна атрымаць на старонцы http://bel.ehu.lt/news/notice/0008487/

Тэрмін прадастаўлення працаў: да 5 снежня 2007 году.

Новае на сайце

Дадатковыя матэрыялы па фізіцы

Матэрыялы па тэмах «Механіка матэрыяльнага пункта» і «Элементы вектарнага аналізу» для курсаў дыстанцыйнага навучання. Складзеныя настаўнікам Ліцэя БДУ Валянцінам Асташынскім.

Паводле сайта elyceum.by.

Гісторыка-культурныя каштоўнасці Беларусі – на электронным носьбіце

Падрыхтаваны электронны арыгінал-макет Дзяржаўнага спісу гісторыка-культурных каштоўнасцяў. Аб гэтым 22 лістапада на калегіі Міністэрствы культуры паведаміў начальнік кіравання па ахове гісторыка-культурнай спадчыны і рэстаўрацыі міністэрства Васіль Абламскі.

У Дзяржаўны спіс гісторыка-культурных каштоўнасцяў Беларусі ўваходзяць 4 710 аб'ектаў спадчыны, у тым ліку 66 – рухомыя матэрыяльныя аб'екты (прадметы антыкварыяту, скарбы, кнігі, абразы, карціны і u. д.), 52 – нематэрыяльныя (гербы, фальклорныя традыцыі і т.д.), астатнія – нерухомыя матэрыяльныя аб'екты спадчыны, паведамляе БЕЛТА.

Агляд адукацыйных навінаў

– У наступным годзе ўсе мінскія школы злучаць камп’ютарнай сеткай >>>

– Беларускія ВНУ збіраюцца падвысіць аплату за навучанне, а Міністэрства адукацыі тым часам распачынае сезон палявання на льготы. Узяўшы прынцып «Ратаванне студэнтаў – справа рук саміх тапельцаў", прапануе вырашаць праблему скасавання льготаў на месцы і за ўласныя грошы ВНУ і адначасова спрабуе справіцца з сітуацыяй празмернага конкурсу на некаторыя спецыяльнасці, абумоўленай вялікай колькасцю абітутыентаў-льготнікаў. Якім чынам, праўда, дагэтуль няясна. Так што рыхтуемся да сюрпрызаў.

– У Беларусі міжнародны абмен студэнтамі і школьнікамі «настолькі малы, што яго практычна няма». Аб гэтым заявіў прадстаўнік Грамадствы студэнцкіх абменаў у Цэнтральнай і Усходняй Еўропе (Берлін) Дзяніс Мыснік >>>

– Мінстр адукацыі Радзькоў у інтэрв'ю «Народнай волі" у чарговы раз паспрабаваў давесці важнасць дзяржаўнай ідэалогіі, абавязковага размеркавання і цэнтралізаванага тэставання >>>

Новае на сайце

Сцэнар «Як дзеці Васю Лайдачкіна ад Нуля выратавалі"

Сцэнар выпускнога ранішніка пачатковай школы, складзены Генадзем Аўласенкам.

Спампаваць тут (doc, 102 КБ)

Паводле часопіса «Пачатковая школа»

Міжнародная Трэнінгавая праграма па Правах Чалавека
Цэнтр Адукацыі па Правах Чалавека запрашае падаваць заяўкі на ўдзел у 29-ай Міжнароднай Трэнінгавай Праграме па Правах Чалавека, якая будзе мець месца з 8 чэрвеня па 27 чэрвеня 2008 году ў Канадзе, штат Квэбэк.

Апошні тэрмін падачы заяваў: 3 снежня 2007 году.

Усе неабходныя дэталі і формы заяваў знаходзяцца па адрасе:
http://www.equitas.org/english/programs/IHRTP.php

Карлсан размаўляе па-беларуску

Група беларускіх інтэлектуалаў распачала выданне сусветнай дзіцячай класікі па-беларуску ў перакладах непасрэдна з арыгіналаў. Першай кнігаю гэтага праекту сталася “Малы і Карлсан-з-даху”, якая выйшла ў недзяржаўным выдавецтве “Колас” напярэдадні стогадовага юбілею аўтаркі, знакамітай шведзкай казачніцы Астрыд Ліндгрэн. Па-беларуску Карлсан загаварыў дзякуючы перакладчыку Юрасю Жалезку.

Чытаць інтэрв'ю Радыё Свабода

Адукацыя і мова

Нягледзячы на тое, што па Канстытуцыi ў Беларусi дзве мовы (руская i беларуская) з'яўляюцца дзяржаўнымi, у рэальным жыццi адна з iх вiдавочна дамiнуе. Дзiўна, але ў Беларусi большасць насельнiцтва ўжывае не беларускую мову, а «русский язык». Чаму так адбываецца? Над гэтым пытаннем разважае старшыня Таварыства беларускай мовы iмя Францiшка Скарыны Алег Трусаў.

Чытаць інтэрв'ю

На Гомельшчыне вучаць шчаслівай сям'і

Сябры Гомельскага грамадскага аб’яднання “Сацыяльныя праекты” распавядуць супрацоўнікам дашкольных установаў пра магчымасці падвышэння аўтарытэта сям’і ў выхаванні дзіцяці.

26–27 лістапада ў Гомелі адбудзецца рэспубліканская канферэнцыя “Гульня і цацка ў развіцці дзіцяці”, у якой паўдзельнічаюць 150 чалавек. Падчас мерапрыемства грамадская арганізацыя “Сацыяльныя праекты” прэзентуе ініцыятыву “Школа шчаслівай сям’і”. Паводле кіраўнічкі аб’яднання Ніны Кекух, мэтай праекта з’яўляецца распрацоўка і распаўсюд методык ранняга развіцця дзіцяці з актыўным уцягненнем бацькоў у адукацыйна-выхаваўчы працэс. Кекух спадзяецца, што ў іх атрымаецца не толькі прэзентаваць ініцыятыву, аднак і атрымаць замову на распаўсюд падобнай працы ў дашкольных установах.

Праект “Школа шчаслівай сям’і” рэалізуецца аб’яднаннем з 2002 года пры падтрымцы ЮНІСЕФ. На гэты момант арганізацыя ў межах ініцыятывы мае 11 гурткоў у Жыткавічкім і 4 гурткі ў Веткаўскім раёнах.

Паводле Радыё Рацыя

Агляд адукацыйных навінаў

– У бліжэйшыя дні будзе абвешчаны набор ва Усходнееўрапейскую школу палітычных навук пры Радзе Еўропы. Слухачамі могуць стаць маладыя людзі да 35 гадоў, якія дасягнулі ў сваёй галіне пэўных прафесійных вышынь, здольныя стаць ініцыятарамі або ўдзельнікамі дыялогу з Еўропай, фармаваць і рэалізоўваць беларускую еўрапейскую ідэю >>>

– На камандна-штабным факультэце (КШФ) Ваеннай акадэміі Беларусі ўкаранёная новая форма навучання — камп'ютэрная камандна-штабная ваенная гульня >>>

– Прынятыя новыя правілы паступлення ў ВНУ. Цяпер абітурыент, які не атрымаў рэкамендацыі ад чыноўнікаў, не зможа падаваць дакументы на спецыяльнасцях «Журналістыка», «Правазнаўства» і «Мытная справа», нават калі ўсе тэсты здадзеныя на 100 балаў. Атрымаць такі дазвол школьнікам трэба будзе да 30 красавіка. Але нават гэта яшчэ не ўсё >>>

– Беларускае згуртаванне ў Латвіі звярнулася да старшыні ПАРЕ з просьбай дапамагчы ўратаваць адзіную ў гэтай краіне беларускую школу >>>

– Чарговы прыступ інфармацыйна-тэхналагічнай абязалаўкі стварэння сайтаў школаў >>>

– Беларускае адукацыйнае чыноўніцтва далучылася да стварэння палітычнай партыі >>>

17 міжнародны конкурс дзіцячых малюнкаў на тэму захавання прыроднага наваколля.
У лістападзе 2007 – студзені 2008 г. праграма ААН па праблемах наваколля (ЮНЕП) праводзіць 17-ы конкурс дзіцячых малюнкаў на тэму захавання прыроднага наваколля – „Змены клімату: нашыя дзеянні, накіраваныя на змяншэнне негатыўных уплываў”.
Малюнкі мусяць адлюстроўваць канкрэтныя дзеянні, напрыклад: выкарыстанне аднаўляемых крыніцаў энергіі, выкарыстанне энергазберагаючых прыладаў, сумеснае выкарыстанне аўтамабіляў, падтрымка грамадскага транспарту, пасадка дрэваў і г. д.
Правілы і ўмовы конкурсу:
- фармат малюнкаў – А3 альбо А4;
- на зваротным баку малюнка – поўнае імя, дата, месяц, год нараджэння, поўны адрас, адрас электроннай пошты, тэлефон;
- стыль і тэхніка выканання працаў вольныя; працы, якія ўдзельнічалі ў іншых конкурсах, не прымаюцца; працы не павінны ўтрымліваць ніякіх слоў і апісанняў;
- прымаюцца толькі арыгіналы працаў.
Працы мусяць быць дасланыя ў рэгіянальны офіс ЮНЕП у Жэневе на адрас:
UNEP Regional Office for Europe 11–13 chemin des Anémones CH-1219 Châtelaine-Genève.
Тэл. +41 (0) 22 917 8279, факс: +41 (0) 22 797 3420.
Эл. адрас: Kristin.ebbesen@unep.ch
Рэгіянальныя пераможцы конкурсу будуть абвешчаны 22 красавіка 2008 г.
Глабальныя пераможцы будуть абвешчаны 5 чэрвеня 2008 г.
Тэрмін атрымання працаў – да 15 студзеня 2008.

Выйшаў новы нумар бюлетэня «Настаўнік».
Сёння пабачыў свет лістападаўскі нумар інфармацыйна-метадычнага бюлетэня для настаўнікаў.
У нумары:
- праблемны артыкул «Ці заменіць ідэалогія грамадзянскую адукацыю;
- нарыс Міхася Булавацкага,
- адукацыйныя і метадычныя навіны.
Бюлетэнь цалкам можна спампаваць тут (PDF, 358 kB).

Семінар для мададых людзей з абмежаванымі магчымасцямі ў Магілёве

Беларускае моладзевае грамадскае аб'яднаньне «Розныя-Роўныя» у межах праекту «Цяжкая праца» ладзіць семінар «Лемантар працаўладкавання» для маладых людзей з абмежаванымі фізічнымі магчымасцямі. Семінар адбудзецца з 5 па 10 снежня 2007 году ў 7 км ад Магілёву на базе санаторыя «Дубровенка». Пачатак у 12.00. Арганізатары забяспечаць харчаванне, пражыванне і праезд удзельнікаў.

Да ўдзелу запрашаецца моладзь з абмежаванымі фізічнымі магчымасцямі ад 18 да 27 гадоў, якая пражывае ў Магілёве і Магілёўскай вобласьці.

Апошні тэрмін падачы заяваў: 27 лістапада 2007 году. Анкеты дасылайце на адрас: 220012 Менск, зав. Калініна, 16–348, альбо па т/ф. 8 017 2807727 ці электроннай пошце info@different-equal.org.

Дадатковую інфармацыю можна атрымаць па тэл. 8 017 2873817 (з 12.00 да 16.00), маб. 8 029 5556838. Кантактная асоба: Вадзім Калошкін, Галіна Крот, Паліна Галаўсава.

Анкета – у файле Anketa.doc.

Паводле рассылкі БАСР.

Спабор па мадэляванні гісторыка-культурнай спадчыны

Распачаты міжнародны спабор па мадэляванні культурна-гістарычнай спадчыны.

Спабор дае магчымасць студэнтам і маладым спецыялістам не толькі праявіць свой талент, але і спрычыніцца да захавання гісторыка-культурнай спадчыны Беларусі.

У якасці аб’ектаў прапануюцца помнікі трох тыпаў (па складанасці):

1) Мірскі замак, Царква ў Сынкавічах, Ратуша ў Магілёве.

2) Каложская царква, Кальвінскі збор у Заслаўі.

3) Белая Вежа, Замкавая вежа, Лямус манастыру брыгітак у Гародні.

Рэгістрацыя ўдзельнікаў – да 20 лістапада.

Эскізы прымаюцца да 25 лістапада.

Больш падрабязная інфармацыя – на вэб-старонцы: http://forum.cgtalk.by/showthread.php?t=3676

Паводле «Кронікі грамадзкага жыцця Гарадзеншчыны».

Нямецкая адукацыйная праграма для моладзі

Калегія імя Тэадора Хойса (праграма фонду Роберта Боша, Германія) прадастаўляе магчымасць беларусам, якія валодаюць нямецкай моваю, атрымаць навыкі праектнай дзейнасці і здзейсніць свой асабісты праект.

Беларусы ва ўзросце 18–25 гадоў запрашаюцца да ўдзелу ў летніх міжнародных семінарах у ліпені-жніўні 2008 году па наступных тэмах: «Эка! Лпгічна? Абарона навакольнага асяроддзя»; «Нацыянальны! Радыкальны? Экстрэмісты і нацыяналісты»; «Тэма – гэта твая тэма, вырашаеш ты!»; «Рэлігія і грамадcтва».

Зацікаўленым беларусам прапануецца да 15 лютага 2008 году запоўніць он-лайн анкету ўдзельніка ў адным з міжнародных семінараў. Анкету вы знойдзіце на сайце. Неабходна таксама рэкамендацыя настаўніка, выкладчыка альбо прадстаўніка НДА, у склад якога ўваходзіць заяўнік.

Веданьне нямецкай мовы абавязковае.

Паводле рассылкі naviny.by

Агляд адукацыйных навінаў

– 32 студэнты Беларускага дзяржаўнага універсітэта атрымалі гранты і стыпендыі нямецкіх ВНУ і арганізацый для рэалізацыі ў гэтым навучальным годзе розных навуковых і адукацыйных праектаў >>>

– Ці можна расцэньваць словы Юрыя Міксюка, кіраўніка упраўлення вышэйшай і сярэдняй спецыяльнай адукацыі Мінадукацыі: «Беларусь нацэленая на ўдзел у Балоньскім працэсе», як жаданне краіны далучыцца да стварэння Адзінай еўрапейскай адукацыйнай прасторы? >>>

– Міністэрства адукацыі Беларусі падрыхтавала змены і дапаўненні ў правілы прыёму абітурыентаў у вышэйшыя і сярэднія спецыяльныя навучальныя ўстановы. Гэты дакумент ужо накіраваны ў Адміністрацыю прэзідэнта >>>

– Рэктар Еўрапейскага гуманітарнага універсітэта прафесар Анатоль Міхайлаў атрымаў дэмакратычную прэмію амерыканскага Фонду імя Іона Ратыу >>>

– Радыё Свабода правяло апытанне «Ці ёсць правілы прыватных стасункаў у беларускіх школах?», а «Комсомольская правда» – «Ці сутыкаліся вы з паборамі ў школе або дзіцячым садку?»

– Даволі сваеасабліва ўспрынялі агульны заклік да здаровага ладу жыцця ў адной з мінскіх школ, зладзіўшы экскурсію ў выцвярэзнік >>>

Праваабаронцы патрабуюць адмяніць абавязковае размеркаваньне, або прыбраць з Канстытуцыі права беларусаў на бясплатную адукацыю.
Сёлета супраць студэнтаў, якія не даехалі па размеркаванні, завялі 65 крымінальных спраў. Сумы не малыя — ад трох да пяці тысяч долараў. Юрысты з Беларускага хельсінскага камітэту звярнуліся ў Канстытуцыйны суд.
— Мы хочам ведаць, наколькі норма пра абавязковае размеркаванне адпавядае беларускай Канстытуцыі, — патлумачылі ў БХК.
Аргументы праваабаронцаў выглядаюць лагічнымі:
— У Канстытуцыі запісана, што ў Беларусі можна атрымліваць вышэйшую адукацыю бясплатна. Але калі ты мусіш выплаціць дзяржаве грошы, або адпрацаваць па размеркаванні, гэта ўжо не бясплатная адукацыя! Атрымліваецца, трэба або мяняць Канстытуцыю і прыбіраць гэтае права, або прыбіраць норму пра абвязковае размеркаванне.
Апроч таго, юрысты называюць беларускае размеркаванне формай прымусовай працы. А Беларусь жа падпісала Канвенцыю міжнароднай арганізацыі працы «Пра скасаванне прымусовай працы». Вынікае, што мы яе парушаем? Зварот падалі ў Канстытуцыйны суд 12 лістапада. Цягам месяца праваабаронцы чакаюць адказу.
Дзе яшчэ ёсць размеркаванне?
Па суседзтве краін з абавязковым размеркаваннем няма. У Польшчы, Літве, Латвіі такой практыкі не назіраецца. У Расіі, Украіне размяркоўваюць выпускнікоў спецыялізаваных універсітэтаў, якія падпарадкоўваюцца МУС, ФСБ, МНС… То бок тых ВНУ, дзе рыхтуюць спэцыялістаў на замову, і яны адразу ведаюць, на што і куды ідуць вучыцца.
Паводле «Комсомольская правда» в Белоруссии»

Тыдзень міжнароднай адукацыі ў Гомелі

У рамках «Тыдня міжнароднай адукацыі" ў Гомелі адбудуцца наступныя мерапрыемствы (пр. Леніна, 3, пак. 508):

14 лістапада, 10.00 і 15 лістапада, 14.00 Інфармацыйная сустрэча на тэму «Амерыканскі ўніверсітэт у Балгарыі"
16 лістапада, 14.00 Дзень адчыненых дзвярэй Амерыканскага цэнтра

Паводле Amcenter.by

Інтэрнэт-праект пра Язэпа Драздовіча

Шаноўнае спадарства!

Запрашаем усіх ахвотных далучыцца да стварэння інтэрнэт-праекту, прысвечанаму слаўнаму беларускаму мастаку Язэпу Драздовічу. Вітаецца любая карысная інфармацыйная дапамога. Кантактны e-mail: halinabek@pisem.net.

НАВУЧАННЕ Ў ЗША
Глабальная праграма студэнцкіх абменаў (былая Eurasian Undergraduate Exchange Program) пры Бюро па адукацыі і справах культуры Дзярждэпартамэнту ЗША запраше студэнтаў першых, другіх і трэціх курсаў прайсці аднагадавое навучанне ў ЗША. Інструкцыі для ўдзельнікаў і форму заяўкі глядзіце ў файлах “instructions.doc” і “application.doc”.

СУСТРЭЧЫ З ВЯДОМЫМІ ЛЮДЗЬМІ БЕЛАРУСІ
Таварыства Беларускай Мовы ў сваёй сядзібе (г. Мінск, вул. Румянцава, 13 ) у бліжэйшыя дні праводзіць сустрэчы з вядомымі людзьмі Беларусі.
Расклад сустрэчаў:
13-га лістапада – з Вольгай Іпатавай (пісьменніца),
15-га – з Ігарам Кузняцовым (гісторык, даследуе рэпрэсіі 1937- 1941 гг),
19-га – з Міхасем Чарняўскім (гісторык)
20-га – з Валерыем Мазынскім (галоўны рэжысёр тэатру імя Я. Купалы, затым стваральнік тэатру «Вольная сцэна»).
Усе сустрэчы адбудуцца ў 18.00.

Новае на сайце

Літаратурна-музычная кампазіцыя аб Беларусі

Шэраг заняткаў далучаць дзяцей да духоўных скарбаў свайго народа, дапамогуць сфармаваць цікавасць і павагу да роднага слова, беларускай мовы як актыўнага сродку патрыятычнага і нацыянальнага выхавання. Распрацаваны супрацоўніцамі Брэсцкага дзяржаўнага універсітэта імя А. С. Пушкіна М. П. Осіпавай і З. М. Панасевіч

Спампаваць файл (doc, 122 КБ)

Паводле часопіса «Пачатковая школа»

Новае на сайце

Сцэнар урока пазакласнага чытання «Полацк – Радзіма маёй душы»

Урок пазакласнага чытання ў 3-м класе
па творчасці Уладзіміра Арлова. Праграма занятка складзеная дацэнтам кафедры беларускай і рускай моў з методыкай выкладання Брэсцкага дзяржаўнага універсітэта імя А. С. Пушкіна Г. М. Канцавой.

Спампаваць файл (doc, 529 КБ)
Паводле часопіса «Пачатковая школа»

На сайце Nastaunik.info запрацаваў форум.
Добры настаўнік усё самае важнае змяшчае на дошцы. Вось і Nastaunik.info сёння намаляваў новую піктаграму форуму. Мы стварылі яго для абмеркавання надзённых праблемаў, пытанняў і беспасярэдніх зносінаў паміж прадметнікамі, калегамі, спецыялістамі ў галіне адукацыі.
Калі Вы шукаеце аднадумцаў ці жадаеце атрымаць дапамогу, хочаце абмеркаваць артыкул, змешчаны на сайце, ці методыку, альбо Вы проста больш не можаце маўчаць – цісніце на адпаведную піктаграмку на дошцы і рэгіструйцеся, калі ласка!
Адрас форуму – http://www.nastaunik.info/forum/

У ГРОДНЕ СТВАРАЕЦЦА ІНІЦЫЯТЫЎНАЯ ГРУПА СВЯТКАВАННЯ КАЛЯДАЎ
Летась намаганнямі невялікай групы энтузыястаў было зладжана беларускае Навагодняе свята для дзетак з беларускамоўных сем’яў. Сёлета, акрамя забаўляльнай праграмы для дзетак, `ёсць жаданне наладзіць свята для дарослых, а таксама калядаванне па дамах. Арганізацыяй Калядаў сёлета займаецца ўсё тая ж група добраахвотнікаў, Мэта – уласнымі намаганнямі падрыхтаваць свята для сябе і дзетак. Калі Вам цікавыя беларускія калядныя звычаі, калі Вы хочаце жыць актыўна, а не марнаваць час перад тэлевізарам – далучайцеся!
Зацікаўленыя могуць звяртацца да Ігара Кузьмініча па тэлефонах: 629 92 13 альбо 868 98 82.

Сустрэча «Атрыманне студэнцкай візы: пакет дакументаў, патрабаванні, тэрміна, інтэрв'ю»

14 лістапада ў 16.30 адбудзецца сустрэча з консулам пасольства ЗША у Рэспубліцы Беларусь спн. Сарай Майкл (Sara Michael) на тэму: «Атрыманне студэнцкай візы: пакет дакументаў, патрабаванні, тэрміны, інтэрв'ю». Сустрэча запланаваная ў рамках мерапрыемстваў «Тыдня Міжнароднай Адукацыі» і будзе праходзіць на англійскай мове ў офісе прадстаўніцтва па адрасе: Мінск, пр. Незалежнасці 169–512 (паўднёвае крыло). Просьба пацвердзіць свой удзел па тэлефоне 2181264 або электронной пошце advising@amcenter.by

Семінар "Інфармацыйныя тэхналогіі ў спецыяльнай адукацыі"

З 27 па 30 лістапада на базе Акадэміі паслядыпломнай адукацыі будзе праводзіцца навучальны семінар: «Інфармацыйныя тэхналогіі ў спецыяльнай адукацыі» (аўтары: Кукушкіна Вольга Ільінічна, доктар педагагічных навук, супрацоўніца Інстытута карэкцыйнай педагогікі Расійскай Акадэміі адукацыі, Каралеўская Таццяна Касьянаўна, загадчыца лабараторыі камп'ютэрных тэхналогій навучання дзяцей Інстытута карэкцыйнай педагогікі Расійскай Акадэміі адукацыі.

На семінары будуць прадстаўленыя спецыялізаваныя камп'ютэрныя праграмы, прызначаныя для працы з дзецьмі з асаблівасцямі псіхафізічнага развіцця, дадзеныя метадычныя парады па выкарыстанні іх у працы. Удзельнікі практычнага семінара атрымаюць камплект камп'ютэрных праграм.

Запрашаюцца супрацоўнікі ўстаноў адукацыі для дзяцей з парушэннямі маўлення, зроку, апорна-рухавога аппарата, слыху, з цяжкасцямі ў навучанні.

Даведкі па тэл. 285 78 44 (Акадэмія паслядыпломнай адукацыі), 222 65 84 (Міністэрства адукацыі).

Міхась Тычына аб творах рэпрэсаваных пісьменнікаў

“Будзе вялікая бяда для школы, для ВНУ, калі новае пакаленне не ведацьме імёнаў тых пісьменнікаў, якія згінулі падчас сталінскага тэрору. Аб прычынах мы ведаем... Мы ведаем, чаму сёння беларуская гісторыя перапісваецца, чаму з яе выкрэсьліваюцца самыя трагічныя эпізоды. У такім выпадку ёсць вялікая небяспека, што ўсё можа паўтарыцца”

Паводле Радыё Свабода

Агляд адукацыйных навінаў

– У магілёўскім дзіцячым садку №81 працуе першая ў горадзе беларускамоўная група. Загад аб яе адкрыцці падпісаў загадчык аддзелу адукацыі Ленінскага раёну Магілёва Аляксандар Гапееў >>>

– Еўрапейскі гуманітарны універсітэт падпісаў дамову аб супрацоўніцтве са Свабодным універсітэтам (Берлін). Трохгадовая дамова прадугледжвае абмен студэнтамі, выкладчыкамі, правядзенне сумесных праектаў, канферэнцый у галіне гуманітарных дысцыплін >>>

– У 125-ты дзень народзінаў Якуба Коласа сын пісьменніка, Міхась Канстанцінавіч Міцкевіч, даў інтэрв'ю «Комсомольской правде в Беларуси» >>>

– “Кошты апярэджваюць тое, што мы зарабілі" – інтэрв'ю дырэктара Івянецкай музычнай школы Казіміра Бібіка Радыё Свабода >>>

ДАДАТКОВЫЯ МАГЧЫМАСЦІ ПАДРЫХТОЎКІ ЛІДЭРАЎ ГУРТКОЎ
Рэсурсная праграма навучальных гурткоў ладзіць спабор заявак на арганізацыю дадатковых семінараў па падрыхтоўцы лідэраў навучальных гурткоў. Рэсурсная праграма мае магчымасць аплаціць арганізацыйныя выдаткі, а таксама двухдзённую працу 2 трэнераў з ліку сябраў арганізацыі-заяўніцы (магчымы удзел спецыялістаў Рэсурснай праграмы). Заяўкі прымаюцца да 15 лістапада. Заяўкі дасылайце на эл.адрас: hurtki.team@gmail.com

Новае на сайце

Сцэнары народных святаў

У раздзел «Пазашкольная праца» дададзеныя новыя сцэнары народных святаў:

Вялікдзень (doc, 64 КБ)

Дзяды (doc, 31 КБ)

Вясновыя святы беларусаў (doc, 71 КБ)

Дасланыя Сяргеем Сівым.

Паводле часопіса «Пачатковая школа»

Адукацыйны праект «Навучанне сусветным палітычным ідэалогіям»
Паважаныя калегі!
Запрашаем Вас прыняць удзел у міжнародным адукацыйным праекце «Навучанне сусветным палітычным ідэалогіям». Праект здзяйсняецца Грамадскім аб'яднаннем «Адкрытае грамадства», Мінск, Беларусь.
Мэты і змест праекту
На двухдзённым семінары «Сусветныя палітычныя ідэалогіі: класіка і сучаснасць» удзельнікі набудуць сістэматызаваныя навуковыя веды аб сусветных палітычных ідэалогіях і іх ролі ва ўмовах сучаснага грамадства. Усяго плануецца правядзенне шасці семінараў ва ўсіх абласцях Беларусі.
Вынікам нашай сумеснай працы стане выданне для школьных настаўнікаў метадычнага дапаможніка «Што трэба ведаць аб палітычных ідэалогіях», які будзе служыць дадаткам да выдання «Сусветныя палітычныя ідэалогіі: класіка і сучаснасць». Матэрыялы дапаможнікаў могуць быць скарыстаныя ў курсах «Асновы ідэалогіі беларускай дзяржавы», «Чалавек. Грамадства. Дзяржава», іншых прадметах сацыяльна-гуманітарнага цыклу, а таксама на факультатыўных курсах і ў навучальных гуртках.
Бліжэйшыя семінары
Гродна. Семінар адбудзецца 10–11.2007 г. ( заяўкі прымаюцца да 8.11.2007 уключна)
Маладэчна 27–28.11.2007 (да 25.11.2007)
Магілёў 1–2.12.2007г. (да 29.11.2007)
Чытаць далей >>>

Прэзентацыя кніг па грамадзянскай адукацыі
1 лістапада арганізацыі, якія займаюцца грамадзянскай адукацыяй, прэзентавалі 29 новых выданняў. Прапануем Вашай ўвазе навінкі, якія па нашым меркаванні могуць быць цікавымі настаўнікам. Некаторыя выданні можна спампаваць з інтэрнэту або бясплатна атрымаць па пошце. >>>

Новае на сайце

Патрыятычны гурток «Спадчына»

Выхаванне сапраўднага патрыёта магчымае толькі тады, калі яно пачынаецца ў як мага ранейшым узросце. У школе дзіця набывае і набывае веды напакоўвае імі свой розум, але без адухоўленасці гэтыя веды мёртвыя. А калі надзяліць дзяцей беларускасцю, тады веды будуць набывацца для таго, каб прымяніць іх на карысць найдаражэйшай у свеце Беларусі.

Пяць гадоў таму ў школе в. Дварэц быў створаны патрыятычны клуб «Спадчына». Дэвіз клуба – «Пазнаць, каб захаваць і прымножыць», жыццёвае крэда «Калі не мы, тады хто?», галоўны клопат – адраджэнне, захаванне. абарона ад вандалаў усіх узроўняў нашай прыроднай, архітэктурнай, культурнай і духоўнай спадчыны.

Кіраўнік гуртка – настаўніца Наталля Міхайлаўна Ляўкевіч

Прапануем Вашай увазе інфармацыю аб дзейнасці клуба ў выглядзе прэзентацыі PowerPoint (1,3 МБ).

Новае на сайце

Семінар па дэмакратыі для школьнікаў

Сцэнар семінараў для дыскусійнага клубу на тэму «Дэмакратыя як тып палітычнай сістэмы». Занятак разлічаны на 3 гадзіны з актыўным выкарыстаннем інтэрактыўных метадаў навучання. Складзены Таццянай Лабанавай, настаўніцай сярэдняй школы №2 г. Барані.

Спампаваць сцэнар (doc, 103 КБ)

Новае на сайце

Метадычны дапаможнік «Матэматычны фальклор»

У сваім дапаможніку Алесь Лозка ўпершыню прадстаўляе матэрыял не толькі для выхаваўчых мэтаў, але і для вучэбнай дзейнасці, у прыватнасці, для заняткаў па развіцці інтарэса ў дзяцей да матэматыкі. У дапамогу педагогу прапануюцца блізкія і натуральныя ў дзіцячым асяроддзі традыцыйныя сродкі народнай педагогікі, правераныя дзесяцігоддзямі: лічылкі, калыханкі, дражнілкі, песенькі, жарты, казкі, прыказкі, прымаўкі, прыкметы, фраземы, загадкі, загадкі-задачы, гульні, святы... і нават замовы.

Спампаваць дапаможнік (pdf, 866 КБ)

Агляд адукацыйных навінаў

– У Цэнтры тэставання БДУ 1 лістапада пачынаецца рэгістрацыя ўдзельнікаў рэпетыцыйнага тэставання >>>

– Чарговыя змены правілаў прыёму ў ВНУ і ССНУ чакаюцца ў 2008 годзе. Міністэрствам адукацыі па даручэнні прэзідэнта падрыхтаваны праект адпаведнага дакумента >>>

– Міністэрства адукацыі і навукі Eкраіны сумесна з упраўленнямі адукацыі і навукі абласных (гарадскіх) дзяржаўных адміністрацый рыхтуе пералік агульнаадукацыйных вучэбных устаноў, якія будуць абноўленыя налета >>>

– Педагогаў абавязалі абыходзіць кватэры бацькоў, якія маюць запазычанасці за камунальныя паслугі. Настаўнікам растлумачылі, што ў такіх сем'ях могуць дрэнна выхоўваць дзяцей >>>

– Ужо з першага лістапада ў шкаляроў пачнуцца восеньскія канікулы. Вядома, яны будуць не такія доўгія, як, напрыклад, летнія, але ўсё роўна – цэлы тыдзень адпачынку ў дзетак будзе. І правесці яго трэба карысна >>>

Конкурс «Легенды для помнікаў"
Маладзёжнае грамадскае аб'яднанне «Гісторыка» абвяшчае творчы конкурс гістарычнай тэматыкі «Легенды для помнікаў". Агульны сэнс яго ў тым, каб прыцягнуць увагу грамадскасці да праблемаў таго ці іншага гістарычнага аб'екту, моладзь (як найбольш актыўную частку грамадства) – да вырашэння пытанняў аховы нашай гістарычна-культурнай спадчыны, а заадно паставіць, нарэшце, побач са старымі сядзібамі ды сівымі камянямі, як гэта робіцца ва ўсім цывілізаваным свеце, інфармацыйныя стэнды. Каб кожны, і наш суайчыннік, і замежнік, маглі спыніцца побач з цікавым аб'ектам ды тут жа і прачытаць пра яго тое-сёе.
Таму, сябры, калі вам
* неабыякавы лёс помнікаў беларускай гісторыі,
* не ўсё адно, што даведаюцца пра Беларусь замежныя турысты,
* хацелася б, каб усе ведалі пра блізкую Вам гістарычную мясціну,
* не шкада некалькіх аркушыкаў паперы і некалькіх гадзінаў вольнага часу на карысць Бацькаўшчыны,
* карціць атрымаць помны падарунак,
* не болей за 21 год,
то хутчэй чытайце падрабязнасці на http://historyka.org
Ну а калі Вы, шаноўны, ужо маеце 22 або нават 78 год, Вы можаце стаць чыімсьці кіраўніком і дапамагаць у напісанні конкурснай працы. У гэтым выпадку хутчэй раздрукоўвайце рэгламент і збірайце сваю каманду!

Семінары-майстэрні «Метадычны партфоліо універсітэцкага выкладчыка»

Цэнтр праблем развіцця адукацыі БДУ запрашае выкладчыкаў, метадыстаў, куратараў студэнцкіх груп да ўдзелу ў семінарах-майстэрнях, якія праводзяцца ў межах серыі «Метадычны партфоліо універсітэцкага выкладчыка».

Практыка-арыентаваныя семінары ўключаюць знаёмства ўдзельнікаў з сучаснымі метадычнымі распрацоўкамі па розных аспектах арганізацыі аўдыторнай і пазааўдыторнай працы студэнтаў, адаптацыі студэнтаў да ўмоў універсітэцкай адукацыі, а таксама даюць магчымасць засваення практычных прыёмаў арганізацыі вучэбнай дзейнасці.

Заяўку на ўдзел у семінарах-майстэрнях неабходна выслаць па электронным адрасе edc@bsu.by (з пазнакай «Метадычны партфоліо») або па паштовым адрасе: ЦПРА БДУ, пр. Незалежнасці, 4, г. Мінск, 220030.

У заяўцы неабходна пазначыць:

– прозвішча, імя, імя па бацьку (цалкам);

– тэму семінара-майстэрні (або тэмы некалькіх семінараў), у якіх Вы плануеце прыняць удзел; (спіс тэмаў семінараў з кароткімі анатацыямі можна спампаваць тут)

– ВНУ, факультэт, кафедру, пасаду, навуковую ступень і званне, стаж выкладчыцкай працы, назвы выкладаных вучэбных дысцыплін;

– паштовы адрас (з індэксам), e-mail і нумары кантактных тэлефонаў.

Па пытаннях, звязаных з удзелам у семінарах-майстэрнях, можна звяртацца па тэлефоне 209 59 65 (Алена Фадзееўна Карпіевіч, Зміцер Іванавіч Губарэвіч) або па адрасе edc@bsu.by.

Cустрэча Еўрапейскіх Школьных Клубаў

22–25 лістапада 2007 году ў Варшаве адбудзецца міжнародная сустрэча Еўрапейскіх Школьных Клубаў (ЕШК), якую праводзіць Польская фундацыя імя Робэрта Шумана.

Галоўным элементам міжнароднай сустрэчы ЕШК будзе наведванне паседжання Еўрапейскай Рады. Удзельнікі змогуць не толькі атрымаць новыя веды пра Еўрапейскі Саюз, але і ўзмацніць кантакты са сваімі замежнымі партнерамі, наладзіць новыя знаёмствы.

Да ўдзелу ў сустрэчы запрашаюцца ўсе ЕШК у складзе аднаго настаўніка і двух вучняў ва ўзросце 14–19 год з кожнай школы. Першымі будуць зарэгістраваныя школы, якія заявяцца разам са сваім замежным партнерам.

Працоўная мова з'езду – ангельская.

Дадатковая інфармацыя, форма заяўкі і праграма – на сайце: http://www.schuman.org.pl/modules.php?op=modload&name=Sections&op=viewarticle&artid=559

Канферэнцыя “Масты свабоднай інфармацыі”

4 снежня 2007 г. ў г. Луцк (Украіна) адбудзецца канферэнцыя „Масты свабоднай інфармацыі” (Free Media Bridges). Арганізатар канферэнцыі – цэнтр “Наша справа” – запрашае да ўдзелу ў ёй студэнтаў, моладзь, прадстаўнікоў недзяржаўных арганізацый і ўсіх зацікаўленых асобаў. Удзельнікі
канферэнцыі – прадстаўнікі арганізацый з Беларусі, Германіі, Польшчы,
Украіны і Францыі – засяродзяцца на 3-х асноўных тэмах: праграма “Моладзь у дзеянні”, далучэнне моладзі да медыя-праектаў, праграмы палітычнай асветы.

Апошні дзень падачы заявак – 15 лістапада 2007 г.

Падрабязная інфармацыя:
http://svetlahorsk.belarda.org/info/abviestki

29 кастрычніка Дзень памяці ахвяр сталінскіх рэпрэсій у Беларусі.
У 1937 годзе, у ноч з 29 на 30 кастрычніка, карнымі органамі ў адным толькі Мінску было знішчана каля 100 бязвінных людзей – выдатных дзеячаў Беларусі. І заўважце каго! Дзяржаўныя і грамадскія дзеячы, настаўнікі, навукоўцы, літаратары, работнікі асветы, сярод якіх наркам асветы Аляксандар Чарнушэвіч, рэктар БДУ Ананій Дз'якаў, выбітныя пісьменнікі Міхась Зарэцкі, Міхась Чарот, Платон Галавач, лідэр патрыятычнай моладзі Алесь Дудар, медыкі, фізікі, юрысты, педагогі, хімікі, географы. Усіх звінавацілі ў антысавецкай дзейнасці. Вынішчалі эліту беларускай інтэлігенцыі. За перыяд 1937 — 1938 было расстраляна не менш за дзесяць тысяч чалавек.
Гэтым падзеям прысвечаны бюлетэнь аргкамітэта Года памяці «Рэха гулагу» (12 c., PDF, 2,18 MB), змешчаны на нашым сайце.
Вынікі таго расстрэлу мы адчуваем нават цяпер, праз 70 гадоў! Страх уеўся ў нашы гены і не дазваляе настаўніку падняць галаву, выступіць супраць прыніжальных кантрактаў, несправядлівых загадаў, непатрэбнай бюракратыі. Рукамі запалоханых настаўнікаў робяцца фальсіфікацыі на выбарах, выганяюцца за погляды лепшыя вучн і студэнты. Асабліва зараз, калі ідзе пераслед за іншадумства, трэба каб кожны сумленны грамадзянін і кожны выканаўца бяздумных загадаў, ведаў – пра яго будуць памятаць. І тое, што прачытаюць у падобным бюлетэні яго дзеці, – залежыць ад яго.

Кірмаш вышэйшых навучальных устаноў Германіі

9 – 10 лістапада 2007 г. ў Кіеве адбудзецца інфармацыйна-прэзентацыйны кірмаш вышэйшых навучальных устаноў Нямеччыны. Акрамя магчымасці сустрэцца з прадстаўнікамі ВНУ Нямеччыны каля выставачных стэндаў, удзельнікі змогуць падрабязна даведацца аб пражыванні і навучанні ў Нямеччыне. Прафесары і навукоўцы, кіраўнікі аддзелаў працы з замежнымі студэнтамі ВНУ Нямеччыны распавядуць пра міжнародныя, нямецка- і англамоўныя навучальныя праграмы.
Падрабязная інфармацыя: http://svetlahorsk.belarda.org/info/abviestki

Вучыся дома – атрымлівай дыплом у Еўропе

Атрымаць незалежную вышэйшую адукацыю ў Еўропе мараць шматлікія беларусы. Але вучыцца на Захадзе дорага, шмат каго палохае складанасць працэдуры паступлення, дый ня кожны гатовы надоўга з'язджаць з дому. Выхадам з сытуацыі можа стаць навучанне ў Еўрапейскім гуманітарным унівэрсітэце ў Вільні. Ахвотным стаць студэнтамі ЕГУ неабавязкова чакаць наступнага навучальнага году, бо прыёмная кампанія на завочным аддзяленні ўніверсітэта яшчэ працягваецца да 30 кастрычніка 2007 г. Працэдура паступлення ва універсітэт складаецца з аднаго простага кроку – запаўненьня анкеты, якая дасылаецца праз электронную пошту.

Поўную інфармацыю аб адукацыйных праграмах ЕГУ глядзіце на сайце www.ehu.lt.

Кантакты: тэл. (+370 5) 2639650, факс (+370 5) 2639651, эл. пошта office@ehu.lt.

Амерыканская праграма стыпэндый Маскі
Дзярждэпартамент ЗША аб'явіў конкурс на ўдзел у праграме стыпендый Эдмунда Маскі на 2008 год. Праграма заснавана ў 1992 годзе Кангрэсам ЗША з мэтай садзеяння развіццю эканомікі і дэмакратыі ў краінах Еўразіі.
Усе ўдзельнікі праграмы пройдуць курс вочнага навучання тэрмінам да двух гадоў, распрацуюць і рэалізуюць праект, звязаны з выбранай спецыяльнасцю і скіраваны на падтрымку мясцовай супольнасці. Іх таксама чакае прафесійная стажыроўка ў летнія месяцы пасля заканчэння першага акадэмічнага года вучобы.
У пералік спецыяльнасцей, якія фінансуюцца ў межах праграмы стыпендый Э.Маскі, для кандыдатаў з Беларусі ўваходзяць: кіраванне бізнесам, эканоміка, юрыспрудэнцыя, дзяржаўнае кіраванне і дзяржаўная палітыка, адукацыя, кіраванне прыроднымі рэсурсамі, міжнародныя адносіны, журналістыка і сродкі масавай інфармацыі, бібліятэчная справа і інфармацыйныя тэхналогіі ў бібліятэчнай справе, дзяржаўнае кіраванне, ахова здароўя.
Анкеты для ўдзелу, а таксама дадатковую інфармацыю можна знайсці на сайце IREX у Вашынгтоне www.irex.org і Расіі www.irex.ru .
Паводле «Наша Ніва»

Сёння Мікалаю Буслу – 60 год! Віншуем юбіляра!

Мікалай Бусел – беларускі інтэлектуал і мовазнаўца – амаль усё жыццё выкладае замежныя мовы ў вясковай школе в. Дуброва Светлагорскага раёну. Але ведае дзядзьку Міколу, і, дзякуючы яму, вёску Дуброва, увесь беларускі інтэлектуальны свет. Пільна сочыць за ягонымі публікацыямі, артыкуламі, лістамі, трапнымі і смелымі каментарамі...
Дзядзька Мікола – настаўнік-Асоба, настаўнік-нонканфарміст, якіх усё менш і менш у нашых школах. Найлепшым настаўнікам яго лічаць вучні і калегі. Яго баіцца і, у лепшым выпадку, не заўважае адукацыйнае начальства. А ён начальства не баіцца. Робіць сваю справу якасна, не скардзіцца на жыццё, адсутнасць дапаможнікаў, слоўнікаў – бярэ, і сам складае. Мы зычым дзядзьку Міколу здароўя і плёну! Ганарымся, што ён – аўтар нашага сайту.
Ён дзеліцца сваімі слоўнікамі і мудрымі прадмовамі да іх з усімі намі. Карыстайцеся, калі ласка: http://nastaunik.info/workshop/for-teacher/english

Ангельская мова для пачаткоўца НДА-шніка
МГА «Адукацыя без межаў" запрашае ахваотных палепшыць свае веды ангельскай мовы ў гурток «АНГЕЛЬСКАЯ
ДЛЯ ПАЧАТКОЎЦА НДА-ШНІКА»
Першая сустрэча кружка запланаваная на 27 кастрычніка 2007 г. 10.00 (субота).
Месца правядзення будзе паведамлена заяўнікам.
Гэты гурток для тых, хто робіць свае першыя крокі, як у ангельскай мове,
так і ў грамадскай дзейнасці.Таму на нашых занятках мы будзем разбірацца ў тонкасцях не толькі
ангельскай мовы, але і няпростага НДА-шнага жыцця.
Тэматыка заняткаў будзе будавацца як вакол агульных тэм (трэці сектар,
грамадзянскае грамадства, няўрадавая арганізацыя, праектная
дзейнасць, грамадзянская адукацыя), так і вакол тым, блізкіх да «целу»
удзельнікаў кружка – вакол спецыфікі тых арганізацый, чальцамі якіх яны з'яўляюцца.

Ступень валодання ўдзельнікамі ангельскай мовай – пачатковы ўзровень.

Вядзе гурток Вольга – 8–029–758–8651, 8–029–357–78–90

Дзень інфармацыі аб праграме «Еўрапейцы за мір»

Запрашаем Вас прыняць удзел у Дні інфармацыі аб праграме “Europeans for Peace” фонду «Памяць, адказнасць і будучыня», які адбудзецца ў суботу, 1 снежня 2007 г., у Мінскім Міжнародным
Адукацыйным Цэнтры (пр-т газеты «Правда», 11).

Праграма “Europeans for Peace” аказвае падтрымку міжнародным абменам паміж школамі і моладзевымі арганізацыямі з Германіі і Цэнтральнай, Усходняй, Паўднёваўсходняй Еўропы і Ізраілю. Дадзеная праграма звернутая да моладзі ад 14 гадоў да 21 гадоў.

Europeans for Peace пачаткі сваю працу ў 2005 г., год 60-годдзі заканчэння
Другой сусветнай вайны пад дэвізам «Мір для Еўропы – Еўропа за мір».

Мэтай праграмы з'яўляецца заахвочванне моладзевых высілкаў па захаванні і аднаўленні міру ў Еўропе і Ізраілі.
Файл з прыкладамі нямеччына-беларускага супрацоўніцтва ў рамках праграмы падтрымкі міжнародных моладзевых праектаў Europeans for Peace можна спампаваць тут

Конкурс малых грантаў на даследаванні ў галіне публічнай палітыкі ў Беларусі
У рамках праграмы сістэматычнай падтрымкі даследаванняў у галіне сацыяльных навук, палітычных і эканамічных даследаванняў Беларускі фонд публічнай палітыкі (БФПП) у супрацоўніцтве з Беларускім інстытутам стратэгічных даследаванняў аб'яўляе конкурс малых грантаў.
Даследаванні ў галіне публічнай палітыкі ў Беларусі падтрымліваюцца з мэтай развіцця і ўзмацнення дыскусіі па асноўных пытаннях публічнай палітыкі, а таксама пашырэння ў беларускім грамадстве і міжнароднай супольнасці разумення самых важных палітычных, эканамічных і сацыяльных працэсаў, якія адбываюцца ў краіне. Праекты на англійскай ці рускай мовах дасылайце,калі ласка, на адрас: bppf2007@gmail.com да 15. лістапада 2007 г.
Паводле www.belinstitute.eu

Унікальны сайт пра Купалу і Коласа
Праект пад назвай «Класікi сусветнай літаратуры Янка Купала i Якуб Колас. Да 125‑годдзя з дня нараджэння» быў створаны летам 2007 г. на сайце Дзяржаўнай архіўнай службы пры ўдзеле Дэпартамента па архівах і справаводству Міністэрства юстыцыі Беларусі. Сярод размешчаных матэрыялаў ёсць 84 аўтографы Янкі Купалы і Якуба Коласа, частка тэкстаў падаецца на рускай, польскай і лацінскай мовах. На рэсурсе змешчаныя рэдкія тэкставыя, фота і фонадакументы, файлы з аўтографамі й галасамі класікаў. Адрас сайта http://archives.gov.by/index.php?id=629102

Новае на сайце

Методыка cамаправеркі на ўроках фізікі і 10-бальная сістэма ацэнкі ведаў

Методыка, распрацаваная настаўнікам вышэйшай катэгорыі А. Г. Сядзякам, выкарыстоўваецца аўтарам ўжо на працягу 5 год і прыдатна для паўрочнага кантролю ведаў вучняў 9-х -12-х класаў на ўроках фізікі.

Спампаваць (doc, 73 КБ)

КОНКУРС ВУЧНЁЎСКІХ І СТУДЭНЦКІХ ПРАЦ У ГОНАР 450-ГОДДЗЯ ЛЬВА САПЕГІ (1557–1633)
Кірункі ведаў (дысцыпліны): Гісторыя, літаратура, юрыспрудэнцыя, гісторыя права, журналістыка, дыпламатыя, паліталогія, эканоміка (эканамічная гісторыя).

Маштаб асобы Льва Сапегі дае магчымасць падыходзіць да тэмаў і сюжэтаў конкурса шырока. Гэта могуць быць і гістарычныя рэтраспектывы, і значныя праблемы сучаснага жыцця Беларусі (стасункі Ўсход-Захад, шматаблічнасць груп інтарэсаў у краіне, міжрэлігійныя адносіны і да т.п.)
Вітаем працы, што адлюстроўваюць сучасны стан ведаў прадмета і дэклараванай тэмы. Але паколькі конурс – вучнёўскі, больш істотна – аўтарскае разуменне тэмы.
Мова работ – беларуская, руская.
Лепшыя творы канкурсантаў (2–5 у кожнай дысцыпліне) адбіраюцца для прэзентацыі падчас фінала (выступ аўтара, 2–3 хвіліны). Пераможцы атрымаюць значныя ўзнагароды, а работы будуць надрукаваныя ў перыёдыцы і зборніку. Выкладчык/куратар пераможцы таксама заахвочваецца ўзнагародай. Дарога для ўдзелу ва ўзнагароджанні (вучню і настаўніку) аплочваецца.
Падача працаў – да 25 снежня 2007 г.
Падвядзеньне вынікаў – на Каляды 2007/2008.
Падрабязную інфармацыю аб конкурсе глядзіце тут

Невядомы Мінск у конкурсе National Geographic

Мінскія тэлевізійныя інфармацыйныя сеткі разам з тэлевізійным каналам National Geographic праводзяць фатаграфічны конкурс “Невядомы Мінск”. Усе, хто хоча ўзяць удзел у конкурсе, павінны даслаць свае працы на адрас: вул. Цнянская, 23А, Мінск, 220100 (калі вы ўжо маеце надрукаваныя адбіткі), альбо на электронную пошту konkurs@mtis.by у фармаце JPEG. Да ўдзелу ў конкурсе будуць прымацца не больш за 3 здымкі ад аднаго аўтара.

Фатаграфіі мусяць быць дасланыя з кантактнай інфармацыяй аўтара і каментаром да здымка. Фотаздымкі будуць змешчаны на сайце www.mtis.by, дзе наведвальнікі змогуць пакінуць свае галасы да 10 снежня. Пераможца атрымае ад канала National Geographic прафесійную фотакамеру.

Паводле svetlahorsk.belarda.org

Дзень Адчыненых Дзвярэй Амерыканскага Цэнтра

15 лістапада ў 16.00 у межах «Тыдня Міжнароднай Адукацыі" адбудзецца «Дзень Адчыненых Дзвярэй Амерыканскага Цэнтра: праекты, магчымасці, кірункі дзейнасці" па адрасе пр. Незалежнасці 169 (былы пр. Ф. Скарыны), каб. 512 (паўднёвае крыло). Калі ласка, пацвердзіце свой удзел па тэлефоне (017) 218–12–64 або па электроннай пошце advising@amcenter.by.

Паводле Amcenter.by

Агляд адукацыйных навінаў

– У моладзi зусiм не развiта прасторавае мысленьне, канстатуюць у БНТУ, i гэта з'яўляецца адным з наступстваў адмены выкладання ў школе прадмета «Чарчэнне» >>>

– Пры вялікай колькасці маладых спецыялістаў, якіх выпускаюць беларускія ВНУ з-за дэфіцыту кадраў у садках і школах Брэста працуюць асуджаныя жанчыны >>>

– Усё часцей у школах Эстоніі, дзе разам вучацца рускія і эстоскія дзеці, здараюцца канфлікты на нацыянальнай глебе >>>

– У школах чарнобыльскай зоны бясплатна кормяць толькі вучняў з «брудных» вуліц >>>

Новае на сайце

Ілюстрацыі да ўрокаў выяўленчага мастацтва
Падборка ілюстрацый, праведзеная настаўніцай сярэдняй школы №5 г. Полацка Лерай Сом у адпаведнасці з праграмамі і падручнікамі па выяўленчым мастацтве для 5 класаў агульнаадукацыйных школ з 12-цігадовым тэрмінам навучання.
Праект змяшчае прэзентацыі PowerPoint і тэкставыя апісанні да іх >>>

Да ўвагі сацыяльных і спецыяльных педагогаў, выхавацеляў.
Асацыяцыя па працы з моладдзю па даручэнні Федэральнага міністэрства па справах сям’і, састарэлых грамадзян, жанчын і моладзі ФРГабвяшчае Міжнародную навучальную праграму для спецыялістаў па працы з моладдзю і ў сацыяльнай сферы. Праграма разлічаная на 8 тыдняў у перыяд з верасня па кастрычнік 2008 года.
Праграма прадугледжвае тэматычныя дыскусіі, наведванні і практычную працу ў ФРГ у розных сферах: праца з дзецьмі і моладдзю, дапамога ў выхаванні, дапамога ў складаных сацыяльных і асабовых сітуацыях; праца з маладымі правапарушальнікамі; з дзецьмі-інвалідамі і г.д.
Усе выдаткі ўдзельнікаў – за кошт арганізатараў.
Умовы ўдзелу ў спаборы:
- сацыяльна-педагагічная дзейнасць на грамадскіх пачатках ва ўстановах і арганізацыях па аказанні дапамогі дзецям і моладзі, а таксама ў сферы сацыяльнай работы і рэабілітацыі (сацыяльныя работнікі, выхавацелі, спецыяльныя педагогі і г.д.);
- прафесійны стаж не менш за год;
- узрост ад 25 да 45 год ;
- валоданне нямецкай мовай для ўдзелу ў семінарах і дыскусіях.
Па выніках спабору фармуецца група з 30 прадстаўнікоў розных краін. Удзельнікі спабору, якія адпавядаюць вышэйзгаданым умовам, будуць запрошаныя на суразмову.
Ахвотных да ўдзелу просім звяртацца ў пісьмовай форме ў Амбасаду ФРГ ў Мінску, аддзел культуры, па адрасе: вул. Захарава, 26, 220034, Мінск. Тэл.: 217 59 00; факс: 294 85 52; е-mail: info@mins.diplo.de Апошні тэрмін – 30 снежня 2007 г.
Паводле «Кронікі грамадскага жыцця Гарадзеншчыны».

Агляд адукацыйных навінаў

– У Брэсцкім дзяржаўным тэхнічным універсітэце ў межах рэспубліканскай навукова-педагагічнай фізічнай канферэнцыі адбылося паседжанне «круглага стала» на тэму «Тэставанне па фізіцы: чаканні і вынікі».
>>>

– Брытанскім школам параілі не ўсталёўваць Wi-Fi, пакуль не будуць гатовыя вынікі праверкі сістэмы на бяспечнасць для здароўя. Тым часам, у школах Франкфурта Wi-Fi ужо забаронены. >>>

– У сёлетнім школьным годзе паменшылася колькасць дзяцей і моладзі, якія вывучаюць мову Купалы і Коласа, аднак павялічылася лічба ўстаноў, дзе беларускую мову выкладаюць. Так, нядаўна ў Беластоку адчынена першая ў Польшчы праваслаўная школа, дзе адной з моваў, якую можна вывучаць, з'яўляецца беларуская.
>>>

– Больш за 3 гады ў ждановіцкай школе‑інтэрнаце існуе кадэцкі корпус. Менавіта на ягонай базе плануецца стварыць унікальную навучальную ўстанову.
>>>

Нагадваем: Заяўкі на конкурс адукацыйных праектаў прымаюцца да 25 кастрычніка.
Конкурс накіраваны на падтрымку адукацыйнай і грамадскай дзейнасці педагогаў і адукатараў. Да ўдзелу ў конкурсе запрашаюцца настаўнікі, выкладчыкі вышэйшых і сярэднеспэцыяльных установаў, выхавацелі, асобы і грамадскія арганізацыі, якія працуюць ў сфэры фармальнай і нефармальнай адукацыі. Падрабязную інфармацыю аб конкурсе і форму заяўкі можна знайсці тут . Апошні тэрмін падачы заяўкі – 25 кастрычніка 2007 года.

Талькаўскі фэст усё ж такі адбыўся
7 кастрычніка ў Тальцы сёмы раз прайшоў Талькаўскі фэст. Але сёлета над святам музыкі і спеваў навісла пагроза. Аказваецца, на гэты раз трэба было падаць заяўку на масавае мерапрыемства за 15 дзён. Арганізатарцы свята настаўніцы Наталлі Ільініч паведамілі, што дзверы клуба для культурнага мерапрыемства будуць зачыненыя. Няўжо ў нашай краіне ўжо нельга спяваць без дазволу?!
З гэтай прычыны на свята песні не даехалі дзіцячыя гурты, паэты з літаратурнага аб'яднання «Мар'інка». Але фэст прайшоў трошкі ў іншым фармаце, чым планавалася. Прыехалі тыя, хто не спужаўся забароны: моладзь з Мар'інай Горкі, з Мінска, Магілёва, Асіповічаў, Пінска, Рэчыцы, Салігорска. Спяваў свае песні бард Андрэй Мельнікаў з Гомеля, іграў на дудзе і спяваў Зміцер Сідаровіч, а моладзь падпявала і танчыла народныя танцы. Чытала свае вершы паэтка Таццяна Барысік з Магілёва, спявалі Аляксей Галіч, Мікола Рудакоўскі, Ганна Чумакова, Ігар Сімбіроў. Прайшло свята на гістарычным месце: у лесе, на той палянцы, дзе ў пачатку 1930-х гадоў стаяла «стража» – хата-леснічоўка, дзе летаваў з сям'ёй Якуб Колас. Не перашкодзілі фэсту кароткачасовы дождж, а таксама машыны, што ездзілі па Тальцы следам за гасцямі.
Фотаздымкі з фестывалю глядзіце тут.

Конкурс школьных і моладзевых праектаў «Еўрапейцы за мір»

Конкурс быў ініцыяваны нямецкім фондам «Памяць і будучыня» у 2004 годзе ў сувязі з 60-годдзем з дня заканчэння Другой сусветнай вайны і раней праводзіўся пад назвай «Мір для Еўропы – Еўропа за мір». Усяго ў перыяд з 2004 па 2007 гады былі падтрыманыя больш 200 праектаў.

У конкурсе могуць удзельнічаць сумесныя праекты, распрацаваныя ў межах партнёрскіх кантактаў паміж школамі і моладзевымі групамі з Германіі, краін Цэнтральнай і Усходняй Еўропы і Ізраіля. Дапушчальны ўзрост удзельнікаў – ад 14 гадоў да 21 гады.

Цэнтральная тэма на 2008 год сфармуляваная наступным чынам: «Паходжанне і разнастайнасць. Адкуль мы? – Куды мы ідзем?». У цэнтры ўвагі будуць знаходзіцца лёсы людзей, у жыцці якіх важную ролю згулялі ўцёкі з месцаў сталага пражывання, выгнанне і эміграцыя, а таксама сучасныя формы і наступствы міграцыі.

Важнай умовай удзелу ў конкурсе з'яўляецца самастойная праца школьнікаў і моладзі над праектам – ад распрацоўкі і пастаноўкі пытанняў да арганізацыі і правядзенні сустрэч. Вынікі сумеснай дзейнасці павінны быць прадстаўленыя ў абедзвюх краінах-удзельніцах праекту.

Больш падрабязна

Паводле інфармацыі Міністэрства Адукацыі

Гурток для лідэраў гурткоў у Гродне

Тым, хто хоча дасканала авалодаць унікальным метадам арганізацыі навучання дарослых, прапануем стаць удзельнікамі гуртка па падрыхтоўцы лідэраў гурткоў.

Навучальны гурток – гэта не школьныя заняткі, не псіхатэрапеўтычная група, а магчымасьць лёгка прайсці навучаньне ў любым кірунку, эксперыментальная пляцоўка для ўласных ідэй, магчымасць адчуць на сабе ролі “выкладчыка”, “настаўніка” і “лідэра”. Прапануем вам 6 сустрэч 1 раз на тыдзень.

Першая сустрэча мае адбыцца 1 лістапада а 18-ай гадзіне па адрасе: г Гродна, вул. Будзёнага 48а, п.419.

Просім папярэдне патэлефанаваць Ігару Лапеху па тэл. 029–288 28 22

Агляд адукацыйных навінаў

– Апранутымі ў пластыкавыя мяхі для смецця прыйшлі на заняткі вучні адной
з варшаўскіх школаў. Дзеці заяўляюць, што апрананне іх пад прымусам у школьную форму азначае, што яны адчуваюць сябе як смецце.
>>>

– Дзярждума Расіі прыняла закон, які ўсталёўвае самастойныя ўзроўні
вышэйшай адукацыі – «бакалаўр» і «магістр». Вызначаны тэрмін навучан
ня ў бакалаўрыяце – 4 гады.
>>>

– У магілёўскай школе апячаталі разеткі. Менавіта так дырэктарка магілёўскай дзіцячай школы мастацтваў № 1 Ніна
Саленкіна вырашыла эканоміць электраэнергію і тым самым прытрымлівацца
энергазберагальнай Дырэктывы №3.
>>>

– Міністр адукацыі выступае за пакаранне школьнікаў працай. Пра гэта Аляксандр Радзькоў заявіў 5 кастрычніка падчас онлайн-канферэнцыі на сайце Белтэлерадыёкампаніі.
>>>

– Літаратура і школа. У гутарцы “за круглым сталом” бяруць удзел:
літаратуразнаўца, доктар філалогіі Міхась Тычына, супрацоўніца
Інстытута літаратуры Нацыянальнай Акадэміі навук Ганна Кісліцына,
гісторык літаратуры Анатоль Сідарэвіч.
>>>

– Паводле афіцыйных звестак, у Беларусі сёння працуе прыблізна 150
тыс. настаўнікаў. Працэнт педагогаў, якія маюць вышэйшую адукцыю,
павялічыўся з 82,9 у 2003 годзе да 86,9 у 2007 годзе. На 7%
павялічылася колькасць настаўнікаў, якія маюць вышэйшую і першую
кваліфікацыйныя катэгорыі. Прыкладна 25% педагогаў маюць вышэйшую,
каля 45% — першую катэгорыю. Штогод прыблізна 50 тыс. настаўнікаў —
кожны трэці педагог — праходзяць курсы павышэння кваліфікацыі.
Сярэдняя заработная плата настаўнікаў за першае паўгоддзе 2007 года склала 650 тыс. рублёў, перадае БелаПАН.
>>>

Новыя конкурсы чакаюць аматараў літаратуры і Інтэрнэта

Сектар развіцця пазнавальных ініцыятыў аддзела інтэлектуальнай творчасці МДПДіМ распачынае новую серыю літаратуразнаўчых Інтэрнэт конкурсаў пад агульнай назвай “Калі нараджалася класіка”.

У 2007–2008 н.г. сардэчна запрашаем прыняць удзел у наступных конкурсах (палажэнні аб конкурсах можна спампаваць па адпаведных спысылках):

“Казкі і праўда жыцця дзядзькі Якуба” (10–11 кл.),

“Янка Купала і яго час” (10–11 кл.),

“Вінцэнт Дунін-Марцінкевіч – пачынальнік беларускага тэатра” (9 кл.).

Кантакты

эл. пошта: nasha.klasika@gmail.com

куратар конкурса: Сідаровіч Ала Рамуальдаўна

Новае на сайце

Я і мая сям’я

Cцэнар свята для дзяцей і бацькоў. Складзены настаўніцай Жарабковіцкай СШ Ляхавіцкага раёна А. К. КУНЦЭВІЧ паводле часопіса «Пачатковая школа»

Спампаваць сцэнар (doc, 96 КБ)

Няма чаго дабавіць...

«По моей инициативе из школьной программы были убраны все националисты, писатели так называемые ", — заявіў Аляксандр Лукашэнка 12 кастрычніка падчас прэс-канферэнцыі для прадстаўнікоў расійскіх СМІ (нагадваем, што з праграмы былі прыбраныя творы Янкі Купалы, Васіля Быкава, Уладзіміра Арлова, іншых – Nastaunik.info.)
"Национализм — страшное зло. Мы с этим бороться начали давно. То, что из программ были выброшены Толстой, Достоевский, Пушкин, Лермонтов и многие… мы все вернули", — дадаў А.Лукашэнка. А. Лукашэнка адзначыў, што кніжкі і фільмы ён цяпер не чытае і не глядзіць, бо няма вольнага часу. Вольны час аддае спорту. Кіраўнік дзяржавы прытрымліваецца таго, што чалавек павінен быць шчырым, але кажучы пра ідэалы юнацтва, А Лукашэнка зазначыў, што галоўная каштоўнасць, якую ён захаваў, — інтэрнацыяналізм.
Больш інфармацыі пра прэс-канферэнцыю на сайтах Беларускія навіны і Наша Ніва
Па тэме: артыкул Лявона Баршчэўскага «У новавыдадзеных праграмах па літаратуры няма вызначальных твораў Купалы, Быкава, Шамякіна. Затое ёсьць Чаргінец і Аўруцін.»

Міхась Булавацкі: «Прафесіянал не баіцца звальнення з дзяржаўнай працы, бо яго прафесіяналізм заўсёды будзе мець попыт…"

Міхась Булавацкі, беларускі педагог-наватар, настаўнік вышэйшай катэгорыі матэматыкі з Магілёва, вядомы і паважаны рэпетытар з непаўторным лёсам, 11 кастрычніка адзначае свой юбілей!
Nastaunik. info жадае Вам здароўя, поспехаў у працы, удзячных вучняў і калег, натхнення на новыя ідэі і сілаў для іх рэалізацыі!
Да юбілею рэдакцыя падрыхтавала інтэрв'ю са спадаром Міхасём у раздзел «Асобы».

Новае на сайце

Інтэграцыйныя працэсы ў сучаснай Еўропе

Праграма факультатыўнага курса "Інтэграцыйныя працэсы ў сучаснай Еўропе: дзяржаўна-палітычны, сацыяльна-эканамічны, культурны аспекты".

Праграма садзейнічае фарміраванню кампетэнцый талерантнасці і павагі да іншых народаў і культур ў сучасным мультыкультурным свеце. Праграма стварае спрыяльныя ўмовы для самарэалізацыі вучняў і педагогаў, садзейнічае выхаванню пачуццяў нацыянальнай годнасці і патрыятызму.

Асаблівасцю праграмы з'яўляецца яе практычная накіраванасць. Праграма пабудавана на метадах і прыёмах актуалізацыі атрыманых ведаў і стварэнні спрыяльных умоў для пераўтварэння ведаў ў кампетэнцыі. Для забеспячэння гэтага падыходу вялікую частку заняткаў рэкамендуецца праводзіць па інтэрактыўным методыкам: ралявыя гульні, семінары, практыкумы, лабараторыі.

Спампаваць праграму (zip, 188 КБ)

Новае на сайце

Віктарына «Мы – беларусы»

Пры гутарцы з вучнямі мінскіх школ, гімназій і ліцэяў выявілася, што яны добра ведаюць па гісторыі Бацькаўшчыны толькі некалькі асоб, напрыклад, Аляксандра Лукашэнку, Панцеляймона Панамарэнку, Пятра Машэрава, а з дзеячаў культуры – Францішка Скарыну, Янку Купалу, Якуба Коласа, ведаюць пра Ефрасінню Полацкую, Канстанціна Каліноўскага, але нічога не ведаюць пра братоў Ельскіх, Эдуарда Вайніловіча, Язэпа Лёсіка і многіх іншых выдатных асоб нашай Бацькаўшчыны. Каб дапамагчы настаўнікам пашырыць кругагляд сваіх выхаванцаў, Сымон Барыс і Барыс Муха падрыхтавалі віктарыну, якая ўключае заданні, разлічаныя на вучняў рознай падрыхтоўкі і здольнасцяў.

Спампаваць тэкст віктарыны (doc, 75 КБ)

Агляд адукацыйных навінаў

– Гуманітарны ліцэй імя Якуба Коласа пачаў пяты навучальны год у нелегальных умовах. У 2003 годзе ліцэй ліквідавалі згодна з патрабаваннем Міністэрства адукацыі з фармулёўкай “дзеля аптымізацыі
навучальнага працэсу”. Ліцэістаў пазбавілі будынка, у якім цяпер
месціцца суд Цэнтральнага раёну Мінску.
>>>

– Намеснік міністра адукацыі Казімір Фарына падчас прэс-канферэнцыі
зазначыў, што 60% беларускіх школьнікаў ахоплена рознымі відамі
дыферэнцаванага навучання і нагадаў, што беларуская сістэма адукацыі
пераходзіць на масавае профільнае навучанне. Праўда, аб рэальнай
запатрабаванасці ў спецыялістах розных галінаў не гаварылася. Замест
гэтага прыгадваўся дапаможнік «Беларусь – краіна тваёй будучыні".
>>>

– Віншаванне з прафесійным святам адрасаваў педагогам міністр адукацыі Аляксандр Радзькоў. >>>

– Міністэрства адукацыі Беларусі не рэкамендуе міжнародныя абмены школьнікамі.
>>>

– Як паведамілі ў Рэспубліканскім інстытуце кантролю ведаў, кошт удзелу ў рэпетыцыйным тэставанні, першы раўнд якога стартуе ў кастрычніку, складзе 16 100 рублёў.
>>>

З ПРАФЕСІЙНЫМ СВЯТАМ, ШАНОЎНЫЯ КАЛЕГІ!

5 кастрычніка – Усясветны дзень настаўніка. Гэтае прафесійнае свята было заснавана UNESCО ў 1994 годзе. У Беларусі дзень настаўніка адзначаецца 7 кастрычніка. Наколькі прэстыжная сёньня гэтая прафэсія? Чаму ў школах гэтак шмат пасрэдных настаўнікаў? Прапануем Вашай ўвазе інтэрв'ю з Лявонам Баршчэўскім.

Талькаўскія школьнікі адчынілі свой сайт і запрашаюць на фестываль.

У сеціве з'явіўся краязнаўчы сайт «Талька і наваколлі". Сабралі матэрыялы і зрабілі сайт мясцовыя вучні разам з сваёй настаўніцай Наталляй Ільініч, якая натхняе на краязнаўчую і даследчую працу ўжо якое пакаленне мясцовых школьнікаў. Сайт нагадвае вялікі краязнаўчы музей – столькі там змешчана звестак пра гісторыю, славутых людзей, прыроду, паходжанне назваў наваколля. Адрас сайта http://talka.info .
Талькаўскі фестываль адбудзецца 7 кастрычніка 2007г. Ужо чацвёрты раз на беразе Талі, пад пажоўклай лістотай магутнага дуба збяруцца прыхільнікі беларускай музыкі, паэзіі. Запрашаем усіх, хто любіць спяваць, танцаваць, чытаць вершы (можна не толькі свае). Пра гісторыю талькаўскага фэсту чытайце тут.
Пачатак а 12 гадзіне ля мясцовага ДК, а працяг на беразе Талі.

Новае на сайце

Эўрыстычны палігон для матэматыкі

Як знайсці рашэнне матэматычнай задачы? Як паўстаюць новыя праблемы? Што азначае развіццё задачы, і калі яе можна назваць адкрытай?
Адказы на гэтыя пытанні дае кніга Івана Сяргеевіча Храпавіцкага «Эўрыстычны палігон для матэматыкі", адрасаваная выкладчыкам матэматыкі навучальных устаноў усіх тыпаў і студэнтам педагагічных спецыяльнасцяў ВНУ. Шмат яе тэмаў будуць зразумелыя і зацікаўленым у матэматыцы школьнікам старэйшых класаў.

Кніга напісаная ў фармаце папулярнай ва ўсім свеце кампутарнай праграмы Geometer's Sketchpad, якую можна спампаваць тут (2 МБ).

Спампаваць кнігу (zip, 3,2 МБ)

Конкурс у гонар Рыгора Крушыны
Паводле рассылкi VB
Фундацыя памяці Рыгора Крушыны праводзіць спабор паэзіі да стагоддзя беларускага паэта, якое будзе адзначацца сёлета 3 снежня. Да ўдзелу запрашаюцца беларусы ва ўзросце ад 18 да 32 гадоў. Журы творчага спаборніцтва прымае да разгляду літаратурныя творы (лірычныя альбо наватарскія), якія заснаваныя на фальклоры Случчыны або Палесся, песні на словы любога верша Рыгора Крушыны, альбо крытычныя артыкулы, прысвечаныя яго паэзіі і паэтычнаму стылю. Арганізатары спабору ўстанавілі дзве ўзнагароды для пераможцаў: першы прыз складае 700 амерыканскіх долараў, другі — 300 долараў. Уганараванне пераможцаў адбудзецца ў снежні. Творы на спабор прымаюцца да канца лістапада на адрас электроннай пошты: iharka@tut.by альбо на паштовы адрас: Krushyna Poetry Foundation, POB 40846, St. Petersburg, FL 33743, USA.

Сайт 'Ахова птушак Беларусі'

Настаўнікам біялогіі, а таксама ўсім, хто цікавіцца беларускай прыродай, будзе карысна наведаць сайт грамадскай арганізацыі 'Ахова птушак Беларусі', размешчаны па адрасе http://ptushki.org. На сайце размешчаныя цікавыя артыкулы, інфармацыя аб экалагічных клубах для дзяцей і дарослых, фотагалерэя і іншыя матэрыялы.

Навучанне для лідэраў вучэбных гурткоў

З 4 кастрычніка пачынае сваю працу гурток для новых лідэраў вучэбных гурткоў для дарослых.

Запрашаюцца ўсё тыя, каму цікава паспрабаваць сябе ў ролі лідэра, даведацца, чым адрозніваецца вучэбны гурток для дарослых па скандынаўскай мадэлі ад традыцыйных кружкоў для дзяцей, курсаў і трэнінгаў.

Першая сустрэча ў чацвер, 4 кастрычніка ў 19.00

Свае заяўкі дасылайце на адрас hurtki.team@gmail.com або тэлефануйце +375 29 388 25 64

Пасля 7 кастрычніка пачне працу гурток па падвышэнні кваліфікацыі лідэраў вучэбных гурткоў!

Больш дакладную інфармацыю, а таксама запісацца ў гурток вы можаце па тэлефоне +375 29 669 66 59
Таксама дасылайце свае заяўкі на адрас hurtki.team@gmail.com

Андрэй Хадановіч: Беларускую літаратуру ў школах хутка будзе сумна чытаць

«Я б не хацеў, каб мае творы былі ў абавязковай школьнай праграме. Як уяўлю, што нехта вучыць мой верш на памяць па заданні настаўніцы, а ў яго не запамінаецца, ён праклінае і твор, і аўтара, мне аж млосна становіцца. Калі і возьмуць у праграму, дык толькі для пазакласнага чытання»

Паводле Радыё Рацыя

Спецвыпуск “Нашага слова” для настаўнікаў: Школа будзе нашай

Выйшаў спецыяльны выпуск газеты Таварыства беларускай мовы імя Францішка Скарыны, прысвечаны Сусветнаму дню настаўніка (5 кастрычніка).

Васьміпалоснае двухколернае выданне пачынаецца адкрытым лістом да настаўнікаў Старшыні Рады БНР Івонкі Сурвіллы. Яна заклікае выхоўваць дзетак па-беларуску ды ў беларускім духу. У матэрыяле старшыні Таварыства беларускае школы Алеся Лозкі ў лічбах падаецца трывожная дынаміка колькасці беларускамоўных школаў за апошнія паўтара дзесяцігоддзя. У дакументах асвятляецца сітуацыя ў глыбоцкай школе № 3, якую спрабуюць ператварыць з беларускай ў “дзьвюхмоўную” насуперак бацькам і вучням.

Друкуецца нарыс Вінцука Вячоркі “Школа будзе нашай”, напісаны паводле ўражанняў з першага верасня; інтэрвію полацкай паэткі, спявачкі, настаўніцы Леры Сом; агляд новых, цэнзураваных праграмаў па літаратуры, зроблены Лявонам Баршчэўскім.

Паводле pbnf.org

Магістарская праграма па міжнародных адносінах

Інстытут Сацыяльных і Еўрапейскіх Даследванняў (ІSES) разам з Корвінус Унівэрсытэтам (Будапешт) запрашаюць студэнтаў для атрымання Магістарскай ступені па Міжнародным адносінам і Еўрапейскім даследванням.
>>>

Вечарына ТБМ у Светлагорску

Субота, 20 кастрычніка, 18.00 – 20.30 – чарговая вечарына ТБМ у Светлагорску. У праграме:

Агляд інтэрнэт-рэсурсаў, у тым ліку – новага сайту ТБМ. Т. Маслюкоў.

Вершы і паэтычныя пераклады – аўтарскае чытанне. Вадзім Болбас, Кірыл Ксянзоў. Усе, хто яшчэ не мае, атрымаюць зборнік твораў В. Болбаса з аўтографам.

Беларускае сярэднявечнае адзенне. Прэзентацыю праводзіць Наталля Цярэшчанка, удзельніца археалагічных раскопак у Шацілках, якая рэканструявала адзенне перыяду Тураўскага княства (Х – ХІ стагоддзі).

Беларускія мелодыі і спевы – дуда, гітара. Зьміцер Сідаровіч (г. Мінск).

Запрашаем! Калі Вы жадаеце ўзяць удзел у вечарыне, калі ласка, паведамце да 13 кастрычніка на TBM-S@tut.by ці тэл./факс 4 76 13 (Т. Маслюкоў).

Летнік з АПБ

Грамадская арганiзацыя «Ахова птушак Бацькаўшчыны» з 1 па 7 кастрычнiка праводзiць 2 этап прац па аднаўленню гiдралагiчнага рэжыму аднаго з найбуйнейшых верхавых балот Еўропы – балота Ельня, Рамсарскай тэрыторыi, Тэрыторыi важнай для птушак Мiжнароднага значэння, Рэспублiканскага гiдралагiчнага заказнiка.

У ходзе летнiка плануецца пабудаваць плацiны на 2 каналах, якiя iдуць з воз. Плоскае i Бярэжа. Працы па будове плацiн узгоднены
Мiнiстэрствам прыродных рэсурсаў i аховы навакольнага асяроддзя Рэспублiкi Беларусь. АПБ запрашае узяць удзел у працы летнiка ўсiх, хто хоча ўнесцi асабiсты ўклад у захаванне гэтага ўнiкальнага балота.

Падрабязней чытайце на сайце АПБ: http://ptushki.org//index.php?area=1&p=news≠wsid=302

Конкурс да 365-годдзя з часу заснавання г. Казімір

Грамадскае аб’яднанне “Таварыства беларускай мовы імя Францішка Скарыны”
(ТБМ) у Светлагорску праводзіць маладзёвы конкурс творчых і
навукова-практычных працаў. У конкурсе могуць удзельнічаць маладыя людзі з Беларусі і іншых краінаў. Конкурс прысвечаны 365-годдзю з часу заснавання
горада Казімір, які існаваў на тэрыторыі сучаснага Светлагорскага раёна
(Гомельская вобласць, Беларусь) і меў Магдэбургскае права.

Да ўдзелу ў
конкурсе запрашаюцца: навучэнцы, якія маюць узрост не меней 15 гадоў;
студэнты вышэйшых навучальных устаноў, моладзь да 29 гадоў. На конкурс
прымаюцца артыкулы, навукова-практычныя працы, рэфераты (па гісторыі,
паліталогіі, праву, іншых грамадазнаўчых і сумежных дысцыплінах), нарысы,
эсэ. Калі ласка, адпраўляйце Вашыя працы на конкурс да 15 студзеня 2008 г.
Падрабязная інфармацыя – на старонцы http://svetlahorsk.belarda.org/info/abviestki/

Конкурс адукацыйных матэрыялаў “Ноўтбук для актыўнага настаўніка”

Мэта конкурсу – стварэнне новых адукацыйных і дыдактычных матэрыялаў развіццёвай педагогікі, іх папулярызацыя і стварэнне ўмоў для доступу да іх шырокаму колу педагогаў.

Конкурс " Ноўтбук для актыўнага настаўніка " праводзіцца па пяці намінацыях:
• Метадычнны дапаможнік (Інавацыйныя тэхналогіі і метады навучання ў беларускай школе);
• Сучасны ўрок (Распрацоўкі школьных урокаў);
• Грамадзянская адукацыя (Распрацоўка школьных і пазакласных заняткаў, сцэнары семінараў, конкурсаў, святаў, іншых адукацыйных мерапрыемстваў, парады па стварэнні школьных газет, сайтаў ….);
• Нацыянальная школа (Ідэі і метады выхавання грамадзяніна-патрыёта, развіцця нацыянальнай адукацыі);
• Бацькі і дзеці (Метады работы з бацькамі. Далучэнне бацькоў да працэсу адукацыі, ідэі, як зрабіць школу адкрытай для бацькоў, лакальнай супольнасці, навакольнага жыцця).

Для ўдзелу ў конкурсе неабходна даслаць свае матэрыялы да 18 снежня на адрас info@nastaunik.info, да якіх далучыць ліст з абгрунтаваннем таго, як удзельнік плануе выкарыстоўваць ноўтбук у сваёй дзейнасці. Падрабязную інфармацыю пра конкурс і патрабаванне да матэрыялаў глядзіце TУТ

Глыбокае: лёс беларускамоўнага навучання вызначылі
У глыбоцкай школе №3 прайшла канферэнцыя выкладчыкаў, бацькоў і навучэнцаў, якая зацвердзіла змены ў школьным статуце. Змены закранулі перадусім моўны рэжым школы: у дагэтуль цалкам беларускамоўнай школе дазволена ствараць класы з рускай мовай навучання. Два рускамоўныя класы былі створаны па ініцыятыве, некаторых бацькоў-камерсантаў (у народзе – «мясцовых алігархаў") і дзядуляў вучняў – дзяржаўных чыноўнікаў (адзін дзядуля – чыноўнік Гандлёвай палаты, другі – дэпутат у абласным савеце). Відаць, пра сумленне і маральныя якасці "ініцыятараў" і адукацыйнага начальства гаварыць не выпадае: усе добра ведалі, што гэтай школе беларусы замежжа падарылі камп'ютэрны клас, музычнае і іншае абсталаяванне, кнігі толькі таму, што яна цалкам беларуская! Праект адпаведных зменаў у статуце, паводле прысутнага на канферэнцыі настаўніка матэматыкі Івана Храпавіцкага, быў складзены загадзя — яшчэ да абмеркаваньня. Незалежную прэсу на канферэнцыю не пусцілі. Больш па тэме http://nn.by/index.php?c=ar&i=11736

Дацэнт ГДУ імя Ф. Скарыны: «адлічваюць лепшых».
Паводле ГАРТ
Я працую ў Гомельскім дзяржаўным універсітэце Ф. Скарыны. Выкладаю рэлігіязнаўства. Тое, я хачу выказаць зводзіцца да наступнага тэзісу: такія справы, як адлічэнне Зміцера Жалезнічэнкі, наносяць шкоду універсітэцкай адукаціі. Я лічу, што Зміцера адлічылі менавіта за яго грамадскую дзейнасць. Дарэчы, гэта не першае адлічэнне такога роду. Найбольш вядомыя папярэднія выпадкі — гэта адлічэнне студэнтаў, якія былі выдатнікамі. Сярэдні бал Зміцера Жалезнічэнкі – 9,3 – надзвычай высокі. Я не ведаю, ці ёсць у нас ва універсітэце яшчэ студэнты з такім балам.
Добрыя студэнты (не толькі выдатнікі) – гэта дапамога для выкладчыка. Калі ў аўдыторыі ёсць некалькі пар уважлівых вачэй, лягчэй чытаць лекцыю – да іх і звяртаешся. Бо вельмі часта такіх вачэй няма, і такое ўраджанне, што размаўляеш са сцяной з бетону.
Але калі адлічваюць добрых студэнтаў, застаюцца горшыя. Тым больш, што прадметы, якія называюцца “сацыяльна-гуманітарнымі”, і да якіх належыць маё рэлігіязнаўства, у апошнія часы стала няпроста выкладаць.
Як прыклад прывяду выпадак, пра які мне распавёў адзін з выкладчыкаў паліталогіі. Ён чытаў лекцыю пра сістэму выбараў, і, згодна з падручнікам распавядаў, што выбары павінны быць “свабоднымі, празрыстымі і г.д.”. А студэнты яму кажуць накшталт: “Да што Вы нам кажаце! Усё гэта няпраўда. На кожных выбарах нас прымушаюць ісці і галасаваць датэрмінова”. І што рабіць у такіх выпадках? Абыйсці пытанне? – Няёмка. Пачаць крытыкаваць нашыя выбары? – Могуць быць непрыемнасці. Пайсці дакласці на студэнтаў? – Скотства.
На заканчэнне адзначу наступнае. Сістэма вышэйшай адукацыі павінна рыхтаваць высокакваліфікаваных спецыялістаў з вызначанай маральнай матывацыяй, якая прадугледжвае любоў да радзімы і жаданне працаваць на яе карысць. Гэта тое, што называецца патрыятызмам. Калі ў вышэйшай школе будзе праводзіцца палітыка адлічэння грамадска актыўных студэнтаў, то створыцца сітуацыя накшталт той, калі нейкі вар’ят будзе знішчаць на сваім полі збожжа і расціць пустазелле. Але хто потым будзе гэтае пустазелле есці?
Віктар Адзіночанка, дацэнт кафедры філасофіі ГДУ імя Ф. Скарыны, намінант на прэмію імя Вацлава Ластоўскага 2007 г.

Глыбокае: лёс беларускамоўнага навучання вызначыць галасаванне
Вячаслаў Кулік, Радыё Свабода
Сёння ў 16 гадзін ў адзінай у Глыбокім беларускамоўнай школе №3 мае адбыцца канферэнцыя выкладчыкаў, бацькоў і навучэнцаў. У парадку дня – галасаванне па зменах у статуце навучальнай установы. З 1 верасня тут створанаы рускамоўны клас, а гэта пярэчыць статуту. Намеснік старшыні Віцебскай абласной арганізацыі Партыі БНФ Яраслаў Берніковіч паведаміў Радыё Свабода, што на канферэнцыю ў СШ №3 абраныя шмат дэлегатаў, якія будуць галасаваць супраць стварэння класаў з рускай мовай навучання. “Напярэдадні больш як 30 чалавек паставілі свае подпісы пад зваротам да кіраўніка Савету бяспекі Віктара Шэймана, – кажа Яраслаў Берніковіч, – мы лічым, што беларуская мова з'яўляецца адным з атрыбутаў дзяржаўнасці Беларусі. Падобных дзеянняў па закрыцці нацыянальных школ няма ні ў адной з нашых суседніх краінаў”. Раней Радыё Свабода паведамляла, што ініцыятыва стварыць у школе рускамоўнае навучанне сыходзіць ад бацькоў – мясцовых камерсантаў, а таксама ад дзядуляў вучняў – дзяржаўных чыноўнікаў (адзін дзядуля – чыноўнік Гандлёвай палаты, другі – дэпутат у абласным савеце). Больш падрабязна па тэме http://nastaunik.info/news/245

Дадайце ў сваю бібліятэку.
Выйшла ў свет кніга Ўладзіміра Арлова “Імёны Свабоды”. У кнігу ўвайшоў 261 гістарычны партрэт герояў беларускай свабоды XVIII—XXI стагоддзяў. Ад 1 студзеня 2006 году да Дня Волі 2007 году ў ранішнім эфіры “Свабоды” Ўладзімір Арлоў расказваў пра беларускіх патрыётаў, змагароў за волю й незалежнасць. Выданне склалі выбраныя эсэ з больш чым трохсот радыёперадачаў. Гэтая кніга павінна быць у асабістай бібліятэцы кожнага беларускага настаўніка. Кнігу можна спампаваць з Інтэрнэту тут (PDF 4,3 Mb).

Агляд адукацыйных навінаў

– Настаўнікаў баранавіціх школ прымушаюць падпісваць абавязацельствы «аб барацьбе з карупцыяй», у якіх яны «не маюць права займацца прадпрымальніцкай дзейнасцю», «прыпыняюць сяброўства ў палітычных партыях», і што «непадпісанне гэтага цягне за сабой адмову ў прыняцці на працу, альбо звальненне з займаемай пасады»>>>

– Арганізацыя Аб’яднаных Нацыяў апублікавала справаздачу, якую падрыхтаваў ЮНІСЭФ “Адукацыя: адным больш, адным менш?”. Рэгіянальныя даследаванні ў галіне адукацыі ў Цэнтральнай і Усходняй Еўропе і краінах СНД” >>>

– У Баранавічах супрацоўнікамі мясцовага цэнтру гігіены і эпідэміалогіі праведзенае ананімнае анкетаванне ў навучальных установах. 35% баранавіцкіх школьнікаў стала ўжываюць алкаголь >>>

Выпадак на занятку па гісторыі

Алесь — звычайны вучань адной з берасцейскіх школаў.

Урок гісторыі. Настаўніца распавядае пра Напалеона, які захапіў усю Францыю і імкнуўся заваяваць увесь свет. Назваўшы яго палітыку дыктатурай, настаўніца запыталася ў класа: «Скажыце, калі ласка, а ў якіх краінах цяпер існуе дыктатура?» Адказваць прыйшлося Алесю: «На жаль цяпер пануе дыктатура ў нашай краіне.» Настаўніца разьюшылася. Прымушала чытаць ідэалагічную кнігу аб «шчаслівай» Беларусі. А калі хлопец адмовіўся, настаўніца выгнала яго з класа, сказаўшы напрыканцы, што да канца школы яна ня хоча бачыць апошняга на сваіх уроках.

Год назад у Алеся ўжо былі канфлікты з новай настаўніцай гісторыі. Нягледзячы на тое, што падручнікі па гісторыі надрукаваныя на роднай мове, настаўніца прымушала вучняў адказваць прадмет па‑расейску. Алесь парушыў «правілы гульні» і адказваў на ўроках гісторыі на роднай мове, за што атрымліваў адзінкі.

А цяпер яму зноў пагражаюць выключэннем са школы.

Школа №Х — невялікая рэспубліка ў вялікай краіне, тут пануе свая невялікая дыктатура, тут жывуць свае невялікія героі і хаўруснікі…

Паводле пошты «Нашай Нівы»

Школьнікі просяць прэзідэнта абараніць іх ад прымусовага членства ў БРСМ і пазбавіць настаўнікаў пакаранння за гэтае рашэнне вучняў.
Сяргей Бародзіч з 11-га класа сярэдняй школы №33 Магілёва і студэнт 2-га курса Магілёўскага прафесійна-тэхнічнага каледжа Павел Чарвінскі напісалі на гэты конт і генеральнаму пракурору. “Калі б усё было насамрэч на добраахвотнай аснове, то праз пару дзён ад гэтай арганізацыі засталася б адна назва”, – лічыць Чарвінскі.
Хлопцы не хочуць быць сябрамі БРСМ, бо арганізацыя не адпавядае іхнім інтарэсам і заснавана на ідэалогіі асобных чыноўнікаў. Маладзёнам не падабаецца, што на членскім білеце дагэтуль стаіць партрэт Леніна і ордэн Кастрычніцкай рэвалюцыі. “Якое гэта можа мець дачыненне да маладзёжнай палітыкі XXI стагоддзя?” – пытаюцца яны. Сяргей і Павел хочуць уступаць у тую ці іншую арганізацыю на ўласны выбар. Таму і звярнуліся да прэзідэнта з генпракурорам з просьбай пазбавіць іх ад прымусовага ўступлення ў БРСМ, піша Bulletinonline.org Паводле нашых звестак, хлопцаў падтрымалі некалькі аднакласнікаў, напісаўшы падобныя лісты. Яны просяць не пазбаўляць іх настаўнікаў 50% прэміі за тое, што вучні «не падпарадкоўваюцца іх незаконным патрабаванням».

Аmity Intern Teacher Program абвяшчае аб магчымасці прайсці практыку студэнтам і прафесіяналам

Стыпендыя ўключае пражыванне ў прымаючай сям'і. Практыканты будуць мець магчымасць працаваць асістэнтамі настаўнікаў у школах, каледжах і універсітэтах ЗША. Удзельнікі павінны будуць праходзіць навучанне па аднаму-двум курсам пад час практыкі. Іншыя ўмовы: удзельнікі павінны быць не маладзей за 20 не старэй за 30, не жанатыя/не замужам і адсутнасць дзяцей. Пад час удзелу павінны скончыць альбо вучыцца ва універсітэце.

Інфармацыя на сайце www.amity.org, кантактны мэйл interns@amity.org.

Спабор крэатыўных ідэй для жыхароў Гарадзеншчыны
Паводле выдання «Гарадзенская кроніка»
Для жыхароў Гарадзеншчыны абвешчаны спабор крэатыўных ідэй: ”Хто ты і што ў табе еўрапейскага?” Беларусы стаяць ля парога Еўрапейскага Дому. З аднаго боку, мы выдатна ўсведамляем, што гістарычна мы частка гэтага Дому. І, у той жа час, мы ніяк не адважваемся пераступіць гэты парог. Няхай спабор ідэй ”Хто ты і што ў табе еўрапейскага?” стане нашым супольным крокам насустрач Еўропе.
Умовы ўдзелу ў спаборы: – ідэі мусяць пераадольваць нацыянальныя, культурныя і моўныя межы;
-быць зразумелымі для іншых;
-быць візуальна моцнымі;
-набліжаць лепшую будучыню для жыхароў Гарадзеншчыны, Беларусі і Еўропы.
Переможцы атрымаюць магчымасць рэалізацыі сваіх ідэй. Тэрмін падачы ідэй – да 15 кастрычніка. Ідэі дасылаць на эл. адрас: konkurs@euro-dom.org .

Запрашаем да навучання

Беларускі Калегіюм прапануе дадатковае навучанне па спецыялізацыях:

– журналістыка

– найноўшая гісторыя

– філасофія/літаратура

Запрашаюцца студэнты старэйшых курсаў альбо асобы з вышэйшай адукацыяй. У выключных выпадках
прымаюцца студэнты малодшых курсаў. Навучэнцамі БК могуць быць тыя, хто пастаянна альбо на час
навучання пражывае ў Мінску.

Навучальныя праграмы БК арыентаваныя на выкладанне найноўшых фрагментаў сучаснай веды і не дублююць існуючыя праграмы дзяржаўных і недзяржаўных універсітэтаў.

Сертыфікат Калегіюму не замяняе дыплом аб вышэйшай адукацыі.

Навучанне ў БК – бясплатнае.

Пачатак заняткаў з 1 кастрычніка 2007 г.

Запіс на сумоўе па 26 верасня.

Больш падрабязную інфармацыю глядзіце на сайце http://www.baj.by/belkalehium/abviestka2007.htm

Агляд адукацыйных навінаў

– Напрыканцы жніўня завяршыліся першыя археалагічныя раскопкі ў Шацілках – старадаўняй частцы Светлагорска. У асноўным на раскопках працавалі ахвотныя навучэнцы і выпускнікі сярэдніх навучальных устаноў. Вынікі раскопак пераўзыйшлі чаканні даследчыкаў >>>

– Пазбегнуць размеркавання можна, толькі выплаціўшы дзяржаве гроша за вучобу. Як правіла, грошы, выдаткаваныя дзяржавай на вучобу,людзі вяртаюць з цяжкасцю.
>>>

– Трое дзяцей Стаянавічаў, якія пражываюць у пасёлку Ружаны Пружанскага раёна, нягледзячы на тое, што на каляндары ўжо сярэдзіна верасня, да заняткаў у школе так і не прыступілі.>>>

– Выпускніца светлагорскай сярэдняй школы № 10 Марыяна Мірчук увайшла ў лік прызёраў сёлетняга конкурсу Каледжаў міжнароднай супольнасці (United World Colleges). Яна стала другой студэнткай, якая будзе прадстаўляць Беларусь у Каледжы міжнароднай супольнасці ў г. Мостар, Боснія і Герцагавіна.>>>

Адным словам

Выхаванне патрыятызму — здаецца, станоўчы кірунак дзейнасці БРСМ, спрыяльны станаўленню нацыі. Аднак вось што сказаў першы сакратар Мінскага гарадскога камітэта БРСМ Вадзім Гігін, адказваючы на пытанне аб сімпатычных яму гістарычных дзеячах. Актавіян Аўгуст, дэ Голь, Пётр Першы... З беларусаў не назваў нікога. Затое заявіў: «Может, несколько нестандартный выбор, но мне всегда импонировал виленский генерал-губернатор Михаил Николаевич Муравьев, который больше известен тем, что подавил восстание 1863 года. Но я хорошо изучил его биографию. Это удивительный человек, администратор, управленец, который может служить примером для любого государственного деятеля».
У Беларусі яго звалі і завуць Мураўёў-вешальнік. Вядомы гэты дзеяч і фразай «Что не доделал русский штык — доделает русская школа». Своеасаблівы, як бачны, кумір у таго, хто адказвае за выхаванне патрыятызму ў маладых мінчукоў!

Белорусские новости

Дыстанцыйнае навучанне ў ЕГУ

Да 28 верасня 2007 года ў Еўрапейскім гуманітарным універсітэце (ЕГУ) распачатая рэгістрацыя на курсы дыстанцыйнага навучання. Для грамадзян і сталых рэзідэнтаў Беларусі навучанне на дыстанцыйных праграмах бясплатнае. Да 30 кастрычніка таксама можна паступіць у ЕГУ на завочныя бакалаўрскія праграмы.

Больш падрабязна

Талькаўскі фэст

7 кастрычніка адбудзецца імпрэза «Талькаўскі фэст». Запрашаем усіх, хто любіць спяваць, чытаць вершы, танцаваць.

Чакаем фальклорныя гурты «Калыханка» з Міханавічаў, «Гронка» з Мінска, «Верабейкі» з Любані, бардаў Андрэя Мельнікава, Аляксея Галіча.

Пачатак у 12 гадзін ля клуба, а працяг на беразе Талі. Тэл. для даведак 8(029)3779959.

Новае на сайце

Метадычныя матэрыялы да 125-годдзя Янкі Купалы і Якуба Коласа

Сцэнары правядзення пазакласных мерапрыемстваў, прысвечаных жыццю і творчасці Янкі Купалы і Якуба Коласа, у пачатковых класах.

Конкурс эрудытаў «Найлепшы знаўца казак» (па казках Якуба Коласа) (doc, 70 КБ), распрацаваны метадыстам М. В. Кудзейкам.

Вусны часопіс «Песняры беларускай зямлі» (doc, 166 КБ), распрацаваны выкладчыкам педагогікі МГПК №1 Н. М. Літоўчыкам.

Гульні «Поле цудаў» (doc, 96 КБ) і Клуб Вясёлых і Кемлівых (doc, 107 КБ), распрацаваныя дацэнткай кафедры беларускай і рускай моў з методыкай выкладання
Брэсцкага дзяржаўнага універсітэта імя А. С. Пушкіна Г. М. Канцавой.

Паводле часопіса «Пачатковая школа»

Новае на сайце

Сцэнар гульні «Прэс-канферэнцыя з замежнымі гасцямі»
Сцэнар гульні для вучняў 8–11 класаў, якая дапаможа пашырыць веды вучняў пра краіны Еўропы, развіць уменні працаваць з рознымі крыніцамі інфармацыі, сфармаваць грамадзянскія каштоўнасці. Распрацаваны настаўніцай гісторыі Талькаўскай школы Наталляй Валянцінаўнай Ільініч:
Спампаваць сцэнар (doc, 80 КБ)

Конкурс адукацыйных праектаў

Конкурс накіраваны на падтрымку адукацыйнай і грамадскай дзейнасці
педагогаў і адукатараў.

Калі ў Вас ёсць нерэалізаваная ідэя, Вы зацікаўлены ў распаўсюдзе
ўласнага адукацыйнага досведу, ці проста марыце зрабіць нешта цікавае
разам з навучэнцамі, бацькамі ці калегамі, Вы ўжываеце ў практыцы ці
жадаеце больш даведацца пра інавацыйныя методыкі выкладання, хочаце
паспрабаваць зрабіць навучанне ці пазакласнае жыццё больш цікавым і
сучасным – гэты конкурс для Вас!

>>>

ТБМ дамаглося, каб гісторыю і геаграфію выкладалі па-беларуску.
Паводле Еурапейскае радыё для Беларусі
Tаварыства беларускай мовы імя Францішка Скарыны дамаглося, каб вучні старэйшых класаў рускамоўных агульнаадукацыйных школаў атрымалі магчымасць вывучаць геаграфію і гісторыю Беларусі на беларускай мове. Яшчэ летась пад гэтым патрабаваннем былі сабраныя тысячы подпісаў, якія адправілі ў Адміністрацыю прэзідэнта. Міністэрства адукацыі адрэагавала нядаўняй публікацыяй інструктыўна-метадычнага ліста, які дазваляе вывучаць геаграфію і гісторыю Беларусі і на беларускай мове, калі ў вучняў альбо іх законных прадстаўнікоў ёсць такое жаданне. >>>

Настаўнікі з Кобрына сталі пераможцамі II Міжнароднага конкурсу «Сучасны ўрок. Інавацыйныя тэхналогіі ў навучанні і выхаванні"
У Конкурсе прымалі ўдзел педагогі з Беларусі, Рэспублікі Саха (Якутыя), Расіі, Украіны. Пераможцамі ў конкурсе метадычных распрацовак выхаваўчых заняткаў сталі Іна Чахомова, Андрэй Чахомаў з г. Кобрына. Яны прадставілі метадычны матэрыял па экалогіі для 11 класа «Усё жывое на Зямлі мае права на жыццё«. II месца заняла метадычная распрацоўка "Інтэграваны ўрок – майстэрня «Сам-насам з сумленнем» у 10 класе. Аўтар: Алена Крывушына – Рэспубліка Саха (Якутыя), г. Алдан. III месца – распрацоўка класнай гадзіны (5–6 кл.) " Ці ёсць карысць ад палення?". Аўтар: Валянціна Кудрашова – Расія.
У конкурсе метадычных распрацовак класных заняткаў першае месца заняла метадычная распрацоўка ўрока замежнай літаратуры ў 11 класе па тэме «Альбер Камю. «Чума». Аўтар: Вольга Куцынко – Украіна.
Віншуем беларусаў!
Азнаёміцца з інфармацыяй пра конкурс і спампаваць метадычныя распрацоўкі можна тут.

Інтэрнэт для школьных філолагаў
Брэст/АНТБ, з 12-га па 17-га верасня IATP правядзе дыскусію «Рэсурсы Інтэрнэту для выкладчыкаў рускай мовы і літаратуры» у камп'ютэрным класе IATP, Брэсцкі філіял РНТБ. Падрабязней тут

Прэзентацыя 'Магчымасці адукацыі і працаўладкавання моладзі'
Прадстаўніцтва Сусветнага банку ў Рэспубліцы Беларусь і Грамадскае аб'яднанне «Адукацыйны цэнтр «ПОСТ» запрашаюць Вас прыняць удзел у прэзентацыі вынікаў міжнароднага праекту «Магчымасці адукацыі і працаўладкавання моладзі".

Прэзентацыя адбудзецца 20 верасня ў 17.30 у малой актавай зале УП ФПБ «Міжнародны інстытут працоўных і сацыяльных адносін» па адрасе: Мінск, вул. Казінца, 21, корпус 3.

Удзельнікі прэзентацыі атрымаюць кампакт-дыскі для выкладчыкаў, старшакласнікаў і студэнтаў «Мая кар'ера».

Больш падрабязна

Навучанне для лідэраў навучальных гурткоў
15–16 верасня адбудзецца трэнінг для новых лідэраў навучальных гурткоў, які арганізуецца Рэсурснай праграмай навучальных гурткоў у г.Гомелі па адрасе: пр.Леніна, 34а. Пачатак трэнінгу ў 11.00. Заяўкі на ўдзел прымаюцца да 13 верасня. Электронны адрас: hurtki.team@gmail.com
29 верасня адбудзецца семінар для дасведчаных лідэраў навучальных гурткоў у г.Гомелі па адрасе: пр.Леніна, 34а. Пачатак семінара ў 11.00. Семінар прысвечаны распрацоўцы і падрыхтоўцы міні-праектаў для іх рэалізацыі на конкурснай аснове ў рамках Рэсурснай праграмы навучальных гурткоў. Заяўкі на ўдзел прымаюцца да 25 верасня. Электронны адрас: hurtki.team@gmail.com

У Чырвоным касцёле ладзіцца імша за настаўнікаў

Галоўная нядзельная імша ў Чырвоным касцёле, якая адбылася 9 верасня, была адпраўлена ў інтэнцыі настаўнікаў-пенсіянераў, якія нават у савецкія гады здолелі даць вучням не толькі веды, але і добрыя душэўныя якасці. Падчас казані біскуп Дзям’янка рытарычна запытваў, чым веды адрозніваюцца ад мудрасці.

У наступную нядзелю, 16 верасня, імша будзе адпраўлена за душы памерлых настаўнікаў. Імёны настаўнікаў можа падаць у закрыстыю кожны жадаючы.
Дарэчы, у Чырвоным касцёле з наступнай нядзелі а 15й гадзіне будзе адпраўляцца дзіцячая імша.

Уладзімір Арлоў пра навучанне ў савецкай школе:
«У школе не вывучалі Інфлянцкай вайны, не вывучалі найстрашнейшай вайны 1654—1667 г. Беларусь страціла тады палову насельніцтва, сваю эліту, шляхту, мяшчанства. Гэта была дэмаграфічная, эканамічная, культурная катастрофа, ад якой краіна не адышла дагэтуль. Якраз тут мне бачацца карані нашых сучасных балючых праблемаў.

За тры гадзіны аўтобусам ад Полацку знаходзіцца славутае дзякуючы Пушкіну сяло Міхайлаўскае. У школе мы штогод ездзілі туды на экскурсіі. Усё там я ведаў на памяць, сам мог быць гідам. Затое ніколі не зрабілі нам экскурсіі па Полацку, не распавялі пра Сафію.»

Чытаць поўны тэкст інтэрв'ю Нашай Ніве.

Агляд адукацыйных навінаў
- У жніўні каля вёскі Адрубы, што ў Кабанаўскім сельскім Савеце Жлобінскага раёну, праведзена маладзёвая краязнаўчая экспедыцыя. Яна была падрыхтавана ў Светлагорску грамадскім аб’яднаннем “Таварыства беларускай мовы імя Францішка Скарыны” (ТБМ). Такія экспедыцыі ў Светлагорску ладзяцца кожнае лета з 1997 г., і сёлета адзначалася іх 10-годдзе. Сёлета 2-тыднёвая экспедыцыя ў чацвёрты раз была міжнароднай, што паспрыяла развіццю міжкультурных кантактаў сярод яе ўдзельнікаў і пашырэнню валодання замежнымі мовамі. >>>

- У сувязі са з’яўленнем на афіцыйным сайце Міністэрства адукацыі Праекта Закона “Аб змяненнях у беларускім правапісе і пунктуацыі”, Таварыства беларускай мовы распачало кампанію па арганізацыі грамадскага абмеркавання. Да працы ў круглым стале запрашаюцца прадстаўнікі Міністэрства адукацыі, Палаты прадстаўнікоў, выкладчыкі навучальных устаноў. >>>

- Новы кампакт-дыск “Беларускі софт” змяшчае больш за 200 беларусізаваных праграмаў: і аперацыйныя сістэмы, тэкставыя і графічныя рэдактары, праграмы для працы з мультымедыямі, гульні і забаўкі, пераклады, кніжкі і іншае. >>>

- Паводле Міністэрства статыстыкі і аналізу, у 2006–2007 навучальных гадах у ВНУ Беларусі набывалі адукацыю амаль 400 тысяч студэнтаў. З іх 232 тысячы (58,5%) на ўмовах аплаты фізічнымі асобамі, 10,6 тысяч (2,7%) — па аплаце юрыдычнымі фірмамі, і толькі 150 тысяч студэнтаў (38%) — коштам бюджэту. Забеспячэнне інтэрнатамі заўсёды заставалася праблематычным нават для бюджэтнікаў, тым часам як згаданыя 200 тысяч платнікаў, многія з якіх навучаюцца ў іншых гарадах, не разглядаюцца як атрымальнікі месца ў інтэрнатах — хоць бы і на камерцыйнай аснове. >>>

- У межах рэалізацыі дзяржаўнай праграмы “Дзеці Беларусі” на 2006–2010 гады, зацверджанай указам прэзідэнта, у летнія вакацыі на базе частак памежных войскаў быў створаны 21 ваенна-патрыятычны і аздараўленчы лагер. >>>

- Беларускі універсітэт культуры і мастацтва выйграў грант амерыканскай праграмы па захаванні культурнай спадчыны. Рэалізацыя праекту «Геаграфія традыцыйнага абрадавага фальклору беларусаў у кантэксце сусветнай культурнай спадчыны» пачнецца ўжо ў верасні. >>>

Новае на сайце

Краязнаўчыя матэрыялы аб Тальцы
Новыя матэрыялы ў раздзеле «Краязнаўства», складзеныя кіраўніцай краязнаўчага гуртка
Талькаўскай СШ Наталляй Валянцінаўнай Ільініч:
Сцэнар правядзення школьнага свята «Наш край» (doc, 52 КБ)
Пытанні і адказы для конкурса гістарычных ведаў (doc, 120 КБ)
Аповед пра школьны краязнаўчы музей (doc, 71 КБ)

10 верасня ў Еўрапейскім гуманітарным універсітэце завяршаецца прыём на завочнае аддзяленне
10 верасня 2007 года ў Еўрапейскім гуманітарным універсітэце (Вільнюс, Літва) завершыцца прыём дакументаў на завочнае аддзяленне бакалаўрскіх праграм. З дапамогай завочных праграм ЕГУ пашырае магчымасці беларускіх грамадзян атрымоўваць у Беларусі як базавую, так і дадатковую еўрапейскую вышэйшую адукацыю. Па завяршэнні навучання студэнты ЕГУ атрымоўваюць дыпломы краіны-чальца Еўрасаюза.
Дадатковую інфармацыю глядзіце на сайце ЕГУ.

Беларускую кнігу – беларускім дзецям
У межах кампаніі «Беларускую кнігу — беларускім дзецям» распачаты збор беларускамоўных кніг для дзіцячых дамоў Гарадзеншчыны, Случчыны і Салігоршчыны.
Мы звяртаемся да ўсіх неабыякавых людзей, з просьбаю падтрымаць кампанію і ахвяраваць беларускія кнігі для дзяцей‑сіротаў. Мы лічым, што ахвяраванне беларускіх кніг — гэта своечасовы і неабходны крок, які дасць магчымасць беларускім дзеткам з маленства чытаць творы на роднай мове, расці сапраўднымі і шчырымі беларусамі.
Ня будзьма абыякавымі!
Кантакты: Гродна і вобласць: +375 29 5855138 (Андрусь)
Салігорск : +375293700204,эл.пошта: salihorsk@gmail.com .
Слуцк: +375296903474.
Дадатковую інфармацыю можна знайсьці на сайтах saligorsk.org і slucak.org

Давайце сустрэнемся і абмяркуем
Грамадcкая працоўная група «Прырода і запаведная справа» запрашае да супрацоўніцтва ўсіх, каго хвалюе лёс Прыроды нашай Радзімы. У верасні-кастрычніку група плануе правесьці шэраг сустрэч, прысвечаных сучаснай сітуацыі з захаваннем біяразнастайнасці і прыроды на асабліва ахоўваемых прыродных тэрыторыях Беларусі. Аб сваім жаданні ўзяць удзел у абмеркаванні просім паведаміць Інэсе Зенінай на e-mail: redco63@yahoo.com .
Паводле Гарадзенскай кронікі

Новае на сайце

Каляды ў Тальцы
Сцэнар правядзення Калядаў, складзены кіраўніцай краязнаўчага гуртка
Талькаўскай СШ Наталляй Валянцінаўнай Ільініч , можна спампаваць тут (110 КБ)

Новыя магчымасці для класнага кіраўніка: электронны дзённік
DZENNIK.BY – гэта версія класнага журнала паспяховасці і наведвальнасці ў Інтэрнэце. Праграма аўтаматычна рассылае паведамленні аб адзнаках, заўвагах і водгуках педагогаў бацькам вучняў. Інфармацыя паступае ў лічаныя секунды на мабільны тэлефон бацькоў (смс), праз электронную пошту ці сайт.
Гэтую праграму распрацавалі маладыя праграмісты, выпускнікі Гарадзенскага ўніверсітэта і прадставілі для карыстання на сайце WWW.DZENNIK.BY .
Каб далучыцца да паслугі, супрацоўнік школы падае заяўку на падлучэнне да сістэмы DZENNIK.BY (ёсць на сайце). >>>

Сайт, прысвечаны школьнаму заканадаўству

На старонцы http://belszkola.at.tut.by/zakon.htm вы можаце азнаёміцца з нарматыўнымі дакументамі, датычных школьнага заканадаўства, а таксама задаць пытанні, якія вас цікавяць. Хоць зараз сайт знаходзіцца ў стадыі распрацоўкі, ужо зараз на ім размешчана немала карыснай інфармацыі.

“Школа маладога журналіста”
Грамадзкае аб’яднанне “Цэнтр “Трэці сэктар” запрашае моладзь да ўдзелу ў праекце “Школа маладога журналіста-11”.

-Калі ТАБЕ ад 16 да 25 год

-ТЫ жывеш у Гародні

-ТАБЕ цікава пісаць артыкулы, браць інтэрв’ю, рыхтаваць рэпартажы для радыё, сустракацца з вядомымі журналістамі і спазнаваць шмат іншага ў гэтай прафесіі, то праект “Школа Маладога Журналіста” ДЛЯ ЦЯБЕ!

У межах “Школы” цябе чакаюць сустрэчы з журналістамі гарадзенскіх і еўрапейскіх сродкаў масавай інфармацыі, знаёмства з асновамі інтэрнэт-і радыё- журналістыкі, стажыроўкі ў СМІ.

Пры наборы дастатковай колькасці ахвотных з рэгіёнаў магчыма дыстанцыйнае навучанне.

Заявы на ўдзел у “ШМЖ-11” можна запоўніць па адрасе: вул. Будзёнага, 48а-11, г. Гродна.

Заявы прымаюцца з 4 да 21 верасня з 14:00 да 18:00 (акрамя суботы і нядзелі).

Больш падрабязную інфармацыю можна атрымаць па тэлефонах 75–71–72; (+375 29) 7843221, 1068594.

Колькі каштуе вышэйшая адукацыя?
Іна Студзінская даведалася пра кошты беларускай вышэйшай адукацыі і параўнала яе з Чэшскай.
У Чэхіі ёсць прыватная вышэйшая адукацыя, але прыватныя ВНУ з'явіліся там нядаўна – у 2000 годзе. Дзяржаўных вышэйшых навучальных установаў толькі дзве – гэта Паліцэйская Акадэмія і Ўніверсітэт абароны, якія рыхтуюць спецыялістаў адпаведна для паліцыі і войска.
А галоўная частка вышэйшай адукацыі – гэта так званыя грамадскія ўніверсітэты і каледжы. Да прыкладу, найстарэйшы ў Цэнтральнай Еўропе Карлаў Універсітэт у Празе, які існуе з сярэдзіны 14-га стагоддзя, гэта якраз грамадскі ўніверсітэт. Сістэма кіравання там незалежная ад дзяржавы, але ўсе грамадскія ВНУ атрымоўваюць грошы з дзяржаўнага бюджэту. Адпаведна за навучанне ў гэтых установах студэнты не плацяць.
Артыкул цалкам >>>

Чым амерыканская адукацыя адрозніваецца ад нашай?
Інтэрв'ю Ірыны Віданавай, якая пяць гадоў выкладала гісторыю Беларусі ў Ліцэі пры БДУ, працавала выкладчыкам на кафедры “Гісторыі старажытных часоў і сярэдніх вякоў Беларусі” гістарычнага факультэта БДУ. Два гады вучылася ў ЗША. Цяпер займаецца незалежнымі аналітычнымі праектамі.
Паводле Радыё Свабода
«Прафесар у амерыканскім універсытэце не прыходзіць начытваць людзям веды як дадзенасць. Там прафесар прапануе ўжо да першай лекцыі прачытаць кніжачак пяць старонак па 200 кожная з тым, каб абмеркаваць нейкую тэму, справакаваць студэнтаў на мысленне. Гэта тое, чаго ў нашай адукацыйнай сыстэме папросту няма – самастойнага мыслення...»
Інтэрв'ю цалкам >>>

«А ад Вас залежыць у вялікай меры павага ў Беларусі да свае мовы, да ўсяго беларускага, бо Вы з'яўляецеся найбольшым аўтарытэтам для сваіх вучняў.»
Адкрыты ліст старшыні Рады БНР Івонкі Сурвіллы да настаўнікаў Беларусі з нагоды пачатку новага школьнага года.
Паводле Радыё Свабода

“Нічога так моцна мяне не задавальняе, як быць настаўнікам ды выхоўваць дзетак, якія будуць уважаць сваім абавязкам прычыніцца да дабрабыту нашага свету...” Так аднойчы гаварыў усім ведамы ў Канадзе настаўнік Юстын Трудо, сын найбольш ведамага канадскага прэм'ер-міністра П'ера Трудо. >>>

“Адкрытая школа мясцовай супольнасці-3”

Грамадскае аб’яднанне “Цэнтр інфармацыйнай падтрымкі грамадскіх ініцыятыў “Трэці сектар” (Гродна) запрашае Вас узяць удзел у праекце “Адкрытая школа мясцовай супольнасці-3”.

Мэтай праекту з’яўляецца павышэнне ўдзелу насельніцтва ў вырашэнні мясцовых праблем праз укараненне ў практыку дзейнасці беларускіх грамадскіх арганізацый, дамоў культуры, тэрытарыяльных цэнтраў сацыяльнай дапамогі насельніцтву, бібліятэк і школ інавацыйных метадаў дзейнасці на карысць развіцця мясцовай супольнасці.

Больш падрабязна

Новае на сайце

Падарожжа ў мінулае і сучаснае

У раздзеле «Краязнаўства» з'явіўся артыкул настаўніцы сярэдняй школы №5 Наваградка Таццяны АНАЦКІ пра вандроўку ў Слонім, Зэльву і Сынковічы.

Артыкул цалкам

Новае на сайце

У раздзеле «Краязнаўства» размешчаны артыкул настаўніцы сярэдняй школы №5 Наваградка Таццяны АНАЦКІ пра вандроўку ў Баранавічы і на радзіму Паўлюка Багрыма.

Артыкул цалкам

Конкурс адукацыйных праектаў

Абвешчаны конкурсы «Беларускі Настаўнік 2007 года Мінска» і «Беларускі
Настаўнік 2007 года Міншчыны»

Рэспубліканскае грамадскае аб’яднанне “Таварыства беларускай школы”
(ТБШ) з мэтай маральнай падтрымкі педагогаў, якія выкладаюць
па-беларуску, праводзіць конкурсы “Беларускі Настаўнік 2007 года
Мінска” і “Беларускі Настаўнік 2007 года Міншчыны”.

У іх могуць удзельнічаць педагогі базавых і сярэдніх школ, дашкольных
і пазашкольных установаў, ліцэяў, гімназій і каледжаў Мінска і Мінскай
вобласці са стажам працы не меней за тры гады.

Для ўдзелу ў адпаведных конкурсах найлепшыя настаўнікі могуць быць
рэкамендаваныя грамадскімі арганізацыямі, бацькоўскімі камітэтамі,
установамі адукацыі, групамі бацькоў, настаўнікаў і навучэнцаў. Для гэтага трэба запоўніць спецыяльную анкету-рэкамендацыю і даслаць да 30.11.2007 электроннай поштай на адрас nastaunik2007@gmail.com, або па адрасе: 220029 Мінск, а/с 64.

Журы ТБШ да канца 2007 года вызначыць трох лаўрэатаў конкурса і
ўручыць спецыяльныя дыпломы і прызы. Дадатковая інфармацыя аб праекце
знаходзіцца на адмысловай старонцы нашага сайта http://nastaunik.info/nastaunik2007/.

Вінцук Вячорка: Належыць падзяка ўсім беларускім пэдагогам, якія ў ненармальнай сытуацыі працуюць нармальна: шчыра й прафэсійна. Дзеці іх любяць.
Паводле http://pbnf.org/
Вінцук Вячорка разам зь віншавньнямі да Дня ведаў надрукаваў свае прынагодныя ўражаньні.
З Днём ведаў усіх нас. Сьвята ўсіхнае: кожны вучыцца або вучыўся, аддаваў вучыцца дзяцей. Дзень ведаў – нагода задумацца пра нашую школу. Прынамсі паставіць пытаньне: ці нашая? >>>

Уладзімір Арлоў і Генадзь Бураўкін пра выключэнне твораў з школьных праграм.
Уладзімір Арлоў: «Адбылася татальная “зачыстка” школьных праграм ад усіх маіх тэкстаў і прычынай з'яўляецца не толькі мая асоба. Прычына ў саміх тэкстах. Мае гістарычныя апавяданні для моладзі фармуюць нацыянальную свядомасьць маладых людзей. Па меркаванні нашай улады гісторыя Беларусі пачалася не ў дзесятым стагоддзі, а тады, калі прыйшоў да ўлады Аляксандр Лукашэнка».
Лаяльнасьць пісьменнікаў да ўлады не павінна быць крытэрам каштоўнасці пісьменьніка, упэўнены паэт Генадзь Бураўкін. Гэта прыносіць шкоду для іміджу дзяржаваы ў свеце: «Калі мы за мяжой расказваем, што наш любімы пісьменнік – Васіль Быкаў, замежнікі чытаюць яго творы і кажуць: «Так, канешне, Быкаў — вялікі пісьменнік!». Але калі замест яго ім прапанаваць нейкіх невядомых дэтэктыўшчыкаў, то яны скажуць: «Божа мой, калі гэта вялікі беларускі пісьменнік, то што гэта за культура,што за літаратура, што за народ?»

Новае на сайце

English debate club
Досведам правядзення заняткаў дыскусійнага клуба па ангельскай мове падзялілася Таццяна Анацка

Больш падрабязна

У новавыдадзеных праграмах па літаратуры няма вызначальных твораў Купалы, Быкава, Шамякіна. Затое ёсьць Чаргінец і Аўруцін.
Аналіз новых праграм па літаратуры робіць знаны педагог і літаратуразнаўца Лявон Баршчэўскі.
Пачало здзяйсьняцца тое, пра што гаварылася ў незалежнай прэсе на пачатку году. У новавыдадзеных праграмах па беларускай і расійскай літаратуры для сярэдніх школаў (Мінск: Нацыянальны інстытут адукацыі, 2007) выразна праглядаюцца сляды ўсёмагутнае цэнзуры і «нястомнай дзейнасці» чаргінцоўскага Саюзу пісьменьнікаў. Першае, што кідаецца ў вочы пры пабежным праглядзе праграмаў па беларускай літаратуры, — гэта поўная адсутнасць якіх‑кольвечы згадак пра купалаўскіх «Тутэйшых» ва ўсіх раздзелах праграмаў. Вось жа, Купала і атрымаў падарунак на сваё 125‑годзьдзе ад сучасных «тутэйшых» ды іх памагатых! >>>

Сёлета ў беларускіх школах і гімназіях г. Мінска павялічылася колькасць першакласнікаў.
Вось папярэднія лічбы набору ў першыя класы, якія атрымала Таварыства беларускай школы, абзваніўшы дырэктароў школаў 29 жніўня. У дужках для параўнання падаецца колькасць вучняў, якія прыйшлі вучыцца ў гэтыя ж школы летась.
- СШ №60 – 34 (21) – сфармаваныя 2 класы;
- гімназія №4 – 83 (70) – сфармаваныя 4 класы;
- гімназія №9 – 40 (40) – сфармаваныя 2 класы;
- гімназія №14 – 86 (65) – сфармаваныя 4 класы;
- гімназія №23 – 40 (40) – сфармаваныя 2 класы;
- СШ №190 – 16 (14) – сфармаваны 1 беларускі і 2 рускіх класы;
- СШ №89 – пакуль невядома (25) – 1 клас ужо сфармаваны;
- СШ №2 – 38 (--) – сфармаваныя 2 класы.
Сёлета беларускія школы не здолелі прыняць усіх жадаючых. Бацька дзяўчынкі, што ідзе ў гімназію №23, паведаміў, што было вельмі шмат ахвотных, нават у так званыя кітайскія класы, абы дзеці вучыліся па-беларуску. Бацькі з задавальненнем аддаюць сваіх дзетак у беларускамоўныя школы, але мяшаныя бераруска-рускія школы маюць праблемы з наборам ў беларускія класы. Досвед паказвае, што калі ў беларускамоўнай школе з'яўляюцца рускія класы, яна паступова ператвараецца ў рускамоўную. Бацькі не вераць, што дзецям у такіх школах удасца давучыцца па-беларуску да 12 класа.
Па дадзеных канцылярыі ТБШ

Пра мову і закон
Бланкі для цэнтралізаванага тэставання на беларускай мове прапануе выдаць Канстытуцыйны суд Беларусі. Такая прапанова была накіраваная ў Савет Міністраў. Праз год паглядзім, ці прытрымліваецца Савет Міністраў Канстытуцыі, або толькі розныя ўказы ды дырэктывы адсочвае. А раптам прыслухаецца да асноўнага закону краіны, і будзе ў нас як, напрыклад, у Бельгіі, дзе таксама дзвюхмоўе: на кожнай паперцы, указальніку, нават цукерачнай абгортцы ўсе надпісы дублююца па-французску ды па-фламандску. Я ўжо не кажу пра алімпіядныя заданні для вучняў, зборнікі задачаў ды сайт міністэрства адукацыі. Бо дзвюхмоўе паводле закону – гэта каб грамадзянін мог выбраць, як зручней, а не чыноўнік, які хавае сваю некампетэнтнасць і не толькі ў моўных пытаннях. >>>

Дзе ўзяць праграмы для агульнаадукацыйных устаноў з 12-гадовым тэрмінам навучання?
На сайце Нацыянальнага інстытута адукацыі з'явіліся праграмы для агульнаадукацыйных устаноў з 12-гадовым тэрмінам навучання, зацверджаныя Міністэрствам адукацыі Рэспублікі Беларусь. Запампаваць праграмы можна тут .
Праграмы заняткаў па інтарэсах, факультатыўных заняткаў і курсаў па выбары (у аўтарскай рэдакцыі) таксама можна спампаваць адсюль, з гэтага ж сайту.

ТЫДНЁВАЯ ПАЕЗДКА Ў ЧЭХІЮ ДЛЯ АКТЫВІСТАЎ БЕЛАРУСКІХ ГРАМАДСКІХ ЭКАЛАГІЧНЫХ АРГАНІЗАЦЫЙ
З 29.10.2007 па 03.11.2007 Міжнароднае грамадскае аб'яднанне «Грамадзянская Беларусь» будзе праводзіць адукацыйны візіт для беларускіх грамадскіх арганізацый, дзейнасць якіх звязана з аховай навакольнага асяроддзя, з мэтай іх знаёмства з чэшскімі арганізацыямі экалагічнага кірунку і іх праектамі. У рамках візіту ўдзельнікі змогуць сустрэцца з актывістамі чэшскага “Greenpeace” (www.greenpeace.cz),аб'яднання «Тэрэза» (эка-праекты ў школах, фармаванне пачуцця адказнасці за навакольнае асяроддзе ў моладзі, www.terezanet.cz), незалежным сацыяльна-экалагічным рухам (www.nesehnuti.cz), прадстаўнікамі Інстытута эка-палітыкі (www.ekopolitika.cz), эка-юрыдычнай кансультацыі (www.eps.cz) і шматлікімі іншымі арганізацыямі, даведацца пра іх дзейнасць, наладзіць кантакты для далейшага супрацоўніцтва.
Зацікаўленым у стажыроўцы просьба даслаць сваё кароткае рэзюмэ (1 старонка) і дэталёвы матывацыйны ліст (1–2 старонкі) на беларускай, рускай або англійскай мове на адрас stypendyi@seznam.cz (з пазнакай тэмы: eco_visit_CR).
Заяўкі на ўдзел прымаюцца да 30.09.2007

Цэнтральна-Еўрапейскі Універсітэт (CEU) і Open Society Institute (OSI) абвяшчаюць набор для ўдзелу ў праграме стажыровак JUSTICE INITIATIVE FELLOWS у 2008–2010 гг.
Праграма накіраваная на далейшае развіццё сеткі юрыстаў і актывістаў, якія працуюць над праблемамі правоў чалавека на міжнародным узроўні. Патэнцыйныя студэнты павінныя быць вылучаныя на ўдзел у праграме адной з НДА, якая непасрэдна займаецца пытаннямі правоў чалавека. Праграма ўяўляе сабой двухгадовую праграму навучання і стажыровак: першы год праходзіць за атрыманнем магістарскай ступені права ў Цэнтральна-Еўрапейскім Універсітэце, Будапешт, Венгрыя, а другі год – у працы ўнутры той арганізацыі, што намінавала студэнта. Апошні тэрмін падачы заявак: 15 студзеня 2008 г. Падрабязнасці глядзіце на сайтах: http://www.justiceinitiative.org і http://www.ceu.hu/legal/osji_prog.html

Навіны адным радком
- Нідэрланды прапанавалі беларускім студэнтам мільён еўра >>>
- На Віцебшчыне знікла апошняя беларускамоўная гарадcкая школа >>>
- Настаўнік Рыгор Шарыпкін прэзентаваў сваю кнігу «Гісторыя Залескай школы» >>>
- У БДУ працуе «гарачая лінія» па засяленні ў інтэрнаты. Тэлефон 209–52–99 з 8.30 да 18.00.>>>
- Самыя дарагія падручнікі ў 9 класе беларускай школы, а самыя танныя – у 3 класе. >>>
- У Карэлічах бацькі ўзбунтаваліся супраць аддзелу адукацыі >>>
- Гарадзенцы — пра падрыхтоўку да школы >>>
- Выпадкі з жыцця абітурыентаў з Вілейкі >>>
- Моладзь БНФ заклікае перайменаваць сувораўскую вучэльню ў гонар Канстанціна Астрожскага >>>
- Выдадзены двухтомнік Леаніда Маракова «Рэпрэсаваныя настаўнікі Беларусі. 1917–1954 гады» >>>

У дапамогу да падрыхтоўкі свята першага званка
   Настрой ва ўсіх цудоўны гэткі:
   У руках дзяцей жывыя кветкі,
   Усмешак промні у вачах.
          Сышліся класныя сямейкі
          На урачыстую лінейку.
          Званочак весела гучыць...
                                  В. Жуковіч
Прапануем падборку вершаў пра школу, загадак, прымавак на тэму першага верасня, першага званка, школы. Падборку зрабіў Сяргей Сівы з г. Валожына. Карыстайцеся, калі ласка.

Спампаваць (DOC, 38Kb)

Як дзеці з настаўнікамі адкапалі стары горад
Некалькі гадоў таму жыхар Светлагорска Васіль Коваль, які вядомы ў горадзе як мастак-аматар, паказаў мясцовым краязнаўцам з грамадскага аб’яднання “Таварыства беларускай мовы імя Францішка Скарыны” (ТБМ) земляныя валы на ўскраіне Якімаўскай Слабады. Маючы ў гэтай вёсцы лецішча, спадар Коваль даведаўся пра іх ад мясцовых жыхароў. Ніхто з вяскоўцаў не мог сказаць, калі былі насыпаныя гэтыя валы. Такі факт указваў на даўняе паходжанне зямляных умацаванняў.
Светлагорская арганізацыя ТБМ паведаміла пра іх у Інстытут гісторыі Нацыянальнай Акадэміі Навук Беларусі. У 2005 г. гэтае месца даследавалі навукоўцы з Інстытуту гісторыі. Аднак выснова аб паходжанні валоў тады зробленая не была, і пытанне засталося адкрытым.
А пакуль настаўнікі ды вучні Светлагоршчыны далучылься да раскопак у вёсцы Каралеўская Слабада-2, дзе працуюць штогод пад кіраўніцтвам доктара гістарычных навук Сяргея Рассадзіна. Яшчэ летась яны здолелі адкапаць былы горад Казімір. Гэты горад існаваў у 1643 – 1655 гг. на беразе Бярэзіны.
Цяпер штогод у Светлагорскім раёне Гомельскай вобласці праводзіцца археалагічная экспедыцыя з удзелам навучэнцаў. Глядзіце фотаэкспазіцыю з сёлетнега археалагічнага летніка, які традыцыйна праходзіць па ініцыятыве настаўнікаў і вучняў – сябраў ТБМ г. Светлагорска.
Больш падрабязна пра археалагічныя раскопкі на Светлагоршчыне чытайце тут.

У клуба «Блізкая гісторыя» з'явіўся сайт.
З 1998 г. праграма “Блізкая гісторыя” пры Грамадскім аб’яднанні “Дыярыуш” праводзіць конкурсы па сучаснай гісторыі для моладзі Беларусі. Праз колькі год у аматараў гісторыі ўзнікла ідэі стварэння клуба “Блізкай гісторыі”, дзякуючы якому ўдзельнікі конкурсаў, і не толькі яны, маглі б атрымліваць неабходную інфармацыю і кваліфікаваную метадычную дапамогу, весці дыялог і наладжваць новыя кантакты, разам вучыцца разумець гісторыю і сучаснасць. А вось зараз у клуба з'явіўся свой сайт.
Завітайце, калі ласка, http://historyja.net
Нагадваем, што працы на чарговы конкурс па гісторыі для школьнікаў Беларусі «ГІСТОРЫЯ ВАЧЫМА ХАТНЯГА ФАТОГРАФА» прымаюцца да да 1 лістапада 2007 г.

Тры цытаты.
Перад пачаткам новага навучальнага года традыцыйна расце ўвага медыяў да настаўніка. Прапануем Вам некалькі цытатаў з інтэрв'ю знаных беларускіх педагогаў, якія яны давалі Радыё Свабода.

Тацяна Севярынец, маці вядомага палітыка, настаўніца рускай мовы вышэйшай катэгорыі з амаль 35-гадовым працоўным стажам. Яе звольнілі з сярэдняй школы №40 г Віцебска, нібыта, за прагулы.
«У нашай краіне не дзейнічаюць законы... менавіта палітычныя прычыны не дазволілі суддзям прыняць правільнае рашэнне наконт майго звальнення.»
Матэрыял цалкам знаходзіцца тут.

Міхась Булавацкі: «Я скончыў зараз дапаможнік па трыганаметрыі для тых дзетак, якія вырашылі вучыцца па-беларуску. У нас ёсць такія дзеткі, якім не даюць магчымасці вучыцца па-беларуску, дый класаў няма ў нейкіх маленькіх раённых гарадах, і яны абіраюць навучанне дома. Дык вось для іх мне хочацца ствараць найлепшыя вучэбна-дыдактычныя матэрыялы. Я гэтым і займаюся». Падручнік «Цалкам зразумелая трыганаметрыя» можна спампаваць з нашага сайта. А інтэрв'ю з Міхасём Булавацкім чытайце тут.

Лявон Баршчэўскі: «У сэнсе кадыфікацыі і стварэння мноства нарматыўных дакумэнтаў беларуская школа перасягнула ўсе патрэбныя межы. За апошнія 10 год створаная такая колькасць дакументаў міністэрствамі, падначаленымі структурамі, што ў іх ужо цяжка разабрацца. Што да зместу і ўзроўню адукацыі, то, на жаль, мушу канстатаваць, што ён падае. Вучні сярэдняй школы слаба арыентуюцца ў элементарных рэчах, на выпускных экзаменах у школах ідзе суцэльнае спісванне і карыстанне шпаргалкамі... Гэта проста вяртанне да савецкага часу, калі ясна было, што не адукацыя вызначае будучыню чалавека, а тое, якія ў яго сувязі, наколькі ён блізкі да ўлады... Адсюль ідзе дэградацыя. Няма адкрытасці, свабоднай прэсы, якая пісала б пра гэтыя недахопы, а калі так, то хвароба заўжды разрастаецца... Ужо некаторыя матэрыялы міністэрства адукацыі ідуць пад грыфам «для службовага карыстання»...
Інтэрв'ю цалкам знаходзіцца тут .

Навіны

Архіў

Новае на сайце

Новае на сайце

Новае на сайце

Новае на сайце

Новае на сайце

Шаноўныя калегі! Nastaunik.info віншуе вас з Калядамі і Новым Годам!Зычым вам здароўя і натхнення, добрых вучняў і плёну ў працы! Будзьма разам!

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Сёння Мікалаю Буслу – 60 год! Віншуем юбіляра!

Новае на сайце

Новае на сайце

Новае на сайце

Новае на сайце

Новае на сайце

З ПРАФЕСІЙНЫМ СВЯТАМ, ШАНОЎНЫЯ КАЛЕГІ!

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

Новае на сайце

ТЭАРЭМА ПІФАГОРА (фрагмент магчымага падручніка для гуманітарыяў)

Увага! Дадатковая інфармацыя і фотарэпартаж з Форума дэмакратычных настаўнікаў і цырымоніі ўзнагарождання лаўрэатаў прэміі імя акадэміка Ластоўскага.

Конкурс на ўдзел у летнiх Школах па правах чалавека для моладзi i выкладчыкаў

Увага! Конкурс для школьнікаў

Нарэшце, Дзень незалежнасці 25 сакавіка прызналі ўсе! Віншуем і вас, дарагія настаўнікі!

Мы цябе віншуем, Іна!

Конкурс «Сучасны ўрок. Інавацыйныя тэхналогіі навучання і выхавання»

Да ўвагі краязнаўцаў і настаўнікаў гісторыі

КАЧКА-ДЗІВАЧКА. Польская паэзія ХІХ – пачатку ХХІ ст. для дзетак па – беларуску

Новае на сайце

Адукацыйны медыяагляд.

Шаноўныя калегі!

Nastaunik.info віншуе вас з Калядамі і Новым Годам!

Зычым вам здароўя і натхнення, добрых вучняў і плёну ў працы!

Будзьма разам!

ТЭАРЭМА ПІФАГОРА
(фрагмент магчымага падручніка для гуманітарыяў)